ANSORLARDAN BO‘LGAN YIGIT

Sanjarbek Sayfulloh bilan 2020-yilda — pandemiya davrida yaqindan tanishganmiz. O‘shanda u kishi menga "100 hadis" nomli tarjima kitoblarining tahririni bergan edi.

Shunda mening aybim bilan oramizda biroz tushunmovchilik bo‘lgan va kamiga o‘zim Sanjarni aybdor deb koyiganman. U kishi og‘ir-bosiqlik bilan vaziyatni tushuntirib, muloyim muomala qilgan — shu xulqiga havas qilaman.

Shundan so‘ng do‘stlashib qolganmiz. Besh yil ichida ehhe qancha xotiralar bo‘lmadi deysiz! Hammasidan ham Sanjarning o‘zgani o‘zidan muqaddam qo‘ya olishi, yordamparvarligi, fidoyi ekani va, albatta, kamtarligi alohida e’tirof etishga loyiq.

Tijoriy biror ish qilsak ham "Aka, avval sizga foyda chiqaramiz, ortsa, bizga bo‘laveradi", — deydi. O‘qishim sababli uch yildan beri qishda va yozda Qirg‘izistonga borganimda hamma ishini qo‘yib meni olib yuradi, mehmon qiladi, darslarimga yordam beradi va hokazo. Shuning uchun ham Sanjarning bu sifati menga ansoriylarni eslatadi.

Postdan maqsadim yoshlarga o‘rnak shaxslar va xulqlarni ko‘rsatish. O‘zim havas qilgan Sanjarbekning ba’zi xulqlarini yozib, bugungi kunimizda ham shunday insonlar bor deb shukrona qilmoqdir.

#Shaxsiyat

@GiyosiddinYusuf

"Onam sakkiz marta aldagandan keyin yolg‘on gapirishini bilib qoldim", — deydi hikoya qahramoni. Onasining sakkizinchi yolg‘oni vafotidan oldin "Og‘rimayapti" deb aytgan gapi edi...

Bu kitobda kishini ezgulikka undovchi, ibratli, tarbiyaviy hikoyalar keltirilgan ekan. Kitobning eng ta’sirli hikoyasi "Onalar doim aldaydi" hikoyasi ekan.

Yana kitob boshidagi gap ham qattiq ta’sir qildi: "Onamga bag‘ishlanadi... Onam xudbinlikni yoqtirmaydi, ayniqsa, butun boshli kitobni ulargagina bag‘ishlab qo‘yishimni... Onamga va dunyodagi barcha onalarga bag‘ishlanadi!"

Kitobni @Taskinkitob dan so‘rash mumkin.

#mutolaa2025

@GiyosiddinYusuf

Tan olish kerakki, hamma kitob ham yaxshilikni o‘rgatavermaydi, yomonlikni ko‘zlab chiqarilgan kitoblar, behuda narsalar bilan chalg‘ituvchi yoki fahshga targ‘ib qiluvchi, to‘g‘ri e’tiqoddan adishishga sabab bo‘luvchi kitoblar ham bor. Lekin bunday kitoblar kam, albatta – guruch kurmaksiz bo‘lmaydi. Lekin telefon va kompyuterdagi o‘yinlarga nazar tashlasak, behuda, fahsh aralashgan, ur-o‘ldirni o‘rgatadigan o‘yinlar juda ko‘p. Shuning uchun bolalarimizga tarbiyaviy, foydali, ilm o‘rgatadigan o‘yinlar ko‘payguncha ular o‘ynaydigan o‘yinlarni nazorat qilishimiz, ko‘proq kitob o‘qishga targ‘ib qilishimiz yanada dolzarbdir.

Ps: Yaqinda inglizcha kitoblar haqida yozganimda ishonchli kitoblar so'rashdi. Tavsiya qilaymi? — 🔥

#tarbiya #kitob

@GiyosiddinYusuf

Bolalar uchun har xil mavzularda ingliz tilidagi ishonchli kitoblarni Booknook kanalidan topishingiz mumkin.

Agar kichik yoshli farzandingizga ingliz tilini o'rgatmoqchi bo'lsangiz, unda quyidagi kursni tavsiya qilaman!

READ WITH MOM – bolalarga 4 yoshdan ingliz tilida intensiv o'qishni o'rgatish kursi!
📢 Aprel oyidan start! Farzandingizni ingliz tilida o‘qishga o‘rgatmoqchimisiz? Bor-yo‘g‘i kuniga 10-15 daqiqa ajratsangiz kifoya!

✅ Kimlar uchun?

🔹 4-8 yoshli bolalar
🔹 9-10 yoshli, hali o‘qishni bilmaydigan bolalar
🔹 Farzandiga samarali o‘qitishni o‘rgatmoqchi bo‘lgan ota-onalar

📚 Kurs davomiyligi: 2 oy

👩‍🏫 O‘qituvchi: 12 yillik tajribaga ega xalqaro ingliz tili o‘qituvchisi, AMI Montessori 3-6 yosh talabasi Mahliyo Toshtemirova

📍 Batafsil: @readwithmom2months
📍 Natijalarni esa shu yerda o'qishingiz mumkin

📍 Kanalga ulanish uchun ⤵️

@englishmontessori_withmykids
@englishmontessori_withmykids
@englishmontessori_withmykids

Bolalar haqida qiziqarli ma'lumotlar

👶 Pichir-pichir tili
Kichik yoshdagi bolalar uchun yig‘lash – muloqot usuli. Agar chaqaloq yig‘lasa, unga javob berib, quchoqlab, tinchlantirsangiz, u o‘zini xavfsiz va ishonchli his qiladi.

🧒👧 O‘g‘il va qizning ehtiyojlari bir xil
Bolalar – qiz yoki o‘g‘il bo‘lishidan qat’i nazar – bir xil jismoniy, aqliy va hissiy ehtiyojlarga ega. Ularning hammasi mehr, e’tibor va qo‘llab-quvvatlashga muhtoj.

🎓 Muhit va o‘rganish tezligi
Farzandlar eng yaxshi sharoitda – o‘zlarini sevib, qadrlab, himoya qilinayotganini his qilganlarida o‘rganishadi. Oila muhiti, o‘yin va muloqot ularning rivojlanishida katta rol o‘ynaydi.

💪 Kelajakdagi muvaffaqiyatning siri
O‘zini sevib o‘sgan bola o‘ziga ishonchi baland, qiyinchiliklarga bardoshli va mustaqil bo‘ladi. Dunyoni quvonch va ishonch bilan kashf qilishi uchun unga mehr va qo‘llab-quvvatlashni ayamang!

#tarjima #tarbiya

@GiyosiddinYusuf

Ikki yoshli bolalar

Bir kuni ertalab uyg‘onasiz va farzandingiz xuddi kecha tun bo‘yi lug‘at o‘rganib chiqqandek gapira boshlaganini sezib qolasiz. U asta-sekin yangi so‘zlarni qo‘shib, ikki so‘zdan iborat jumlalar tuza boshlaydi. Tez orada esa u boshqalar bilan muloqot qilishda sizning “tarjimonligingiz”ga ehtiyoj sezmaydi. Ammo shu bilan birga, uning oldingi “teliing” kabi yoqimli so‘zlarini eslab, ularni sog‘inishingiz ham mumkin.

Savollar, savollar va yana savollar…
“Bu nima?”, “Nega?” kabi savollar ikki yoshli bolaning eng sevimli iboralaridan biri bo‘lib qoladi. U atrofdagi har bir narsani tushunishni xohlaydi va sizga tinimsiz savollar yog‘diradi. Ba’zan ularga javob berish juda oson – masalan, u hayvonot bog‘ida jirafani ko‘rganida. Lekin ba’zida esa savol murakkabroq bo‘lishi mumkin, masalan: “Nega oy osmondan tushmaydi?”

Boshqalar bilan o‘ynash hali oson emas
Ikki yoshli bolalar uchun o‘yinlar ham o‘ziga xos tarzda kechadi. Siz mehmon bolalar bilan do‘stona o‘yinlarni kutayotgan bo‘lishingiz mumkin, ammo kichkintoyingiz o‘zining sevimli poyezdi yoki yumshoq o‘yinchog‘idan ko‘proq qiziqish bildirishi ehtimoldan holi emas. Bu yoshda bolalar ko‘proq “parallel o‘yin” bilan shug‘ullanishadi – ya’ni har biri o‘z o‘yinchoqlari bilan band bo‘ladi va bir-birini deyarli payqamaydi. Ammo bu mutlaqo normal holat, chunki hozircha ular shunchaki dunyoni o‘z uslublarida o‘rganishmoqda.

Ikki yosh bolalar uchun qizg‘in va sermazmun davr. Ular yangi so‘zlarni o‘rganib, savollar bilan to‘lib-toshadi, dunyoni o‘zlari uchun kashf etishda davom etishadi. Sizning vazifangiz – ularga bu jarayonda sabr bilan hamrohlik qilish.

#parvarish

@GiyosiddinYusuf

KITOBNI QANDAY YOZAMAN?

1. Gʻoya — kitob o‘qish, atrofni kuzatish va kishilardan beriladigan savollardan kelib chiqib qandaydir kitob yozish g‘oyasi tug‘iladi.

2. O‘rganish — so‘ng shu mavzuni o‘rganish uchun turli manbalarga murojaat qilaman. Bular asosan kitob va internet ma’lumotlari bo‘ladi. Kitoblardan asosan o‘zbek tilidagi kitoblarni o‘qiyman, zarur bo‘lsa, arab, ingliz, turk va rus tilidagi manbalardan ham foydalanaman.

3. Yozish — menga yozish uchun tinchlik, xotirjamlik kerak. Ya’ni miyamda turli xil o‘y-tashvishlar bo‘lgan, qaysidir ishni qilish zarur bo‘lib turgan bo‘lsa, yoza olmayman. Shuningdek, kimdir qarab turganda ham yoza olmayman. Umuman olganda, yozish haqida gap ko‘p, sizga qiziq bo‘lsa, bu haqida alohida yozaman, inshaalloh.

4. Tashlab qo‘yish — odatda ko‘p kitoblarni oxirigacha yozib bo‘lmay to‘xtab qolaman yoki deyarli tayyor holga keltirganda olib qo‘yib, boshqa ish bilan band bo‘laman. Shu holda kitob oylab, ba’zan yillab qolib ketadi. Hozir ham o‘nga yaqin yangi kitoblarim tugatilmagan holda turibdi.

5. Mutaxassis maslahati — zarur bo'lsa, kitob ko'rsatilib, mavzu bo'yicha mutaxassis maslahati olinadi. Ba'zan ustozlar, hamkasblardan ham tavsiyalar olishga harakat qilaman.

6. Tugatish — ba’zi kitoblarni 2-3 marta tashlab qo‘yganimdan so‘ng tugataman, ba’zilarini esa ikkinchi marta ko‘rganimda. Qayta ko‘ra boshlaganimda boshidan o‘qib to‘ldirish va qo‘shimchalar, tuzatishlar qilib boraman va oxirida tugataman.

7. Qayta o‘qib chiqish — so‘ng yana bir bora o‘qib chiqaman. Agar ishimdan qoniqsam, kitob nihoyasiga yetadi. Ya’ni mening qo‘limdan chiqadi, undan keyin nashrga tayyorlash ishlari boshlanadi. Bu alohida jarayon, bu haqida ham alohida yozaman, inshaalloh.

Shu tariqa o‘ndan oshiq kitoblar yozish nasib qildi, alhamdulillah. Ularning ba’zilari oylab, yillab vaqt talab qiladi. Eng uzog‘i 9 yilda yozilgan.

#ijod

Kirill | Lotin

Alloh taolo tutgan ro‘zalarimizni, qilgan ibodatlarimizni, ezgu amallarimizni qabul aylasin!

Bilib-bilmay qilgan gunohlarimiz, yo‘l qo‘ygan xatolarimizni mag‘firat qilsin.

Barchamizni ramazonni munosib o‘tkazadigan va yil davomida ham ushbu shijoat, ibodatda sobit turadigan bandalardan qilsin!

Ramazon hayiti muborak bo‘lsin!

Asosiysi, iqtidorni kashf etish

Oilalarning asosiy burchi farzandlarining iqtidorini kashf etish, ularning bolalik davrida yashashiga imkon berish, ularning axloqiy va aqliy rivojlanishiga rahbarlik qilishdir.
Bola tarbiyasining asosiy maqsadi bolani individu­al xususiyatlariga ko‘ra tarbiyalash va uning o‘ziga o‘xshashligini ta’minlashdir.
Maqsad bolalarning bolaligini o‘g‘irlash emas, balki ruhi erkin va muayyan qoidalar doirasida o‘zini bemalol ko‘rsata oladigan bolalarni yetish­tirishdir.

📚Gʻiyosiddin Yusufning «Tarbiya-chi?» kitobidan #iqtibos

Kitobni xarid qilish

Yanada ko'proq iqtiboslar

Mutolaasiz bayram bayramdek bo'lmaydi...

#Kitob

@GiyosiddinYusuf

SOTUVCHI VA MIJOZLARGA

Reklamada balandparvoz gaplardan tiyilib, aniq ma’lumotlar bilan mijozning ishonchini qozonishga harakat qilish kerak. Masalan, "Ko‘p yillik tajribaga ega shifokor" deb emas, "O‘n yillik tajribaga ega shifokor" deyish kerak.

Diqqat! Reklamada aniqlik o‘rniga balandparvoz gap ishlatilayotgan bo‘lsa, sizni aldashga urinayotgan bo‘lishlari mumkin. Chunki yuqoridagi misolda aslida shifokorning tajribasi oz bo‘lib, uni ochiq aytish bilan mijoz jalb qila olmasliklaridan xavotir olib, "Ko‘p yillik tajribaga ega" deb qo‘yishadi. "2-3 yil ham ko‘p yil-ku" deb vijdonlarining oldida o‘zlarini oqlashga harakat qilishadi.

Kirill | Lotin

Mutolaa | mart

1. G'iyosiddin Yusuf. "Bolamni yaxshi ko'raman".
2. G'iyosiddin Yusuf. "Go'zal xulqlar".
3. G'iyosiddin Yusuf. "Sevdirib tarbiyalang.
4. Mikoil Adiguzel. “Katta shahzoda”.
5. "Onalar ham aldaydi".

Siz qaysi kitoblarni o'qidingiz?

@GiyosiddinYusuf

SUHBAT HAM SADAQA

Hayit kuni ertalab taksiga chiqdim. Haydovchi yoshi katta amaki ekan, salom berib, telefonim bilan band bo‘laverdim: tabriklarga javob yozayotgan edim. Amaki kinoyali qilib alik olgach:
— Telefon o‘lsin! — dedi.
Bu men uchun yaxshi dakki bo‘ldi, xijolat bo‘lib tabriklarga javob berayotganimni aytdim va telefonni olib qo‘ydim.

Shu bilan suhbat boshlandi. Ancha gaplashganimizdan keyin amaki yayrab ketayotganini zohir qilib:
— Sizlar bizga o‘zlaringiz bilmagan holda katta kuch berasizlar. Mana, men hozir sen bilan gaplashib energiya olyapman. Berayotgan pullaringiz uchun chiqmayman, zerikaman, bomdoddan keyin peshingacha ishga chiqib, mijozlar bilan suhbatlashaman, — dedi.

Bundan juda xursand bo‘ldim. Bir ko‘ngilga shodlik kiritmoq gulga suv quymoqdan ham muhimroqdir!
Suhbat bilan ham kimgadir yaxshilik qilish mumkin ekan, suhbat ham sadaqadir!
Sadaqaning afzali yaqinlarga qilinganidir. Siz bugun yaqinlaringiz bilan suhbat qildingizmi? Ayniqsa, uydagi yoshi kattalar, jufti halol va farzandlarni unutmaylik.

#Hayotiy

@GiyosiddinYusuf

Bolalarning ko‘nglini olishning oddiy, lekin muhim yo‘li


Bolalar bilan samimiy muloqot qiling. Ularni tinglash, fikrlariga qiziqish bildirish va his-tuyg‘ularini e’tiborsiz qoldirmaslik – bolaning ko'nglini olishning eng yaxshi yo‘li.

Ko‘pincha kattalar bolalarga nasihat qilish yoki yo‘l-yo‘riq ko‘rsatish bilan cheklanadi, lekin bolalar uchun eng muhim narsa – ularni tushunish va ularga mehr bilan quloq solishdir.

Uning gaplarini jiddiy qabul qiling, fikrlariga hurmat bilan yondashing. Shunda bola sizga yanada ishonchli va yaqin bo‘ladi.

Bola bilan suhbatlashayotganda uning ko‘ziga qarang, e’tiboringizni butunlay unga qarating. Telefonga yoki boshqa narsalarga chalg‘imasdan, bir diqqatingiz bilan tinglang. Bu unga muhim va qadrlanganligini his qildiradi.

Suhbatni kengroq davom ettirish uchun “Ha” yoki “Yo‘q” bilan cheklanmaydigan savollar bering. Masalan, “Bugun qanday qiziq narsalar bo‘ldi?” yoki “Bu haqda qanday fikrdasan?” kabi savollar bolani o‘z fikrlarini batafsil ifodalashga undaydi.

Shuningdek, bola bergan savollarga ham e’tibor bilan, sabr bilan javob bering. Chunki uning dunyoni o‘rganishi va sizga bo‘lgan ishonchi aynan shu kichik, lekin muhim lahzalarda shakllanadi.

#tarbiya

@GiyosiddinYusuf

Nega 2-aprel xalqaro bolalar kitoblari kuni?

Chunki bu kunda dunyoga mashhur bolalar yozuvchisi Hans Kristian Andersen tavallud topgan. Bu kun 1967-yildan boshlab Xalqaro Yoshlar Kitoblari Kengashi (IBBY) tomonidan tashkil etilib, bolalar adabiyotini rivojlantirish, o‘qishga muhabbat uyg‘otish va kitoblar orqali yosh avlodni tarbiyalash maqsadida o‘tkaziladi.

Mening bolalar uchun kitoblarim:
• Kundalik odoblar
• Muzqaymoq
• Arab alifbosi
• Ko'zlar quvonchi
• Odobingiz — obro'yingiz (2)
• Ota-onamni yaxshi ko'raman
• Go'zal xulqlar

Sizda bu kitoblardan qaysilari bor?

#Kitob

@GiyosiddinYusuf

NEGA AYNAN BOLALAR UCHUN KITOBLAR?

Hozirgi kunda o‘ndan oshiq kitoblarim nashr qilingan bo‘lib, ularning yarmidan ko‘pi bolalar uchun bo‘lgan kitoblar va bundan keyin ham aynan shu yo‘nalishda ko‘proq ijod qilmoqchiman. Ba’zidan "Nega aynan bolalar uchun kitoblar yozasiz?" deb so‘rashadi. Quyida shu haqida to‘xtalmoqchiman.

1. Bolalar uchun tarbiyaviy, qo‘rqmay ishonib topshirishimiz mumkin bo‘lgan kitoblar juda kam. Shuning uchun bu bo‘shliqni biroz bo‘lsa ham to‘ldirish uchun shu yo‘nalishni tanlaganman.

2. Kattalar uchun kitob yozish mas’uliyati og‘ir, bolalar kitoblari juda ko‘p ilm talab qilmaydi har holda. Imkoniyatdan kelib chiqib shu yo‘nalishni tanlaganman.

3. Bugun odob-axloq, tarbiyaviy kitoblarni o‘qigan bolalar 20-30 yildan keyin jamiyatimizga turli sohalarda xizmat qiluvchi shaxslar bo‘lib yetishadi, inshaalloh. O‘shanda katta islohotlar bo‘lishini umid qilgan holda bu yo‘nalishni tanlaganman.

4. Shu mavzuda kitob yozish qobiliyatimiz, imkoniyatimiz boshqa mavzularga nisbatan yaxshiroq shakllandi, alhamdulillah. Yozgan kitoblarimni bolajonlar juda yaxshi qabul qilib kelmoqda. Bolalar uchun tushunarli, sodda tilda, asosiysi, yaxshilikka chaqiruvchi, dinimiz ta’limotlariga muvofiq bo‘lgan ko‘rsatmalarni bolalar tilida yozish ilhomi berildi. Shuning uchun vaqtimni tijorat yoki boshqa sohaga sarflasam, gavharni qo‘yib tezakni olgandek — Alloh bergan qobiliyatni zoye qilgandek his qilganim uchun shu yo‘nalishni tanlaganman.

#Kitob

Kirill | Lotin

BOLA VA PUL

Bola va pul mavzusida kitob yozyapman. Ya’ni bolalarga dastlabki moliyaviy savodxonlik, pul bilan to‘g‘ri muomala qilish haqidagi kitob.

Avvalo o‘zim mavzuga doir manbalar bilan tanishib chiqdim, yana davom etaman. Kitobni tugatganimda soha mutaxassisiga ilmiy tahrir qildiramiz, inshaalloh.

Kitob bolalar tushunadigan sodda tilda, rasmlari bilan, rangli, har bir mavzuga mos hikoyalari va savol hamda topshiriqlari bo‘ladi.

Ba’zi mavzular:
• Pul nima uchun kerak?
• Hamma narsa pul bilan o‘lchanadimi?
• Pulning turlari
• Ish haqi va daromad manbalari
• Pulni tejash
• Kirim-chiqimlar
• Investitsiya
• Boylik, saxiylik, baxillik
• Halol yo‘l bilan pul topish
• Qarz haqida

Bu kitob "Bola va ..." turkum kitoblarimizning birinchisi, ikkinchi va uchinchi kitoblarni ham yozib, uchalasini kuz faslida nashr qildirish niyatidaman.

#Ijod

Kirill | Lotin

Farzandingiz o‘zini qadrli his qilishi uchun qilishingiz mumkin bo‘lgan 30 amal

1. Diqqat bilan tinglang, gapini bo‘lmang.
2. Uning fikriga hurmat bilan munosabatda bo‘ling.
3. Har kuni uni quchoqlang, mehr ko‘rsating.
4. Ko‘ziga qarab suhbatlashing.
5. Yolg‘iz qolganida yonida bo‘ling.
6. Yordam so‘rasa, rad etmay, imkon qadar ko‘mak bering.
7. Uning sa’y-harakatlarini qadrlang.
8. Orzu-niyatlari uchun uni kamsitmang.
9. “Men seni yaxshi ko‘raman” degan so‘zni aytishdan tortinmang.
10. Unga ishonayotganingizni ayting.
11. Uning uchun alohida vaqt ajrating.
12. U qiziqadigan mavzularda suhbatlashing.
13. Har kuni kamida bir bor uni maqtang.
14. Rostgo'yligi uchun uni mukofotlang.
15. Darsidan tashqari qiziqishlarini ham e’tiborsiz qoldirmang.
16. Yangi narsalarni o‘rganishga qiziqtiring.
17. Qilolmagan ishi uchun koyimang, sabr bilan o‘rgating.
18. Uni boshqalar bilan qiyoslamang.
19. “Shunaqa bo‘lishing kerak” degan bosim o‘rniga, o‘rnak bo‘ling.
20. Xatolarini eslatib emas, yechim topishda yonida bo‘ling.
21. Uni sababsiz yaxshi ko'rishingizni his qildiring.
22. Unga vazifa berganingizda ishonch bilan topshiring.
23. Xushchaqchaq va quvnoq bo‘ling — kayfiyat yuqumli.
24. O‘zi haqida gapirib bersa, xursandchilik bilan tinglang.
25. Suhbatingiz faqat va'z-nasihatdan iborat bo'lmasin.
26. U bilan birga o'ynang.
27. Yutuqlari kichik bo‘lsa ham ulkan deb qabul qiling.
28. Ba’zida hech nima demay, faqat quchog‘ingiz bilan tasalli bering.
29. Hammaning oldida emas, yolg'iz gaplashib tushuntiring.
30. U haqida boshqalarga ijobiy so‘zlar ayting — u buni eshitib quvonadi.

#Tarbiya

@GiyosiddinYusuf