ሩሲያ ቡርኪናፋሶን የኒኩሊየር ባለቤት ልታደርግ ነዉ !

| ሩሲያ ቡርኪናፋሶውን የኒውክሌር ሀይል ተጠቃሚ ለማድረግ
የሚያስችል ፕሮጀክት ለመስራት መስማማቷ ተነገረ ።

እንደ ዘገባዉ ከሆነ ቡርኪናፋሶ የኒውክሌር ሃይል ለማግኘት በምታደርገው ጥረት ለማሳካት የኒውክሌር ሀይል ማመንጫ ባለቤት መሆን የሚያስችላትን ታሪካዊ ስምምነት የመጨረሻውን አስተዳደራዊ ሰነድ ከሩሲያ ጋር በይፋ ተፈራርማለች።

የምዕራባውያን አጋሮች እየራቀች ከሩሲያ ጋር የነበራት ግንኙነት እያሳደገች የምትገኘው ቡርኪናፋሶ ለሰላማዊ ዓላማ የኃይል አቅምን እና ደህንነትን ለማሳደግ ከሩሲያ ጋር የኒውክሌር ግንባታ ስምምነትን አጠናቀቀች። ተብሏል።

የቡርኪናፋሶ የኢነርጂ ሚኒስትር ያኮባ ዛብሬ ከሩሲያ የመገናኛ ብዙሃን ምንጭ ስፑትኒክ ጋር ባደረጉት ቃለ ምልልስ እንደገለፁት ከሆነ ከዓለም አነስተኛ የኤሌክትሪክ ኃይል ካላቸው አገሮች አንዷ የሆነችው ቡርኪና ፋሶ፣ የኒውክሌር ኃይልን በመጠቀም የኃይል አቅም ለመጨመር እና የኢነርጂ ደህንነትን ለማሻሻል እየጨመረ ያለውን የሀገሪቱን የኤሌክትሪክ ሀይል ፍላጎት ለማሟላት በማሰብ ከሩሲያው መንግሥታዊው የአቶሚክ ኢነርጂ ጋር ኒኩለርን ሰላማዊ አላማ ለማዋል ግንባታ ለመጀመር የመጨረሻዉን ስምምነት ተፈራርመናል ። ይህም የኑክሌር መሠረተ ልማት ግንባታ ላይ በሁለቱ አገሮች መካከል ሰፊ ትብብር እንዲኖር መንገድ ይከፍታል። ብለዋል ።

"ፊርማው ለቡርኪና ፋሶ አዲስ ተስፋን የሚከፍት ሲሆን መከተል የነበረባቸውን በርካታ እርምጃዎች መጨረሻ ያሳያል” ሲል ጎባ ተናግሯል።

ስምምነቱ ከሩሲያው ሮሳቶም ጋር በመተባበር የሚተገበር ሲሆን የኒውክሌር መሠረተ ልማት ግንባታን ማሰልጠንና ዩራኒየም ማበልፀግን እንደሚያካትት ከ ዘጋርዲያን ያገኘነው መረጃ ያሳያል ።

ከአሁን በፊት በተመሳሳይ ከማሊ ጋር መሰል ስምምነት ያደረገች ሲሆን ቡርኪናፋሶ እና ማሊ ከሩሲያ ጋር ያደረጉት የኑክሌር ስምምነት በሩሲያ እና በምዕራብ አፍሪካ ሀገር መካከል ባለው ትልቅ የኑክሌር ትብብር ማዕቀፍ ውስጥ የመጨረሻው አስተዳደራዊ ደረጃ ማሳያም ተደርጎ ተወስዷል ።

ጎባ ከስፑትኒክ ጋር ባደረገው ቃለ ምልልስ "ቀደም ሲል እንዳልኩት ይህ በጣም ጠቃሚ እርምጃ ነው፣ ምክንያቱም እነዚህ ሁለቱ ሀገራት ተባብረው በትብብር ለመስራት እና በትብብር ለመስራት ያላቸውን ፍላጎት በማሳየታቸው የኤሌክትሮኑክሌር መርሃ ግብር በቡርኪናፋሶ እውን ይሆናል" ብሏል።

በቡርኪናፋሶ ሊገነባ የሚችለው የኒውክሌር ኃይል ማመንጫ ሀገሪቱ የኢነርጂ መሠረተ ልማቷን ለማጎልበት እና የኢኮኖሚ ዕድገቷን ለማሳደግ በምታደርገው ጥረት ውስጥ እንደ ወሳኝ ልማትና የክሬምሊን የኑክሌር ዲፕሎማሲ አካል ነው የተባለ ሲሆን ሩሲያ በበኩሏ "የኑክሌር ፕሮጄክቱ ሀገራት ለማህበራዊ እና ኢኮኖሚያዊ ልማት የኢነርጂ ደህንነትን እንዴት ማረጋገጥ እንደሚቻል በሚመለከቱበት ወሳኝ ወቅት ላይ ነው" ማለቷን ስፑትኒክ ዘግቧል ።

#yeneta_tube

ከሚከተሉት ምስሎች አንዱ ትክክለኛ ፎቶ ሲሆን ሶስቱ በAI የተሰሩ ምስሎች ናቸው። ትክክለኛውን ፎቶ ቁጥር ኮሜንት ላይ አስቀምጡ ዳይ!😀

‹‹የድመት ሰው እሸቴ››
(The Cat Man Eshete) የተሰኘ አዲስ ዘጋቢ ፊልም

የዓለም የስደተኞች ቀን ምክንያት በማድረግ በኒውዮርክ ከተማ ለተፈናቀሉ ድመቶች የሚሆን ጊዜያዊ መጠለያ ያቀረበውን ኢትዮጵያዊ ስደተኛ እሸቴ እና ይህን ስራ እንዲሰራ ያደረገውን ሙሉ ታሪክ የሚያሳይ ዶክመንተሪ ፊልም ለዕይታ በቅቷል።

ይህም በአካዳሚ ሽልማት በእጩነት በተመረጠችው የፊልም ባለሙያዋ ላውራ ቼክዌይ የተሰራ ‹‹የድመት ሰው እሸቴ›› (The Cat Man Eshete) የተሰኘ አዲስ ዘጋቢ ፊልም ነው፡፡

"አንዳንድ ሰዎች ግድ የላቸውም። ቤት የለሽ ህይወትን ለማሸነፍ የምጥር ጎበዝ አድርገው ነው እኔን የሚያዩኝ" ሲል እሸቴ በዚህ ዶክመንተሪ ላይ ተናግሯል።

ኢትዮጵያዊው ስደተኛ እሸቴ በ1974 የጀመረውን የእርስ በርስ ጦርነት ሸሽቶ ከጎንደር ወደ ሱዳን የሄደ በመጨረሻም ወደ አሜሪካ አቀና ሰው ነው።

ይህ ዘጋቢ ፊልም ግን ስለ እሸቴ መሰደድ ብቻ ሳይሆን ምንም እንኳን እሼቴ በመኖሪያ ቤት እጦት ሲሰቃይ ቢቆይም፤ እሱ ተፈናቃይ ሆኖ ሳለ ለተፈናቀሉ ድመቶች ጊዜያዊ መጠለያን በመስራት ማሳደጉ የኢትዮጵያዊነትንና የሰው መሆንን ትርጉም በጉልህ ያሳያል፡፡

ከ10 ዓመታት በላይ ሲንከባከባቸው የቆዩት የእሸቴ ድመቶች፣ በህዝብ ስምና እሱ በሚያደንቃቸው ወይም በሚወዳቸው ቦታዎች እና ሀገራት ነው የተሰየሙት።

ከዚህም ውስጥ በአልበርት አንስታይል ስም የተሰየመ ድመት አለው፡፡ እሸቴ የመኖሪያ ቤት ድጎማ ቢኖረውም የድመቶቹን ደህንነት ለማረጋገጥ ሲል አብሯቸው ብዙ ቀናትን በጎዳና ላይ ያሳልፋል።

የፊልም ባለሙያዋ ላውራ ቼክዌይ፤ በዶክመንተሪው እሸቴ ዓለም ውስጥ የገቡት በራሱ ዓይን እና በራሱ አንደበት የመረጠውን ታሪክ በማካፈሉ እንደሆነ አንስታለች።

ፊልሙን ሰርቶ ማጠናቀቅ ቀላል እንዳልነበር የምትናገረው ላውራ ቼክዌይ፤ ቀረጻ በሚደርግበት ወቅት እሸቴ ሞባይል ስላልነበረው በስፍራው መኖሩን በእግር እየሄደች ስታረጋግጥ እንደነበር ተናግራለች፡፡

ለእሸቴ ደግሞ ታሪኩን በዓለም ላይ ማውጣቱ በጣም የተደሰተበት ጉዳይ ነው።

"ይህ አንዳንድ የህይወቴንና የስደት ጉዞዬን ያሳያል። በዚህም ለምወዳቸው ድመቶቼ እና ለምወዳት ውብ እናት ሀገሬ ኢትዮጵያ ያለኝን ፍቅር ለመግለጽ እድል አግኝቻለሁ" ሲል ለኦኬይ አፍሪካ ተናግሯል።

ሁሉም ከፍቅር የመነጨ እንደሆነና የልጅነት ጊዜውም በፍቅር እና ደስታ የተሞላ መሆኑን ይገልፃል።

በልጅነቱ ጎረቤቶቹ ሁሉንም ነገር ተሳስቦና እስከ ቁራሽ እንጀራ ድረስ ተካፍለው ሲበሉ እንደነበር ያስታውሳል።

ድመቶቹን አሰባስቦ የመንከባከብ ስሜቱም የመጣው ከዚህ ነው፡፡
“መንከባከብ ተፈጥሮዬ ነው፤ ይህንን ደግሞ እናቴም ታውቃለች፣ እኔ ስለ ሌሎች መስዋዕትነት እከፍላለሁ ቤተሰቦቼ ተፈጥሮዬን በትክክል ያውቃሉ። ይህ መቼም አይለወጥም“ ሲል ገልጹዋል፡፡

እሸቴ በሱዳን የስደተኞች ካምፕ ውስጥ ለአምስት ዓመታት ኖሯል፤ በዚህ ጊዜ በተስፋ ማጣት እና በቤተሰብ ናፍቆት ብዙ ጨለማ ቀናትን አሳልፏል።

እሸቴ የስደት ጉዞውን ለመግለጽ የተጠቀመው ቃል “የምድር ላይ ሲኦል” የሚለውን ነው። እያንዳንዱ ሰከንድ አደገኛና በማንኛውም ጊዜ ምን ሊፈጠር እንደሚችል እንደማይታወቅ ገልጿል።