حور: لاااااا موووو كاااافي ارييييدهن والله ما عليَّ مااااا اكدر أنام بدونهن اريدهن أيهم هسه هسه وكت اغير ملابسهن أو حتى شمس تبجي صار وقت رضاعتهن منووووو يفهممم عليهن غيري

لزم ايديني يباوعلي بتركيز حجه برود

أيهم: ما بقى شي للصبح وهن بحضنج كافي بجي ترا ما ارجعهن للأبد

حور: ا اريد ليث

أيهم: نايم

حور: اريده يمي واذا نـ نايم

أيهم: اخذنة مع خواتة
6

سكتت بصدمة وهلع نترت ايدي منه مسحت وجهي بقوى دخلت بفراشي غطيت نفسي دموعي ما نشفن ولا اضن راح ينشفن مسح على ظهري قربني اله دفعتة بقوى باوعلي بقلة صبر

حور: المكان شكبره ما يحتاج تنام يمي

أيهم: ارجعي لمكانج

حور: ما ارجع

جر وجهي بيده غمضت عيوني بخوف

أيهم: لا تتمردين كلت بأجر الصبح تلكيهن بحضنج كافي بجي ولطم وتعودي ع هل حال كل شهر ينامون برا البيت لحد ما ترتاحين ويرجعون
2

دفعت ايده ضميت وجهي بيدي ابجي

حور: و وانتَ عبالك هـ هيج دا ارتاح بغيابهم؟ انتَ جاي تموتني بيدك

أيهم: ابقي ابجي رجعة لهنا ماكو

دفع ايدي بنتر مسحت دموعي بسرعة راد يطلع ركضت ورا لزمت ايده حضني حجه بسرعة

أيهم: لا تبجين وداعتج للصبح هم يمج بس خلي ترتاحين شوية وارجعهم بسرعة

حور: بس بس ما اكدر والله للصبح هـ هواي حيل هواي وهم بعيدين عني

أيهم: شكد ما تتعبين شكد ما يطول غيابهم
14

دفعني عنه طلع وتركني كعدت بمكاني مسحت دموعي بشنو راح يفيدني؟ انفتح الباب دخل ليث باوعلي ضحك باوعتلة بصدمة جريتة من ايده

حور: وين خواتك؟

ليث: ماما شبيج ايدي توجعني

حور: ليث خواتك وين

ليث: نايمات والله ليش تبجين

حور: وين نايمات احجي ليش ساكت

ليث: ما احجي لحد ما تضحكين واكعد بحضنج
1

مسحت دموعي جريتة لحضني رفع راسة بأس خدي

ليث: لا تبجين بابا اخذهن جوه بس لأن كال تعبانة من تتحسنين يرجعهن الج مو زين عليج البجي والصراخ

حور: عند جواهر؟

ليث: لا عند بيبي ضحى وباربي اخذتهن كالت اخليهن عندي بس ما كدرت ابقى جوه اعرفج تبجين

مسحت دموعي همس بضحكة

ليث: ماما خالو رصار يكول امك تشبة الكملة

حور: ديلا عاد انتو شلونكم كلكم سفاحة ومجرمين انتَ وابوك وخوالك وعمامك العفطية كوم منا يلا

ليث: ع كيفج سندس
11

فتحت عيوني ردت اكمخة ركض من حضني يضحك

حور: منيلك هل سوالف؟ لا صدك شهل لسان الطويل منين متعلم هل كلام؟

ليث: حبيبي بابا

حور: حبيبي بابا؟ دروح انزل على ابوك لا اشعوطك هنا

ليث: شكد حلوة هسه اكول لبابا يحبسج هنا ماكو طلعة

حور: نااااااااقصنيييييي أيهم الصغير

ليث: أشش ام عيون

حور: كوووم مناااا ليييث
2

فتح باب الثلاجة طلع بطل مي خلاه بحضني مسح على شعري حجه بهدوء

ليث: يلا اشربي من أكبر اكتل أيهم حتى ما يبجيج
4

حور: تدري صاير تشبة كلش؟ ولي من وجهي احسلك

ليث: انزل وتبجين عليَّ اصعد تطرديني وين اروح ماما
8

حجاها كاتم ضحكتة ضربتة بطل  المي فحط من الضحك حضني يبوس خدودي

ليث: لا تزعلين تروحلج فدوة المنغولية

حور: لسسسانك ليث

ليث: مو بابا يكول عليهن منغوليات

حور: لا تسمع اله عيب هل كلام

ليث: مو اريد أنام كافي لا تبجين ترا اتركج

ضحكت بهدوء مسحت وجهي شربت مي شوية طلع برا دقائق ودخل وياه أيهم مد ايده غمزلة

ليث: يلا بابا حبيبي

أيهم: الله ينطيك ويرزقك من أوسع ابوابة

ليث: ترا خليتها تضحك شني بابا تضحك عليَّ؟

أيهم: مو جاي ادعيلك؟

ليث: ميخالف هسه ورق وبعدها ادعيلي
11

دنك يشاورة ابتسم بوسع هز راسة موافق لكلامة فتح الباب يريد يطلع باوعلي ضحك

ليث: نامي ماما ترا السهر مو زين

حور: وين رايح تعال نام

ليث: خنكة هنا أنام جوه مع بابا كيشر جاي ينتظرني

أيهم: أول مرة يسوي شغلة براسها خير هل نذل

طلع وطبك الباب ورا خفت شلون ينزل من الدرج والدنيا ليل وحدة كمت من مكاني ردت انزل ما قبل

حور: بعد خلي انزل ورا ترا طفل شلون يمشي وحدة على ثلث طوابق

أيهم: قيسر منتظره برا نامي

حور: متأكد؟

أيهم: چا اخلي ينزل وحده؟

اطمنت من حجه هيج اعرف قيسر مستحيل يترك ليث متعلق بي هواي يا علاء يا قيسر عند ليث وهذا الشي الي مريح كلبي أكثر تمدد يمي حضني غمضت عيوني...حسيت شي ثكيل على ايدي فتحت عيوني اباوعلهن يناغن حضنت قمر لحضني تناغي بصوت عالي تصفك بيدها وشمس مالها صوت هادئة حتى اذا تناغي بهدوء وبشوشة عكس قمر حتى من تلعب مع روحها تضرب نفسها
6

عدلت نفسي باوعلي من المراية حجه بهدوء

أيهم: اتركيهن هسه كومي تريكي واشربي العلاج

حور: أي هسه

أيهم: لا هسه ولا بعدين كومي

تنهدت بضيق كفيت الغطى مني باوعتلهن ابتسمت غطيتهن بالغطى

حور: لا يطيحن من الجرباية دير بالك عليهن ما أطول وارجع

أيهم: اريد تأكلين أكل زين تغذين نفسج لا تلفين جبن بالصمون وتتمطكين صايرة تركية براسي

حور: هو انتَ خايف ع شرشر لا تجوع
4

أيهم: انعل ابوج لابو شرشر تغذي زين ما اوصيج ولا تريدين أنا اطعمج؟

حور: لالا أصلاً رايحة اتريك بس سؤال اذا طلع الي بطني ولد

أيهم: اهوووووو

حور: شبيك ترا كلهم رزق ونعمة الحمدلله

أيهم: دخيل اسمك اريد شرشر من هل فاهية مو من غيرها
4

حور: دروح اتزوج وخلصني منك

أيهم: رعنة البربوك الا اكسر شوكتج

حور: تهيي قصدك تزوج وتكسرني؟ بلا أيهم نام وتغطى زين

تقرب الي ركضت للحمام غسلت وجهي دخل الصابون بعيوني احتركت بمكاني مسحت وجهي بالخاولي طلعت الهن شلت قمر بحضني حجه بحده

أيهم: شكلنا؟

حور: هو بس اجيت اعدلها لا اطيح من الجرباية هسه انزل

أيهم: عشر دقائق بيدج

خليت قمر ع جرباية نزلت بسرعة دخلت للمطبخ جواهر بيدها القوري بعدت عنها حجت بضحكة

جواهر: شفتي ابوج سلمتي عليه لا
2

حور: وانتِ شعليج؟

جواهر: لا بس اطمن عليج احتمال حتى اطفالج يطلعون من غير اب لأن شرداتج كبل ما تنحسب تبقين يومين ثلاثة برا البيت والله أعلم بعد

حور: لا اطمني كلبي من ابوهم بس ما بيوم كلت أني حامل وطلعت كذابة لا حامل ولا بطيخ

جواهر: طلعلج لسان؟

حور: شكلج ما تعرفيني بعد؟ ترا من اسكت اعبرها الج بمزاجي لا من دورج ومن دور كلامج بس مالي خلك اسحلج
5

جواهر: هههههه اكول خفي علينا ترا هم اخوانج ما رادوج لا تشدين بظهرج ترا انتِ الخسرانة

حور: ما ضكت طعم الخسارة بيوم كلشي اخسر بي اعتبر روحي دخلت لمرحلة بيها حقل تجارب وطلعت منها بس خافي على روحج سنين وأنتِ هنا ما شفت اب سأل عليج ام تبعت وراج؟ حالج من حالي لا تضوجين هاي الدنيا محد ما فاضي لحد احفضي كرامتج اذا بقى عندج كرامة واكعدي بمكانج احسن ما تحجين حجي ما تعرفين الجواب منين ينرد عليج
19

جواهر: صدك انتِ وحدة......

حور: عاشت ايد الرباج
8

كعدت أكل اباوعلها احتركت بمكانها دخل قيسر بيده السويج باوعلي وجه محتقن

قيسر: ايهم وين

حور: فوك مع البنات تريد اصيحة الك

قيسر: لا أنا راح اصعدلة

ركض ع درج شوية ونزل ورا أيهم يضحك وهو متخبل طلعت عمة ضحى تحجي مع قيسر وهو ساكت بس يباوع لـ أيهم باوعلي حجه بحده

قيسر: ليش ما تطلعين للخارج؟

حور: شنو؟

قيسر: لا تبقين مع هذا والله وعبادة تخسرين روحج

أيهم: لا ادخلها بالنص

ضحى: تحجون الغاز صارلي ساعة احجي وياكم ولا واحد يرضى يفك حلكة بشي

أيهم: ما عليج منه حجيه هذا يهلوس

ما باوع لـ ايهم ضرب ايده ع طاولة باوعلي حجه بسرعة محروك كلبه

قيسر: هذولة اهلج يسمون أهل؟

حور: لا ههه

ضحى: شبيك تحرك بكلب البنية

قيسر: لا يابة أنا كلبي انحرك مو هيه

حور: شبيك؟

أيهم: كلشي ما بي

حور: لعد عليمن يحجي بالالغاز؟

قيسر: لااا احجي عليمن ساكت

ضحى: احجي امي شبيك عليمن حارك روحك ودمك

قيسر: يييييييوووووم ابنج متورط مع جماعة شاهر لحد الآن هو وياااهم وجمالة اخذ ابنهم وكايللهم ارجع اشتغل وياكم وتركهم لا اشتغل وياهم ولا رجع ابنهم الهم والتهديدات مثل المطر عليه يا يرجع ابنهم يا يأخذون ابنه ليث شعلي بكل هاي الهوسة طفللللل شعلي بسسس حظرت ابنج يريد يعيد الماضي برأس ابنه مثل ما شاهر سوا بي
7

سمر: صخااااام الصخممم وجهك يا أيهم روح انتَ الهم كلشي ولا الطفل انتَ مو ابن شاهر انتَ النسخة الثانية اله

قيسر: يُمه انتِ شتحجين؟ والله اذبحة واتبرع بي للجلاب اذا لمحتة يروح الهم

أيهم: على كيفكم يابة ماكو شي

حجاها برود وهو يكعد ع درج دفر الكرسي قيسر وجه صار نار

قيسر: روحلهمممم روووح تراااا تهديداتهم مو جديده تعرفهم يهددون مرة وبعدها ينفذون راح تروح من ايدك لا انتَ براسك خير ولا اهلها

حور: ههه هم اطيح براسي؟

قيسر: لا اله الا الله

مسح وجه يصبر روحة شربت مي اباوعلهم متوترين

حور: احسن شي سوا أيهم ما رجع سادن الهم

فتح عيونة بصدمة عاط بوجهي

قيسر: شوووووف هااااي بنت الكلب تحجي براحة كلب

حور: أني شعلية تصافة مع اخوك

درت وجهي عنهم اسمعة يحجي وياه

أيهم: كل تهديداتهم ما منها فائدة جان غدرو شاهر كبلي

قيسر: مو وكت كلامك شاهر عنده الف طريقة يتعامل بيها وياهم بس انتَ تلعب عليهم وملو منك

أيهم: هم تكربو عليك على شغلك؟

قيسر: لاااا بس التهديدات تخصك تخصني امشي واعوفك تخبص بنفسك

أيهم: كل واحد بينا عنده شي يخاف عليه بس مو كلشي نخلي يمر مرور الكرام علينا كلشي ينحل بس مو بهل سهولة

ضحى: الله لا يرحمك يا شاهر لا انتَ وطيب مرتاحين منك ولا من متت تركت سالفة وراك ما الها حل راح يضيعون من سوالفك

أيهم: شبيج يُمه ماكو شي هذولة بوخة بس تهديدات

قيسر: يابة برودت الدم الي بيك احتاجها بهل وكت لا اكفر بيك هسه

أيهم: لا تتكرب عليهم شغلي وياهم وانتهى الأمر

هز راسة موافق لكلامة

قيسر: لا أنا ما ادخل بشي بس اذا رجعت وياهم اصيرلك انجس من شاهر هسه تصرف بالي تريده وعلى راحتك بس هيه كلمة وحدة لا غيرها ترجع وياهم اخليك تحفر كبرك بيدك

ضحى: عفية واحد ينطي وياخذ تذابحو ولد شاهر عليمن تنترون نتر تذابحو احسن ما الكم واحد جبير يردكم ويرد على صدوركم

كامت من مكانها جرت العباية من ورا الباب وطلعت ركضو وراها ما انطتهم مجال دفعتهم وطلعت توسل بيها أيهم ما ردت عليه وكفت ع باب اباوعلهم عبرتهم وهيه تحجي لزم ايدها ما ردت عليه

أيهم: حجيه والله مو مثل الي تفكرين بي ادخلي وافهمج بروح الـ... وين تروحين بهل وكت

ضحى: لا يُمه أنا شني كلامي هنا بيناتكم ارجع مع اخوك وانتَ اذبحة أنا من زمان اشوفكم اخوت يوسف ما منكم محنة ورحمة بيناتكم عليمن باقية ع قهركم

قيسر: يوم وحك الله مو هيج أنا بس خفت ع ليث وهذا مقصد كلامي بس ادخلي جوه

ضحى: لا عبالكم كبرتو وتحكمون عليَّ طالعة منا خليكم بحقد شاهر من تصيرون زلم ارجعلكم

صعدت بالسيارة والسايق مشى بيها معرف وين
خلة ايده على خصرة تنهد بضجر عصر حواجبة بغضب باوع لـ قيسر نتر بوجه

أيهم: ما تكدر تضب لسانك الا جدامها تخبص

ما جاوبة دخلو جوه سحلني وياه كرطت الخيارة

حور: اشو السالفة صارت صدك هل مرة ما تهديد هل مرة نفذتها وطلعت عمة ضحى

قيسر: من ورا رجلج اكو أحد يكدر يكابلة

حور: شبيك من الصبح وكل ما شفتني وكلت رجلج ورجلج ترا رجلي مدري ايدي هم اخوك

قيسر: بالحرام حتى انتِ شاخطة

أيهم: عاد هسه انتَ مجرمها

دخل وتركنا طلعت عهد تضحك

عهد: سوتها امي ودكت بيهم الناقصة

حور: والله يستاهلون خطية كل يوم مصيبة جديده وهيه تخاف عليهم

قيسر: هسه ساعة وارجعها شحدها تطلع بعد

دخلت للمطبخ غسلت المواعين مسحت باب الثلاجة نزل أيهم باوعلي حجه بخفوت

أيهم: اكول تجين نرجع ضحاوي واوي واوي
15

حور: الحرمة هجت منكم

أيهم: مو اكللها حوري طاحت من السلم وتكسرت حتى ترجع اداريج

حور: مو اخاف تطردنا من الباب

أيهم: صارلها نص ساعة وهيه برا البيت كافي شوف وين راحت هسه بيت ابن اخوها هناك كلهم زلم خايف لا تتفطن علينا
7

حور: خليها تزوج شعليك

أيهم: حتى ادفنها بيدي

عدل الشال ع راسي باوع للصاية راد يحجي سبقتة

حور: كلشي ما بيها شخصين يدخلون وياي بيها

أيهم: ضيكة غيريها وانزلي يلا بسرعة

حور: ترا ضايعة بيها

أيهم: هسه عليمن هل عناد امشي دخيل ربج

صعدت غيرتها باوعتلة مخلي البنات بمكانهن قمر كاعده وشمس نايمة اخذت قمر نزلتها وياي كعدت بالصالة مع فهيمة اخذتها مني وقيسر يباوعلها

فهيمة: ها يل مشيطنة صحيتي
3

قيسر: لا جانت تنتظرج

فهيمة: تزوج خلي نشوف انتاجك
2

قيسر: شني معمل روبة وتشوفين انتاجي ما اقبل بهل كلام أنا رجال محترم هذا كلامج ما يليق بشخصي
3

فهيمة: چا انتَ تعالج المخابيل ما تعالج روحك

قيسر: انخلقت حتى اعالجج

فهيمة: ......بأمك احسن
1

قيسر: رحم الله والديج

كعدت يمه خليت ايدي على خدي حجيت بحماس

حور: شلون تعالجهم فد يوم صارلك موقف وياهم

قيسر: موقف؟ مواقف

حور: احجيلي

قيسر: مرة اجتنا حالة مستعصية يعني خطرة شوية والمصيبة الأكبر جانت حرمة مو زلمة ما قبلت تدخل للمستشفى تعيط وتصرخ وتغلط والكادر كلهم جانو يباوعولها الا المختصين بحالتها يكدرون يدخلون بأمرها وأنا جنت من ضمنهم دخلنا للغرفة شدوها بالسرير ما سكتت تخبلت حقنتها ابرة تهديها نامت ورا جم ساعة دخلنا نريد نحجي وياها عدلت نفسها كالت أنا كلشي ما بيَّ كلتلها أكيد مابيج شي بس نطمن جنت اسايرها كالت شو أني خبلة وتطمن ركعتني براجدي خلتني صافن عليها بس لأن حلوة ما حاجيتها
11

حور: عزا ضربتك والله

قيسر: هناك تتحملينهم يضربون يصرخون غصباً عنج تتحملينهم وما عدهم مانع يخنكونج بكاعج أو حتى يغدرونج

حور: يا ليش؟

قيسر: ما يشوفونج انتِ معالجة الهم لا يشوفونج سجانهم وقابض على حريتهم لهذا هم يصيرون عدوانين مع الكل حتى مع انفسهم لسبيل بس يتخلصون من هل مكان الي هم بي

حور: قيسر حالاتهم ما تأثر عليكم؟ يعني انتو كل يوم تشوفون هل مشاهد والصراخ ما تنضرون؟
1

قيسر: أكيد ننضر بس مو مثلهم بعد أكثر منهم من قسم لقسم ثاني من حالة سهلة للمتوسطة والصعبة واكو حالات تنقهرين عليهم كلشي ما بيهم بس يذبوهم ويطلعون رغم الرقابة تحاسب على ادق التفاصيل بس مرات التزويرات تلعب دور

حور: أكثر مدة اطول هناك شكد؟

قيسر: بلا حدود يا يتعالج يا يموت يا حالة خاصة تجبره يطلع من هل مكان

حور: انتَ مع فكرة انو المصح يعالج؟

قيسر: جؤ الي اخترع المصح يهودي بس مع هذا اكو شي صح

حور: شلون؟

قيسر: اكو حالات من صدك صعبة وحتى صعب تشخيصها ويتعالجون ويرجعون كلشي ما بيهم واكو ناس مظلومة داخل المصح بدون ذنب ولا حتى مريضين بالعكس هم العُقال

حور: شكد كلفت سنوات حتى توصل لهل مجال والخبرة الانتَ بيها هسه؟

قيسر: كلفتني سنيني الراحن بس هذا حلمي وأنا حاب هل جانب مني

حور: عندك عيادة؟

قيسر: أي بس قافلها من زمان مالي خلك من المستشفى للبيت

حور: ابوك كان معترض ع هل مجال؟

قيسر: أي جان يريدني بالطبابة التشريح

حور: وليش ما قبلت؟

قيسر: ما جنت امشي بكلامة

حور: اي مهنة اصعب؟

قيسر: كل مهنة صعبة بس اذا عندج هدف أو اصرار تصيرين انتِ الصعبة ومهنتج سهلة مثل المي بيدج
ماكو شي سهل بهل حياة غير الانسان

حور: بس علاوة ما تعين مثلكم رغم عنده شهادة

قيسر: راد يدخل سلك العسكري بس أيهم ما قبل وصارت سالفة جبيرة تالي اشتغل بالفرن وعناد بأيهم ما تعين رغم كبل اكو تعينات مفتحة بس هو ما سمع لحد سمع لنفسة

حور: بس شغلتة حلوة

قيسر: هو من جان صغير هادئ ومتفهم بكلشي ويسمع الكلام بس حقاني
3

حور: شنو يعني

قيسر: يحجي الحق لو حتى يزعل امه اخو أحد عادي عنده

حور: صح عنده هل طبع

قيسر: كلنا مختلفين يعني ماكو واحد بينا يشبه الثاني بالتصرفات علاء من هو وصغير ما يجامل ولا يمشي بالباطل لو حتى يحترك كلبة بس يظل على راية وما يتراجع

أنا اصرف طبيعي بس مرات اتماشى مع الأمور ولا عبالك هيه صايرة... أيهم جان مثل النار ماكو شي يوكفة وعنده هوس يفرض نفسه بكل مكان بس بنفس الوكت يخلص يعني اذا حط واحد بعينة مستحيل يخونة أو يتراجع عنه حتى لو الدنيا كلها توكف ضده

حور: وبعده هيج؟ برأيك

باوعلي بنضرات غريبة كمل كلامة بهدوء

قيسر: يمكن بس مو كلشي يظل مثل ما هو مرات الحياة تكسر الانسان وتخلية شي ثاني

حور: بس هو فعلاً مكسور

قيسر: أيهم مو من النوع الي ينكسر بسهولة بس يجرح روحة كبل غيرة حتى يحس على نفسة كبل لا يأذي أحد غيره

حور: يعني هو ما يحب يأذي أحد؟

قيسر: لا من الدنيا الي علمتة انو الي ما يكون قوي ينكسر بسهولة بدون رحمة وهو اختار القوة بس ما جان هيج

سكتت شوية ودخلو عمة ضحى وأيهم دارت وجها زعلانة منهم كعدنا كلنا وعهد كعدت يمي بحضنها قمر اندك الباب بقوى طلع أيهم صارت هوسة برا طلعنا الهم اباوع عمام ونسوانهم دارت وجها عهد مبتسمة باوع أيهم لصفوان ضحك بخبث

أيهم: يا هلا بعمامي هلا بعزوتي ورفعت راسي

سلمنا عليهم وقيسر يكرص بزند أيهم وهو ما سكت يباوع لصفوان ويحجي دخلن النسوان للصالة والزلم للديوان دخلت للمطبخ حظرت الضيافة خليت بقلاوة بصحونة صغار صبيت الجاي وباربي تركض وراي دخلت حلا تدفع بعهد

حلا: عمي تزوجي وخلصيني حتى يرجع كظومي

عهد: واكفة بوجهكم أنا ولج

حلا: اخوج ما يقبل اطلع قبلج استعجلي عيني
3

باربي: يبووو يبووو شكد صلفة

حلا: سُنة الحياة نريد نزوج ونعييش

حور: ولج الكاميرات

بلعت ريكها طلعت من المطبخ ضحكت عهد

عهد: هوستها راح تجيبلنا العواقب

اخذت الصينية دخلت قبلهن وهيه وراي بيدها صينية الجاي تقدم الهم باوعتلها عمه ضحى كأنو تعرف جواب عهد شنو عيونها عليها وهيه تنزل راسها تتهرب منها تركت الصينية كعدت يمنا حجت ام عقيل وهيه تعدل شيلتها باوعت لعمة سمر بأبتسامة حلوة بس صوتها بي حزم حاد

بهجى: احنا ما اجيناكم بس نزوركم چينا نخطب بنيتكم عهد لـ ابنا عقيل رايدينها يا سمر حشيمة مكرمة ونشوفها لولدنا وأنا يشهد الله رايده منكم الكرب
2

سمر: مثل ما هيه بنتي بنتكم بس الزواج مو لعب واذا تريدونها هاي هيه جدامج وتسمع الصار اذا مرتاحة وموافقة تردلكم الجواب

كل الانضار توجهت عليها دنكت راسها بخجل وجها صار احمر النسوان يحجن وياها يقنعنها وهيه ساكتة بخجل عضيت شفتي من حجت حلا وطكتها بجفصة جبيرة

حلا: فدوة لكلبج وافقي اكو ناس وراج ينتظرونج

بهجى: ولج منو وراها اشو نحنا ما نعرف خير يا حافظ

باربي: خيه لازم نأخذ موافقتج؟

ضحى: ها يمه عهد شتكولين

مناوي: اجيناج مرة ومرتين وثلاثة واربعة واخوية حالف يا بنت عمي يا ما اريدن غيرها واذا رفضتي مستعدين نرجع نخطبج ألف مرة

بهجى: عهد غالية ومكانتها بالعين وهيه واعية على كلامنا هاي مو أول تجربة الها خلوها تفكر زين و تأخذ شور نفسها و تردلنا الخبر

ضحى: الي بي الخير ربج يقدمة النا والكم

مناوي: ها خيه شتكولين؟

باوعتلنا اخذت نفس عميق فركت ايديها بتوتر رفعت راسها حجت بهدوء

عهد: موافقة
19

ضحكت مناوي ما احس غير ام عقيل طكتها بهلهولة طرشت أذني بيها باركلها النسوان اباوعلها ضمت فرحتها بأبتسامة صغيرة كالو بأجر يلزمون العقد لأن عقيل مستعجل لا عهد تغير رأيها طلعو كلهم ودعنا النسوان باوعلها شهاب اشر على اصبعة مكان الحلقة وهو يضحك

شهاب: يومين ثلاثة وتصيرين عدنا ودك على راسج بالجفجير شكد ما رحنا واجينا حتى رجلينا تعبت ازلابيت ما توافق بسهولة

ابتسمت هيه ما جاوبتة خلت الشال ع وجها باوعت لعقيل لابس زي عربي يباوعلها مبتسم بثكل عيوني عليهم منظرهم سوا يأخذ العقل

أسهم: لا تخجلين بوية انتِ بنيتنا كبل لا تصيرين جنتنا تطلعين من بيت اخوج لبيت ابوج أن شاء الله ما نكصر وياج

عهد: تسلم عمي ما تقصر حشا تطلع منكم العيبة

لف العباية ع متونة بأس رأسها وطلعو دخلنا جوه بس أيهم ساكت مبين علية ضايج

دخلت حلا للغرفة تركص هزت كتفها عاطت بفرح

حلا: واخيرررررااااً راااح يتقدم كظومي للخطوة الثانية والتأهيل والنهأئي
7

باربي: خطوبة ولا مبارات؟

حلا: شبيج انتِ شبيج؟ خليني افرح اريد افرح كون انطك من الفرح بالكاع انشال وانركع بالفرح كولو امين؟

باربي: امين بس انزلي من الجرباية عبالك صخلة تكمز
8

الدنيا صارت ليل وهم يحجون سوا طلعت لغرفة عهد حتى أخذ قمر منها دكيت الباب ما ردت دكيتة مرة الثانية فتحتة تمسح وجها باوعتلها بأستغراب

حور: شبيج

عهد: ما بيَّ شي شوفي شلون نسيت اخلي قمر بمكانها خليتج تنزلين مرتين

حور: لا عادي يمعودة متعودة كل يوم هل حالة عادي ادخل؟

عهد: أي أي ادخلي

دخلت للغرفة سديت الباب لزمت ايدها وجها أحمر كأنما كانت تبجي

حور: احجي عهد شبيج؟ ليش باجية

عهد: لا أبد بس...

باوعت لقمر ع جرباية رفعت حاجبي وأني اشوف صورها مع زوجها تنهدت بضيق نزلن دموعها تبجي بحركت كلب حضنتها طبطبت على ظهرها حجت بشهكة

عهد: خنتة يا حور خنتة

حور: مات هو الله يرحمة بس مو معناتها تدفنين روحج ورا صارلة 12 سنة يا عهد

عهد: سنتين عشتهن مثل الحلم وكلشي اختفى بلمح البصر بأجر اصير على ذمت رجال غيره

حور: لازم تبدين حياتج من جديد بعدج صغيرة كدامج عمر طويل وعقيل خوش رجال ما شفتي شلون يباوعلج؟ حتى اهلة خوش ناس انسي المرحوم وعيشي حياتج لا تكضينها على صور والذكريات
2

عهد: صحيح بس كلبي ما دا يقتنع بين نارين

حور: سمي بأسم الرحمن وصلي استخارة وهدي من روحج عيونج حلوة ما يلوكلها البجي

ضحكت هيه مسحت دموعها ضربتي بخفة

عهد: عيني منيلج هل كلام

حور: والله معرف مرة اخوج حجاها الي وأني اجيت اطبقها بيج

عهد: هههههه عفية

ابتسمت بوسع أخذت قمر طلعت لغرفتي جرت شالي بيدها بست ايدها الناعمة خليتها مع اختها باوعت ليث نايم ع جرباية رجعتة لمكانة غطيتة طفيت الضو وطلعت تنهدت بتعب الدرج عالي وطويل هواي منا بطني وكلبي يوجعني بس اتعب
كعدت على جرباية انتظره يدخل حتى احجي وياه بلكت ينزلنا للطابق الثاني اهون شوية

طول هواي مليت يمكن ما راح يرجع شلت شعري بالكتر انفتح الباب باوع للساعة رجع باوعلي حجه بخفوت

أيهم: بعدج كاعده؟

حور: أي كنت انتظرك
9

أيهم: أنا تنتظريني انا؟
6

حور: أي

كمز عليَّ رجعت لورا بخوف ضحك بقوى

أيهم: افااااا تنتظريني وأنا ما رجعت من وكت؟ لو ادري الا اترك الي بيدي واصفى الك
3

حور: أيهم نزلنا للطابق الثاني عفية لأن هنا تعب بتعب كل ساعة اصعد وانزل تعبت والله حتى اختنك من الدرج وبالليل أخاف اصعد وحدي الدرج عالي وماكو أحد هنا بس احنا

أيهم: لا ممنوع

حور: لـ...

أيهم: كافي؟

سكتت تمددت بمكاني غلطانة من حجيت وياه وأني اعرف الجواب شنو بس كلت يمكن يقنع
ذب القميص تمدد يمي جرني لصدرة مسح على شعري حجه بهدوء

أيهم: ممنوع تنزلين جوه بالليل والبنات من الثمانية المغرب أنا اصعدهن الج هنا وحتى ليث بس جوه ماكو نزلة بعد
6

حور: ترا ما يصير هيج

أيهم: لا ترادد ابني نام وليدي

عفست وجهي بضوجة غمضت عيوني مشى ايده على خدي رفعت عيوني اله

حور: ترا هذا بيت مو سجن

أيهم: وتالي؟
1

حور: زين شنو الفرق اذا نزلت بالنهار ليش بالليل لا؟

أيهم: بالنهار عيني عليج بالليل لا مشغول وانتِ تلعبين بكيفج

حور: كلشي بأمرك بلا زحمة عادي اتنفس؟

أيهم: تتنفسين؟ طبعاً تنفسي براحتج مادام وحدج بس اذا اكو احد يمج ممنوع تتنفسين بصوت عالي
حتى ما العب السوط على ظهرج

حور: ع الأساس دا تخوفني؟

أيهم: لا تخافين بس اسمعي الكلام

دفنت وجهي بالمخدة خليتة يحجي بوحده مسح على شعري بهدوء

أيهم: اسمعي حوري هن جن كلمة تمشين ما يحتاج تبجين وتعاندين لأن ما راح اعيدهن مرة الثانية

حور: اهوووو هن هواي شتخلي شتعيد أي بلا كمل

ضحك بخفة حضني بقوى همس بضحكة

أيهم: هن هواي بس راح تحفظيهن بسرعة
هاي المخدة العالية تذبينها النوم مثل كبل من الساعة 12 بالليل للستة الصبح لأن جسمج محتاج يترتب

باوعتلة بضوجة جر شعري اله دفعت ايده

حور: واذا ما اجاني نوم اجبر نفسي

أيهم: أنا أعرف شلون اخليج تنامين وهسه اسكتي خلي أكمل الأكل شجم مرة اعيد؟ اظل اركض وراج يابة اكلي بوية اكلي؟ عندج عداوة مع الأكل كهوة ماكو ولا جاي بعد المغرب معلوم؟

حور: هاي معلومات مو معلوم تقبل أحد يسوي وياك هيج

أيهم: ترا لو ما أنا اركض وراج انتِ وجبة وحدة ما تأكلين المي ما تعرفينة شنو العلاج هذا بلاء على راسي العلاج ما بيوم شفتج انتِ من حالج شربتي بدون ما اكول أنا يمتى اشوف وجهج أصفر من رجلينج يوجعنج وظهرج وجوعانة وبدون مي عبالك كاعده بصحراء مو بيتج

حور: والله حقي اضوج العالم برأس الشهر تطلع لمكان حلو وانتَ تسحلني للمستشفى

أيهم: وجع بربوك غير اخاف عليج من الصرع هذا اذا ما اله علاج والعلاج تشربينة بدون دراما

حور: هذا تحكم

أيهم: تحكم؟ لا حبيبي متوهمة اذا تريدين اسويها تحكم راح تشوفين فرق المعاملة

حور: دوخة

أيهم: صح دوخة عليج لأن ما تعرفين شنو الي زين الج بس أنا أعرف اطباعج وأعرف سوالفج الخايسة حافظهن وليدي

حور: انتَ معرف شبيك وياي حتى سوالفي زينة

أيهم: مثل ما كلت نزلة جوه بالليل ماكو ولا طلعة خارج الغرفة الا اذا أنا موجود سوي الي تريدينه
1

حور: عادي امشط شعري لو تملك حرام كلت أخذ رايك

أيهم: لا تحسين تملك ابني تأكدي

دفعتة عني كمت من مكاني جريت الغطى منه باوع لملابسي لفلفت نفسي ذبيت روحي ع جرباية ضيك عيونة باوعلي من فوك لجوة حجه بحده تنهدت بضجر

أيهم: ملابسج لطش

حور: والله واسعات وحلوات شلبس بعد كواني طحين
1

أيهم: عيوني متعودة تشوفج بطريقة معينة واليوم ركزت زين ملابسج مو مناسبة الولد جوه ما يصير تلبسين لطش ابد

حور: شلبس يا ربي شلبس بعد

أيهم: اشتريلج عايل عليج بشي؟

حور: قصدك تشتريلي جفن يطبون وياي ثنين ثلاثة عبالك مخبلة

جر وجهي بيده ابتسم

أيهم: وجع لج مخبلة شنو ناقصج خبال؟

حور: أيهم ترا كلش مستفز والله

أيهم: هملتج يومين ثلاثة باوعي لحالتج؟ شفايفج متفطرة ويابسة عبالك جنتي لازمة سيف الحمزة وتقاتلين وياهم اتحداج تشربين مي بدون ما احجي أنا أكل ممنوع ماكو ما عدنا مطبخ ولا ثلاجة وحك ربج اذا نقصتي كيلو واحد راح اشوفلج حل يخليج تأكلين مثل الاوادم

حور: دقق دقق بكلشي بعد خلي اذب نفسي من الشباك عليمن كاعده وياك اتركني بلا

كمت من مكاني حجه بخبث

أيهم: ذبي نفسج بس تذكري اكو واحد مدفون بالحديقة احتمال بعده عايش جوه التراب أو روحة ساكنة البيت

بلعت ريكي رجعت لمكاني غطيت نفسي ما جاوبتة

حور: ا انتَ تحجي هيج بس ماكو شي

أيهم: تذكرين المكابر؟ والمساطب الي نروح الها؟

حور: أي اذكر شـ شتريد هسه؟

أيهم: لا سلامتج بس فكرت اذا تذكرينهن أو لا

حور: كوم جيبلي مي

أيهم: شعلية أنا كومي انتِ مو صارلج ساعة تنترين وتبيعين مراجل براسي كومي جيبيلج مي
1

حور: عفية أيهم كوم

أيهم: جؤ

حور: لا تخبث والله عطشت

أيهم: ما عليَّ

حور: تغا ما يصيغ هيج البيت اظلم وانزل أني والله اخاف

أيهم: انزل أنا بس على شرط

حور: اهووو هم تخلي شغوط

أيهم: چا أنا أنام احسن ما دايخ وياج تصبحين على جنانوة تتلبسج

حور: اعوذ بالله منك ومن كلامك وافكارك اسم الله الرحمن

غمض عيونة يريد ينام عدلت نفسي تقربت اله دقيتة بكتفة ما صحى فركت ايدي بتوتر دقيتة اقوى حجيت بهدوء عيوني تتلفت ع غرفة

حور: أيهم تغيد تنام لا تنام كوم

أيهم: چا الي يلف راسة ويغمض غير ينام

حور: لا تنام وتتغكني كوم

أيهم: شسويلج اشدلج وصلة واركصلج

حور: أيهم كوم حباب لا تنام

أيهم: لا أنا رجال وراي التزامات الصبح لازم أنام حتى اكعد مصحصح

حور: هو شباك الغغفة ينفتح وينسد ليش

أيهم: حتى يدخلون منا بسهولة احسن ما يفتحون الباب حتى الجني محترم

حور: هسه شلون

أيهم: شنو شلون لفي راسج ونامي لحد بأجر تصفى من حالها تشوفينهم يطلعون من حالهم
1

أخذ المخدة مالتي خلاها على راسة قبضت ايدي ضربتة ع صدرة بعدت المخدة منه لطشتة براجدي خليته يفز فزه الا طيح كلبي بيها
2

أيهم: ليييش يااا بنت الكلب

حور: شلون تنام اكعد

أيهم: انجلبت انجلبت

حور: اغيد مي

أيهم: كومي اشربي

حور: مو بالثلاجة

أيهم: اشربي من الحمام شعلية أنا

حور: شبيييك ويااي

أيهم: توافقين ع شروطي هسه اجيبلج تنكر مي

حور: ديلا موافقة

أيهم: اسمعيهن بالأول؟

حور: خليها بعدين كوم جيبلي مي
1

لزم شفتة مبتسم فتح الثلاجة ذبلي بطل مي شربت شوية كمخني

أيهم: اشربي كلة

حور: مو ما اغيد

أيهم: المي صحة اشربي

شربت نصة رجعت البطل لمكانة كمز بوجهي جفلني لزمت كلبي هو أني منا خايفة

حور: خير؟

أيهم: شروطي يا حلو اريدهن

حور: الله ينطيك كوم منا

أيهم: احجيها لخوالج لا خوالج شنو انعل ابوج لابو خوالج احجيها الي أنا هم صاير.....
3

حور: كوم أيهم أريد أنام بمكاني يلا كوم

أيهم: چا تضحكين عليَّ؟

حور: ليش والله ما ضحكت عليك

أيهم: ترا ما جبتلج المي بلاش على روح شاهر اريد حكي

حور: الله يغحم الميتين

أيهم: الله لا يرحمج يا زقجة

خنكني بالمخدة رفست رجليَّ ما بعد لحد ما شافني اختنكت خربط شعري دفرني من الجرباية ذب فوكاي الغطى باوعتلة دايخة رجعت شعري لورا

حور: أنسان قليل ادب وذوق

أيهم: ام الصدق

حور: واحد شغيغ

أيهم: من زمان هستوج تدرين

كمت لمكاني اخذت الكلاص صبيت بي مي جره من ايدي حجه بقرف

أيهم: كلاص المي الي تشربين منه لازم تتأكدين منه اذا نظيف أو لا تملينة مي مو شوية وما اريد اشوفج تشربين مي بارد ثلج واضح؟

حور: بلا زحمة انطيني الكلاص

خلاه بيدي كبيت المي بوجه مسح وجه باوعلي لزم شفتة

حور: حتى مغة الثانية ما تتشغط عليَّ

أيهم: اكتلج؟

حور: لا

أيهم: العب السوط على ظهرج؟

حور: لا

أيهم: الحزام يأكل جلدج؟

حور: لا

أيهم: اجيبج براجدي اخرب خلقتج؟

حور: لا

أيهم: ابوسج؟

حور: لا

أيهم: انيمج بحضني؟

حور: لا

أيهم: اكوملج؟

حور: لا

أيهم: تعالي انخمدي

حور: الجغجف تبدا عليه المي كوم غيغه

هز راسة بقلة صبر غير الفراش نمت بسرعة حضني أقوى خلة راسة بركبتي أخذ نفس ضربتة ع صدرة كتف ايدي غمضت عيوني من ثكلت انفاسة

فتحت عيوني اباوع للغرفة ماكو احد بس أني باوعت للساعة حتى ما ركزت بيها كفيت الغطى دخلت للصالة ماكو البنات عرفتة نزلهن وياه غسلت طلعت من الغرفة سديت الباب وراي باوعت للصالة صوت نسوان والأطفال تمشي وهذا يكمخ هذاك فتحت عيوني أخاف متوهمة يمكن هذا مو بيتنا
1

باوعلي واحد بيده كيكة ويبجي عفست وجهي ما فاهمة شي

حور: منو انتَ حبيبي ليش تبجي

::- اكلو الكييكة مالتي

حجاها وركع روحة بالكاع فكيت عيوني بصدمة شنو هذا طلعت حرمة ذبت نعالها ضربتة ع ظهره بالنعال وهو يكمز تكمخة وتعضة من زندة وهو يصرخ اخذتة وراحت ولد صغير يباوعلهم ويضحك جرتة الحرمة تكمخة وتعضة تصنمت بمكاني شنو هل عائلة انضربت على وجهي بالطوبة الصغيرة باوعلي ولد يمسح وجه ودموعة ع خدة
11

::- وخرييي ما تشوفين جاي نلعب يلااا وخري

لزمت خدي بصدمة واستغراب نزلت للداخل عثرت بطفلة تحبي بالكاع بس هيه جبيرة مبينه دا تلعب مع اخوانها باوعتلي كزت ع اسنانها

::- هوووو هوووو
1

حور: اسم الله الغحمان
3

تركتها ودخلت جوه اباوع لحلا تحك شعرها مثلي ما مصدكة شي
2

حلا: يمه لعبت نفسي من بيتنا

حور: منو هل اطفال هل نسوان منو شنو السالفة

حلا: شبيج شوية بعد ويلزمون عقد عهد وعقيل وهذن النسوان معرف منين

حور: هوسة فرد مره

حلا: باوعي هذا طفل عضني لأن كلتلة اسكت عبالك جلب لزم ايدي عضعضني باوعي
3

لزمت ايدها صايرة زركة صدك جلاب مو أطفال
لحكتني هاي الطفلة تحبي وراي وحلا تطردها وهيه تصيح هوو هوو خبلتني اجتة نفس الحرمة عضتها خلتها تبجي كمختها واخذتها باوعت لحلا ما مصدكة شهل ناس
9

حلا: اخاف اسلم عليها وتعضني
2

حور: ليش تعضهم خطية

حلا: بيها أداء الجلب للأسف
1

دخلت للمبطخ تريكت ولو هو غدا وقرب المغرب وأني اتريك بس حتى ما يحجي عليَّ شربت مي صعدت بسرعة اخذت علاجي غمضت عيوني بقوى شربتة نزلت بسرعة اساعدهن غسلت المواعين باوعت لباربي

حور: باربي البنات عندج

باربي: يا اختي خليتهن بالغرفة خفت لا هاي الحرمة تعضهن
6

ياسمين: اشش لا تسمعج عيب ولج

باربي: خيه تمشي وتعض العالم خفت بصراحة

حور: اروح اطعمهن بسكت بجاي ناعس على حلكهن

باربي: طعمهن أيهم وقيسر وعلاء أخذ ليث
1

ياسمين: والله خوش زلم

باربي: بارك الله لهم

جواهر: باربي أخاف عاقر شكد صارلج ما سمعنا حبلتي
2

تركت الماعون من ايدها صفنت على جواهر بخوف حجيت بسرعة

حور: ولو حتى عاقر شراح يصير فروخي هم فروخها أصلاً يريدونها أكثر مني وبعدين شنو السالفة الي ما تخلف من وقت بسرعة صارت عاقر؟
شهل تفكير وهيه بعدها ما فاضية علاء ما يريد هسه ما سمعتي قبل كم يوم كال ما اتعبها بالأطفال وهو ناوي برأس السنة يسافرون حياتهم مشاغل وراها جامعة وتكمل دراستها وعلاء يريد يبني بيت الهم شلها بالهوسة من هسه لاحكة بعدها عروس
1

ياسمين: لا عاب لسانج والله

جواهر: بس نصيحة اخذي فحوصات وشوفي نفسج لأن حالتج مو طبيعية

باربي: يا روحي شايلة همي عمت عينج أي والله
1

انقهرت عليها اباوعلها ندارت تكمل شغلها تغسل الجدرية بقوى حجيت بهدوء احس كلبي انمرد عليها

حور: جواهر التهي بروحج عمرج راح يصير بالأربعين وانتِ لا ولد ولا بنت عاد هيه هستوها عشرينات لاحكة ع وجع الرأس والسهر وهل سالفة لا تفتحينها لأن ما تخصنا تخصهم هم الاثنين هسه ارجعي لشغلج البيت مليان عيب ما نريد هوسة وكال وكلت
2

راحت هيه دخلت نجود بيدها سلة ملابس باوعتلي اشرتلي اطلع طلعت وراها صعدنا ع درج

حور: شبيج

نجود: مابيَّ شي بس أيهم ينتظرج فوك

حور: وجهج أحمر؟

نجود: بعدين احجيلج

هزيت راسي مسحت ايدي بملابسي كلهن مي دخت من الهوسة فتحت الباب دخلت جوه باوعتلة بيده الموبايل حجيت قبل لا يحجي

حور: شربت العلاج

باوعلي بصدمة حجه يريد يتأكد

أيهم: جذب
7

حور: والله شربتة من كعدت

فتح الجرارة طلع العلاج يباوعلة ما مصدك

أيهم: الله أكبر أول مرة تأخذين العلاج بدون صياح وصراخ وجع رأس الله أكبر

حور: ترا أني اشرب العلاج بس هو مُر لهذا اثولها

طلع جُكليت من جيبة ذبه بوجهي لزمت الكيس لا يطيح

أيهم: اكليهن بس ثلاثة

حور: هههه قصدك كل ما أخذ العلاج اخذ ثلاثة

أيهم: هههه لا يا حلو كل ما تأخذين العلاج تأخذين جُكليتة وحدة وبس

لويت شفتي ذب الشماغ ع وجهي

أيهم: ما عاجبها يابة

حور: كسيف

أيهم: أي صح امشي غيري ملابسج وين جنتي؟

حور: جوه اساعد البنات وملابسي تبللن

أيهم: لا تمدين ايدج ع شي هن يشتغلن

حور: لا لازم اساعدهن خطيه ما يلحكن وحدهن البيت هوسة

أيهم: وحدتهن تطبكج مرتين ثلاثة وانتِ تفترين بيناتهن تكعدين مع امي وتنلصمين تفتحين حلكج اشكة الج

حور: أخاف تعصبت وجاي اطلع حركت كلبك بيَّ اسكت حتى تنجلط واشوفك شلون تنجلط عفية

عض اصبعة بقوى شرايين ايديه برزن عبالك صوندات بس حلوات
14

حور: تدري أيهم انتَ حلو

أيهم: الحمدلله والشكر

حور: والله ايديك حلوة وجهك حلو بس اخلاقك ما حلوة

خفى ضحكتة حجه بعدم اهمية بس اعرفة يريد يضحك وأني صفنت عليه اريد ابعد انضاري عنه مكدر معرف شبيه

أيهم: طفل أنا طفل اروح بكلمة منج وارجع بكلمة طاح حظي
15

حور: شدعوة هيج حلو والله معرف شبية عليك اليوم
13

أيهم: وليدي تتنسى عليَّ؟

حور: شلون يعني؟

أيهم: تريديني يمج؟

حور: أي

أيهم: وللللجججج ابووووس شرشر وامهااا من هسه هيه واكفة وياااي تريد ابوووها يااابة افديهاا
20

حور: ليش تصيح؟

أيهم: فرحان فرحتين غمرني شربتي العلاج بدون كلام وهسه تريديني يمج شريد من الله بعد
5

حور: فغحان؟

أيهم: أي والله فغحان فغحة جبيغة

حور: تقلد عليَّ؟

أيهم: أي لالا

حور: تكذب عليَّ؟

أيهم: حبيبي خففي هرموناتج ترا هاي مو حالة قسماً بالله مو حالة

حور: بغدت طلعلي ملابس

طلعلي صاية جبيرة فرغت شفتي بصدمة وطلع حجاب ناعم بس جديدات ما شايفتهن بكنتوري قبل لبستهن طلعلي كفوف باوعتلة خزرتة حك طرف حاجبة

حور: ما البسهن ترا ما طالعة برا البيت

أيهم: مو أحسن أنا جاي افيدج

حور: ما اريد

أيهم: يـ...

حور: لعد ما انزل ديلا

كعدت ع جرباية ذبهن ع ميز

أيهم: روحي ولي لا تلبسيهن

نزلت وياه عدل الحجاب ع وجهي نزلة ع عيوني شوية ردت اعيط صعده بسرعة خزرني اشرلي اسكت سكتت صاح عمة ضحى اريده يروح حتى اتحرك براحتي
1

أيهم: يُمه هاي البلوة تلزمينها زين لا تخلينها تكوم من مكانها أبد أبد اذا عاندتج بس صيحيلي وما عليج

حور: عمة يريدني اتصنم بمكاني احجي وياه

ضحى: لالا خليها يمي تكعد عاقلة

غمزتلي ابتسمت الها

أيهم: يوم اذا كامت من مكانها اخبلجن اخلص عليج وعليها وأنا حذرتجن

راح وتركنا فلتت ايدي منها دخلت للصالة بيها باب يدخل للديوان بس عازلنا هل باب خلن الكرسي قريب الباب كعدت عهد صوت الزلم عالي اباوعلها لابسة فستان ابيض ناعم القران ع ايديها وحبات الهيل بين اصابعها تقربت باربي خلت جوه رجليها طشت مي بي ورد اباوعلها ترجف همستلي حلا وهيه عاضة شفتها

حلا: يمتى ارجف هل رجفة مع كظومي
1

حور: خيه اخجلي

حلا: دولي والله لا اخلي هو الي يرجف مو أني

نجود: والله أني هم اريد ارجف هل رجفة مع مازن سودة بوجهي مختفي هل أيام

ياسمين: بقت عليَّ؟ زوجوني

حور: مو عسكر يريدج والله وايهم موافق كال بس تنتهي سالفة عهد يحجي وياج

بلعت ريكها عبالها اشاقة صفكت بيديها حلا ضايجة

حلا: هسه يكول انتظري اختج تعرس وانتِ وراها خاب تزوجن بسرعة اريد كظومي

ياسمين: بلا اسكتن

ضحكت على ملامحها بدأ الشيخ يقرأ مسحت على رجلينها عمة ضحى تهديها

الشيخ: يا بنتي عهد بنت شاهر هل تقبلين الزواج من عقيل أسهم على المهر المتفق عليه.... وبحضور الشهود
1

رفعت رأسها مسحت على كتفها ابتسمت الها اهديها ثلث مرات عادها ابتسمت هيه حجت بخفوت صوتها بالكوة ينسمع

عهد: نعم قبلت
2

سأل عقيل مجرد كمل كلامة رد بسرعة ردت اضحك لزمت نفسي

عقيل: قبلت وحك الله
19

امه طكتها بهلهولة خلتني اصفن يمكن حتى الزلم بالديوان سمعو هلهولتها عضت شفتها باربي حجت وهيه ادير وجها

باربي: يمممه يمممه الله يعينج عهد هاي اذا هلهولتها هيج لعد صوتها العذب شلون

باركنالها رجعت لمكانها دخل أيهم بيده دفتر وقلم اشرلها ع ورقة وقعت هيه بأس راسها ابتسم الها بس وجه أحمر

أيهم: الف مبروك يا بعد اخوج

عهد: الله يباركلك يا روحي

طلع هو باوعت لمناوي حجت بضحكة

مناوي: احسه ما قابل على شي

ياسمين: صح ضايج يلا عادي يتعود

انفتح الباب دخل عقيل و امه ما تركتة وباربي ما خلت كلمة ما حجتها على كلشي تعلق لابس عباية تارسة متونة تقرب الها بأس راسها معرف شنو همس الها وهيه ضحكت لبسها الحلقة انفتح الباب دخل شهاب باوعلها ضحك بخبث

شهاب: يُمه جنتج اخذت ابنج

بهجى: ما عاشت الي تأخذه مني لو مو جنتي

حجتها بحزم نطت باربي من مكانها

باربي: للأسف هذا كلامج كان صار قبل شوية بس هسه كلشي اختلف ابنج لزوجتة احتفضي بهذا شهاب عانز بعده ع كلبج

شهاب: تخسييين وبنات عمييي موجودات اختار واخذ بكيفي

حلا: امشي منا لا اطكك بزيج
10

شهاب: بس لا اخذتي الموضوع ع نفسج؟ قدي تالي عمري اخذلي رأس بصل
1

عقيل: شبيك وياهن ولك

لزم الطبلة الصغيرة دك عليها يباوع للباب

شهاب: على عناد الكال ما ننطيها بنيتنا النا وهذا رأينا

دخلو ولد عمامة بالصالة يهوسون ندستني مناوي تضحك

مناوي: اكص ايدي اذا ما سو هيج حتى بس يقهرون اخوانها

حور: والله صدك لأن قيسر وايهم ماكو حتى علاء

باربي: اختفو مثل البزازين بعيد الأضحى يختفون

بعدنا نحجي دخلت حلا بنصهم اخذت الشماغ من شهاب رفعو ايديهم يهوسون وياها الصالة مالها محطت رجل فكيت عيوني ليث بنصهم لزمت نفسي ما اضحك

أحمد: هاي بنيت عمنا هاي بنيت عمنا وجنتنا تصير حلفنا كبلها ما تدوس عتبتنا ‏و هاي فرحتنه الجبيره فرحت كل العشيرة وهاي فرحتنه التمام فرحت كل العمام

دخل بنصهم أبو عقيل يهوس بعكالة

أسهم: احظر يالمهدي كل عرس وبارك بي احظر يالمهدي
12

يأمن: زفيناه بصاية حيدر وعقيل رش الدربونة وداست بساطنا بنيت عمنا الخاتونة

حلا: ومن فرحنا اليوم عدونا يدك طبولنا
3

شهاب: واهمد يل شامت شال عكالة وهوس بي واهمد يل شامت

بهجى: تعالي تباركي يا ام الحسين ابنا ثجيل وراخي للعين

اشر شهاب ع أيهم الي وكف ع باب يباوعلة يريد بس يلزمة دك ع طبلة بقوى الصالة هوسة تطرش الاذن

شهاب: حقي من اضوجن واقصف الغمان
يعمي الشيخ الصلي شلون مالة مجان
تاركينه وحده يصلون بالديوان

أيهم: بس الزمك اخبزك خبز العباس
6

هو حجاها واني غصيت من الضحك لحد ما فضت الهوسة وكلهم راحو فرغ البيت من الصوت العالي والفوضى اخوانها باركولها بس مبين عليهم الضوجة نضفنا البيت من هوسة الأطفال وهم ما شاء الله هواي كعدت على درج جريت ليث لحضني بستة بخده

حور: وين اكو كيك يهوس

ليث: چا يُمه ما نهوس

حور: لا هوس يا روح روحي

دفعتة من حضني صاحتني عهد دخلت لغرفتها سدت الباب طلعت علبة صغيرة خلتها بيدي حجت بهدوء وهيه مبتسمة

عهد: ما كدرت افتحها كلت الا انتِ وياي

حور: اها يا عيني شنو هل علبة

عهد: معرف لعد أنا المن صحتلج

حور: فديت الخجلانة عيوني

ضحكت بخجل كعدنا ع جرباية فتحت العلبة طلعت منها كلادة ناعمة هواي نازل منها سلاسل ناعمات بيهن ورد صغار فصالها أخذ كلبي وياها رسالة صغيرة خليت الرسالة بيدها

حور: اقريها بفراغج

عهد: لا خلي اقراها هسه اشو الفضول لعب بحالي

حور: لعد افتحيها

فتحت بيدها باوعتلها ابتسمت على جمال الكلمات المكتوبة بخط حلو وعريض

::- مثل الحمامة طرتي هواي هواي وتالي رجعتي لعشج العالي اعشكج عشك المخابيل يا أول ذنب واخرة توبة
17

خدودها بسرعة اخذن مجارهن حمر دم عبالك هو كدامها وغازلها تحمست حجيت بسرعة

حور: البسيها

عهد: استحي منهم والله يا حور

حور: ياريت اطلك واتزوج واحد يكتبلي رسائل وهيج كلمات حلوات ياربي
2

عهد: عزا العزاج لا تحجين هيج كدام احد

حور: أي ليش اريده هيج شخص يعبرلي عن حبه بكلمات

عهد: لا يسمعج ولج استري على نفسج يا معزاية

سمعت صوتة يصيحلي غميت الباب باوعتلها هزيت راسي بقهر

حور: هو هذا الي تريديني اكضي حياتي وياه يا يكمخ يا يعيط صوتة شعلاتة

عهد: جواهر تتمنى يحجي وياها ولو كلمة وحده وانتِ تتبطرين

حور: خلي تاخذه بصوفو ولبنو
2

عهد: هههههه سويتي طلي رحم الله والديج

خليت الرسالة بيدها غمزتلها غمتني ردت اطلع حجت بسرعة

عهد: لا تحجين لحد ولج

حور: لا يمعودة اطمني

فتحت الباب طلعت برا الغرفة وهو طلع من الهول باوعلي تقرب الي سحلني من كتفي للدرج حجه بقهر

أيهم: مو جاي اصيحلج كولي هاااااا يااااا خرااا

حور: يعني انتَ هسه شبيك

أيهم: ولججج صارلي ساعة اصيحلج كولي هاااا شتريد خييير مو تنلصمين

حور: مو جنت جوه

فتح الباب دخلنا جوه ذب الساعة ع ميز

أيهم: يعني اذاااا انتِ جوه ماااا تردين ماا عندج لسان

حور: جنت احجي مع عهد وشوفتني اغراضها

صفن عليَّ ركض بسرعة لزم ايدي جرني اله

أيهم: تعالي حبيبي وليدي

كعدني ع رجلة شغل الجكارة قلص عيونة اعرفة من يسوي هل حركة معناها يريد شي

أيهم: هذا العار ما سوا شي منا منا؟ يعني لزم ايدها باسها حجه صخم لطم؟

حور: لا بس باسها

أيهم: عفيييية وليدي كمل حبيبي السبع

حور: ولبسها الحلقة بيها عطر بس هواي حلو وكتبلها رسالة
15

أيهم: الله الله علييييك ابوووو الرومانسيات ما يهكد بمكانة كملي وليدي كملي

حور: وجابلها كلادة ناعمة وحلوة


أيهم: اييييي عمييي اييييي عفية كبر طمني أي والله كبر الكبرني كملي وليدي وبعد شصار؟

حور: مم وبس

أيهم: متأكد وليدي؟

حور: بس هيه كانت خجلانة كالت لا تحجين لحد وانتَ أيهم لا تحجي لحد لأن عيب خطية


أيهم: لا شلون افك حلكي بكلمة

ارتجيت ع اكتافة باوعت للحايط حركت ايدي اشرلة واني الف شعري ع اصبعي بعشوائية

حور: مم تدري أيهم شنو اتمنى

أيهم: حور قسماً بالله الكريم لو جفصتي الا اشك حلكج واعبي تبن


حور: تؤ لا تقاطعني خلي أكمل كلامي رجاءً

أيهم: أي بلا كملي؟

حور: اريد اطلك

أيهم: بدت رحمة الله انصحج لا تكملين وسدي حلكج رحمة للخلقج لا تكفرينا

حور: واريد أخذ اطفالي وادخلهم روضة  

أيهم: سهلة

حور: واشتري سيارة

أيهم: هم سهلة

حور: واصير ممرضة

أيهم: انعل ابوج أحسن

حور: واصير مشهورة


أيهم: ...... احسن بشنو تشتهرين بفهاوتج

حور: عيب عليك والله ما تستحي ترا ما يجوز هل الفاظ انتَ رجال جبير بالعمر ممكن تحترم نفسك وتحسن الفاظك الي غير محتشمة وتعدل من اسلوبك وكلامك الغير لايق بيك


دنك نزع الحذاء ركضت للجهة الثانية من الجرباية رفعت ايدي اشرتلة بسرعة

أيهم: تعاليييي حووووور لا قسماً بالله اكضي بيج التوبة

حور: رجاءً رجاءً عيب هل تصرفات انتَ انسان واعي وكبير لازم تقدر تصرفاتك ما راح يصير شي اذا حسنت من نفسك هذا الاسلوب أبداً ما يدل على الاحترام

أيهم: انعل ابوج لابو شاهر أنا.... ما عرفت اربيج تعاليييي هناااا

حور: تصرفك ما عجبني بصراحة ويعني ما عندك احترام شوية

أيهم: كلللللتتتتتتتت تعاليييييي هنااااا اخذيلج راجدي يريح راسسسج وعد عقلج راح يرجع لراسسسسسج


ملت راسي ما يفيد وياه الكلام

حور: ايهومي اهدا مو كلشي ينحل بالعصبية ترا ازعل منك والله والله ازعل وبعد ما احجي وياك ابد ابد


ذب الحذاء ع باب الغرفة مسح وجه يصبر روحة كعد ع جرباية ينهد بتعب كعدت وياه مسحت على ظهره دنكت راسي اباوعلة يفرك راسة بيديه بوجع

حور: راسك يوجعك؟

أيهم: بنت الحلو هسه يروح الوجع

حور: خلي اهمسلك

أيهم: همسولج أن شاء الله همسة لا تطلعين منها

حور: هاي عليَّ؟ واني اجيت اساعدك هيج تحجي؟

أيهم: لاا وليدي مو عليج على هل سرسرية لو اكظهم الا ادوس براسهم اخليلهم عقل حتى أنا ارتاح انعل ابوهم ابتليت بيهم بلوة لا اكدر احاجيهم ولا اسكتهمم

حور: يلا ميخالف خلي اهمسلك

أيهم: روحي نامي

حور: لا اريد انزل جوه اجيب البنات واشوف ليث وينه اشو مختفي

أيهم: نامي مع ابنج أنا اريد شمس بحضني


حور: الله ياريت

أيهم: صدكتي؟

حور: ها

أيهم: كومي ننزل كومي

لزم ايدي نزلنا جوه دكيت الباب فتحة علاء باوع لـ ايهم حجه بهدوء

علاء: الله جابك خلي ناخذ شمس للمستشفى

حور: ليش شبيها علاء

دفعتة دخلت جوه اخذتها من حضن باربي باوعلها بقلق رادت تحجي باربي خزرها أيهم ما اهتتميت الهم حضنتها مابيها شي

حور: بس مابيها شي

أيهم: مابيها شي بس مصخنة

وجها بارد مابيها شي أبداً بس تتنفس بصعوبة نزلن دموعي شهكت بخوف حضنتها بقوى راد يأخذها مني ما قبلت

حور: يمه شبيها اسم الله

أيهم: حور جاي تخنكينها اتركيها حبيبي

جرها من ايدي لزمتني باربي جر السويج علاء اشرلة يطلعون اخذها وطلعو طلعو ورانا البنات وقيسر لزمت أيهم بسرعة وهو مستعجل

حور: ما اكدر ابقى هنا عفية خلي اجي وياك الله يخليك

أيهم: لا حوري ابقي هنا هسه نرجع صدكي

قيسر: ما عليج منهم اصعدي غيري ملابسج حتى نطلع وراهم يلا بسرعة

ركضت بسرعة صاح وراي بعصبية

أيهم: لااااا تركضين

صعدت بسرعة لبست ملابسي نزلت وراهم ركض باوعت لباربي لزمت ايدها

حور: امانتج ليث وقمر الله يخليج عينج عليهم

باربي: بعيوني والله بس اهدي

صعدنا بالسيارة ويانا عمة ضحى والبنات وصلنا للمستشفى ما خليت دعاء ما قريتة ما خليت امام ما نخيتة..نزلنا بسرعة دخلت جوه اباوعلة مرتاج ع حايط صافن ع ردهة تقربت اله ريكي نشف من الخوف لزمني خلاني جوه ايده حجه بوهن


أيهم: مابيها شي وليدي مثل ما ليث جان يصخن ونجيبة هنا

حور: والله والله خايفة

أيهم: لا تخافين بس اهدي حوري حبيبي طفلة صخنت وتمرضت عادي مابيها شي ليش هل خوف

نداريت ع صوتهم باوعولنا بأستغراب جرتني منه حجت بغرابة

شمس: شصاير شعدكم هنا

أيهم: شمس تعبت وجبناها انتو شعدكم

عسكر: امي مريضة وصارلنا يومين هنا هسه بطلعتنا شفناكم

همستلي شمس وهيه تحجي بهدوء

شمس: عادي كل طفل يصخن عليمن هل خوف ولج

حور: مـ ما تكدر تتنفس

عسكر: تعالي هنا تعالي ترا طفلة يمكن اختنكت من تغير الجو أكيد تمرض

حضني لصدرة يحجون وياي عيوني ع ردهة طلعت الدكتورة راحلها أيهم فتحت الباب ودخلو ما قبلو اخواني ادخل شمس وعفرا دخلن ورا أيهم وراهم رصار سمعت صرخت أيهم المكتومة نبض كلبي بخوف دفعت عسكر لزمني قيسر ما قبل ادخل وائل جرني منه يريد يطلعني من المستشفى تخبلت


حور: اتركووووونييي ياااربي شبيكم ويااي

عسكر: بس تعالي خلي ننزل نجيب الها علاج لأن ما راح يدخلونج هسه

حور: بنتييي جوه منووو ماااا يقبل أدخل مو بكيفكم بنتي مختنكة جوه


دفعت قيسر ابتعدو من طريقي دخلت للغرفة رفعت النقاب اباوعلهم ملتمين عليها ورصار يمسح ع ظهر أيهم وعفرا تبجي راسي انسطر دخلت بنصهم رادن يلزمني دفعتهن ضحكت بصدمة وخوف فاتحة عيوني على وسعهن دفعتهم عنها عطت بوجهم


حور: بعدوووو عنهااااا كلشي مابيهاااا هسه اخذها للبيت عند اخوانها هسه تكعد وتناغي مع ليث


ضحكت بهدوء رفعت القماش الابيض من وجها مسحت على وجناتها الباردات الوليلها


حور: تعالي يا امي حبيبتي ليش مغطينج بهاي الوصلة بعدج صغيرة عليها هسه تختنكين منها

ردت اشيلها بس حيل مابيَّ حيلي انهد من فقدتها اباوعلة يبجي دموعة بللن السدية اريد استوعب بس مو بيدي لطمت ع وجهي اريد اصحى من الحلم الآني بي كتفتني شمس معرف منين اجاني الحيل دفعتها لورا شلتها بحضني رادو يلزموني حجه بخفوت


أيهم: اتركوها


كعدت بالكاع خليتها بحضني مشيت ايدي على وجها البارد شفايفها بيض ركع كدامي هزيتها بحضني طبطبت على ظهرها ضميتها لصدري شميت ريحتها ابوسها بقوى على كل انش بوجها مد ايده بحذر عيونة دم وجه محتقن


أيهم: خلي اخذها ابوية يلا كومي وياي


حور: وين تريد تأخذها هستوك كلت انيمها بحضني
مو كنت مشتاقلها مو كلت اريد اخذهن للمراجيح
ما يصير تاخذ اختها وتتركها هههه هسه ليث يأخذها هو يريد شمسي ما اكدر ارجع للبيت واكللة اختك بقت هناك


مسح على راسها خلة الشماغ ع وجه يبجي كعد كدامة قيسر ربت على اكتافة يمسح وجه

قيسر: كول يا الله ربك خلق هل روح واخذها بقدرتة كوم على حيلك زوجتك وجهالك بحاجتك


اهتزت اكتافة صرخ بقلة صبر حضنتها لصدري على صرختة صحيت من صدمتي دموعي غركن وجهي حضنتها اقوى ما ردت يأخذونها مني حضنة قيسر يبجي طلع علاء برا جرني خواتي حضنتها أكثر صرخ صرخة رجت المستشفى كلها


أيهم: ردت امـــشــي بــيـها للمـراجيح مـو للـنجـف يا كسرتي الجبيره يول والله كسـرتني يا عـلـي

_________

يتبع

  تصفح



الحلقة الثامنة والثلاثون 💫
65.7K 2.6K 2.6K

بواسطة al-Dulaim
﷽

كسار الود 5:5
5

.رحمة الدليمي.
4

انتِ بروحي من المعجزات السبعة♥
8

ــــــــــــــــــــــــــــــــــــــــــــــــــــــــــــ

رتبت المكان دخلت للغرفة وياه جهزت نفسي الدنيا صارت حارة بوخة الجو متقلب مرة حارة مرة باردة هوا وشمس حيرة طلعت ركض اخذت السويج من جيبة فتحت باب السيارة صعدت وهو يقفل باب البيت صعد وياي أخذ مني السويج شغل السيارة ومشت دخلنا بشارع مابي أحد لزمت ايده بسرعة
1

ود: اوكف كسار اوكف
1

كسار: شكو
1

وكف السيارة مستغرب ذبيت الشال فليت شعري فتحت الجام طلعت راسي وجزء من جسمي ضحك بخفة دار السيارة ع نفس الاتجاه وانطلق بسرعة باوعت للشارع شعور يجنن الهوا عالي والسما صافية رجعت لمكاني اضحك
1

ود: احسنت زوجي الغالي قرت عيني اكللك زوجي
4

كسار: نعم يا زوجتي
1

ود: الى أين ذاهبين
1

كسار: للدكتورة لكي تلقي الفحص عليكي يا زوجتي
1

ود: ماذا تُريد مني؟
2

كسار: لكي نعرف هل انتِ حامل ام لا
1

ود: يا الهي دخيلك ربي
11

كسار: دخيل اسمة

شبكت ايدي بعض باوعتلة عيونة طريق ملتهي يسوق حجيت بهدوء

ود: كساري

كسار: ها يا روحة

ود: اسفة

كسار: على شنو؟

ود: علمود غلطت عليك وعلى عمة بسملة بس والله هي حجت كلام يقهر

كسار: شنو حجت؟

ود: كالت لو تزوج غيرج جان هسه بحضنة ولد

كسار: هههههههه هاي شلون سالفة يعني الحياة ما تكمل الا بالولد

ود: هي تكول هيج

كسار: كلامهم نسمعة بس مو ضروري نتعب نفسنا بي ولازم انفذه ربج خلقلج اذنين وحدة تسمعين بيها الي يعجبج وحدة اطنشين بيها الي ما يعجبج
بس سلكي الهم
3

ود: يعني لو ما طلعت حامل؟

باوعلي ورجع انظارة للطريق حجه بخفوت

قد يعجبك أيضاً

زوجة الكولونيل [ 2 ] COLONEL'S WIFE
876K
17.2K
[ الـتـكـمـلـة ] هو : تَبْتَغين من غضبي الخمود ... وتأملين أن أضع أصفاد لأسد غيرتي بينما أرى حولك من الرجال حشود ... تستقصي من زئيري الجُمود ... ومن ردود أفعالي الخمود...

ذيب الغربية
1.3M
69.4K
"رَجُلٌ غَربِيٌّ قَويٌ شُجاعٌ يَملَأُ القَلبَ بِالحُبِّ وَالإِخلاصِ عَيناهُ تَشرَقانِ بِالحُبِّ الحَقيقي وَقَلبُهُ يَضُمُّ الحُبَّ كَأَنَّهُ رَوضٌ أَنيقُ يَمشي عَلى...

رهينة يناير
464K
12K
لا أحد يقرأ المُقدمات ، ولم أحظَ بمقدمة لكل ما حصل في الرواية ، لأن كُل شي يأتي دون علم مسبق أو أنذار ، حتى خاتمة لا أثق بأنها ستكون لائقة بها ... ـ زينة أحمد تم تغير ا...

كريات الدم السمراء
1.7M
108K
صرخات مكتومه دماء ليس لها لون. نضرات مرعوبه انين صامت بكاء ك بكاء الاخرس هل جربت يوما ان تخوض تجربة الخوف ؟ او تواجه الموت وانت عاجز ؟ لا محاله ان تجد نفسك في عال...

لهيبُ الرتب
198K
9K
: النار التي ظننتها ستحرقني أنارت طريقي

البيبرس
1.6M
90.9K
ينتابني في أول الخريف إحساس غريب بالأمان والخطر أخاف أن تقتربي أخاف أن تبتعدي أخشى على حضارة الرخام من أظافري أخشى على منمنمات الصدف الشامي من مشاعري أخاف أن يجرفني موج...
كسار: بعد أحسن

ود: ليش؟

كسار: بعدج صغيرة ودراستج كربت حمل المسؤولية أعرفها صعبة عليج صح انتِ قوية بس زحمة
5

ود: كسار اعتذر من عمة بسملة
1

كسار: ابد ممنوع ابد الوالدة غلطت غلطة جبيرة من ضربتج والله لو ما امي جان تصرفت وياها غير تصرف والصوج منج هم
1

ود: ليش

كسار: لازم اطلعين نفسج ودافعين عن روحج بكلشي لو حتى الجدامج أكبر منج بس عاملي بالمثل وخلي يلزم حدودة

ود: صح كلامك بس خجلت منها

كسار: مو شرط تعلين صوتج بوجها ولا تجاوزين عليها ابد بس احجي دافعي عن نفسج لا تخلين يسلطون عليج
11

ود: تمام

جر راسي بأسني بقوى وصلنا للدكتورة ما أعرف شي متوترة وخايفة لزم ايدي دخلنا للعيادة حجه مع السكرتيرة حجز بأسمي وطلعنا عبالي راح نصعد بالسيارة بس ما قبل جرني للسوك نفخت بملل من دخلنا لمحل ملابس للدوام باوعلي رفع حاجبة عدلت تعابير وجهي ابتسمت قويت لزمتي ع ايده
1

ود: متحمسة ارجع للدوام
1

كسار: واضح بوية الحماس خنكج

ود: ذبحني ذببححح

كسار: صوتج

مشيت ورا وكف يباوع للصدريات لويت شفتي كرصني من ايدي لزمتها بوجع

كسار: عدلي نفسج

ود: أي

اختاريت صدرية نيلية وهو أخذ وحدة لونها أسود بيها شريط أحمر من جهة الصدر ناعم هواي اخذت ملابس كاملة طلعنا من المحل اخذلي قرطاسية رجعلي الشغف من جديد بقينا نفتر لحد ما رجعنا للعيادة دخلنا للدكتورة دخل وياي لزمت ايده والله معرف شي بهل سوالف جرني من ايدي اشرلي ع سدية هبطت
1

ود: لا بلا؟

كسار: بس خلي تأخذلج سونار

ود: لا ويع شراح تسوي

كسار: هسه أنتِ تمددي وما عليج

سمعت كلامة خلت جل ع بطني لزمت ضحكتي ردت ادفرها تكزبر الجسد لزم ايدي يباوع للشاشة بتركيز مسحت الجل من بطني اخذت الأوراق وطلعت عدلت نفسي نزلت ملابسي عدل الشال ع راسي طلعت وياه ذبت النظارات وهي مبتسمة ردت اكمخها دحجي نريد نفهم الزبدة

::- مبروك حامل

الضحكة شكت حلكي عكسة هو حسيتة ضاج اختفت ضحكتي ما فاهمة شي باوعلها حجه بهدوء

كسار: شايلة كلى عدها بس وحدة عادي لو عليها خطر؟

::- من يمتى شالتها؟

كسار: من عمر 15

عقدت حواجبها هزت راسها جرت القلم تكتب بالورقة خلتها ع ميز اخذها هو

::- خلي تستمر ع هل علاج وان شاء الله ما عليها شي

كسار: يعني ما عليها شي بالولادة أو أيام الي راح تمر

::- لا عادي بس لا تتعب وتستمر ع هل علاج اذا صار وياها أي شي خليها تراجعني مرة الثانية وعدها العافية

تشكر منها طلعنا برا باوعتلة بأستغراب

ود: ليش ضجت من سمعت بحملي كلت هسه راح تفرح

ابتسم بوهن ذب حسرة وهو يتنهد

كسار: خايف عليج

ود: من شنو

كسار: من كلشي

ود: احح كساري هيج خايف عليَّ؟

كسار: چا يا بلوة اذا ما أخاف عليج أخاف على منو

ود: هسه اني صرت بلوة؟

كسار: واحلى بلوة

ضحكت على كلامة صعدنا بالسيارة حجيت بهدوء

ود: كسار ما اريد أحد يعرف أني حامل

كسار: ليش

ود: هيج بس أحسن

كسار: غير افتهم؟

ود: مو جانو يشمتون بيَّ خلي يكملون شماتتهم

كسار: وطز بيهم

شغلت أغاني طفاها ضربتة ع ايده شغلتها تنهد يستغفر بصوت ناصي طكيت اصبع باوعلي مصدوم ما مستوعب غنيت مع الأغنية عض شفتة همس بخفة

كسار: وحك ربج كوتة

ود: وانتَ شلاتي لا عبالك اسكت

كسار: رجب؟ هذا رجب هيج عاجبج؟

صفكت بيدي الصوت حماس

ود: رجب حش صحبك عني
رجب صحبك جنني
رجب قرب طمني
رجب وقلو يسيب قلبي
19

كسار: الله الله عفية بالهيلكة عفية

ود: رجب حش صحبك عني
رجب صحبك جنني
رجب قرب طمني
رجب وقلو يسيب قلبي

كسار: لا تخلينا نغلط لطشتي رجب ورجب انلصمي عاد
ود: لو كان ده نسيني ... مين هينسيني ... شوقي لـ قلبو الغدار
طب ليه يبكيني ... ويقلي نسيني ... يرميني فـ وسط النار
من قال رح اسيبو ... انا لازم اجيبو ... عاشق مشتاق محتار

كسار: ديلا فضينا وطفيها لطشتي

ود: رجب عديت للميه
رجب اه وانا بنت شقيه
رجب صحبك مش ليه
رجب قلو يسيب قلبي
اه رجب

كسار: وجععععع

طفاها خازرني ما يدري حافظتها على كلبي رجعت اغني بهت وجه

ود: رجب صحبك اهو شافني
رجب وقال ما بيعرفني
رجب والله ده خوفني
رجب اه يانا يا غلبي

ود: رجب صحبك اهو شافني
رجب وقال ما بيعرفني
رجب والله ده خوفني
رجب اه يانا يا غلبي

كسار: ترا طوختيها رجب ورجب كافي ود انلصمي

ود: لا سلام لا كلام ... ولا حتى ملام ... ولا قال ايه الاسباب
حنساه في الحال ... لو قلبو ده مال ... او قال محناش احباب
من قال رح اسيبو ... انا لازم اجيبو ... عاشق مشتاق محتار
رجب طب رجب
8

كمخني على راسي لزمتة بوجع باوعتلة غنيت بصوت عالي
2

ود: رجب حش صحبك عني
رجب صحبك جنني
رجب قرب طمني
رجب وقلو يسيب قلبي

ود: رجب عديت للميه
رجب اه وانا بنت شقيه
رجب صحبك مش ليه
رجب قلو يسيب قلبي
اااه رجب
3

كسار: رجب راح يجيبج براجدي يكللج اه يا رجب
5

حجاها وكمخني لزمت راسي بثول خزرتة وهو خازرني

كسار: نزلي عيونج صلفة

ود: شلاتي ما تستحي على روحك

كسار: رجب؟

ود: لا شعبان هههههه اضحك

كسار: الحمدلله ع نعمة العقل

ود: دا اكللك اضحك

كسار: لج بابا شبيج انتِ؟

ود: كسار اضحك

كسار: هههه
12

ود: لا اضحك هواي يعني ههههييييييييي

كسار: هاي ضحكة مال استغفر الله العظيم

ود: كسار اضحك

كسار: ههههههههه يا بوية هههههه هههههه
17

ود: تضحك ولا تسحب بريك صدك جذب لعبت نفسي
2

هزيت ايدي بملل باوعلي ما مصدك يريد يضربني ويبتعد ضحكت بهدوء حضنت ايده

ود: لا تزعل بس احب اضوجك مني

كسار: أعرف سوالفج

وصلنا للبيت نزلت طايرة من الفرح لزم ايدي فرحان دخلنا للغرفة نزل جوه يغسل دخلت للحمام ذبيت ملابسي لبست كلابية كصيرة فليت شعري طلعت للغرفة باوعتلة لازم جكارة ينفث الدخان للسقف ثاني رجلة وحدة ع جرباية وحدة ع كاع بدون قميص باوعلي فتحلي حضنة ركضت اله بعد شعري من ركبتي بأسني بخفة رجفت بقشعرية خلة راسة على كتفي انفاسة تلفح ركبتي حضني من خصري قربني اله أكثر همس بخفة

كسار: ابوس حامد ع هل انتاج

ود: تحب ابوية؟

كسار: اموت عليه هذا العلم

ود: تستهزء؟

كسار: أي

ود: كسار ليش تكره ابوية؟ جاوبني بصراحة؟

كسار: جان يحرمني منج وأنا ما اكدر اصرف لأن ما الي حق بيج جنتي صغيرة اريد اشوفج ما يقبل ابقى كاعد بالسيارة بتوالي الليل هيفاء تفتح الباب وادخل الج

ود: ليش ما يقبل؟

كسار: نذل يقاصد بيَّ

ود: كسار مو كلت اخذج لكبر امج من تكبرين هاي اني كبرت خلي اروح

كسار: لا ما أخذج ابد

ود: ليش؟

كسار: اسويلها ثواب وكلشي ترديه بس مكابر ما تدخلين

ود: أي ليش يا كسار

كسار: من أخذج الها شراح تستفادين؟ بس التراب؟
لو المنصبة؟ واسمها بدال هل شي طلعي شي عن روحها لو قطعة قماش تسترها بأخرتها
1

ود: صح كلامك والله

حضني أقوى لزمت ايده

كسار: من ارجع نطلع لمكان حلو

ود: ليش وين راح تروح

كسار: للدوام

ود: اهووو كسار كل يوم كل يوم دوام و دوام عفية خلي يولي

كسار: اروح هسه وارجع من وكت أخذج ونطلع

ود: أي روح أحسن

دفعتة عني اموت من القهر من يروح أعرف مو بيده بس أني متعودة عليه لو يبقى الدهر كلة كدامي ما امل منه.مسح وجه يتنهد كام من مكانة غير ملابسة حجيت بنتر

ود: أريد موبايل انتَ كسرت موبايلي

كسار: من عيوني

ود: اريد ملابس ما عندي

كسار: صار تدللين

ود: أريد اطلع لمكان

كسار: حاظر
2

ود: انتَ شبيك؟

كسار: شبية؟

ود: ليش لطيف هيج؟

كسار: معرف

ود: شكللك تكللي حاظر؟

كسار: عيوني ترخصلج

ود: لا خليهن الك هو انتَ بعيونك وما تشوف زين اذا خليتهن الي احتمال تودع
8

كسار: وداعتج اشوف عشرة ع عشرة

ود: أي صح

كسار: اجرب بيج ونشوف؟

ود: اشو انتَ ما تخجل ع روحك؟

كسار: مو صارلج ساعة تلمحين؟

ود: كسار صاير خبيث؟

كسار: أنا؟ افااا

ود: عفية لا تتأخر

كسار: أن شاء الله بوية

ود: اذا اكللك على شي تجيبة الي؟

كسار: أي كولي شتردين

ود: القمر
7

كسار: مو كاعد جدامي شلون أجيبة الج
7

فتحت الجرارة طلعت الساعة ضربتة بيها كمت من مكاني ابوسة دنك عليَّ يضحك عضيتة وكمختة غص من الضحك شالني بحضنة حضنت ركبتة

ود: هذا شلون شايب شلاتي يخبل

كسار: وهاي شلون كوتة مطيرة عقلي من راسي

ود: احم شكراً خجلت

كسار: بويييية خجلتيي؟

عضيت شفتي تلمست اكتافة مسحت ع ذقني باوعلي خايف ومستغرب
1

ود: لك شهل جمال؟ ابوسك

كسار: لك بعينج ولج...

ما كمل كلامة بستة بشفتة ابتعدت عنه عاضة شفتي مصدوم ما تحرك من مكانة ولا حتى رمش بعيونة

ود: شهل شفايف هاي شنو هل جمال طاح حظ الحكومة الي تبعدك عني يا جمال الله
16

كسار: اخجلي ريحانة بالحرام جاي احس نفسي عروس وخجلانة
31

ود: جؤ عليمن اخجل كلبي هاي مقبلات لبين ما ترجع
9

فتح عيونة مصدوم احسة خجل ضربتة ع كتفة بخفة
4

ود: نزلني يا حلو

كسار: طاح حظج يا كوتة

نزلني للكاع جهز نفسة طلعت ورا لباب الحوش ضجت كلش بس ما بينت اله هو تعبان من سوالف امة ما اريد ازيدها عليه بأس راسي طلع وسديت الباب ورا تنهدت بضيق دخلت جوه صوت موبايلة يدك فكيت عيوني بصدمة لزمتة ع جرباية نسى بالبيت طلعت بسرعة باوعت الشارع فارغ راح باوعت لرقم المنتصل شمس كعدت بالهول فتحت الخط

شمس: كسار موجود؟

ود: كولي السلام عليكم شلونكم شخباركم الصحة الأمور كبل تدخلين بالموضوع صدك جذب

شمس: بلا لغوة كسار موجود لو لا

ود: لا طلع للدوام ونسى الموبايل هنا

شمس: لا ما نسى هو كال هذا رقم ود الجديد أي المهم شخبارج؟

ود: زينة كلش كلش الحمدلله

شمس: الحمدلله اكللج هاي عمتج العورة حاجتج؟
5

ود: لا فضت الشغلة حتى هو كال بعد ما اخذج الهم

شمس: بعد أحسن انتِ شلونج وياه مرتاحة

ود: أي الحمدلله ما مقصر بشي

شمس: حامد ما خابرج ما سأل؟ عليج

ود: لا عبالك بنت الشارع

شمس: عادي تعودي هاي عمج فارس هم عار لا تستغربين منهم

ود: انتِ شلون صرتي؟

شمس: زينة

ود: ما رحتي لحور

شمس: قبل أيام رجعت منها

ود: عليج الله خلي اشوفها

شمس: مو هسه انتظري شوية واخذج

ود: ما تجين لهنا؟

شمس: سبوع واجي

بقيت احجي وياها اندك الباب سلمت عليها قفلت الخط لبست صاية ع تراك خليت الحجاب ع راسي طلعت للحوش فتحت الباب صار بوجهي هو باوعلي ابتسم

علي: شني يابة احسج مستغربة؟

ود: لا عادي خير صاير شي؟

علي: افاا يعني الا صاير شي حتى اجي؟

ود: لا حياك الله

دخل وسد الباب حضني لصدرة ما بادلتة حجه بهدوء وهو يمسح ع شعري

علي: زعلانة لأن ضربتج؟ عيب تجاوزتي عليها وعلى كسار ما حلو طول اللسان لو حتى هي زعلتج بس مو تغلطين عليها جدام ابنها وزوجها وبناتها عيب ريحانة

ود: أي صح علي

علي: شنو علي كولي أبو عمر
19

حجاها وضحك باوعتلة بأستغراب

ود: اسم الله منو هذا

علي: ابني

ود: بعده ما اجة

علي: لا بالبيت نايم

ود: تضحك عليَّ علي؟

علي: أنا؟ امشي وياي ريمة تريدج

ما انطاني مجال احجي سحلني للسيارة سد الباب عدلت الشال وصلنا للبيت نزلت وهو راح معرف وين فتحت الباب دخلت جوه أسمع صوت طفل يبجي لزمت كلبي اسم الله اخاف هل بيت بس جني

دخلت لغرفتها اباوعلها مخلية ايدها على خدها والطفل يبجي وهي تبجي ضحكت بصدمة كعدت يمها خايفة شنو هذا والعياذ بالله
1

ود: شنو هذا

مريم: بالمعلبات مال السلة الغذائية غير طفل شنو شنو هذا
4

ود: منين هذا

مريم: مو خلفت

حجتها وبجت أكثر صفنت محتارة شلت الطفل سكت وهي تبجي

ود: لا صدك والله عود هذا ابنج

مريم: اجاني من سوق بلي غير ابني
5

ود: هسه ليش تبجين

مريم: صارلي يومين ما نايمة بس يعوي يعوي دوخني ثولني

ود: يا يا ولك ليش

دنكت ابوسة وهو نايم هلكداتة بيدي عبالك موبايل صغير
9

ود: هذا متأكدة تسع أشهر لو ضاحك علينا

مريم: أكل شهرين بطني وطلع يركض

ود: ههههههييييي

مريم: وجع

ود: بكلب زوجت عمج

مريم: اللهم امين يا رب العالمين

ود: هاي اذاناتة لو يدات مال طاوة
20

مريم: ههههييي خشمة عبالك عنجورة ونبك

ود: وين شعره اشو هذا اصلع

مريم: الله غاضب علية
8

انفتح الباب دخل علي ونوفة وهيفاء وحامد

علي: ها تنمرتو عليه؟

ود: لا خطية هذا اذا اتنمر عليه يختفي بس سؤال

علي: أي بلا

ود: هذا ابنكم لو غضب من الله نازل عليكم

مريم: قدي والله عبالي راح يطلع يشك شك يمرعط يدوخ اشو طلعلي عبالك زربة سودة
36

حامد: عمي أهم شي تمام الخلقة

مريم: والله يا عمي هذا لا خلقة ولا اخلاق

علي: اخذو ترا لعب نفسنا

مريم: أي والله تسون فضل عفية

نوفة: الله يعينك يا يمه طحت بيد هل انذال

تقربت الي هيفاء غمزتلي وهي تأخذه من ايدي

هيفاء: فكري بيها زين
3

ود: مو هسه مو هسه

ضحكت هي خلتة بيد حامد اخذو وطلعو كعدت ع جرباية مع مريم لزمت ايدها

ود: شو صايرة حلوة

مريم: شعبالج جمالي دا يفوح عمي صايرة اطك بالكاع

ود: احم الدوام قرب

صفنت صفنة صفنت المطايا همست بهمس مبطن

مريم: ايع ايع

ود: من صدك ايع بس لازم نرجع وغصباً عني وعنج

مريم: شلون سالفة هاي

ود: شنسوي بعد امرنا لـ الله

نوفة: أي مريم شلون صرتي

مريم: الحمدلله احسن شوية

هيفاء: يبجي ع ايدج

مريم: يفحط عبالك سيارة
2

هيفاء: اليوم ابقى هنا وانتِ نامي

مريم: تردينة؟ اخذي تردين ملابسة شي شيات؟ امانة تردينة اخذي

نوفة: يا يا ولج هذا نعمة مو أحسن ما تبقين ثلث سنين بدون أطفال ويعيرونج هذا وهذاك احمدي ربج انتِ أحسن من بعض عالم
1

حجتها وباوعتلي ارتجيت لورا بخبث

ود: أي والله صحيح كلام نوفة تخيلي ابوية يحب امي صفا بجنون يكرهني لأن كنت السبب بموتها وخطية هاي كدامج عمة نوفة خلفتلة ستة بنات وثنين زلم وما معبرها ولا نسى امي بحيث صور ماما بالكنتور مال نوفة كل ما يشتاق لـ امي يباوع لصورها يبجي عليها مثل الطفل هههههه عن الوفى احجيلج

وجها احمر من العصبية نترت بي

نوفة: شنوووو قصدجججج

ود: يا والله ما اقصد شي بس جبتها عن الوفى شبيج عمة

نوفة: عمى العماج يا.....

هيفاء: يوم شبيج وياها لا تصيحين عليها

نوفة: ما تسمعينها شتحجي

ود: مم اعتذر منج عيني وعيوني انتِ

طلعت بعصبية كمختني هيفاء تضحك

هيفاء: انجبي عيب تقهرينها حرمة جبيرة

ود: ما سمعتيها شتحجي عليَّ

هيفاء: ولج امي بعدج صغيرة العمر كدامج رب العالمين هو الرزاق الله يرزقج الذرية الصالحة يارب مو كل واحد يسمعج كم حجاية تزعلين وتضوجين اخذي الأمر عادي ولا تهتميلهم بعدج صغيرة يمتى ما رب العالمين رزقج الحمدلله

ود: شو تعالي ابوسج

بقت تضحك بستها بخدها باوعت لريمة نايمة طلعنا من الغرفة باوعلي ابوية درت وجهي عليمن تباوعلي اذا ما عاجبتك

لليل دخل كسار باركلهم خلة فلوس بكماط الطفل ركضت لريمة هزيتها من اكتافها فزت بخوف عطت بهمس

ود: ولج خلة كومة فلوس  بالكماط كوميييي كوميييي اخذيهن لا علي يأخذهن
3

مريم: انعل روح رجلج كان خلاهن بيدي شو كومي جيبيلي عمر كومي

ود: مو عيب

مريم: دكومييي غير انتِ عمتة عمت عينج

كمت من مكاني اخذت الطفل من هيفاء بستة بخده كرصتة بخفة الحلو بي بسرعة يفحط وجه يصير أحمر

كسار: ول خطية اخذي لـ امة راح كلبة من البجي

ود: ليش تبجي يا روحي

علي: اخذي دوخنا

اخذتة للغرفة ذبيتة بحضنها طلعت الفلوس من كماطة وهو يبجي خزرتة مريم عضت ايدها

مريم: كاافي أششش خليي نستفاد شبيك من تكبر نطلع للمحلات اسحلك ونروح
1

باوعلها ساكت عيونة مدمعة خليتة بحضني بستة بمكان الكرصة

ود: ترا كرصتة

مريم: لا تزعل حبيبي لمصلحتك شبيك تعوي
8

حضنتة بقوى يخبل ريحتة تجنن صغيروني كلش
بقيت ابوسة لحد ما فتح عيونة يضحك استغربت

ود: يضحك يضحك اسم الله

مريم: اشو خفت هذا ليش يضحك

ود: اعوذ بالله شبيج ريمة هو ليش يضحك

مريم: ذبي لا بي شي والله شلون يضحك هذا
13

خليتة ع جرباية كامت من مكانها بخوف خفت هواي معرف ليش لزمت ايدها مرتكية عليَّ لازمة بطنها وكفنا بصفحة نباوعلة

انفتح الباب دخلت هيفاء تضحك باوعتلنا بغرابة

هيفاء: شبيجن

مريم: هذا يضحك

هيفاء: هذا اله اسم وانتِ امة

مريم: هسه ليش يضحك

هيفاء: ولج الملائكة تضحكة

مريم: يخوف يضحك بدون صوت ويضحك هو ونايم

هيفاء: الحمدلله يا ربي الحمدلله

هزت ايدها شالتة بحضنها خلتة بكاروكة رجعت مريم لمكانها خلت خمسة وعشرين بيدي خليتها بصدري اباوعلها لازمة ضحكتها

مريم: اوكفي خلي نعد شكد حصلنا

هي تعد وأني واكفة فوك رأسها كمختها وطلعت باوعت لحيدر تقرب الي مبتسم

ود: صاير تخبل ولك

حيدر: انتِ هم حلوة

ود: تدري؟ صار عدنا بيبي بالبيت يعني انتَ راح دورك

حيدر: لا علي يحبني أكثر من عمر

ود: جذاب امشي تعارك وياه وخلي ينطيك فلوس وشيلهن لحد ما تكبر اشتريلك سيارة وبيت

حيدر: والله حلوة هل فكرة

حجاها وطلع ركض هزيت ايدي والله لو ما أني الا يضيع العراق بأكملة
14

طلعت للشايب كاعد وياهم شوية وترخص منهم طلعنا للسيارة بنص الطريق حجه بخفوت

كسار: وين نطلع؟

ود: خلي نرجع للبيت بعدين نطلع مو اليوم

كسار: صار

وصلنا للبيت أول ما دخلنا للبيت اخذت نفس براحة ذبيت الحجاب من راسي مشيت للداخل وهو وراي

كسار: عيني ست ريحانة بلا زحمة ممكن طلب

ود: اريد أنام بس تفضل احجي

كسار: نريد أكل سويتيلي رجيم بنت الاوادم

ود: طلكني
2

كسار: وجع شبعان
3

نداريت اله حضنتة من خصرة رفعت راسي اباوعلة

ود: يخسى الجوع هسه احلى ذبيحة لعيونك

كسار: دجاجة ما تعرفين تطبخين انوب ذبيحة؟

ود: ليش منو كاللك أني راح اطبخ؟

كسار: لا يا الله بس لا تردين أنا اطبخ؟

ود: هاي شبيك كساري صاير غثة شبيك مو كدامك المطبخ عفية سوي أي شي والله جوعانة

كسار: بربج فد سؤال

ود: عيوني انتَ جواب

كسار: من طلعت أنا سويتي غدا واكلتي؟

ود: والله ولا اكلت

كسار: ليش يابة؟

ود: كلت عليمن اطبخ واوصخ مواعين واغسلهن خوب الشايب يجي هو يطبخ ويغسل المواعين واحظرلة ملابسة شبيك يا عيني مصعب الأمر

كسار: أخاف زحمة عليج وتعب تحظرين ملابسي؟ أنا احظرهن
1

ود: ها صدك والله؟ ديلا بكيفك حبيبي تفضل للمطبخ هذا كدامك تفضل عمري

هز ايده لازم ضحكتة حضنتة من ظهرة دخل للمطبخ كف ارداناتة غسل ايديه فتح الكونتر طلع تمن اخذت الموبايل من جيبة بقيت لازمتة

ود: شراح تطبخ

كسار: انتِ شنو تردين

ود: ليش هو أني اعرف انواع الاكلات

كسار: چا اسكتي

غميتة كمخني بخفة فتحت عيوني بصدمة شلون شافني

ود: الشايب شلون شفتني

كسار: بس ارفع ايدي اشوفج

لويت شفتي حظر الأكل كعدت وياه قرب الخاشوكة لشفتي أكلت منه دك موبايلة خلاه ع صامت كيفت كل ما اكعد وياه يدكون علية

ود: عبالك وزير الوزراء كل ساعة واحد داك عليك

كسار: چا غير شغل

ود: خلي اشتغل وياك

كسار: لا ما اشغلج وياي اريدج جدامي مثل المزهرية وتحفة فنية

ود: اوي فدوة

بستة بخده هز راسة يضحك كمت من مكاني غسلت المواعين وهو كاعد ع طاولة يشرب الجاي أخاف ابقى  بمكان وحدي لازم واحد وياي والحمدلله هو يعرف طبعي زين

صعدنة للغرفة دخل للحمام يسبح حظرت ملابسة دكيت باب الحمام اخذهن مني خليت موبايلة ع شحن شوية وطلع من الحمام كعد ع جرباية فرك راسة بوجع يكح بقوى ذبيت ملابسي من ايدي كعدت وياه مسحت على ظهره بخوف

ود: شبيك كساري

كسار: ما بيَّ شي بوية

ود: لعد شبيك ليش تكح

ما جاوبني دنك راسة بوجع يكح مختنك انمرد كلبي من الخوف صبيتلة مي من السراحية قربتة اله اخذه مني شرب شوية

ود: حباب شبيك خلي نروح للمستشفى

كسار: ماكو شي ريحانة

ود: باوع وجهك صاير أحمر مبين عليك مخنوك خلي نروح عفية لا يصيرلك شي

خلة الكلاص ع صفحة جرني من خصري خلاني بحضنة رجع ظهرة ع تاج الجرباية حضنتة بقوى مسح على شعري حجه بهدوء

كسار: الجو تغير مرة باردة مرة حارة وهاي حساسية بالصدر منها شوية وتروح

بستة بصدرة رجعت راسي لصدرة خايفة علية مختنكة هواي

ود: كوم اضرب ابرة عند المضمد

كسار: ميخالف عود الصبح اروح

ود: لا هسة عفية لا تزيد حالتك

كسار: هسه خلي أنام والصبح اروح

كمت من حضنة غطيتة بالغطى رفعت ايده من عيونة خليتها على ظهري تمددت بحضنة دفنت وجهي بصدرة مسح على ظهري شدني اله أكثر لفلفني بالغطى زين بقيت طول الليل افز اباوعلة وهو يغطيني ويهمس بهدوء

كسار: اشش ماكو شي نامي حبيبي

للصبح بعدت ايده من خصري ع كيف لا يصحى
موبايلة مشتغل الضو يدك ع صامت مشيت بهدوء فصلتة عن الشحن باوعت للرقم ميامين اخذت نفس اهدي نفسي طلعت برا الغرفة فتحت الخط اريد اجاوبها مجرد سمعت صوتي فصلتة بوجهي عضيت شفتي بحيرة
6

شمس....
دحك عليها هز راسو ورهبار تجمد بمكانو
5

سواد: يجرالج يا بنت عمي بس غير أعرف عليش طلبتي هل طلب؟

قسم: ما شفت نفسي مستعدة للزواج وأريد أكمل الكلية وبصراحة هل موضوع شلتو من راسي لأن دراستي أهم وأريد اركز بيها
2

رهبار: ما اريدن ادخل بشي يخصكم بس الانفصال مو الحل الوحيد حتى تركزين ع حياتج الا اذا انتِ كارهة الزواج فكري بيها زين بوية قسم

قسم: لا خوية أنا اريد انفصل لأن بصراحة حسيت نفسي تهورت ومادام الشغلة بعدها ع نص ننهيها من هساع أحسن

سواد: يصير خير

نشهل: أنا ما أدخل بيناتكم هاي حياتكم وانتو أولى بيها سو الي ترتاحولو الزواج اذا ما من بدايتو رضا اخرتو دمار

سواد: عمي ما ادري شحاچي هل سالفة مو لعب جهال والزواج موش شغلة تتخذين بيها قرار بين ليلة وضحاها

قسم: هجست رويحتي مستعجلة وما فكرت من الأول زين وأنا بعدني صغيرة ما أريد التهي بشي غير دراستي والزواج ما بالي هساع أحسن شي نوكفو كبل لا تتعقد الأمور

مد ايدو ع رجلها نزل بصوتو الهادئ

نشهل: فكري زين الانفصال مو هو الأول والحل الوحيد مرات الواحد يحتاج يعيد حساباتو الا اذا انتِ من الأساس ما رايدتو ولا مرتاحتلو تحجي أحسن ما تكبر السالفة

قسم: لا خوية القرار مو بس استعجال أنا مقتنعة انو الاحسن ننهيها من هساع كبل لا نصير بمتاهات بعدين نندم عليها

سواد: يجرالج بس القرار مو سهل وما يصير تتخذينة وحدج هذا مو بس عنج هذا عن العشيرتين عن الحچاية عن الربط بين اهالينا ياهو يكدر يتحمل اللوم بعدين؟

قسم: اذا قصدك على كلام جدي فيصل فأ أنا احجي وياه ما يكدر يجبرني

سواد: فيصل شني؟ مالو حجاية علينا بس القرار بيدج وهذا خصم الكلام

نشهل: يابة انتَ اخوية وهي رضيعتي أنا ما أريد ادخل بس بوية السالفة واضحة اذا مو البداية مو بطيب خاطر اخرتها وياكم ظيم والظيم يولد القهر واذا بيها قهر لا عاش الزواج ولا عاش الي ينشد علية

قسم: ياريت هساع تنطيني حريتي

دحكو عليها بصدمة نطق كلامو بتفهم

سواد: شبلاج مزرعدة يولي انطينا فچة

نشهل: ما راح اوكف بوجه قرارج بس راجعي نفسج

قسم: لا هذا قراري صارلي جثير افكر بي ما اجيت احجي هل كلام ع غفلة

سواد: لا تكدرين خاطرچ مني بس انطيني مجال شوية هل يومين هم انتِ تفكرين زين وترديلي الخبر الأكيد

دحكت عليَّ محتارة هزيتلها راسي رجعت ادحكلهم بلعت ريكها بتوتر تركتنا وطلعت طلعو كلهم دشيت لحجرتها طرب مسامعي صوت شهكاتها المكتومة اخذت نفس كعدت على تخت وهي تبجي تبجي ما سكتت ولا رحمت نفسها من الدموع رفعت راسها من حست على وجودي مسحت وجها بسرعة

شمس: هذا مو قرارج؟؟

قسم: مو من كل كلبي بس هذا الصح

شمس: ابجي ليش سكتي؟

قسم: ما يفيد حتى الدموع ما تفيد بعد

شمس: تدرين منو اضعف انسان؟

قسم: منو؟

شمس: الي ما يبجي ولا يعبر عن مشاعرو ويظاهر بالقوة وهو؟ اذا غلطتي بحقو يكتم غصتو
7

قسم: شمس السويتو صح؟

شمس: شغلتي عقلج وتلاحكتي نفسج أنا ما قصدي ازعلج أو اغثج بكلامي بس دحكتيلو من كلتي أريد انفصل شلون ورد وجهو وفرح؟

عضت شفتها بقهر حجت بغصة

قسم: صح حتى فرحتو ما كتمها ما كدر

بعدنا نحجي اندفع الباب ودشت امها بقمة غضبها جرت قسم من شعرها صرخت خايفة جريتها منها رفعت ايدها تلطم

منا: عليييش يولييييي خربتييي حيااتج العندو مثل سواد يتركو عليشش بسس فهميني شبلاااج منو الي غيرج علية
4

قسم: يوم والله ما اريدو بعد

منا: شنوووو الغيرججج يولي عكلج وكع منج

قسم: لا بس أنا ما اريدو الله يهني بالي بالو

منا: والله اكصبج اليوووم

جرتها من شعرها تخبلت دفعتها بقوى ارتدت لورا تتحسب عليَّ ما اهتميتلها أهم شي عدها تمشي كلامها عليهم

منا: ام الشوارع هذا تعلومج تحشين براسها من كلامج الينكط سم

شمس: اكضبي لسانج يولي.

قسم: شمس مالها شغل بشي أنا اختاريت هل قرار

منا: عللليييش يولييي؟! شبلاجج!؟ شمدوخ راسج

شمس: هي جبيرة واعية وحرة بحياتها

منا: حرة على روسكم يولي يل غبرة هذا ما يتعوض شغل جدو كلو بيدو شغل فيصل بيدو املاكو تغطيج وتغطينا كضب سيارات جدو والكياعين واراضي بيتو كلهننننن صااارن بأسمووو شبلاااج خربتيهااا على الآخر يولييييي أنا ما ربيتج حتى تتصرفين بكييفج

قسم: حياتي أهم من كل هذا الحجيتي يُمة لا تجبريني على شي ما اريدو أنا اختنكت ما أكدر اعاشرو أكثر من هيج أنا صفحة وحدة وهو بألف صفحة بعيدة عني

منا: الله يأخذنييي ولا اشوف هل يوم أنا امج وربيتج بعيوني شلون تضيعين تعب سنيني ورا ظهرج بهل سهولة شلون خربتي كل هذا بيدج

شمس: اذا هي تشوف راحتها بهذا القرار عليش تحاربونها عليش تخلونها تأخذ نفس حتى تعرف وين تمشي؟

منا: تتتحجيييين صججج أنا اترك املاكو يصيرن بأسم بنت نجاااة بأسم هاي المخبلة جنااات عليش قسم شكاصرهاااا عيني
2

قسم: اييييي خلييي يصيرن بأسمهااا بعمرج ما فكرتي براحتي بس ادورين فلوس خربتي حتى حياتي معرف شسوي تايهة بسببج كلساع تردين فلوس فلوس وانااا اخررر همممج

منا: كصري حسسسسج يولي لا والله اخلي ايمن يكسر راااسسسج

دخلو كلهم على صوتها جرها مهيب ما مفتهم شي

نشهل: شبلاكم صوتكم واصل للدار الثاني

منا: تريد تفسخ خطوبتها من سواد هاي بعكلها شي

مهيب: وشصار؟ خلي تفسخ خطوبتها شني الدنيا تكاطعت

منا: وللللكممم ادمر نفسهاا

نشهل: عليش يابة عليش ادمر حالها؟ هذا بيت اخوها مفتوح الها الباب بكل وكت وهي من اهلو ونحنا بسدها وهي بحذاي ياهي الي تذل نفسها وهي بين اخوانها شني ما عدنا لكمة نطعمها لو نايمة بالشارع

منا: ولكممم مااا يفيدد شكاااصر بعكلهااا هساع اخذها ما اخليها هين

نشهل: وين تأخذينها؟ قسم ما تطلع باب البيت هذا بيتها وبوسطنا ما تعتب بيت فيصل لو ع كص ركبتي

منا: هينة يا قسم

مهيب: شبلاج وياها يوم؟ ما تريدو الله وياه شسويلو تلطم؟

قسم: طمعانة بفلوسو

نشهل: هههه عليش يابة انتِ بحاجت شي؟ ام مهيب كاصرج شي تحجي والله يصير عندج هساع بهل دقيقة

منا: طك كلبييي منكممم

طلعت وتركتهم هز ايدو يضحك

نشهل: ول بوية قسم امج شوية ضايجة لا تصنتين لكلامها

مهيب: اخاف تريد تزوج

نشهل: وابوك شني

مهيب: مضاف للحاجة
8

ضحكو كلهم حتى قسم دخلت جنات تبجي غمضت عيوني بقلة صبر الحسن كاضبها من ايدها يجرها ذبها ع نشهل حجه بعصبية

الحسن: يعنييي يابة بربك هاااي حالة زهكتني طفرت روحييي منهاااا
6

نشهل: ول أنا مو حجيتلك لا تضربهااا

الحسن: طلعتتت برااا تعالللل اشتريلي اهجس روحي مخنث خليها تكضب نفسها تراها ما صغيرة

طلع وتركهم وهي تبجي كمخها مهيب دفعو نشهل عنها خازرو

مهيب: وتالي وياج كل يوم ينعاد هل موال

جنات: هو ما يروح

نشهل: أنا اروحلج تعالي وياي

مهيب: لا هاي خيانة لشمس

شمس: دوم أنا مغدورة حظي اغبر

مهيب: مع الأسف الشديد عليج

شمس: هساع شلطشت كلناك أي

مهيب: غدي لهل وجه

شمس: شيبت يمتى تعرس

مهيب: والله جاي افكر بالموضوع

قسم: ابالك أحد ؟ ولا منو هي

مهيب: تسواهن

نشهل: ما ينطوها اكطع نفسك

مهيب: طز بيهم اخذها وخليهم يحجون لغتين من الغلط عليَّ
1

شمس: عاش ذوقك

مهيب: اعجبج

ثاني يوم محد ماكو بالبيت بس أنا والبنوات كاعدين بالحوش امشط شعر جنات وقسم بيدها الموبايل اندك الباب لبست حجابي دخلن البنوات جوه فتحت الباب ابتسمت بهدوء فتحت الباب كلو وأنا اشوفهم واكفين جدامي دخلو جوه سلمت عليهم ردت اقدم الضيافة ما قبلو جانو مستعجلين كعدت بنص رصار وعسكر من بعد كلام عرفت عدهم شغل خارج المحافظة

عسكر: شلون صرتي بعدج تعبانة

شمس: لا الحمدلله أحسن بهواي بس يمتى راح ترجعون من شغلكم

رصار: شهر هيج شي

شمس: يا هواي والله

وائل: يخلص الشهر بسرعة

بأسل: أي أستاذ رصار وهاي وصلنا احجي العندك

رصار: شمس اسألج جم سؤال

شمس: عيوني كول

رصار: سالمات يا بعد كلبي.. أيهم عنده صديق اسمة جواد الـ...؟ أنا سامع اسمة كذا مرة بس ما متأكد كلت اسألج اذا عندج علم بهل شي أو لا؟

شمس: أي عنده أنا سمعت وتأكدت من كلام حور هو حاجيلها عنو

صفن بصدمة حسيت اللعبة من صالحي وبملعبي بعد هل لعبة خسرت خسارة جبيرة وداعت كلبي لجل حكي هاذي الدنيا تصعدك وتنزلك على مرامها للأسف..!!
11

رصار: شلون يعني كلامة صحيح؟

شمس: فهموني شصاير

وائل: ما نعرف بصراحة بس رصار عنده علم بهل شي وكال أول شي اتأكدة وبعدين احجيلكم

شمس: احجي رصار شصاير؟

رصار: جنت بشغلي طلعو مجموعة جديدة نقلوها لغير مخازن

شمس: مو كلنالك اتركهم ناوووي تخسر روووحك

رصار: الي دا يصير مو بيدي افهمي يا بشر

اخذت نفس زفرتة بضيق عميق بكلبي

شمس: كمل وشصار بعدها

رصار: من ضمن هل مجموعة رجال جبير بالعمر يعني شباب شوية أول ما شافني كال بس سؤال أنا ما انطيتة وجه حتى ما يبدا بالثرثرة واخلص شغلي بسرعة بس وكفني بكلمة منة كال تعرف أيهم شاهر؟ أنا انصدمت من صدمتي كلتلة أي ابتسم بتعب وحجة بسرعة كبل لا يصعد بسيارة الحمل

جواد: وصللة كلامي وكللة تراه تعب جوادك الحك علية
26

عسكر: وانتَ ساكت؟

رصار: البارحة صار هل كلام ما لحكت أفهم شي منو هذا وليش سأل على أيهم وشلون عرفني معرف كلشي

عسكر: هسه انتَ تندل مكانة؟ تعرف وين راحو

رصار: أي أكيد

عسكر: عفية عليك أوراق أي شي يخص هل رجال عندك؟

رصار: أي عندي يمتى دخل لهل مكان وليش

عسكر: لا تحجي هسه شي خلي نشوف أيهم ونفهم السالفة بأكملها

ابتسمت بعمق بداخلي أما ملامحي استولدت ابتسامة صغيرة خفيفة على ثغري

شمس: تمام كلشي حلو ومضبوط بس الأوراق وين؟

رصار: وشمعنى تسألين ع الأوراق؟

شمس: عجل شلون تصرفون بلاهن؟

رصار: راح اخذهن لـ أيهم

شمس: بس هساع الوكت ضيك عليكم وعلى شغلكم خلوهن هين من ترجعون اخذوهن الو
11

رفع حاجبو حجه بهدوء

عسكر: الا الغدر شمس!! مو ثوبنا هذا
7

شمس: سلموني نسخ من الأوراق..!! وتأكدو ما راح اغدركم

رصار: اطلع غبي لو سويتها

شمس: تعرف روحك. هساع خلونا بالأهم ترا من صدك مابيدكم وكت.

وائل: اذا غيرو مكانة شلون بهل حالة؟

شمس: وهذا مقصد كلامي اذا طلعتو للشغل لمدة شهر لبين ما ترجعون احتمال يغيرون مكانو وكلشي يطير من ايديكم

بأسل: امانة عندج.!!!

شمس: طبعاً

ما مرتاحين الي بس سايروني وخلو الاوراق بيدي وين مكانة شكد عمرة ليش اخذو ويمتى راح يطلع كلهن بهل أوراق هواي مهمة..طلعو اخواني دخلت للصالة حجيت مع أيهم كم كلمة وقفلت الخط بوجه خليتة بصدمتة وحيرتة

دخلت لحجرتي دخل وراي نشهل حظنتو بفرح بادلني الحضن دفن وجه بركبتي حجه بهدوء

نشهل: لا تضمين شي عليَّ احجي العندج

شمس: ما عندي شي

نشهل: عيونج تقرأ غير هل كلام

شمس: عيوني تجذب دومها بكلشي

نشهل: ولمعتهن من اكرب عليج هم جذب

شمس: أي

جرني من شعري اخذت نفس مترددة احجي

نشهل: برنو اذا ضامة عليَّ شي خلي اسمعو منج مو من غيرج لأن وكتها راح يصير الج غير كلام وياي

شمس: اطمن

ابتعدت عني بشك دك موبايلي فتحت سبيكر شغلت المروحة ع رقم واحد وكف كلبي من شهكاتها وصوتها الي اخترق كلبي وعقلي

هيفاء: ماااتو ولججج شممسسس ماااتو
8

شمس: منو شبيج هيفاء فهميني شصاير احجيي

هيفاء: علييي احترك بيتة وكلهممم جوووه
34

مريم.ــــــــ
اربعة أيام بقيت بالمستشفى وهو وياي ما فأركني لحظة وحدة بقى عمر بالخدج طلعنا من بعد ما اطمنا على صحتة لأن هو سبيعي ما قبلو نطلع بسرعة.وصلنا للبيت نزلت وعمة نوفة بيدها عمر وعلي لازمني دخلنا لغرفتي خلاني على جرباية كعد يمي حضني لصدرة ارتجيت ع صدرة براحة هزت ايدها عمة نوفة ما عاجبها

نوفة: على الأقل استحو مو كاعدين جدامكم

علي: على شنو اشو بس حاضنها
2

نوفة: خلي اطلع أحسن

اخذت عمر وطلعت تنفست براحة عبالهم راح اضوج اخذو خلي انام رفع الغطى ع اكتافي طفى الضو من يمو حضني وتمدد بس شوية بعيد عني
حتى ما يطخ بطني مسح على خدي حجه بهدوء مبتسم

علي: لج ريمة البارحة جنتي بكد نعالي اليوم صرتي ام عمر
10

مريم: انتَ ليش ما تحترم روحك؟ شنو بكد نعالك؟

علي: وتنكرين؟ ولج البارحة بكد نعالي مال العيد هل كداتج تطلعين من ود للمدرسة اليوم صرتي ام طاح حظج وحظ الحبلج

مريم: اشكرك والله حبيبي على راسي

علي: يا روحة لعلي والله احبج مرات أفكر ليش ما انيمج بمكانج بطلقة واخلص منج

مريم: ليش تكتلني؟

علي: مو احبج والله ريمة احبج وداعت الله وعبادة احبج
2

مريم: اوي يا روحي ابو العضلات تعال ابوسك يروحولك فدوة عمر وحيدر

ما كال لا دنك عليَّ بستة بخده بأسني بقوى حضنتة اقوى نمنا بسرعة من تعب المستشفى

صحينا ع دكت الباب كام من يمي مسح وجه بنعاس راح يفتح الباب غطيت راسي

علي: خلي الشال ع صدرج

طنشتة خليت الغطى ع راسي أريد أكمل نومتي دخلن البنات رفعت الغطى عن عيوني باوعتلهن بضوجة

مريم: اخذن عمر والزمن الباب ما خلفت النبي يوسف استغفر الله العظيم

دعاء: ولجج شنو هذااا الكيك ينأكل ينأكل

مروة: اخذه الي؟

مريم: حلالج يلا ولن برا

رغد: همداج هذا نعمة يا خبلة

عدلت نفسي خليت ايدي على راسي

مريم: هذا نعمة بس يعوي همزين عمة نوفة وياي

للمغرب راحو كلهم بقيت 15 يوم بهل عذاب هو يبجي وأنا ابجي وياه والطايح بيها علي ما يعرف يسكتني أو يسكتة يأخذه مني ويكللي نامي يبقى سهران وياه للصبح وأني اخذه منه الصبح وهو ينام ما خلاني وحدي الحمدلله حتى حيدر يسبحة ويسوي أكل لاحظت التعب على ملامحة كمت اشتغل من يطلع واسوي أكل ما يقبل تعاركنا اربعة مرات بسبب هل شي يكللي اكعدي لا تتمرضين بعدج انفاس واني اطنشة بس اكللة أي لحد ما مل مني بس بقى وياي بكلشي

كعدت بالصالة فللت عمر من الكماط كعدو كدامنا علي وحيدر

حيدر: اخلي بحضني يصير

علي: أي عادي

شال عمر من ظهر ملابسة خلاه بحضن حيدر وهذاك هزه بيده فتحت عيوني بصدمة جريتة منهم وهو يبجي خطية تلو من ايده وهو طفل بس يبجي باوعلي بخوف رادو يكومون ضربتهم بالكترون

مريم: كووومووو يااا ادبسززية

علي: هو معرف شبي يبجي شسوينالة

حيدر: ترا لا عبالج حلو ومعرف شنو ترا يبقى جوه

علي: نعالي

مريم: اكص ايدي اذا ما تغارون منه

حيدر: هسة خلي يولي هذا اكللج ريمة كومي سويلنا شكر لمع والله متنا جوع

علي: أي بروح أهلج

مريم: علي خلي بحضنك لا تخلي يبجي مو زين علية خطية

علي: بروحي اخلي

باوعلة حيدر بنص عين ذب عمر بالكاع لزمتة بخوف جر حيدر بحضنة وهذاك كيف

علي: اخذي هذا العبالك زربة سودة ولي منا أنتِ وهو
10

مريم: طاح حظي أي والله

خليت عمر ع قنفة دخلت للمطبخ اريد أحظر المواد لحكوني علي وحيدر باوعت الكونتر فارغ

مريم: المواد وين؟

علي: بالمخزن برا البيت

مريم: دخيييلك ربييييي عليمن طلعتهن برا

حيدر: مو نضفنا البيت شبيج

مريم: استغفر الله العظيم

جريت الحجاب خليتة ع راسي اخذت الموبايل اضوي بي بعد ما طلعت شغل الطباخ حيدر وعلي طفاه بسرعة
3

مريم: لا تشغلون شي هسه ارجع اثبتو بمكانكم

حيدر: لا شلون روحي انتِ ما عليج بشي

هزيت راسي طلعت للمخزن البرا البيت صاير بظهر البيت من جهة الحديقة مخلية بي الأغراض الزايدة
اخذت المواد طلعت برا قفلت المخزن تراجعت لورا بخوف وأني اشوف البيت يلهب من برا لهيب عالي
اباوع النار مشتعلة بالبيت واكفة بمكاني
بس اصرخ ماكو احد وياي كلهم داخل البيت زوجي  ابني اخوية
10

جمدت بمكاني بدون ما استوعب شي ولا حتى عرفت شسوي انتصلت ع كسار مجرد نطقت كم كلمة وطاح الجهاز مني ما بقى بيَّ رجليَّ صارن خيوط تعبت بهل ثواني تعب يهد الحيل نسيت كلشي وبقى بالي عنده روحة لعلي
كعدت بالكاع لطمت على راسي اريد كل هذا يطلع حلم تمنيت هواي بس للأسف
حقيقة
40

ــــــــــــــــــــــــــــــــــــــــــــــــــــــ
بقلم حور 👇🏻
اود ان اقول لك ان الدنيا ستدور وستلقي مع من لقيت من قَبِل
7

حــــــــور
8

ضرب الموبايل بالحايط صرخت خايفة من شكلة الي تغير ثمانين درجة كتمت صرختي بيدي يفتر بالغرفة بعصبية طاغية على ملامحة حسيتة رجع أيهم القديم مستحيل وجه مابي ذرة رحمة ولا حتى ملامح ادل على أنو هل شخص انسان عادي

شبك ايدية ركض للموبايل باوعلة صاير طحين ضربة مرة الثانية بقهر مسح وجه يصبر روحة خلة ايده على خصرة معرف بشنو يفكر طلع من الغرفة تنفست براحة خليت ايدي على صدري بلعت ريكي لعدت مرات من الخوف جمد دمي بجسدي دخل للغرفة مرة الثانية مثل العاصفة وتهل من صوتها فتح الجرارة طلع موبايل بقى يحاول وياه ما انفتح طافي من الشحن ذبه ع جرباية فرك وجه بقوى لدرجة صار أحمر شرايين جبينة برزن حجيت بهدوء خايفة حتى اتحرك من مكاني

حور: اكو موبايل بالغرفة الأخيرة بالجرارة الثانية

أيهم: ماااكووو ماااكووو اختفىىىى

ما جاوبتة طلعت للغرفة فتحت الجرارة طلعت الموبايل شغلتة بي شحن اذكر من انشليت كنت دائماً أصفح بي صح قديم هواي بس مابي شي يشتغل. طلعت اله خليتة بيده جرني من راسي بأسني بقوى خفت منه اريده بس يبتعد ما حجه وياي ولا حاجاني بشي؛ بس معرف ليش خفت منه

:- ابتعدت عنه بقى يبخوش بالموبايل ما فهمت شيسوي كعدت على طرف الجرباية شبكت ايدي بتوتر ربع ساعة كعد يمي ذب الموبايل ع ميز مسح شعره هز رجلة بتوتر جفلت بخوف خلة راسة بحضني لزم ايدي خلاها على راسة حجه بصعوبة
حبست انفاسي بحيرة

أيهم: راسي موتني مرغي الي

حور: أي

مشيت ايدي على راسة حسيت شي حار بحضني رفعت راسة اباوعلة مغمض عيونة والدم ينزل من انفة بغزارة بحلقت عيوني بصدمة ضربتة ع خدة ما فتح عيونة ولا حتى جاوبني نفسة ثكيل عرفت اغمى علية خليت راسة على مخدة فتحت دكم قميصة بالشافعات ذبيت قميصة منه ثكيل ما اكدر بس ايدي تجي بكد بكف ايده كلة ذبيت قميصة بالكاع نزعت الصاية مسحت الدم من انفة دقائق وكف الدم طلعت للمطبخ خليت مي بالطاسة دخلت للغرفة ذبيت النقاب خليتة بالمي ومسحت وجه وصدرة وايده عصرت ايده بيدي غطيتة لملمت الهوسة الصارت

طلعت برا دخلت لغرفة سادن اباوعلة نايم ابتسمت واني اشوف شلون مرتبلة الغرفة كنتور وجرباية الوانها فاتحة وتشرح الكلب المراية وطوبة صغيرة وقطار صغيرة بالجهاز مثل العاب ليث كعدت ع جرباية مسدت على شعره فتح عيونة يباوعلي ضحك وكمز بحضني حضنتة بقوى بستة بخده مشيت ايدي على شعره
7

اشرلي بعيونة ما فهمت شي عضيت شفتي حجيت بهدوء

حور: سادن حبيبي اسفة ما فهمت شي بس شتريد اشرلي بحواجبك حباب
2

هز راسة لا كام من حضني فتح الجرارة طلع سيارات لون أسود صغار خلة وحدة بحضني وحدة بحضنة اشر عليها عجزت افهمة

حور: هاي سيارتك فهمتها بس هاي المن؟

اشرلي ع نفسة سوا حركة اثنين بيده ما فهمتة برطمت بحيرة وهو يضحك جرها مني اشرلي ع باب

حور: تريد أيهم؟

هز راسة موافق لكلامي
حور: هسه هو نايم شوية ويصحى تمام؟

اشرلي بيده اوكي تركتة يلعب بالسيارات طلعت لغرفتة اباوعلة بعده ع حالتة كعدت عند راسة ضربتة ع خدة بخفة شوية شوية بدأ يصحى فتح عيونة يباوع للسقف فرك جبينة بقوى مسدت على راسة بخفة حجه بصوت متحشرج من التعب

أيهم: شصار؟

حور: ما صار شي بس أغمى عليك من اكللك خفف عصبيتك تستهزء تاليتك تندفن بسبب هل عصبية

أيهم: ديلا أنا شايف ومخلص

عدل نفسة باوع للموبايل سكت

حور: هسه شراح تسوي

أيهم: اكرها بعيشتها

حور: بـ...

أيهم: وعد راح اكسرها كسرة مؤقتة شكد ما تحرمني منه راح تندم مو أي ندم ندم يخليها تكره الساعة الاجت بيها
8

حور: لا تحجي عليها

حجيتها بضوجة باوعلي ابتسم

أيهم: لا تبجين عليها هه

حور: لا تحجي هيج شبيك

أيهم: ضجتي؟

حور: غير اختي؟

أيهم: اختج جاي تلعب بالنار وهي مو كدها يمتى تستوعب هل شي؟

حور: هي ليش هيج تسوي؟

أيهم: ولج بوية انتِ وين وهي وين

هز ايده ما فهمت شي عبالك اطرش بالزفة حجه بصوت هادئ

أيهم: ملعونة ما سأومتني بيج يعني اكو برأسها شي ثاني بنت فارس بس الله يكدرلها

حور: يعني شنو تساوم؟

أيهم: اكو شي داخل الرأس اسمة عقل موجود عندج لو لا؟

حور: امبلا عندي

أيهم: صدك ياابة شهل معلومة الخطرة

حور: أي والله عندي

أيهم: اخخخخخخ اخخخ من ظيم الله

عض اصبعة بقوى صفك بيده بقهر قربت الكلاص منه باوعلي روحة طافرة

حور: تشرب عصير.؟!

أيهم: خلي بـ استغفر الله العظيم انلصمي حور انلصمي

حور: مو أني ما اشربة ما احبة كلت انتَ اشربة طيب

أيهم: يااا الله منييين اجيب الصبرررر

حور: لا تعيط رجاءً

أيهم: بنت الـ.... كوميي منااااا

حور: ترا أني زعلانة منك وما اجيت احاجيك بس حتى ما تنجلط وحرام اشوفك وحدك بهل حالة وما اساعدك

كمت من مكاني ردت اطلع جرني من ايدي حضني بقوى عضني من خدي شلع خدي بأسنانة همهم بتذمر مشى انفة ع خدي دفعتة ما تركني

أيهم: ليش وليدي شسويتلج عليمن زعلانة

حور: حجيت عليَّ وضربتني راجدي

أيهم: والله لو بيدي ادفنج شلون تطلعين من البيت وحدج مع السايق؟ عليمن تروحين لخالد وحنين؟
تعرفين هذولة شنو؟

حور: بس هي امي ومريضة وانتَ سديت بوجهي كل الحلول ما خليت بيدي وسيلة ثانية

أيهم: انعل عرضج اذا براسج عقل

حور: هم تغلط؟

أيهم: لا ما اغلط بس هذا هو لساني هيج معرف شبي

حور: ابقى هيج

ردت اكوم ذبلي رجل لزمت كتفة خزرتة حمدت الله ما طحت جرني من ايدي رجعني لحضنة رفع راسي بيده بأس عيوني همس بحدة

أيهم: لو لمحت هل عيون يخزرني مرة الثانية الا.

حور: الا شنو؟

أيهم: انجبي واحجي عدل افكسهن الج

حور: ليش أني شحجيت؟

أيهم: جلي صوتج واحجي بصوت عالي وعدل

حور: والله هذا صوتي شلون يعني اغيره

أيهم: والله حور اكظج هنا وابوسج لو تموتين ما اتركج طز بيج و..

حور: تسمع همسات هنا؟

أيهم: شوف شلون بربوك تغير الموضوع بمزاجها

حور: ليش ضايج؟

مسح على خدي بلع ريكة متوتر من الي راح يحجي نطق بجدية وهو يترقبني بحذر

أيهم: حور تحبين شمس؟
11