ላለፉት ሁለት ቀናት ሲሰጥ የቆየው የ2017 የትምህርት ዘመን የ8ኛ ክፍል መልቀቂያ ፈተና መጠናቀቁ ተገለፀ።


ፈተናው በከተማ አስተዳደሩ በሚገኙ 194 የመፈተኛ ጣቢያዎች ለተከታታይ ሁለት ቀናት ሲሰጥ ቆይቶ በሰላም መጠናቀቁን የአዲስ አበባ ከተማ አስተዳደር ትምህርት ቢሮ ሀላፊ ዶ/ር ዘላለሞ ሙላቱ ገልፀዋል።


ሀላፊው በከተማ አስተዳደሩ የ2017 ዓ.ም የ8ኛ ክፍል መልቀቂያ ፈተናን ለመውሰድ ከተመዘገቡ ተማሪዎች መካከል ከአቅም በላይ በሆነ ችግር ምክንያት ፈተናውን መውሰድ ካልቻሉ ጥቂት ተማሪዎች በስተቀር አብዛኞቹ ተማሪዎች መፈተናቸውን አስታውቀዋል። በተጨማሪም ፈተናው በአጭር ጊዜ ውስጥ ታርም #ይፋ ይደረጋል ብለዋል።


ለጥቆማ 👉 @atc_newsbot
➡️ https://www.tg-me.com/atc_news

የብቃት ማረጋገጫ ፈተና ሳይፈተኑ ዲግሪ በያዙ ተማሪዎች ጉዳይ ላይ የመንግሥት ውሳኔ እንዲሰጥ እየተጠበቀ ነው ተባለ

ከ2010 ዓ.ም ጀምሮ የብቃት ማረጋገጫ ፈተና ሳይፈተኑ ዲግሪ በያዙ ተማሪዎች ጉዳይ ላይ የመንግሥት ውሳኔ እንዲሰጥ እየተጠበቀ መሆኑን የኢፌድሪ ትምህርትና ስልጠና ባለስልጣን ገልጿል።

ባለስልጣኑ ማንኛውም አካል ሕጋዊ እውቅና ካለው የከፍተኛ የትምህርት ተቋም ትምህርቱን ሲያጠናቅቅ የትምህርት ማስረጃውን የማረጋገጥ ሥራ እንደሚሰራ ይታወቃል።

በዚህም መሠረት ባለስልጣን መ/ቤቱ የዲፕሎማ ትምህርታቸውን እና የብቃት ማረጋገጫ ምዘናቸውን ሳያጠናቅቁ ዲግሪ የያዙ ተማሪዎችን ማረጋገጫ ለመስጠት የመንግሥት ውሳኔን የሚፈልግ መሆኑን አስታውቋል።

የባለስልጣኑ የተቋማት ቁጥጥር ምክትል ዋና ዳይሬክተር ቢኒያም ኤሮ ለአሐዱ እንደገለጹት፤ ከ2010 ዓ.ም ጀምሮ ዲግሪ ያለው አካል ማረጋገጫ እንዲያገኝ የብቃት ማረጋገጫ ያለፈበትን ማስረጃ ይዞ መቅረብ አለበት።

ማንኛውም ሰው የዲግሪ መርሃ ግብሩን ከመቀጠሉ በፊት ምዘናውን ማጠናቀቅ ቢኖርበትም፤ አሁን ወደ ተቋሙ የሚመጡ ማረጋገጫ ፈላጊዎች ዘግይተው ምዘናውን የወሰዱ እና የብቃት ማረጋገጫ ምዘና ያልወሰዱ መሆናቸውን ገልጸዋል።

ስለሆነም ይህን ጉዳይ ለመፍታት መንግሥት ውሳኔ እንዲሰጥበት የመፍትሔ ሀሳቦችን እያቀረቡ መሆኑን አንስተዋል።

እንደ ሀገር ባለው መመሪያ መሠረት፤ እስከ 2010 ዓ.ም ድረስ ባለው ጊዜ ዲግሪያቸውን ያገኙ ተማሪዎች ክፍት መደረጉና ማረጋገጫ የሚሰጥ መሆኑንም ጨምረው ገልጸዋል።

ለዚህም በተለያዩ ክልሎች በተለያየ መልኩ የትምህርት ማስረጃዎችና የሲኦሲ ምዘናዎች በመኖራቸው መሆኑን ጠቁመዋል።

ይህም አሁን ላይ በስፋት እየገጠመ ያለ ችግር መሆኑንም አንስተው፤ "ዲፕሎማውን ተምሮ ዲግሪ ለመቀጠል የሚፈልግ ሰው በቅድሚያ የሲኦሲ ምዘናውን ማጠናቀቅ አለበት" ሲሉ አሳስበዋል።

[ዘገባው የአሐዱ ራዲዮ ጣቢያ ነው]

ለጥቆማ 👉 @atc_newsbot
➡️ https://www.tg-me.com/atc_news

የ6ኛ ክፍል ክልል አቀፍ ፈተና በአማራ ክልል እየተሰጠ ነው

በአማራ ክልል የ6ኛ ክፍል ክልል አቀፍ ፈተና በክልሉ አስፈታኝ ትምህርት ቤቶች እየተሰጠ ነው፡፡ የአማራ ክልል ትምህርት ቢሮና የባህርዳር ከተማ አስተዳደር የትምህርት አመራሮችና ባለሙያወች በባህርዳር ከተማ በተለያዩ ትምህርት ቤቶች ተገኝተው ባደረጉት ምልከታ ፈተናው በሰላም እየተከናወን መሆኑን ተናግረዋል፡፡
ፈተናው በሁሉም ዞኖች እየተሰጠ ሲሆን ፈተናው በውጤታማነት እንዲጠናቀቅ በፈተና ሂደቱ የሚሳተፉ አካላት ሁሉ የተለመደውን ትብብር እንዲያደርጉ ቢሮው ጥሪውን ያቀርባል፡፡


ለጥቆማ 👉 @atc_newsbot
➡️ https://www.tg-me.com/atc_news

ለመውጫ ፈተና ተፈታኞች በሙሉ።

የኢፌዲሪ ቴክኒክና ሙያ ስልጠና ኢንስቲትዩት ሠልጣኞች የመውጫ ፈተና የሚሰጠው ከሰኔ 12-13/2017 መሆኑን ኢንስቲትዩቱ ገልጿል።

፨የመፈተኛ ቦታ እና የፈተና ፕሮግራም በቅርቡ ይገለፃል።


ለጥቆማ 👉 @atc_newsbot
➡️ https://www.tg-me.com/atc_news