💠 سَكينة

▪️هل شعرتِ يومًا أن قلبكِ مزدحم، حتى وأنتِ تحاولين أن تكوني بخير؟
▪️هل مرّت عليكِ لحظات طاعة… لكن ما شعرتِ براحة؟
▪️هل تتمنّين قلبًا ثابتًا، نقيًّا، مرتاحًا… مهما تغيّرت الحياة من حولك؟

"سَكينة" ليست مجرد سلسلة…
إنها رحلة إلى داخل قلبك، بلغة تشبهكِ،
نمزج فيها بين نور الوحي وعمق علم النفس،
لنفهم:

لماذا تتعب قلوبنا؟

كيف نُنقّي النية؟

وما معنى السلام الحقيقي من الداخل؟

تقديم: أ. مي محمود
برؤية تجمع بين الوعي و الإيمان.
بإشراف جروب: كوني أنثى

▫️سؤالنا لكِ قبل البداية:
ما أكثر شعور تتمنين أن يغادر قلبك... لتدخله السكينة؟
شاركينا في التعليقات، فربما نبدأ من هنا...

•••♕••♕••♕••♕••♕•••꧂

*ادعي صديقاتك للاستفادة معنا..🌹*



▪️تليجرام
https://www.tg-me.com/connieansa

▪️فيس بوك
https://www.facebook.com/profile.php?id=100076161404235&mibextid=ZbWKwL

▪️انستجرام
https://instagram.com/connieansa_mai.mahmoud?igshid=OGQ5ZDc2ODk2ZA==

🌸هل تشعرين بنداء السماء؟

عشرُ ذي الحجة على الأبواب… عشرة أيام عظيمة، أقسم الله بها، وجعل العمل فيها أحبّ إليه من أي وقت آخر!
يا حبيبتي،
هذه فرصتك…
فرصة لمغفرة، لرفعة، لتجديد الروح…
فرصة لأن تكتبي اسمك في قوائم المحسنات، الذاكرات، القائمات، والمتصدقات.

🔹مشغولة؟ متعبة؟
ابدئي بالقليل… تسبيحة، نية صادقة، صدقة خفية، دعوة في جوف الليل.
كل عمل صغير في هذه الأيام… كبير عند الله.
🌸تذكّري:
"ما من أيامٍ العمل الصالح فيها أحب إلى الله من هذه الأيام."
فلنُري الله من أنفسنا خيرًا.


🔹واخيرا إليك 5 أعمال مبسطة لتحضير القلب لعشر ذي الحجة، يوم بيوم... 👇👇

1⃣: تنظيف القلب
“لا يدخل الإيمان قلبًا فيه غلّ”

اجلسي مع نفسك وراجعي من تحمّلين في قلبك شيئًا تجاهه.

سامحي… ادعي لمن آذاك… اطلبي الصفاء.

اكتبي دعاء: "اللهم طهّر قلبي من الحقد والحسد وسوء الظن."

2⃣: التوبة والتجديد
“وتوبوا إلى الله جميعًا أيها المؤمنون لعلكم تفلحون”

اكتبي ذنوباً بينك وبين الله، واستشعري حاجتك للمغفرة.

توبي من القلب، واختاري ذنباً واحداً ستجاهدين لتركه.


3⃣: ترتيب النية
“وما أمروا إلا ليعبدوا الله مخلصين له الدين”
اجلسي 10 دقائق وحدك واكتبي:
لماذا تريدين استغلال العشر؟
ماذا تتمنين من الله فيها؟
ما هي النية التي سترافق كل طاعة؟


4⃣: تفريغ القلب من الانشغال

حددي الأمور التي تأخذ وقتك وتشتتك (جوال؟ علاقات؟ مهام ثانوية؟)

رتبي أولوياتك، ابدئي بالتقليل منها حتى تفتحين وقتًا للطاعة.

اكتبي: “قلبي لله، ووقتي له، وسعادتي في القرب منه.”


5⃣: الدعاء للاستعداد

دربي نفسك على الإلحاح في الدعاء ادعوا الله أن يبلّغك العشر ويعينك على الطاعة.

رددي كثيرًا:
"اللهم بلغني العشر وبارك لي فيها واغسل قلبي من كل ما يحجبني عنك."

وتذكروني بدعوة ☺️

بحبكم في الله
✍مي محمود
•••♕••♕••♕••♕••♕•••꧂

*ادعي صديقاتك للاستفادة معنا..🌹*



▪️تليجرام
https://www.tg-me.com/connieansa

▪️فيس بوك
https://www.facebook.com/profile.php?id=100076161404235&mibextid=ZbWKwL

▪️انستجرام
https://instagram.com/connieansa_mai.mahmoud?igshid=OGQ5ZDc2ODk2ZA==

"ليه سكينة؟"

في وقت كله سرعة وضغط ومسؤوليات، كتير مننا بنسأل نفسنا:
"ليه حاسّة إن قلبي مش مستقر؟
ليه برغم إن ظروفي كويسة، أنا مش حاسّة براحة؟"

اللي بتدوري عليه مش مجرد راحة…
اللي بتدوري عليه هو سكينة.

يعني إيه سكينة؟
السكينة مش معناها إن كل حاجة في حياتك تمام،
ولا إن مافيش مشاكل.
السكينة هي حالة من الهدوء الداخلي، بيمنّ ربنا بيها على القلوب اللي بتثق فيه.
زي ما قال في القرآن:
"هُوَ الَّذِي أَنزَلَ السَّكِينَةَ فِي قُلُوبِ الْمُؤْمِنِينَ"

في علم النفس، بنسمي ده "الأمان الداخلي"،
إحساس إنكِ ثابتة… حتى لو الدنيا حواليكي بتتقلب.
إحساس إنكِ مش محتاجة تثبتي حاجة لحد…
وإنكِ كفاية… ومقبولة… ومرتاحه مع نفسك.

بس السؤال المهم…
أنا بدوّر على السكينة فين؟

في الشغل؟

في علاقة؟

في أولادي؟

في النجاح؟
ولا يمكن محتاجه أرجع لنفسي… وأصلّح اللي جوّا؟

في الحلقة الأولى من "سكينة"،
هنتكلم عن الفرق بين الراحة المؤقتة والسلام الحقيقي،
وهنتعرف على معنى السكينة في القرآن،
وإزاي العلم بيشوفها كحالة نفسية ضرورية للاستقرار.

**خدي دقيقة دلوقتي واسألي نفسك:

إيه أكتر حاجة بتسلبك سكينتك؟

وإيه أكتر وقت حسيتي فيه إن قلبك كان هادي ومطمّن؟**

اكتبي إجابتك وشاركيها معانا في الكومنتات أو في ورقتك الخاصة،
وافتحي قلبك للرحلة اللي جاية.

استني الحلقة الجاية،
هنحكي عن "القلب"...
هو ليه بيتقلب؟
وإزاي نثبّته ونحميه؟

خلّيكي معانا… رحلة "سكينة" لسه في أولها،
ويارب تكون بداية جديدة لقلبك.

#سكينة
#ا. مي_محمود


*ادعي صديقاتك للاستفادة معنا..🌹*



▪️تليجرام
https://www.tg-me.com/connieansa

▪️فيس بوك
https://www.facebook.com/profile.php?id=100076161404235&mibextid=ZbWKwL

▪️انستجرام
https://instagram.com/connieansa_mai.mahmoud?igshid=OGQ5ZDc2ODk2ZA==

٢- "قلبك بيتقلب ليه؟"

أهلاً بيكي من تاني في رحلتنا مع "سكينة"

النهارده هندخل جوّا أهم عضو بيتأثر وبيأثر في حياتنا كلها…

«القلب 🤍».

بس خليني أسألك الأول:

▪️حسّيتي قبل كده إن مشاعرك متلخبطة من غير سبب؟
▪️يوم حاسّة بالسعادة والرضا، وتاني يوم متضايقة من كل حاجة؟
▪️بتقولي: "أنا مش فاهمة نفسي!"

أحب أقولك… ده طبيعي جداً.
لأن ربنا خلق القلب متقلّب… مش ثابت.

النبي ﷺ قال:
"إن القلوب بين إصبعين من أصابع الرحمن، يقلّبها كيف يشاء"

وكان دايماً يدعي:
"يا مقلّب القلوب، ثبّت قلبي على دينك."

طيب، يعني إحنا كده ما لناش يد؟🤔

لأ، لينا دور كبير…
إحنا ممكن نعمل حاجات تثبّت قلوبنا
وتخلي تقلباته في الاتجاه الصح، مش الضياع.

يعني إيه قلب في القرآن؟
في القرآن، القلب مش بس عضو بيدق…
القلب هو مركز الفهم، والإدراك، والإيمان.
ربنا قال:
"لَهُمْ قُلُوبٌ لَا يَفْقَهُونَ بِهَا"

يعني في ناس عندها قلوب، بس مش بتفهم، مش بتتدبّر،
وده نوع من الغفلة!!!.

أنواع القلوب في القرآن:
💠القلب السليم – اللي ربنا بيقبله يوم القيامة.
💠القلب المريض – اللي فيه نِفاق أو شهوات أو تعلقات سامة.
💠القلب القاسي – اللي بعد عن الله، ومابقاش يتأثر.
💠القلب المطمئن – اللي فيه سكينة… وده هدفنا.

من علم النفس بقى… ليه القلب بيتقلب؟
في علم النفس، مشاعرنا بتتأثر بعوامل كتير:
تجارب الطفولة
الصدمات
الضغوط اليومية
هرمونات الجسم
حتى جودة نومنا!
لكن فيه تلات مفاتيح أساسية بتخلي القلب يتقلب:
الحديث الداخلي السلبي
لما طول الوقت تكرّري جواكي: "أنا فاشلة، أنا مش كفاية، أنا لوحدي"
بتدّي أوامر لقلبك يعيش في حالة خوف وقلق.
التعلق المَرَضي
لما تعلقي قلبك بشخص أو بشغل أو بحلم، وتنسي ربنا،
القلب بيتقلّب لأن مصدر أمانه هش.
النسيان
نسيان الذكر، نسيان الهدف، نسيان النِعم…
نسيان الله بيخلّي القلب يتوحش ويتشتّت.
طيب نعمل إيه؟ إزاي أثبّت قلبي؟
1⃣الدعاء
مافيش دواء للقلب أقوى من:
"يا مقلب القلوب، ثبت قلبي على دينك."
قوليها كل يوم، بإحساس حقيقي.

2⃣المراقبة الداخلية
كل شوية وقّفي واسألي:
"قلبي دلوقتي مرتاح؟ ولا مشوش؟
بيحب إيه؟ وخايف من إيه؟"

3⃣تنظيم المشاعر مش كبتها
فيه فرق بين إنك "تتحكّمي" في مشاعرك
وإنك "تكبتيها".
اسمحي لنفسك تحسي،
بس ما تسيبيش المشاعر تسيطر عليكي.

4⃣الصُحبة والقُرب من الله
القلوب بتثبت لما تكون حواليها قلوب صاحية،
بتذكّرها وتشدّها لفوق.
تمرين عملي:

خدي وقتك واعملي الجدول ده في ورقة:

الموقف
حسّيتي بإيه؟
قلبك راح لفين؟
كان ممكن تتصرفي إزاي؟

مثال:
الموقف: حد انتقدك قدام الناس
حسيتي بإيه: إحراج - غضب
قلبك راح فين: قلبي اتقفل وانسحبت
كان ممكن تتصرفي ازاي: أردّ بهدوء أو أتكلم بعدين

كل أسبوع اكتبي موقف أو اتنين،
هتشوفي إزاي قلبك بيتعلم يثبت ويتوازن مع الوقت.

سؤال ليكي قبل ما نختم:

لو قلنا إن قلبك طفل صغير…
هل بتسمعي له؟ ولا بتسكتّيه؟
هل بتفهميه؟ ولا بتلومي عليه؟
اكتبي ردك، وشاركيه معانا لو حابة،
خلينا نتشارك مع بعض.

استني الحلقة الجاية…
هنتكلم عن "السكينة وقت الأزمات"…
لما الحياة تتقلب،
هل ينفع القلب يفضل ثابت؟
هنتعلّم إزاي… سكينة في وسط العاصفة.

#سكينة
#أ.مي_محمود

*ادعي صديقاتك للاستفادة معنا..🌹*



▪️تليجرام
https://www.tg-me.com/connieansa

▪️فيس بوك
https://www.facebook.com/profile.php?id=100076161404235&mibextid=ZbWKwL

▪️انستجرام
https://instagram.com/connieansa_mai.mahmoud?igshid=OGQ5ZDc2ODk2ZA==

سبق المفردون، سبق المفردون
❤️ هنيئًا لمن عمر قلبه ولسانه بذكر الله… فسبق، ولو مشى وحده.

ما هذا السرّ العجيب في الذكر؟
كلماتٌ يسيرة… تفتح لك أبواب القرب، وتغسل عنك غبار الغفلة.
اللهم اجعلنا لك ذَكَّارين، شَكَّارين، أَوَّاهين منيبين إليك.

#الحج #الذكر

▶️ مشاهدة المقطع
🔁 قناة صوتيات د. أحمد عبد المنعم


✦ جرّب أن تذكر الله 1000 مرة...
قسمها على أوقات اليوم — لن تأخذ ربع ساعة، لكنها تصنع فرقًا أبديًا.

3: "سكينة وقت العاصفة"

أهلاً بك من جديد…
النهاردة هنتكلم عن واحد من أصعب الاختبارات اللي ممكن يمر بيها أي إنسان:
لما الدنيا كلها تتشقلب… نجيب السكينة منين؟

لما تحصلك أزمة:
ـ مشكلة كبيرة في الشغل،
ـ خبر مزعج،
ـ خيانة،
ـ فقد أو ألم،
ـ أو حتى توتر شديد في البيت…
القلب بيتقلب، والعقل بيحتار، والنفس بتتهز.

لكن شوفي…
في وسط دا كله،
فيه نوع من القلوب بيفضل ثابت،
مش عشان الأزمة سهلة،
لكن عشان جواه سكينة.


✓فاكرة لما النبي ﷺ كان في غار ثور هو وسيدنا أبو بكر؟
وكانوا الكفار حوالين الغار، وقربوا يشوفوهم؟
في اللحظة دي،
سيدنا أبو بكر اتوتر وخاف جداً،
والنبي ﷺ قال له بكل ثبات وهدوء:
"لا تَحْزَنْ إِنَّ اللَّهَ مَعَنَا"

وربنا وصف الموقف ده وقال:
"فأنزل الله سكينته عليه"

🔹يعني السكينة مش بتيجي لما الأزمة تتحل،
لكن بتيجي لما القلب يطمئن إن ربنا معاه.✓


في علم النفس بنسمي ده:
استجابة "المواجهة أو الهروب" (Fight or Flight)
اللي بيحصل جوه الجسم هو الآتي:

الأدرينالين بيعلى

القلب يضرب بسرعة

التفكير يتشتت

والمشاعر تتفجر (خوف، غضب، إنكار)

دي ردود فعل طبيعية، لكن لو ما تمش تنظيمها،
بتتحول لتوتر مزمن، وقلق، واكتئاب.

🤔يعني نعمل إيه؟ إزاي نلاقي السكينة وسط الأزمة❓

1⃣ اسمّي الحدث باسمه الحقيقي
قولي: "أنا دلوقتي خايفة – حزينة – تايهة"
المشاعر لما بنسميها، بنعرف نواجهها.

2⃣. قولي لنفسك: "ده طبيعي"
ما تلميش نفسك على مشاعرك،
ده بيزوّد التوتر ويأخر التعافي.

3⃣. ارجعي للجذر الروحي
اسألي نفسك:
هل أنا واثقة إن ربنا شايفني؟
هل الأزمة دي بتهزّ إيماني؟
هل أنا بستند على مصدر أمان هش (شخص، وظيفة، توقعات)؟
هنا بيظهر معنى كلمة:
"حسبي الله ونعم الوكيل"
مش جملة بنقولها بس… دي إعلان ثقة.

4⃣ مارسي "الوعي اللحظي" (Mindfulness)
ابقي مع الحدث، لحظة بلحظة.
ركزي في التنفس، في جسمك، في مشاعرك، من غير ما تهربي منها.

سكينة في 3 خطوات عملية

1⃣بالقرآن:
افتحي المصحف، واقري سورة تهديكي، زي "الانشراح" أو "الضحى"،
وكرري:
"ألا بذكر الله تطمئن القلوب"

2⃣باليقين:
اكتبي على ورقة:
"أكتر حاجة مخوفاني دلوقتي"
وبعديها:
"طيب، لو حصلت… هل ربنا هيتخلى عني؟"
الإجابة دايماً: لأ.

3⃣بالعقل العملي:
اعملي خطة بسيطة:
– إيه اللي أقدر أتحكم فيه دلوقتي؟
– إيه اللي محتاجة أقبله لحد ما يعدّي؟
– إيه الدعم اللي محتاجاه من الناس أو من نفسي؟


◀️واحدة من البنات اللي حضرتلي جلسة مرة، كانت بتعدّي بطلاق مؤلم،
وقالتلي: "كنت حاسّة إني بنهار…
بس في يوم قعدت على الأرض، وقريت سورة يوسف،
وقلت: لو هو اتسجن واتظلم، وأنا متأكدة إن ربنا كان معاه،
يبقى أنا كمان ربنا معايا، حتى وأنا مكسورة."
من اللحظة دي، بدأت تسترجع قوتها.


الأزمات مش نهاية…
الأزمات أحياناً بتكون باب للسّكينة…
لما القلب يتخلّى عن كل وهم،
ويمسك بإيده في الحقيقة الوحيدة:
أن الله لا يضيع من لجأ إليه.

استني الحلقة الجاية…
هنتكلم عن "التعلّق السليم والتعلّق المؤذي"
هل ينفع أحب بدون ما أتعلّق؟
هل في حبّ بيروّح السكينة، وحبّ بيرجعها؟
تابعينا، وخلّي قلبك معانا.

مين لسه معانا في السلسلة وبيطبق ويستفيد اكتبوا لنا في التعليقات⬇️

#سكينة
#أ.مي_محمود

*ادعي صديقاتك للاستفادة معنا..🌹*



▪️تليجرام
https://www.tg-me.com/connieansa

▪️فيس بوك
https://www.facebook.com/profile.php?id=100076161404235&mibextid=ZbWKwL

▪️انستجرام
https://instagram.com/connieansa_mai.mahmoud?igshid=OGQ5ZDc2ODk2ZA==

🔹الحلقة القادمة من دورة سكينة مهمة جدا وكلنا كنساء محتاجين لها وبشدة لأن اكثرنا الا من رحم ربي بيقع فيها
هنتكلم فيها عن "التعلق المؤذي والتعلق الذي يجلب السكينة.".......

لكن مهم قبل ما نفتح باب جديد في رحلتنا مع «سكينة» …

عاوزاكي تقفي لحظة وتسألي نفسك:

🔸 طبّقتِ إيه من الحلقات اللي فاتت؟
🔸 إيه أكتر حاجة لمست قلبك؟
🔸 وإيه اللي لسه محتاجة تشتغلي عليه مع نفسك؟

👣
السكينة مش بس معلومات…
السكينة قرار يومي إننا نختار نعيش بوعي، ونهدّى قلبنا واحدة واحدة.

👇🏼
شاركي معايا بتطبيق واحد بس عملتيه من الحلقات السابقة،
حتى لو حاجة بسيطة جدًا… إحنا بنكبر بخطوة.

مستنياك علشان نكمل الرحلة 💌

✨ من أعظم الأذكار… وأجملها معنىً ولفظًا:
"سبحان الله وبحمده، عدد خلقه، ورضا نفسه، وزِنة عرشه، ومِداد كلماته."

☀️ ذكرٌ يغنيك عن ساعات من التسبيح، ويملأ صحيفتك أضعافًا مضاعفة.
افهم معناه… وردّده بخشوع… وداوم عليه في أذكارك اليومية.

❤️ قال النبي صلى الله عليه وسلم:
«ألا أخبرك بأحب الكلام إلى الله؟ سبحان الله وبحمده…»
احفظه، وفهِمه، وكرّره ثلاث مرات في الصباح والمساء.

#احفظ_الذكر #افهم_معناه #الحج

🎥 مقطع للشيخ د. أحمد عبد المنعم:
🔗 مشاهدة المقطع
📖 الخطبة الكاملة على قناة التليجرام
📌 قناة: www.tg-me.com/itsquraan

🎉✨ *أعظم يوم!*
*يوم عرفة*


⏳اقترب يوم عرفة… اليوم الذي تفتح فيه أبواب السماء،

وتتنزّل فيه الرحمات، وتُكتب فيه الحسنات!

فهل تودين أن يعرف طفلك فضل هذا اليوم العظيم؟ 🤍

انضمي إلينا في لقاءٍ مميز للأطفال 👇🏻👇🏻
✨ *أعظم يوم!*
*يوم عرفة*

في هذا اللقاء المشوّق، سنُجيب مع الأطفال عن أسئلة رائعة مثل:

🌟 لماذا هذا اليوم من أعظم أيام الله؟

🕊️ ما سرّ يوم عرفة ولماذا يحبه المسلمون؟

💡 ما الذي يمكن أن يفعله طفل صغير ليكسب الأجر في هذا اليوم؟



📚 بأسلوب محبّب للأطفال، مع قصص، حوارات بسيطة، مسابقات وأوراق عمل ممتعة!

🧒 الفئة العمرية: من 6 إلى 12 سنة
📅 الموعد: (يوم الأثنين القادم الساعة6م بتوقيت مصر 🇪🇬)


📍 المكان: عبر تطبيق زووم – من أي مكان في العالم!

🌈 دعينا نغرس في قلوب أطفالنا حبّ الطاعات، ونفتح لهم أبواب الخير منذ الصغر، مع معلمتنا الغالية *منى السيد*

للاشتراك🌷👇🏻

https://chat.whatsapp.com/HRazLrG4LTv0U7PVOSz7IS

🌿 سكينة | الحلقة الرابعة
💔 هو أنا بحب… ولا بتعلّق؟
(عن التعلّق المؤذي، والتعلّق اللي فيه سكينة)

فيه نوعين من التعلّق…
واحد بيهدّ القلب…
وواحد بيسنده.

فيه تعلّق يخليكي تبقي طول الوقت مش مرتاحة، خايفة تخسري، بتراقبي، بتتعلقي بحد أكتر من نفسك…
وفيه تعلّق يخليكي حابة وجود شخص في حياتك،
بس مش مربوطة بيه في مصيرك وسعادتك.

الفرق بينهم؟
هو ده موضوعنا النهارده.

🧠 من ناحية علم النفس:
التعلّق العاطفي شيء طبيعي…
لكن التعلّق المرضي أو المؤذي بيحصل لما:

أصدق إن الشخص ده هو الأمان الوحيد

أو أحس إن من غيره أنا ولا حاجة

أو أربط كل مشاعري، وكل مزاجي، وكل قراراتي بيه

ده اسمه في علم النفس:
"التعلّق القلق" Anxious Attachment
وبيخلّي العلاقات كلها توتر، لوم، إحساس بالنقص،
حتى لو الطرف التاني مش مؤذي في حد ذاته.

🔹لكن فيه كمان نوع اسمه:
"التعلّق الآمن" Secure Attachment
وده اللي الشخص بيحب ويعبّر ويشارك…
لكن لو الظروف فرّقتهم، أو حصل تغيّر…
بيحزن، بس ما بينهارش.

💭 من ناحية شرعية:
فيه حديث دقيق للنبي ﷺ، قال:
"من تعلّق بشيء وُكِل إليه."
يعني لو علّقتي قلبك بشخص أو شيء،
ربنا يتركك له…
ولو الشيء ده مش ثابت، هتتكسري.

ربنا بيقول:
"وتوكّل على الحي الذي لا يموت."
يعني خلي قلبك مرتكز على حدّ ما بيتغيرش…
ما بيتقلبش… ما بيختفيش وقت ما تحتاجيه.

💡 طيب إزاي أفرّق بين التعلّق السليم والمؤذي؟

التعلّق المؤذي

⭕️بخاف يسيبني
⭕️لما يبعد، أنا بتهد
⭕️بافكر طول الوقت فيه
⭕️بحس إني ولا حاجة من غيره

التعلّق السليم

✅بثق إنه موجود بس مش كل حياتي.

✅لو بعد، بزعل… بس بعرف أقف تاني.

✅بفكر فيه… بس مش بنسى نفسي.

✅عارفة إني ليا قيمة بوجودي وربنا جنبي.

🛠️ تمرين عملي:
اكتبي جملة واحدة بتعبّر عن علاقتك الأقرب حاليًا،
وقولي لنفسك بصراحة:

"هل وجوده بيخليني أقرب لنفسي؟
ولا بعدت عن نفسي علشان أفضل معاه؟"

وبعدها اكتبي دعاء بسيط:

"اللهم اربط قلبي بك، ولا تجعل سكينتي مربوطة بأحدٍ سواك."

💬 شاركيني:
إيه أكتر علامة من علامات التعلّق المؤذي حسيتي بيها قبل كده؟

وعمرك جرّبتي تحبي بوعي واطمئنان؟

تحبي تسمعي تمرين عملي أكتر عن فك التعلق؟ قوليلي في الكومنتات.

📍 استنيني في الحلقة الجاية:
🕊️ "إزاي أكون في حالة سكينة… حتى لو اللي حواليا مش بيساعدوني؟"
لما حوالينا ضغوط، نقد، أو ناس بتهزّ ثقتنا…
هنعرف إزاي نحافظ على سكون القلب وسط الزحام.

#سكينة
#أ.مي_محمود


*ادعي صديقاتك للاستفادة معنا..🌹*

▪️تليجرام
https://www.tg-me.com/connieansa

▪️فيس بوك
https://www.facebook.com/profile.php?id=100076161404235&mibextid=ZbWKwL

▪️انستجرام
https://instagram.com/connieansa_mai.mahmoud?igshid=OGQ5ZDc2ODk2ZA==

حاسّة إنك متعلقة بحد زيادة عن اللزوم؟

قلبك محتاج يرتاح؟

التمرين ده هيساعدك تفهمي وتفكي التعلّق… بعقل، وراحة قلب 🌸

⬇️ حمّليه وابدئي دلوقتي

#سكينة
#أ.مي_محمود
#فك_التعلق

💬 كانت جاية مكسورة... بس مش باين عليها

شكلها متماسك، كلامها مرتب، بس صوتها فيه تعب عميق.

قالتلي في أول جلسة:

"مش قادرة أكمّل كده، تعبت من جوايا، ومش عارفة أنا المشكلة فيا ولا في جوزي ولا في الدنيا كلها!"

كانت بتحاول تكون الزوجة المثالية، اللي بتتحمّل وتسكت وتسامح دايمًا،
بس جواها غضب، ووحدة، واحتياج ماحدش شايفه… حتى هي نفسها ما كانتش عارفة تسميه.

في الجلسات، بدأنا نفكّ الخيوط بهدوء، نسمّي مشاعرها، ونفهم إيه اللي بيحصل جواها من غير لوم ولا جلد.

ولأول مرة، شافت إن المشكلة مش كلها فيه، ولا فيها،
لكن في طريقة التواصل، في الحدود الغايبة، وفي الصمت اللي كان بيخلي الجراح تكبر.

بعد الجلسة، بدأت خطوات صغيرة جدًا… بس فرقت جدًا:

🪷 بدأت تحط حدود واضحة من غير صدام
🪷 بدأت تتكلم عن احتياجاتها من غير ما تحس بالذنب
🪷 بدأت تهتم بنفسها… وبترجع تحبها
🪷 وبدأ زوجها يلاحظ الفرق، ويقرب بدل ما يبعد

وفي جلسة اليوم قالت لي بالنص يا ا.مي انا بدعوا لك....

"أنا مش بس فهمت جوزي… أنا فهمت نفسي، وحسيت إني اتولدت من جديد."

وصدقيني… التغيير مش دايمًا محتاج سنين، أوقات بيبدأ بلحظة صدق، ومساحة أمان، وحد يشوفك على حقيقتك.
انا بجد فخورة بك جدا وسعيدة باللي انت وصلتي له وصلتي له بفضل الله ثم مجهودك ... ❤️

وبعتذر لكل الحبيبات اللي بيحاولوا يحجزوا من فترة وبنأجلها لبعد العيد بسبب امتلاء الجدول بالكامل..

الاستشارات المدفوعة كل المواعيد بعد عيد الأضحى مباشرة بإذن الله.

خدي بالك من نفسك لحد ما نتقابل،
وكل عام وانتِ بخير، وبداياتك كلها سكينة ورضا 🕊️

#أ.مي_محمود
#من_وحي_الاستشارات_الخاصة