Иқтисодиёт ва молия вазирлиги, Ҳисоб палатасига парламентнинг бюджетга масъул қўмиталари билан биргаликда тўғридан-тўғри харидларни 2 карра қисқартириш топширилди. Йил якунигача сунъий интеллект ёрдамида давлат харидларида қонунга зид ҳолатларни аниқлаш ва олдини олиш бўйича электрон тизимни ишга тушириш вазифаси қўйилди.

Бюджетдан ташқари маблағлар ҳисобига олинаётган товарларни ҳам тартибга солиш вақти келгани таъкидланди. Бюджет ва бюджетдан ташқари маблағ ҳисобидан асосий воситаларни харид қилиш бўйича талаблар кучайтирилиши белгиланди.

Хизмат транспортида юришни кескин қисқартириб, маҳаллий автомобиль ва мебелдан фойдаланишга ўтиш зарурлиги қайд этилди.

https://www.tg-me.com/hudud_inform

Лавозимга қўйишда ходимнинг қайси олийгоҳни битиргани ёки қаерда ишлагани эмас, қандай билим-тажрибага эгалиги ва кўрсатган натижалари асосий мезон бўлади. Бу борада номзоднинг камчиликлари билан бирга яхши тарафларини ҳам холисона айтиш керак.

Бундан буён маҳаллада одамлар билан ишлаган, уларнинг муаммосини ўз кўзи билан кўриб, ҳал қилган ёшлар орасидан раҳбар кадрлар танлаб олиниши кераклиги таъкидланди.

Ишга қабул қилишни очиқ ва шаффоф ўтказиш, давлат хизматчилари реестрини белгилаш, кадрларни коррупцияга мойиллигини ўрганиш бўйича фармон лойиҳасини киритиш топширилди.

https://www.tg-me.com/hudud_inform

Британиянинг BBC телеканалида машҳур бошловчи Ник Квек иштирокида Ўзбекистонда суратга олинган машҳур "Discovering The World’s Table" (Дунё дастурхонини кашф қилиш) кўрсатувининг янги қисми премьераси бўлиб ўтди.

https://www.tg-me.com/hudud_inform

❗️Азиз юртдошлар! Сизларни ноқонуний “турфирма”  ёки “турагент”лардан огоҳ бўлишга чақирамиз!

Лицензия асосида фаолият юритаётган тадбиркорлик субъектлари орқали Умра сафарига боринг!

Дин ишлари бўйича қўмита Ахборот хизмати

https://www.tg-me.com/hudud_inform

❗️ Метан заправкалар фаолиятига қўйилган чекловлар эртага соат 09:00 дан эътиборан барча ҳудудларда босқичма-босқич олиб ташланади — Энергетика вазирлиги.

https://www.tg-me.com/hudud_inform

❗️Шахснинг иштирокисиз ёки хабарисиз кредит расмийлаштиришнинг олди олинади

Қонун (ЎРҚ-1043-сон, 04.03.2025 й.) билан “Кредит ахбороти алмашинуви тўғрисида”ги қонунга ўзгартириш ва қўшимчалар киритилди

🔰 Қонунга кўра, кредит битими тузиши тақиқланган шахслар реестри бу —кредит битими тузиши тақиқланган жисмоний шахслар тўғрисидаги ахборотни ўз ичига олган ва кредит бюролари томонидан юритиладиган ягона маълумотлар базасидир.

🏢 Марказий банк бундай шахсларнинг ўзаро мувофиқлаштирилган реестрини кредит бюролари томонидан юритилиш тартибини белгилайди.

▶️ Шунингдек, кредит бюроси устав фонди (устав капитали) нинг энг кам миқдори 2 миллиард сўмни ташкил этиши кераклиги белгиланди.

✅ Кредит бюроларига нисбатан Марказий банк қуйидаги қоидабузарликлар содир этилганлиги учун чоралар ва санксияларни қўллайди:

🔹кредит ахбороти алмашинуви тўғрисидаги ва кредит бюролари фаолиятини тартибга солувчи қонунчилик талабларига риоя этмаганлик;
🔹кредит бюролари хизматлари истеъмолчиларининг ҳуқуқларини бузганлик;
🔹лицензия қалбаки ҳужжатлардан фойдаланган ҳолда олинганлиги факти аниқланганлиги.

📜 Марказий банк мазкур қоидабузарликларни бартараф этиш учун мажбурий кўрсатмалар юбориш ҳамда БҲМнинг 5 минг бараваригача миқдорда жарима қўллашга ҳақли.

📢 Бундан ташқари, жисмоний шахс ўзининг иштирокисиз ёки хабарисиз кредит битими расмийлаштирилишининг олдини олиш учун ўзи билан кредит битимини тузишни кредит бюросига ариза киритиш орқали тақиқлаши мумкин.

📌 Кредит битимини тузишни тақиқлаш ёки бундай тақиқни олиб ташлаш ихтиёрий амалга оширилади.

https://www.tg-me.com/hudud_inform

Wildberries текширув натижаларига кўра 50 млрд сўмдан ортиқ солиқ тўлади

Wildberries маркетплейсининг Ўзбекистон Республикасидаги фаолияти солиқ қонунчилигидаги айрим талабларига мос келмаслиги аниқланди.

Ташкилотда солиқ аудити ўтказилиб, 2022–2024 йиллар учун буджетга қўшимча ҳисобланган 51,2 млрд сўм (шундан, 42,8 млрд сўм ҚҚС) солиқ тўловлари тўланди.

https://www.tg-me.com/hudud_inform

🔰Хотин-қизлар куни ва Наврўз муносабати билан неча кун дам олинади?

🔹8 март (шанба) — Хотин-қизлар куни;

🔹9 март (якшанба) — дам олиш куни;

🔹10 март (душанба) — 5 кунлик иш ҳафтасида ишловчилар учун дам олиш куни, 6 кунлик иш ҳафтасида ишловчилар учун иш куни;

🔹21 март (жума) — Наврўз байрами;

🔹22 март (шанба) — 5 кунлик иш ҳафтасида ишловчилар учун дам олиш куни, 6 кунлик иш ҳафтасида ишловчилар учун иш куни;

🔹23 март (якшанба) — дам олиш куни.

Меҳнат кодексининг 208-моддасига асосан дам олиш куни ишланмайдиган байрам кунига тўғри келган тақдирда, дам олиш куни байрамдан кейинги иш кунига кўчирилади.

https://www.tg-me.com/hudud_inform

Олмалиқда қурилаётган 3-мис бойитиш фабрикаси қурилишида иштирок этаётган "Enter Engineering" компанияси ишчиларига маош тўлашда кечикиш ҳолатлари кузатилиши бўйича изоҳ берилди.

ОКМК раиси Абдулла Хурсанов "Энг муҳими сифат, инсон омили ишнинг сифатига таъсир кўрматмаслиги керак", деди ва жараён қандай кечаётгани, молиялаштириш тартибини журналистларга атрофлича тушунтирди.

https://www.tg-me.com/hudud_inform

Божхона органлари томонидан ўтказилган тезкор тадбирларда ноқонуний муомаладан олиб қўйилган 130 минг қутидан ортиқ тамаки маҳсулотлари йўқ қилинди.

https://www.tg-me.com/hudud_inform

Абонентларга санитар тозалаш хизматини кўрсатишда чекловлар мавжудми?

Чиқиндиларни бошқариш ва циркуляр иқтисодиётни ривожлантириш агентлиги мутахассиси шарҳида батафсил маълумот олишингиз мумкин.

Батафсил

https://www.tg-me.com/hudud_inform

Қорақалпоғистонда “Инноватор, лидер аёллар билан давлат фуқаролик хизматини ривожлантириш сари” мавзусида семинар ташкил этилди

▫️Президент ҳузуридаги Давлат хизматини ривожлантириш агентлиги ташаббуси ва ҳамкор ташкилотлар кўмагида ташкил этилган семинарда Агентлик масъуллари, Қорақалпоғистон Республикаси Вазирлар Кенгаши раҳбарияти, ҳудуддаги 44 та ташкилот ва идораларда фаолият юритаётган хотин-қизлар, ОАВ ходимлари ва жамоатчилик вакиллари иштирок этди.

Семинар давлат органлари ва ташкилотларидаги хотин-қизларнинг соҳадаги фаолиятини қўллаб-қувватлаш, уларнинг лидерлик компетенцияларини ривожлантириш, давлат фуқаролик хизматидаги ислоҳотлар билан хабардор қилиш, мавжуд муаммоларни яқиндан ўрганиш мақсадида ташкил этилди.

Семинар аввалида сўз олганлар сўнгги йилларда Ўзбекистонда давлат бошқарувида хотин-қизлар учун муносиб меҳнат шароитларини яратиб бериш, уларни қўллаб-қувватлаш мақсадида муҳим қадамлар қўйилганини таъкидлашди. Соҳанинг норматив-ҳуқуқий базаси такомиллаштирилгани маълум қилинди. Президентимизнинг узоқни кўзлаган одилона сиёсатлари натижасида давлат ва жамият бошқарувида аёллар улуши ортиб, бу халқаро кўрсаткичларда ҳам ўз аксини топаётгани билдирилди.

Семинарда тажрибали ва салоҳиятли масъул раҳбарлар, соҳа мутахассислари раҳбар аёлларда лидерлик, халқпарварлик, креативлик кўникмаларини шакллантириш, давлат хизматида инновацион технологияларни қўллашда хотин-қизларнинг роли, давлат хизматчиларининг саломатлиги — давлат хизмати самарадорлиги кафолати, давлат хизматида оила ва карьера мувозанатини таъминлаш стратегиялари мавзуларида ўз фикр ва мулоҳазаларини билдиришди. Соҳада йиллар давомида босиб ўтилган ҳаётий тажрибаларини ўртоқлашишди.

Семинар ўз ишини 5 та шуъбада давом эттирмоқда.

https://www.tg-me.com/hudud_inform

❄️"Қамчиқ" довонида қор ёғмоқда

Довон йўлини қордан тозалаш ва музламаларни олдини олиш учун қум-туз аралашмасини сепиш ишлари бошлаб юборилган.

Ҳайдовчилардан эътиборли бўлишларини сўраймиз.

https://www.tg-me.com/hudud_inform

ДХХ ер майдонларини ноқонуний сотиш билан боғлиқ ҳолатларни аниқлади

Навоий, Андижон, Фарғона ва Тошкент вилоятларида ер майдонларини ноқонуний сотиш билан боғлиқ ҳолатлар фош этилди.

https://www.tg-me.com/hudud_inform

#Жиззах_вилояти

8 март – Халқаро хотин-қизлар куни Жиззахда кенг нишонланди

Жиззах вилоят ҳокимлиги Анжуманлар саройида 8 март – Халқаро хотин-қизлар куни муносабати билан байрам тадбири ўтказилди.

Тадбирда вилоят ҳокими вазифасини бажарувчи Улуғбек Мустафоев иштирок этди ва "Сиз азизларни, сизларнинг тимсолингизда жонажон Жиззахимизнинг барча хотин-қизларини 8 март – Халқаро хотин-қизлар куни билан муборакбод этаман. Жорий йилда бу айём муборак Рамазон ойида нишонланаётгани ҳам ўзгача маънога эга. Зотан, муқаддас ислом дини ҳам аёлларни, оналарни эъзозлаш ва қадрлашга чақиради," деб барчани самимий муборакбод этди.

Ҳаётимизга мазмун бағишлайдиган, одамийлик, мардлик, олийжаноблик сари йўл кўрсатадиган, сабр-тоқат ва садоқат соҳибаси бўлган аёлнинг меҳр-муҳаббати ва заҳматини ҳеч нарса билан ўлчаб бўлмайди. Тўмарис, Нодирабегим, Гулбаданбегим, Увайсий, Зулфия, Саида Зуннуновадек буюк аёлларимиз жасорати халқимиз тарихини ёруғ нур каби ёритиб турибди. Улуғ момоларимизга хос бўлган ноёб фазилатлар замонамиз аёллари сиймосида ҳам давом этаётганидан фахрланамиз.

Бугун юртимиз ва вилоятимизнинг шарафини юксалтиришга ўз ҳиссасини қўшаётган, ҳалол ва самарали меҳнатлари билан эътирофга сазовор бўлаётган хотин-қизлар сони тобора ортиб бораётгани барчамизни қувонтиради. Жамиятда гендер тенглигини таъминлашга қаратилаётган давлат сиёсати натижаси ўлароқ, давлат бошқаруви ва жамиятнинг барча жабҳаларида хотин-қизларнинг фаоллигини ошириш борасида кенг кўламли ислоҳотлар амалга оширилмоқда.

Тантанали тадбирда турли соҳаларда меҳнат қилаётган фаол хотин-қизлар эсдалик кўкрак нишони ва вилоят ҳокими фахрий ёрлиғи билан тақдирланди.

Тадбирда санъат аҳлининг чиқишлари меҳмонларни хушнуд этди.

https://www.tg-me.com/hudud_inform