✨ Bu oddiy odat emas, bu – sunnat

Yosh bolaning tanglayini koʻtarish - katta odam bir narsani oldin oʻzi chaynab turib, bolaning ogʻziga qoʻli bilan solib, tanglayiga tekkizib qoʻyishidir. Bu narsa meva boʻlgani afzaldir. Rasululloh sollallohu alayhi vasallam deyarli doimo bolalarning tanglayini xurmo bilan koʻtarganlar. Bu ham yaxshi niyat alomati boʻlib, bu ishni ahli solih, fazilatli kishilar qilishlari margʻubdir.

Baʼzida Rasululloh sollallohu alayhi vasallamning oʻzlari bolalarni oldirib kelib, tanglayini koʻtarib qoʻygan holatlari ham boʻlgan.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram

✨ Uchta, ikkita, hatto bitta qiz ham – Jannat sababchisi

Abu Hurayra roziyallohu anhudan rivoyat qilinadi:

«Rasululloh sollallohu alayh vasallam: «Kimning uchta qizi boʻlsa, ularning xarxashalari, ogʻirliklari va yengilliklariga sabr qilsa, Alloh ularga koʻrsatgan rahmati tufayli uni jannatga kiritur», dedilar. Bir kishi: «Ikkita boʻlsa-chi, yo Rasulalloh?» dedi. «Ikkita boʻlsa ham», dedilar.

Bir kishi: «Bitta boʻlsa-chi, yo Rasulalloh?» dedi. «Bitta boʻlsa ham», dedilar».

Ahmad rivoyat qilgan.

Shunday qilib, bittami, ikkitami yoki uchtami, qizni tugʻish, ularni boqib, tarbiyalab, katta qilish ota-ona uchun jannatga haqdor boʻlish omillaridan biriga aylantirildi. Musulmonlar qadimdan qizlarga faqat yaxshi nazar bilan qarab keldilar va kelmoqdalar.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram

✨ Assalomu alaykum va rohmatullohi va barokatuh

✨ Juma muborak!

🟢 Yaqinlaringizga ulashing. 😊

Telegram | Instagram

✨ Agar jannatga oldin ota-onam kirmasa, men kirmayman

Baʼzi ulamolarimiz, jumladan, imom Ahmad ibn Hanbal va Ato Xurosoniylar aytishadiki, goʻdakligida oʻlgan farzandning oʻz ota-onasiga shafoatchi boʻlishi uning aqiqasiga bogʻliqdir. Agar unga aqiqa qilingan boʻlsa, Qiyomatda jannat erkatoylaridan boʻladi va: «Agar jannatga oldin ota-onam kirmasa, men kirmayman», deb turib oladi. Shunday qilib, u oʻz shafoati ila ota-onasining jannatga kirishiga sabab boʻladi.

Imom Lays, Dovud Zohiriy va boshqalar esa yangi tugʻilgan farzandning yaxshi unib-oʻsib, baxtli-saodatli boʻlishi uning aqiqasiga bogʻliqdir, shuning uchun aqiqa qilish vojibdir», deganlar.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram

✨ Ota-onalik – eng savobli xizmat

Bola tarbiyasi uchun qilinadigan har bir harakat ajrsiz, savobsiz qolmas ekan. Bolaning boshini silashda odamning oʻzi rohat topadi. Lekin shu narsa bolaga ham yaxshi taʼsir qilganidan, Alloh taolo buning uchun ota-onaga ajr-savob berar ekan. Ota-ona bolasining boshini silagani uchun ham ajr olar ekan, uni yedirib-ichirgani, kiydirgani, oʻqitgani, Qurʼon yodlatgani, odob-axloqdan tarbiya berib qiynalgani uchun oladigan savoblari qancha boʻlishini oʻzingiz tasavvur qilavering.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram

✨ Bolangiz sizga qarab hayotni oʻrganmoqda – soʻzingiz tarbiya vositasi

Onaning bir ogʻiz gapida ham bola tarbiyasiga katta taʼsir qiladigan omil borligi uqtirilmoqda. Odatda onalar bolalarini gaplariga kirgiza olmaslar, aldashga oʻtadilar. Biror narsa berish vaʼdasi ila aldab, ushlab olib, kaltaklashga tushadilar. Aslida esa shu ishlari bilan bolalarining tarbiyasiga zarar yetkazayotgan, ularga yomon namuna koʻrsatayotgan boʻladilar. Har bir bola uchun uning ota-onasi dunyodagi eng ulugʻ kishilar boʻladi. Bola ota-onasiga taqlid qiladi va ulardan oʻrnak oladi. Ana oʻsha bolaning nazaridagi eng ulugʻ va oʻrnak olishga sazovor inson uni aldagandan keyin, bolada, men ham shunday qilsam boʻlar ekan, degan tushuncha paydo boʻlishi tabiiy.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram

✨ Bola – siz yozayotgan hayotiy kitob

Bola ota-onasi huzuridagi omonat boʻlib, uning qalbi pokiza gavhardir. U har qanday naqshni qabul qilaveradi. Agar yaxshilikka oʻrgatilsa, oʻshanday oʻsadi. Uning savobiga ota-onasi va murabbiysi sherik boʻladi. Agar yomonlikka oʻrgatilsa, oʻshanday oʻsadi. Uning gunohiga ota-onasi va murabbiysi sherik boʻladi. Valiy uni saqlashi, taʼlim-tarbiya bermogʻi lozim.

📖 «Baxtiyor oila» kitobidan

🟢 Yaqinlaringizga ulashing.

Telegram | Instagram