የእሁድ ቀደዳ-


.
.
✅ .አዳራሹ በጥቁር አሜሪካውያን ጢምምም ብሏል። ጠጠር መጣያ እንኳን የለም። ግዜው እ.ኤ.አ 1962 ነው።  ወቅቱ የጥቁሮች ሰብዓዊ መብት ትግል የተጧጧፈበት ነበር። ሰውየው መሬት በሚያንቀጠቅጥ እና አጥንት በሚሰብር ድምፁ ከባድ ንግግር እያደረገ ነው። በመሃል የተሰበሰበውን ሰው እንዲህ ብሎ ጠየቀ!

✅"....የቆዳ ቀለማችሁን አብዝታችሁ እንድትጠሉት ያስተማራችሁ ማን ነው? በከርዳዳ ፀጉራችሁ እንድታፍሩ  ያስተማራችሁ ማን ነው? የአፍንጫችሁን እና የከንፈራችሁን ቅርፅ እንድትፀየፉት ያስተማረችሁ ማን ነው? ከላይ እስከታች ፈጣሪ የሰጣችሁን ሰውነት እንድትጠሉት ያስተማራችሁ ማን ነው? የራሳችሁን ዘር ማየት እስኪቀፋችሁ ድረስ እርስ በእርስ እንድትጠላሉ ያደረጋችሁ ማን ነው?...."

☑️ጌታዬ! ወደ ዋናው ጉዳይ ላምጣህ!

✅ተራ ጥቁር ሆኖ መሞትን አልመረጠም። ማሸርገድ እና ማጎብደድን አጥብቆ ይጠየፋል። ማሽቃበጥ፣ ማሽቋለጥ፣ መሽለጥለጥ አይችልበትም። ለነጭ የሚያሽቃብጡ ጥቁሮችን "House Negros" ይላቸዋል! እንደነዚህ አይነት ጥቁሮችን ነጭ አምላኪዎች፣ ቡችሎች፣ ተለጣፊዎች፣ አሸርጋጆች እና የነጭ ሰልባጅ ለቃሚዎች እያለ ይሰድባቸዋል።

✅"Malcolm Little" ይባላል። "Little" የሚለውን የአያቱን ስም ግን አይወደውም። ለዚህ ምክንያቱ ደግሞ በባርያ ንግድ ወቅት አሜሪካውያን ጥቁሮቹን ከአፍሪካ ካመጧቸው በኃላ አፍሪካዊ ስማቸውን አስጥለው የነጭ ስም ይሰጧቸው ስለነበረ ነው። ስለዚህ ስሙን "Malcolm X" አደረገው! "Malcolm" ከሁሉም የጥቁር ሰብዓዊ መብት ተሟጋቾች ይለያል። ቁጡ ነው፣ ሃይለኛ ነው፣ ንግግሮቹ አጥንት ይሰብራሉ፣ ጥሬ ሃቋን እንደወረደች ቁጭ ያደርጋታል። ግርማ ሞገስ ከልክ በላይ ተሰጥቶታል፣ የንግግር ጠበብት ነው። የሚያወራው ጠብ አይልም!

☑️አስተዳደጉ ግን ጥሩ አልነበረም። ገና በ 6 ዓመቱ አባቱ በጥቁሮች ሰብዓዊ መብት ዙርያ ከሚሰሩ ድርጅቶች ጋር ግንኙነት አለው በሚል ተልካሻ ምክንያት በነጭ ወግ አጥባቂዎች በአደባባይ ተገደሉ፣ ቤታቸውንም አቃጠሉባቸው። እናቱ የነርቭ ታማሚ ስለነበረች ልጆቿን ማሳደግ አልቻለችም።

✅ እሱን ጨምሮ ሌሎች ወንድም እና እህቶቹ ያደጉት የህፃናት ማደጎ ቤት ውስጥ ነው። ወንድም እና እህቶቹ ሲራቡ ሱፐርማርኬቶች እየሄደ ምግብ ሰርቆ ያበላቸው ነበር። ሊስትሮ ሆኖ ኑሮን ለማሸነፍ ሞከረ። አልቻለም! ቁማር አጫዋች ሆነ። እሱም አልሰራም! ሰሃን ማጠብ ሳይቀር ሞክሯል! በዚህ ሁሉ መከራ ውስጥ ግን ሰቃይ ተማሪ ነበር። በአንድ ወቅት የስምንተኛ ክፍል ተማሪ እያለ ነጭ መምህሩ "....ስታድግ ምን መሆን ትፈልጋለህ?..." ብሎ ጠየቀው! እሱም ታትሮ ተምሮ ህግን በማጥናት ጎበዝ ጠበቃ መሆን እንደሚፈልግ ነገረው።

✅ይህ ነጭ መምህሩ ግን ደም በሚያፈላ ፈገግታ "....ከንቱ ህልም አታልም! እዚህች ሃገር ላይ ባርያ በምንም ተዓምር ጠበቃ መሆን አይችልም!..." ብሎ መለሰለት! ከዛን ቀን በኃላ "Malcolm X" ወደ ትምህርት ቤት ድርሽ አላለም። ህይወት ገፍታ ገፍታ የለየለት ቦዘኔ አደረገችው። መዝረፍ፣ መጠጣት እና አደንዛዥ እፅ መጠቅም እና መሸጥ ጀመረ። በመጨረሻም በ 21 ዓመቱ ሲዘርፍ ተይዞ 10 ዓመት ተፈርዶበት ከርቸሌ ተወረወረ!

✅አባዬ! ብዙ ሰዎች እስር ቤት ሲገቡ ቀልብ ይገዛሉ፣ ያነባሉ፣ ከራሳቸው ጋር ይታረቃሉ! ማንበብ ጀመረ! ነጮች ጥቁር አሜሪካውያን ላይ የሚፈፅሙት የተጠና በደል እና መድሎ ተገለጠለት። የሃገሪቱን ኢኮኖሚ እና ፖለቲካ እንዴት ሙሉ በሙሉ እንደተቆጣጠሩት ተረዳ። ከነዚህ ሁሉ ዓመታት በኃላ ጥቁር አሁንም አሜሪካ ውስጥ ባርያ፣ ሸቀጥ እና አውሬ ተደርጎ እንደሚሳል ገባው! እስር ቤት እየመጣ የሚጠይቀው ወንድሙ ስለ እስልምና የተለያዩ መፅሃፍትን ይሰጠው ጀመር! "Elijah Muhammad" ስለመሰረተው "Nation of Islam" ስለሚባለው ድርጅትም አሳወቀው! ድርጅቱ ጥቁር ሙስሊሞች ተደራጅተው በነጮች የሚደርሱባቸውን ሁለንተናዊ በደል፣ ዘረኝነት እና መድሎ እንዲቃወሙ እና ጥቁር ሙስሊሞች ማህበራዊ ፍትህን እንዲያገኙ የሚሰራ ነበር!

✅"Malcolm X" እስልምናን ተቀበለ! ከሰባት አመታት አስከፊ እስር በኃላ ሲወጣ "Elijah Muhammad"ን አግኝቶት "Nation of Islam"ን ተቀላቀለ! ብዙም ሳይቆይ የድርጅቱ ቃል አቀባይ ሆነ! የንግግር ጥበብን እስከ ጥግ የተካነው "Malcolm" ሲመጣ 500 ብቻ የነበሩት የድርጅቱ አባላት በአስር አመት ውስጥ ብቻ ወደ "75 ሺህ" አደገ! ዓለም አወቀችው! የተለያዩ የሬድዮ እና የቴሌቪዝን ጣብያዎች ላይ እየቀረበ ጥቁሮችን ማንቃት፣ የተለያዩ የትግል መስመሮችን ማሳወቅ እና ነጮች በጥቁሮች ላይ የሚፈፅሙትን ስልታዊ መድሎዎች በአደባባይ ማጋለጡን ተያያዘው! ወግ አጥባቂ ከነበሩ ነጮች ጋር የጦፉ ክርክሮችን እያደረገ በአደባባይ መርታት እና ማሸማቀቅ ሳይቀር ቻለ። ታዋቂዎቹ "Harvard" እና "Oxford" ዩኒቨርሲቲዎች በክብር እየጋበዙት ብዙ ንግግርችንም ያደርግ ነበር።

ቀጣዩ ክፍል ይቀርባል እንደወደዳችሁት ግን 👍👍 አሳዩኝ

🛒🛒@Amazing_fact_433
🛒🛒@Amazing_fact_433

✅ክፍል ሁለት Malcolm X

✅ችግር አንድ!

✅የ"Malcolm X" ድፍረት እስከጥግ ድረስ ስለነበር ነጮቹ እንደ ጦር ይፈሩት እና ያወግዙት ጀመር! "FBI" ጥቁር መዝገብ ውስጥ አስገባው! የሚሄድበትን፣ የሚውልበትን፣ የሚፅፈውን ደብዳቤ እና በድብቅ የሚያወራውን ሳይቀር መከታተል እና መሰለል ጀመሩ!

ችግር ሁለት!

✅የ "Nation of Islam" የፊት ገፅ ሆነ! ታወቀ፣ ሰዎች ያደንቁት ጀመር። አለቃው "Elijah Muhammad" ስጋት ገባው! አለቃውን "Outshine" አደረገ! ቀስ በቀስ መቃቃር መጣ! በወቅቱ የአሜሪካው ፕሬዝዳንት "John F. Kennedy" ሲገደሉ "Malcolm X" አንድ ቃለ መጠይቅ ላይ "ፕሬዝዳንቱ የሚገባቸውን ነው ያገኙት! ጥቁር ጠል ነበሩ!" ማለቱን ተከትሎ ከፍተኛ ውግዘት ደረሰበት! አለቃው "Elijah Muhammad"ም ላልተወሰነ ግዜ ንግግር እንዳያደርግ አገዱት! በመጨረሻም ".....አለቃዬ ""Elijah Muhammad" ከእስልምና አስተምሮት እና ከድርጅታችን ህግ የሚቃረን ተግባር ፈፅሟል፣ ድርጅታችን ውስጥ ያሉ ሴቶችን አማግጦ በድብቅ ልጆች ወልዷል! ከእንደዚህ አይነት ድርጅት ጋር ከዚህ በኃላ መስራት አልፈልግም! ማንነቴን እና ክብሬን ማጠልሸት አልሻም!...." ብሎ በይፋ ድርጅቱን ለቀቀ! ከዚያም ወደ "Mecca" ሃጅ ለማድረግ ሄደ!

✅በነገራችን ላይ "Malcolm X" በ "Integration" ወይንም ጥቁሮች ከነጮች ጋር አብረው መኖር አለባቸው የሚለውን ሃሳብ አይቀበልም። የሚያምነው በ "separation(መለያየት)" ነው!

✅"...እንዴት እንደ አውሬ እና ዘገምተኛ ከሚቆጥሩን ሰዎች ጋር አብረን እንኖራለን! እሱ ብቻ ሳይሆን ኢኮኖሚው በነጮቹ ቁጥጥር ስር ነው! ፖለቲካውም እንደዛው! ሁሉም የነሱ ነው! መፍትሄው ጥቁሮች ከነጮች ተለይተው የራሳቸውን ሃገር መመስረት አለባቸው። በነጮች የበላይነት ተጠፍራ የተያዘችው አሜሪካ ለጥቁሮች መቼም እድልን ልትሰጥ አትችልም! እኛ ጥቁሮች መብታችንን "By any means necessary(በጉልበትም ቢሆን) ማስከበር አለብን! እኔ ግራህን ሲመቱህ ቀኝህን ስጥ በሚሉት አስተምሮት አላምንም!"... ይላል። ተከባብረን፣ ታርቀን፣ በሰላማዊ መንገድ ታግለን ለውጥ እናመጣለን ብለው የሚያስቡትን እንደነ "Martin Luther King Jr." ያሉ የሰብዓዊ መብት ተሟጋቾችን አካሄድ ፈፅሞ አይቀበልም! ቦቅቧቆች ይላቸዋል!

✅ለማንኛውም "Mecca" ለሃጅ በሄደበት ወቅት አንድ ነገር አየ! ጥቁር፣ ነጭ፣ ጠይም፣ አፍሪካዊ፣ ኤስያዊ፣ አረብ ሳይባል ሁሉም ከተለያዩ የዓለም ጥጎች ተሰባስበው አንድ ቦታ ላይ ሃጅ ሲያደርጉ ተመለከተ! እስልምና ሁሉም የሰው ልጆች ካለምንም ልዩነት በወንድማዊ ፍቅር፣ በመከባበር እና በመቻቻል የሚኖሩበት ሃይማኖት መሆኑን ተረዳ! ከዛም በአዲስ መንፈስ እና አስተምህሮት ወደ አሜሪካ ተመልሶ ሁሉን አካታች የሆነ ትግልን መምራት ጀመረ! ነገር ግን ተጣልቶ ከወጣበት የቀድሞ ድርጅቱ የተለያዩ ማስፈራርያዎች እና የግድያ ዛቻዎች ይደርሱበት ጀመር!

አሳዛኝ ፍፃሜ!

✅እ.ኤ.አ በወርሃ የካቲት 1965 ላይ አንድ አዳራሽ ውስጥ እንደተለመደው ንግግር እያደረገ ነው። አራተኛ ልጁን የፀነሰችለት ባለቤቱ እና ሶስት ሴት ልጆቹ ከፊት ረድፍ ላይ ተቀምጠው የአባታቸውን ንግግር በተመስጦ እየሰሙ ነው። እሱም በመሃል ፈገግ እያለ ይመለከታቸዋል!

ከዛስ?

✅ሶስት ጥቁር ወጣቶች ወደ አዳራሹ ገቡ! "Malcolm" ንግግር ወደሚያደርግበት መድረክ በፍጥነት መጡ! በፍጥነት የመጡት ግን ንግግሩን ሊሰሙ አይያም አድናቆታቸውን ሊገልፁለት አልነበረም! በሚዘገንን ሁኔታ ሽጉጦቻቸውን አውጥተው ሰውነቱ ላይ 21 ግዜ ተኮሱበት! አብዛኛዎቹ ጥይቶች ደረቱ ላይ አረፉ! ወደ ሆስፒታል ቢወስዱትም ህይወቱ ግን ማትረፍ አልተቻለም!

እጅግ የሚያናድድ ነገር!

✅ገዳዮቹ ጥቁር ወጣቶች ተጣልቶ ከወጣበት "Nation of Islam" የመጡ ነበሩ! እንደሚታወቀው "Malcolm" የአሜሪካ መንግስት በህይወት እንዲቆይ አይፈልግም! ብዙ መረጃ አቀባዮች ለ"FBI" "Malcolm" በዚህ መልኩ እንደሚገደል ጥቆማዎችን አቀብለው ነበር! "FBI" ግን ቁጭ ብሎ 21 ጥይት እስኪዘንብበት ድረስ ጠበቀ!

".✅..ስለኔ ሞት ብዙ ሰዎች እንደሚጨነቁት እኔ አልጨነቅም! እረጅም እድሜ እንደማይኖረኝ አውቃለሁ! በርግጥ አርጅቶ መሞትን አልመኝም! ሁሌም አዕምሮዬ የሚነግረኝ አንድ ነገር አለ! የምሞተው ተገድዬ እንደሆነ!...." ይል ነበር!

☑️"Malcolm X" የክፍለ ዘመኑ ከፍተኛ ተፅህኖ ፈጣሪ የጥቁሮች ሰብዓዊ መብት ተሟጋች ነበር! ብዙዎችን አስተምሯል፣ ብዙዎችን አንቅቷል፣ የትግል ችቦንም ለኩሶ አልፏል! እንኳንም ተራ ሆኖ መሞትን አልመረጠ!

☑️ለማንኛውም ስለ "Malcolm X" በይበልጥ ማንበብ ከፈለጋችሁ "The autobiography of Malcolm X" የሚል ፀዴ መፅሃፍ አለ! እረፍትህን እሱን በማንበብ አሳልፍ ጌታዬ!

! ፈካ ብላችሁ አምሹ! ተራ ሆናችሁ አትሙቱ!😀🙏