الليلة الثانيه من محرم الحرام


هيه هيه كربله مثل ما كال النبي
هيه هيه كربله آيه صارت للسبي
*؟
هالحوار الـدار اسمعه ابين زينب والحسين
وصلو لــــدار المنيه مـــــا درت ترتحل وين
تكله خويه انلجم كلبي بها الارض دِمعة العين
صاح ابو الغيره اعله هونج عسى ماشفتي الونين
وانه السمعت الخبر
من ثغر خير البشر..
.بيها تتساقط درر
خويه لاتترهبي...........مثل ما كال النبي
*.
خويه باللوح المقدس منكتب هذا الامر
جدمي عن الغاضريه ما تمر ومــــاتمر
منكتبلي بهالوطيه خويه ينحز النحر
وكال جدي بهالعباره عله الصدر يصعد شمر
كال ويهل الدمع
شحال لو صار الفزع
.بيها يبني تنصرع
وبيها زينب تنسبي.....مثل ما كال النبي
***

خويه بارض الغاضريه بهالارض نزلت رسل
ذكروا مصابي بفجيعه وظلت تنوح وتهل
شفت ايوب ويه موسى بكربله وي ذي الكفل
ناحو سنين اعله يومي مــن كبل لاانجتل
يوم شافو لوعتي
.روو بالحك قصتي.
.هناك ذكرو غربتي
بجوا دم لمخضبي.........مثل ما كال النبي
*.**
خويه راح اروي المصايب بس اعهديني بصبر
تكله خوي انت تعرفني الصبر عندي اسهل امر
كال اول هالفجـــــــــايع علي الاكبر ينطبر
عكب ما جبده يخيتي من العطش يصبح جمر
عكب ماشل الحرب.
على الهامه ينضرب.
يطيح ابن خير العرب
يصيح يابويه الابي .....مثل ماكال النبي
.***

والفجيعه الخذت روحي منها الم كلبي انترس
عرس جسام الصميده بدمـه يتحنه العرس
لساحة الطف من يطبها يخلس العرس خلس
بسيفه يمحيها العساكر وبالحرب ينطي درس
لجاسم انحز منحره.
امه سوده وغادره.
.تريد تمحي الطاهره
لجن لاتستغربي............مثل ماكال النبي
*,****
والرضيع المرد كلبي بجفه موته استقبله
بسهم اتباع السقيفه يروح دامي بكربله
جيت اله بشربة اميه من العطش كلبه امتله
لنه ياسهم المنيه بنحره شجه حرمله
بالنحر. صاب الطفل.
بهاي يختي وشالعمل.
.ناس مابيها امل
بطفلي خويه تقربي...........مثل ماكال النبي
*.***

والكمر من نطق باسمه تكول هذا كافلي
روحي للعباس فدوه تكول زينب بت علي
كــــــــــال كفالج يزينب بالعطاشى مبتلي
بالحياه يترس جربته وعالمنايه يعتلي
العمد وي سهم الغدر..
لجوده والراس انطبر
.بالعطش كلبه استعر
وابقى وحدي بموكبي........مثل كال النبي
*.
وحدي جن ابقه بارضها لانصير ولاسند
انصاري طاحو عالوطيه والكمر صابه العمد
اطب وحدي بكل بساله والسبع بيهم شرد
ابن ابوج بهالمواقف ما يهاب من العدد
سيفي باقي بيمنتي..
خل يشوفو صولتي
بيها طفحت غيرتي
سيفي ذل الناصبي.....مثل ما كال النبي
*.""*

تحاشمو بارض المنيه من عكب سيل الدمه
فرقه ترميني بحجاره وبالنبل جسمي انرمه
بصدري اتلكه المثلث ياوديعة فاطمـــــه
وصار جسمي شبه كنفذ من نبال الظالمه
جسمي ظل بلا ردا..
داست عليه العدا.
والشمر بمهنده
بدمي خضب مشيبي............مثل كال النبي
*.**
الشمر لو شفتيه يخويه لـراسي بيده رافعه
للسبي تحزمي يزينب يومي جنه الـواقعه
وحضري الجفوف الغوالي لبس ذيج الجامعه
لا تشكي اعليه جيبج مـــــا اريدج دامعه
خاف يشمت عاذلي.
.يكول هذي بت علي.
خلي نوليها ولي
وخل نجرها للسبي..........مثل ما كال النبي
*.
ونسالكم الدعاء لتعجيل الفرج

لخادم ال محمد(ع)....
.الشاعر حيدر كاظم الساري
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

يالعليله ايعينج الله اتحضرو من دونج
اكبالهم يا اخيتي اكعدي وبلكت ايصيحونج
-------------------------------
ما غمضلج جفن ساعة ولا غفيتي وهذا ليل
والسهر بيّن عليج امعلعه وما بيج حيل
ماكو واحد كال نمشي من الفجر عنج نشيل
ولا ويانه الكال روحي ومسحي دمع اعيونج
-------------------------------
اكبال الحسين انتي اكعدي بلكي كلبه يحن عليج
وخلي عبد الله اعله حضنج جفه خلي يكض بأديج
مو مريضه اكباله بيني و صاحية ولا علة بيج
بخير بوية ونحمد الله من يكول اشلونج
-------------------------------
كثري من ركضج يخيتي وخلي جدمج راح جاي
بلكت ايشوفج حسين اكباله ويكلج تعاي
عالعطش متعودة كولي شما سمعتي بطاري ماي
وكولي من شيل الرضيع انگلب لون امتونج
-------------------------------
كعدي من حسين يكعد كومي لو شفتيه يگوم
كولي خافن ما اتكفي ابضعني كل هاي الهدوم
كولي واليمشون أهلها ما ضن اتعيشلها يوم
وبالج تنامين يختي ما اضن يندهونج
-------------------------------
بعد ساعة الضعن يحدي وخية اشوفج ساكته
امشي كليله بضعنكم حلفي ابوي بداعته
الدنيا من غيرك يبوية بلاية لون وباهته
لشيل عبد الله بعضنهم بلكت ايخلونج
-------------------------------
صاحها حسين ونشدها اكبالي اشوفج كاعدة
ما حجت بس خر دمعها و درت باجر فاكدة
كلها من باجر يبوية وي الهجر متواعدة
ما اضن اتوفشين وجهي الله ايكون ابعونج
-------------------------------
الخادم احمد داود

محرم الحرام 1447

قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

#لمولاتي_العليلة

عمي يالعباس اجيتك ردت حل لشدتي
ليش بالدار ابقى وحدي انا من دون اخوتي
  ـــــــــــــــــ ❁ ❁ ❁ ـــــــــــــــــ
عمي يالعباس اجيتك وانت حلال الشدد
باب للحاجات اعرفك ما مخيب لك أحد
وكلمن يدگ باب بيتك ما يرد فارغ ابد

وانا ادري من اجيلك ما تردني بطلبتي
  ـــــــــــــــــ ❁ ❁ ❁ ـــــــــــــــــ
انت يا باب الحسين المنك يريد الدخول
في " عنايات " الحسين واقصر دروب الوصول
عمي اريد تحاجي ابوي بواسطة تحصل قبول

حتى وياكم اروح وما اظل بوحدتي
  ـــــــــــــــــ ❁ ❁ ❁ ـــــــــــــــــ
عمي وياكم اريدن امشي بدروب السفر
وي اخوتي ووي خواتي وما اظلن للقهر
بلمه من نسهر علينه نورك يشع يا گمر

حلمي هسه حسين يرضى امشي وكل عيلتي
  ـــــــــــــــــ ❁ ❁ ❁ ـــــــــــــــــ
انا أدري شكد يعزك والدي ويمك اجيت
وقبل كل حاجاتي اسمك يابو فاضل قدميت
شكثر يا عمي يغالي بالحسين اتوسليت

ما قبل وانا مريضه وانت تدري بعلتي
  ـــــــــــــــــ ❁ ❁ ❁ ـــــــــــــــــ
عمي تدري اني مريضه والمرض ما ينحمل
وفوگ كل هذا اظلن وحدي بهذا النزل
ومحد من اهلي بقالي حتى عبد الله الطفل

يروح وياكم وهو چان اليسد وحشتي
ـــــــــــــــــ ❁ ❁ ❁ ـــــــــــــــــ
عبد فاطم
مصطفى باسم الغزي
#محرم 1447 هجري

اللحن 👇👇
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

ودعتهه جرح الفراك اشيودعه
فاركتهه وعاتبتني دمعه دمعه
ودعتهه وفاركتهه
****

ما شفته هظمه ابحياتي مثل هظمتهه الجبيره
تون وتنوح
لاتخليني يبويــــــــــه اوياك اخذني بهل مسيره
لونّ اتروح
واشبگتهه وقبّلتهــــــه والدمع بعيوني ديــــــره
وگلب مجروح
شاهدت حسرة غيابي بنظرة الطفلـــه الكسيره
العتاب ايلوح

هدّأتهه ماتهيد اللي مثلهه
صبّرتهه والصبر ما ظنّه الهه
ودعتهه وفاركتهه

*

اتلملم الحيل ابمرضهه وتمشي خطوه وخطوه تعثر
بلاية حيل
تلزم بطارف عــــــباتي تگلي لتظن راح اگدر
وداعك ويل
انته لو بس تمشي عني گلبي يوگف يابو الاكبر
يبدر الليل
تسحگ ابروحي الخواطر هيكل احلامي ايتكسّر
كأنهه الخيل

كــــلّمتهه وكلّمتني وعذّبتني
واسمعتهه اتكول چنّك يتّمتني
ودعتهه وفاركتهه

*

راحــــــت لهودج رقيه اتگلهه شو عفتوني وحدي
اروحن وين
چنت فرحانه بوجودج هسه كلشي ايصير ضدّي
اعيش البين
انطيني من عيناج نظره هاي نظره تبقه عندي
يماي العين
تنتهي قصــــــة دلالي قــــصة الاحزان تبدي
بوداع احسين

وانظرتهه اتعاين لهودج رقيه
ولإختهه اعتقد عدهه وصيّه
ودعتهه وفاركتهه

*
يـــــم علي الاكبر تعنّت تشرح ابهمهــــه وتگلّه
تضل ياريت
انته شمعه بداري تضوي لو رحت يرعبني شكله
بظلامه البيت
الله يــــــا كسرة گلبهه دمــــــــع الموادع تهلّه
وانه اتاذّيت
والاخت تشبگ اخوهه إلك شوگي ايصير عِلّه
لَوَن حنّيت

مــاردتهه الدنيه من عگبك يخويه
واكرهتهه لان راح افگد ابويــــــه

*
للرضيع ابحسره راحت بـــــويه بس خلّيه يمّي
يظل ويّاي
هـــــذا عبدالله حبيبي لو فگدته ايزود همّي
يتيه الراي
ردته أتسلّه ابوجـــــوده من تروح انته اويه اُمّي
يهيد الداي
لو أخذته عـــن عيوني اشلون أنساه انسه إسمي
فگدت ادواي

من شفتهه قبّلت عبدالله هيّه
قبّلتهـــــه شبگت ابشوغه إديّه

*

تلتفت محتاره ظلّت إلمت اتروح و تعاتب
عتب إحساس
ما إلي غيرك وسيله صدّت لبدر الغوالب
گمر عباس
عمّي لو عفتوني وحدي ودارت اعليه النوايب
اشتگول الناس
انته كفّال الضعينــــه وآني گلبي اهواي ذايب
يبو النوماس

عـــاينتهه تنتخي بعباس عمهه
واشبگتهه گـــلّي منهو يبقه يمهه

*







للدكتور رضا حامد الحسّاني
قناة الرجوع الى الله    @h_ameer1
قصائد منبريه مكتوبه   @h_ameer2
ملا ابو أمير الفاطمي   @h_ameer3
روح وريحان   @h_ameer4

بسبب الزخم ما الحك ارد عليكم ارجوا من الجميع ان يحملوني ع محمل حسن