🚶 Միքայել արք․ Աջապահյանն ու նրան ուղեկցող քաղաքացիները երթով շարժվում են դեպի Քննչական կոմիտե։

📌 Միքայել արք․ Աջապահյանը նստեց մեքենան և այդպես շարունակեց ճանապարհը դեպի Քննչական կոմիտե։

🇦🇲🇷🇺 ՌԴ-ն ՀՀ-ին ուղղված նամակ է պատրաստում ԵՄ-ին մերձենալու նորմերի և ԵԱՏՄ-ի կանոնների հակասության մասին։

📌 Այս մասին հայտնել է Ռուսաստանի փոխվարչապետ Ալեքսեյ Օվերչուկը՝ պատասխանելով ՏԱՍՍ գործակալության հարցին։

🗣 «Մենք հետևում ենք այն գործընթացներին, որոնք տեղի են ունենում Հայաստանի և Եվրամիության միջև մերձեցման շրջանակներում», - նշել է Օվերչուկը։

👮‍♂️ Քննչական կոմիտեի դիմաց, որտեղ հրավիրվել է Միքայել արքեպիսկոպոս Աջապահյանը, ոստիկանական մեծաթիվ ուժեր կան։

⚡️ «Հոմպլեքս» մոլի, ինչպես նաև այսօրվա հոսանքազրկումները ՀԷՑ-ի իրավասության դաշտից դուրս են. հայտարարություն

📌 «Այսօր՝ ժամը 13:54-ին Մայր Աթոռ Սուրբ Էջմիածնում տեղի ունեցող իրադարձությունների ժամանակ ևս հոսանքազրկում է տեղի ունեցել, որի հետևանքով հոսանքազրկվել է Երևանի մոտ 40 տոկոսը, ինչպես նաև Աշտարակ քաղաքի մի հատված: Հոսանքազրկման պատճառ է հանդիսացել «Բարձրավոլտ էլեկտրական ցանցեր» ընկերությանը պատկանող «Շահումյան – 2» 220 կՎ ենթակայանում գրանցված վթարը: Այս դեպքը նույնպես դուրս է ՀԷՑ-ի պատասխանատվության դաշտից»։

📣 Մեծի Տանն Կիլիկիո կաթողիկոսը դատապարտել է իրավապահների մուտքը Սուրբ Էջմիածին։

🔸 Արամ Ա կաթողիկոսը կոչ է անում դադարեցնել բոլոր հրապարակային մեղադրանքները՝ որպես բարդ իրավիճակի հանգուցալուծման առաջին քայլ:

🔸 Նա նաև նշել է, որ եկեղեցին պետության ու իր կարգին վերաբերող գործերին պիտի մոտենա համապատասխան կերպով` հեռու մնալով առավել բարդություններ ու բևեռացումներ ստեղծող քայլերից։

🔸 «Հարկ է հարգել պետության օրենքները, միաժամանակ, եկեղեցու հեղինակությունը և իր հարցերը ներքին ճանապարհով քննելու իրավունքը։ Անհրաժեշտ է հեռու մնալ այնպիսի լեզվի ու ոճի գործածումից, որոնք չեն համապատասխանում մեր հոգևոր, ազգային ու բարոյական արժեքներին», - կարդում ենք Կիլիկիո կաթողիկոսարանի հայտարարությունում:

🔸 Արամ Ա-ն նշել է, որ շարունակելու է իր քննարկումները կուսակցությունների ու Հայաստանի իշխանության հետ, որպեսզի կանխվեն նոր բարդությունները և հարցերի լուծման ուղիներ որոնեն փոխըմբռնման ու հարգանքի մթնոլորտում:

⚖️ Միքայել արքեպիսկոպոս Աջապահյանը քիչ առաջ եկել է Քննչական կոմիտե և իրավապահների ուղեկցությամբ մտել ներս:

📌 Ողջ Քննչական կոմիտեն շրջափակված է ոստիկաններով, Կոմիտե տանող փողոցը փակ է: |azatutyun.am|

🚨🚶 Մի խումբ քաղաքացիներ ոտքով Էջմիածնից շարժվում էին Երևան՝ արքեպիսկոպոս Աջապահյանի հետևից: Էջմիածնից դուրս գալուց հետո ոստիկանները մի քանիսին բերման ենթարկեցին՝ հորդորներից հետո, որ ազատեն ճանապարհի երթևեկելի հատվածը: |azatutyun.am|

📹 Տեսանյութը՝ «Ազատության»

🇮🇷 Թեհրանը տեղեկություններ է ստացել, որ Իսրայել-Իրան հակամարտության ընթացքում Իսրայելի անօդաչու թռչող սարքերի որոշակի փոքր քանակություն Իրանի տարածք է մտել հարևան երկրների՝ մասնավորապես Ադրբեջանի տարածքից:

📌 Այս մասին մամուլի ասուլիսի ընթացքում հայտարարել է ՀՀ-ում Իրանի դեսպան Մեհդի Սոբհանին՝ մեկնաբանելով մամուլում տեղ գտած որոշակի հրապարակումներն այն մասին, որ Իրանի դեմ Իսրայելի հարվածներն իրականացվել են՝ օգտագործելով նաև Ադրբեջանի օդային տարածքը։  
🗣️ «Մենք պետք է մանրամասն տեղեկություն ստանանք, քանի որ չենք կարող առանց հստակության գնահատականներ տալ»,-նկատել է Սոբհանին։ 

🇦🇿 Այսօր Բաքվում Իրանի նորանշանակ դեսպան Մոջթաբա Դեմիրչիլուի հավատարմագրերն ընդունելու ժամանակ Ադրբեջանի նախագահ Իլհամ Ալիևը, անդրադառնալով թեմային, հայտարարել է. «Որոշ շրջանակներ կեղծ լուրերի և ստի վրա հիմնված տեղեկատվություն են տարածում՝ վնասելով Իրանի և Ադրբեջանի հարաբերություններին։ Նման լուրերի տարածումը կատարյալ անհեթեություն է»։

Ոստիկանությունը սկսել է բերման ենթարկել ՔԿ դիմաց հավաքված քաղաքացիներին:

❗️ Հայ Ազգային Կոնգրեսը դատապարտում է վեհարանի դեմ իրականացված գրոհը: Այս մասին կուսակցությունը հայտարարություն է տարածել, որում նշվում է․

🔸 «Նման գործողությունները ոչ միայն խախտում են ՀՀ Սահմանադրությամբ երաշխավորված՝ եկեղեցու և պետության անջատման սկզբունքը, այլև ուղղակի հարված են հասցնում մեր ժողովրդի միասնությանը՝ հատկապես այս ճգնաժամային ժամանակաշրջանում, երբ ազգային համախմբվածությունը կենսական անհրաժեշտություն է:

🔸 Մենք խորապես մտահոգված ենք այն հանգամանքով, որ իշխանությունների կողմից նման քայլերը կարող են լինել ավելի լայնածավալ ծրագրի մաս, որն ուղղված է Հայ Եկեղեցու պատմական դերի նսեմացմանը և ազգային արժեքների խարխլմանը»:

🔸 ՀԱԿ-ը նաև կոչ է արել դադարեցնել Հայ Առաքելական Եկեղեցու դեմ ուղղված բոլոր գործողությունները, իսկ Հայաստանի քաղաքացիներին, հոգևորականությանը և միջազգային հանրությանը՝ համախմբվել ի պաշտպանություն եկեղեցու և նրա սրբավայրերի:

❗️Ներքին գործերի նախարարությունից «Ազատությանը» հայտնել են, որ քաղաքացիներին բերման են ենթարկում այսօր հարուցված վարույթի շրջանակում՝ արդարադատության իրականացումը խոչընդոտելու հատկանիշներով։

❗️«Հայաստան» խմբակցությունը միանում է Միքայել արքեպիսկոպոս Աջապահյանի թեկնածությամբ անվստահության նախաձեռնությանը:

🔈 «Հաշվի առնելով Հայաստանյայց Առաքելական Սուրբ եկեղեցու և Միքայել Սրբազանի շուրջ ստեղծված իրավիճակն ու առկա հանրային համախմբումը, ինչպես նաև փաստը, որ պատգամավորներ Հովիկ Աղազարյանը և Հակոբ Ասլանյանն արդեն հայտարարել են Միքայել Աջապահյանի համաձայնության պարագայում վերջինիս թեկնածությամբ անվստահություն գործընթաց նախաձեռնելու մասին, «Հայաստան» խմբակցությունը հայտնում է, որ խմբակցության 28 պատգամավորների ստորագրություններով միանում է անվստահություն հայտնելու նախաձեռնությանը»,- ասվում է խմբակցության հայտարարության մեջ։

⛪️ Մայր աթոռը նոր հայտարություն է տարածել՝ նշելով, որ այս օրը «մեր ժողովրդի նորագույն պատմության մեջ կմնա որպես ազգային ամոթի օր»։

🔸 «Խստորեն դատապարտում ենք նախաձեռնված հակաեկեղեցական գործողությունները և գնահատում որպես անարգանք հայոց հոգևոր կենտրոնի՝ Սրբություն սրբոց Մայր Աթոռ Սուրբ Էջմիածնի նկատմամբ, այլև հավատացյալների հոգևոր զգացումներին հասցված ծանր վիրավորանք։

🔸 Ինչպես երկրի վարչապետի, այնպես և իշխանության տարբեր ներկայացուցիչների հռետորաբանությունից ակնհայտ է, որ ծրագրավորված այս գործողությունը իշխող ուժի եկեղեցահալած քաղաքականության հերթական դրսևորումն է։

🔸Կոչ ենք անում մեր ժողովրդի զավակներին շարունակելու նույն նախանձախնդրությամբ լինել Մայր Եկեղեցու կողքին և աղոթելու Սուրբ Էջմիածնի պայծառության և մեր հայրենիքի խաղաղության համար։ Հոգևորականները հավատավոր մեր զավակների հետ, ի զորակցություն Միքայել արքեպիսկոպոս Աջապահյանի, լինելու են Քննչական կոմիտեի և դատարանի վայրերում։

🔸Դատարանից ակնկալում ենք արդարացի որոշման կայացում։ Մայր Աթոռը օրինական բոլոր միջոցների կիրառմամբ պայքարելու է Եկեղեցու և եկեղեցականության իրավունքների պաշտպանության համար»,- ասվում է Մայր աթոռի հայտարարության մեջ։

Քաղաքացիները շարունակում են հավաքված մնալ ՔԿ դիմաց։ Տեղում նաև հոգևորականներ կան։

Հավաքված քաղաքացիները վանկարկում են․ «Դատել Նիկոլին», «Նիկոլ, դավաճան»։

Այս պահին ապօրինի ձերբակալվել և ոստիկանության բաժիններ են տարվել բազմաթիվ քաղաքացիներ, այդ թվում՝ ՀՅԴ «Նիկոլ Աղբալյան» Ուսանողական միության և ՀՅԴ Հայաստանի երիտասարդական միության մեկ տասնյակից ավել անդամներ։

[«Հայաստան» խմբակցության պատգամավոր Քրիստինե Վարդանյան]

🔸 ՔԿ դիմաց գտնվող Հովնան եպիսկոպոս Հակոբյանը, պատասխանելով լրագրողների հարցերին, իրավապահներին կոչ արեց բացառապես գործել օրենքների շրջանակներում և անօրինական հրահանգներ լինելու դեպքում դրանք չկատարել, «որովհետև հետագայում պիտի պատասխան տան դրանց համար»։

🔸 Ի պատասխան իրեն ևս ձերբակալելու մասին լուրերին՝ հոգևորականը պատասխանեց․ «Այստեղ եմ, թող ձերբակալեն»։

🔸Պատասխանելով կառավարության հետ հնարավոր երկխոսության վերաբերյալ հարցին՝ Հովնան եպիսկոպոս Հակոբյանը նշեց․ «Ինչպես բոլորն են նկատել, ոչ մի եզր չկա իրենց հետ քննարկելու որևիցե մի բան։ Եթե իրենք սրտցավ լինեին եկեղեցու հետ կապված, անգամ հայրենիքի հետ կապված, իրենց շատ անգամներ հրապարակային ձեռք մեկնվել է, որ նստեն նման հարցերի քննարկության համար։ Բայց այդ հրավերին մինչև այսօր պատասխան չի եղել իրենց կողմից»։

❗️Տեղեկացնում ենք, որ սոցիալական ցանցերում և զանգվածային լրատվամիջոցներում շրջանառվող պնդումները, թե «Քրեակատարողական հիմնարկներում ընդամենը 100 ազատ տեղ է մնացել», չեն համապատասխանում իրականությանը։

📌 Նման հարցադրում Նախարարությունը չի ստացել, և այն հանդիսանում է ակնհայտ կեղծիք։

[ՀՀ արդարադատության նախարարություն]

🇷🇺🇦🇲 Ռուսաստանը հետևում է Էջմիածնի շուրջ իրավիճակին։ Այս մասին ՏԱՍՍ-ին հայտնել են երկրի ԱԳՆ-ից։

🗣 «ՌԴ-ն անկեղծորեն շահագրգռված է եղբայրական Հայաստանում կայունության պահպանմամբ և օրենքի գերակայության ապահովմամբ։

📌 ՀՀ իշխանությունները պետք է գործնականում կիրառեն ժողովրդավարական արժեքներին և հավատացյալների զգացմունքների նկատմամբ իրենց հռչակած հավատարմությունը», - փոխանցել են ԱԳՆ-ից։

❗️Միքայել արքեպիսկոպոս Աջապահյանի նկատմամբ քրեական հետապնդում է հարուցվել:

🔸 Միքայել սրբազանը չի ընդունել մեղադրանքը:

📌 Քննիչը միջնորդել է դատարանին կալանավորել Միքայել սրբազանին: Դատարանի կողմից Սրբազանին ձերբակալելու պահից 24 ժամվա ընթացքում դատարանը պետք է որոշում կայացնի:

[Միքայել արքեպիսկոպոս Աջապահյանի պաշտպանական խումբ]