Янги Тошкент шаҳрига қадар 21 километрлик метро йўли қурилади

Президент Мирзиёевга қилинган жамоат транспорти лойиҳалари тақдимотида айтилишича, метрополитенни Тошкент трактор заводи даҳасигача олиб бориш ишлари 2 босқичда амалга оширилади.

Биринчи босқичда Чилонзор йўлининг Пушкин бекатидан Тошкент ҳалқа йўлигача ер юзаси бўйлаб метро йўли қурилади. Иккинчи босқичда у ердан Тошкент трактор заводи даҳасининг шоҳ бекатигача ерости йўли барпо этилади. Бу янги метро йўли 85 минг йўловчини қамраб олиши кутилмоқда.

Бу соҳадаги яна бир истиқболли лойиҳа – Янги Тошкент шаҳрига метро йўлидир. У ҳозирги “Дўстлик” метро бекатидан бошланиб, янги марказгача боради. Узунлиги 21 километр, 9 та бекатдан иборат бўлиши кутилаётган бу метро кунига 230 минггача йўловчиларни қамраб ололади.

Тақдимотда ушбу лойиҳаларнинг техник-иқтисодий жиҳатлари кўриб чиқилди.

Расмий саҳифаларимиз 👇
Telegram / Facebook  / Twitter / instagram  / You tube

Жазирамадан қандай ҳимояланиш мумкин?

Жазирама нафақат ноқулайлик туғдиради, балки инсон саломатлиги учун жиддий хавф келтириб чиқарувчи омил ҳамдир. Бундай об-ҳаво шароитида организмнинг терморегуляция тизимига катта юк тушади, бу эса мавжуд сурункали касалликларнинг зўрайишига ёки иссиқлик билан боғлиқ касалликлар, жумладан, иссиқдан организмнинг умумий ҳолсизланиши ва ҳаёт учун хавфли бўлган офтоб уриши каби ҳолатларнинг юзага келишига олиб келиши мумкин.

Батафсил: http://ishonch.uz/news/3990

Расмий саҳифаларимиз 👇
Telegram / Facebook  / Twitter / instagram  / You tube

Қозоғистонда иш жадвали ўзгартирилмоқда

Алмати вилоятида давлат идораларининг иш вақти қуйидагича ўзгартирилди: энди улар эрталаб соат 8:00 дан кечки 17:30 гача ишлайди, тушлик танаффуси эса 12:30 дан 14:00 гача белгиланган.

Ушбу янгилик мамлакат ягона вақт минтақасига ўтгандан сўнг ёруғлик тартибини ҳисобга олиш билан боғлиқ бўлиб, шунингдек, транспорт юкламасини камайтиришга қаратилган.

Расмий саҳифаларимиз 👇
Telegram / Facebook  / Twitter / instagram  / You tube

Қонунчиликка “маъмурий огоҳлантириш” жазо чораси киритиляпти: бу қайси моддалар учун “ишлайди”?

Тегишли қонун лойиҳаси билан Маъмурий жавобгарлик тўғрисидаги кодексга “маъмурий огоҳлантириш” жазо чорасини киритиш ва ижтимоий хавфлилиги кам бўлган йўл ҳаракати хавфсизлилиги билан боғлиқ ҳуқуқбузарликлар учун огоҳлантириш жазосини қўллашни назарда тутувчи ўзгартириш ва қўшимчалар киритилмоқда.

Қайд этилишича, “маъмурий огоҳлантириш” мазкур кодекснинг ижтимоий хавфи кам ҳамда статистикада энг кам содир этилаётган маъмурий ҳуқуқбузарликларни назарда тутувчи 6 та моддаси учун қўлланилади.

Бунда “огоҳлантириш” биринчи марта ҳуқуқбузарлик содир этган шахсларга нисбатан бир йилда бир марта қўлланилиши белгиланмоқда.

Расмий саҳифаларимиз 👇
Telegram / Facebook  / Twitter / instagram  / You tube

Шавкат Мирзиёев ва Си Цзиньпин Остона шаҳрида музокара ўтказди

17 июнь, сешанба куни Президент Шавкат Мирзиёев Остона шаҳрига амалий ташрифи доирасида ХХР раиси Си Цзиньпин билан музокара ўтказди.

Икки томонлама ва минтақавий аҳамиятга молик долзарб масалалар кўриб чиқилди.

Жумладан, камбағалликка қарши курашиш соҳасидаги ҳамкорликни кенгайтириш, “Хитой-Қирғизистон-Ўзбекистон” стратегик темир йўли қурилишини жадаллаштириш, таълим, фан, туризм ва маданият, кадрлар тайёрлаш ҳамда хитой тилини ўрганиш соҳаларидаги алмашинувларни ривожлантириш масалаларига алоҳида эътибор қаратилди.

Учрашувда халқаро кун тартиби юзасидан ҳам фикр алмашилди. БМТ, ШҲТ, “Марказий Осиё – Хитой” формати ва бошқа кўп томонлама тузилмалар доирасидаги мувофиқлашув ва ўзаро қўллаб-қувватлашни давом эттириш муҳимлиги қайд этилди.

Якунда етакчилар ҳузурида Ўзбекистоннинг ЖСТга аъзо бўлиши бўйича икки томонлама музокаралар якунлангани тўғрисида баённома имзолангани эълон қилинди.

Расмий саҳифаларимиз 👇
Telegram / Facebook  / Twitter / instagram  / You tube

Қафасдан чиқиб кетган шер ёхуд Яқин Шарқда янги беқарорлик даври бошландими?

Бугунги дунё сиёсатига аниқ ташхис қўйган ушбу воқеа эртами-кечми рўй бериши керак эди. 1979 йилдаги Ислом инқилобига қадар, шоҳ Муҳаммад Ризо Паҳлавий ҳукмронлиги даврида Эрон Исроилнинг иттифоқчиси ва яқин ҳамкори эди. Ислом инқилоби бу муносабатни 180 градусга ўзгартириб юборди. Эрон ва Исроил ўртасида умумий чегара йўқ. Уларни ҳеч нарса боғлаб турмайди. Аммо қуруқлик ёки сувда кесишмаган фронт чизиғи 45 йил давомида одамлар онгида яшаб келди.

Батафсил: http://ishonch.uz/news/3993

Расмий саҳифаларимиз 👇
Telegram / Facebook  / Twitter / instagram  / You tube

Ўзбекистонликлар Эрон-Исроил можаросида провокацияга учмасликка чақирилди

Ташқи ишлар вазирлиги Исроил ва Эрон ўртасидаги қуролли тўқнашувлар юзасидан Ўзбекистон фуқароларига мурожаат қилди.

“Ўзбекистон Республикаси урушни муаммоларни ҳал этиш воситаси деб эмас, балки инсон ҳаёти, барқарорлик ва тараққиётга жиддий хавф солувчи ҳолат сифатида баҳолайди. Урушда ғолиб бўлмайди. Энг катта йўқотишни доим оддий инсонлар тортган ва бугун ҳам шундай бўлмоқда”, – дейилади Ўзбекистоннинг дипломатик идораси мурожаатида.

Шу муносабат билан, Ўзбекистон фуқаролари “тинчликпарварлик, бағрикенглик ва масъулиятли фуқаролик позицияси”ни сақлашга чақирилган. Можароларга нисбатан диний, ирқий ёки бошқа шахсий мансубликлар асосида муносабат билдирмаслик, ҳар қандай нафрат ва зиддият тарғибига қарши туриш умумий бурч эканлиги уқтирилган.

Манба
Расмий саҳифаларимиз 👇
Telegram / Facebook  / Twitter / instagram  / You tube

“Бугунги учрашувимиз халқаро вазият сезиларли даражада ёмонлашиб бораётган шароитда бўлиб ўтмоқда. Йўқотиш ва талафотларга сабаб бўладиган можаролар янгидан аланга олмоқда, глобал ва минтақавий даражадаги йирик давлатлар ўртасида ўзаро ишончсизлик кучаймоқда.

Рақобатнинг ортиши кескинликнинг зўрайишига, хавфсизлик ва барқарор тараққиётга янги хавф ва таҳдидлар пайдо бўлишига олиб келмоқда.
Низоли халқаро масалалар ва зиддиятли муаммоларни ҳал қилиш учун куч ишлатиш воситаларидан фойдаланиш ўзини оқламайди ва бунга йўл қўйиб бўлмайди, деб ҳисоблаймиз.

Барча низо ва зиддиятлар суверенитетни ҳурмат қилиш, халқаро ҳуқуқ меъёрлари ва Бирлашган Миллатлар Ташкилоти низоми асосида фақат дипломатик саъй-ҳаракатлар йўли билан – музокаралар столида ҳал этилиши шарт.”

Шавкат Мирзиёевнинг “Марказий Осиё – Хитой” иккинчи саммитидаги нутқидан

Расмий саҳифаларимиз 👇
Telegram / Facebook  / Twitter / instagram  / You tube

Бизда ор-номус борми?!

– Сенларда ор-номус борми? Туркияда ўзбек қизларинг ҳаммаёқни босиб кетдику, шарафсизлар... – деди тишларини ғижирлатиб.
Минг тортишмай у ҳақ эди, ўзим ҳам кўп карра гувоҳ бўлдим бунга.

Батафсил: http://ishonch.uz/news/3995

Расмий саҳифаларимиз 👇
Telegram / Facebook  / Twitter / instagram  / You tube

Юридик университет қошидаги лицей битирувчиларига ўқишга киришда имтиёз берилди

Ҳукуматнинг тегишли қарори билан Тошкент давлат юридик университети ҳузуридаги академик лицейларнинг иқтидорли битирувчиларини “юриспруденция” йўналиши мавжуд олий таълим ташкилотларига суҳбат асосида тест синовларисиз ўқишга қабул қилиш тартибига доир вақтинчалик низом қабул қилинди.

Низом 2023 ва 2024 йилларида мазкур лицейларга қабул қилинган ўқувчилар учун татбиқ этилади.

Бунда битирувчиларнинг хорижий тилни билиши ҳақидаги сертификати ҳамда шахсий ютуқлари (жумладан, академик лицей ҳаётидаги ютуқлари)ни тасдиқловчи ҳужжатлар талаб этилади.

Тавсия қилинган битирувчиларга ОТМга суҳбат асосида тест синовларисиз ўқишга кириш ҳуқуқи дастлабки 2 йил учун амал қилади.

Расмий саҳифаларимиз 👇
Telegram / Facebook  / Twitter / instagram  / You tube

Қозоғистон етакчиси Мирзиёевни Ўзбекистон МТЖнинг ЖЧ-2026'га чиққани билан табриклади

Қосим-Жўмарт Тўқаев Остонада бўлиб ўтган “Марказий Осиё – Хитой” саммитида Шавкат Мирзиёевга сўз беришдан аввал Ўзбекистон етакчисини футбол бўйича миллий терма жамоамиз Жаҳон чемпионатига чиққани билан табриклади.

– Ўзбекистон Республикаси Президентини спорт соҳасидаги тарихий ютуқ – Ўзбекистон миллий терма жамоасининг 2026 йилги Жаҳон чемпионати финал босқичига чиққани билан чин юракдан табриклайман, – деган Тўқаев.

Расмий саҳифаларимиз 👇
Telegram / Facebook  / Twitter / instagram  / You tube