ከቦታዊ ታሪካውነት አንፃር እና ካሉ ነባራዊ ችግሮች ተነስተው የተለያዩ ፕሮጀክቶችን እንደቀረፁ ተናግረዋል።

የመጀመሪያው ፕሮጀክትም ከ300 በላይ የትርጓሜ ደቀ መዛሙርትን ማስተናገድ የሚችል መማሪያ፣ ቤተ መጻሕፍት እና ለተለያዩ አገልግሎት የሚውሉ አዳራሾች ያሉት ሲሆን ግንባታው ተጀምሯል ብለዋል።

ሁለተኛ ፕሮጀክትም ይህ ዓለም አቀፍ የትምህርት ማዕከል ከተለያዩ የዓለም ክፍሎች ለሚመጡ ደቀመዛሙርት ነጻ የትምህርት እድል ይሰጣል፤ተማሪዎቹ ጥልቅ የሆነውን የኢትዮጵያ ኦርቶዶክስ ተዋሕዶቤተክርስቲያንን ትምህርትና ትውፊት ከምንጩ ቀስመውካጠናቀቁ በኋላ ወደየሀገራቸው ተመልሰውቤተክርስቲያንን በብቃት እንዲያገለግሉ ያግዛል፤ ከዚህ በፊት በአገር ውስጥ ከተለያዩ የዜማ ትምህርትቤቶች ተምረው ያስመሰከሩ ደቀመዛሙርት የወንጌልን ትምህርት በብቃትማስተማር እንዲችሉ ተጨማሪ የማብቂያ ትምህርት መስጠትና ሌሎች አገልግሎቶችን ይዟል።

በሦስተኛነትም ቋሚ የገቢ ምንጭ ማስገኛ ፕሮጀክቶች ናቸው።

21 የተለያዩ ቋንቋ ተናጋሪዎችን ጉባኤ ቤቱ ተቀብሎ በማስተማር ለአገልግሎት ማሰማራቱን ገልጸዋል።

የደቀ መዛሙርቱ በተለያዩ ጊዜያት በምግብ እጦት እና አካባቢው ብርዳማ በመሆኑ መቋቋም እያቃታቸው በበሽታ እየተጠቁ መሆናቸውንም ተናግረዋል።

በአሁኑ ሰዓት ከ80 በላይ ደቀ መዛሙርት የሚገኙ ሲሆን ከ200 ሺህ በላይ ወርሃዊ ወጭ ቢኖርም ከምእመናን እርዳታ ውጭ ምንም ገቢ አለመኖሩን በመግለጽ ጉባኤ ቤቱ ላለበት ችግር እና ላቀዳቸው ዘላቂ ፕሮጀክቶችን እንዲደግፉ ለምእመናን ጥሪ አቅርበዋል።

በመግለጫው የተገኙት የደቡብ ጎንደር ሀገረ ስብከት ሥራ አስኪያጅ ሊቀ ስዩማን ቀሲስ ምኅረት ሞላ ደቡብ ጎንደር የድጓ ምስክር ቤት የሆነው ቅድስት ቤተልሔም፣ የዙር አምባ የዝማሬ መዋስዕት ምስክር ቤት፣ ቅዱስ ያሬድ ለ3 ዓመታት ጉባኤ ዘርግቶ ያስተማረበት፣ ከ300 በላይ መጽሐፍት የጻፉት መምህር ኤስድሮስ የነበሩበት ሀገረ ስብከት ነው ብለዋል። የዚህ ታሪክ አካል የሆነው የደብረ ታቦር ደብረ ልዑላን መድኃኔ ዓለም የ፬ቱ ጉባኤያት መጻሕፍት ምስክር ጉባኤ ቤትም የቀደሙትን በመከተልና ታሪክ በማስቀጠል በስብከተ ወንጌል ከእግዚአብሔር ወቀሳ እንድንድን እየሠራ ያለ ነው። ተማሪዎቹ በመቃብር ቤት እስከመኖር በጤናም እጦት የሚያጋጥማቸውንም ችግር ተቋቁመው
እዚህ በመድረሳቸው ቋሚ ፕሮጀክቶች ለውጤት እንዲበቁ በሀገረ ስብከቱ ስም ጥሪ አቅርበዋል።

ጥቅምት 16 ቀን በግዮን ሆቴል በሚኖረው ገቢ አሰባሰብም ሊቃውንት እና ምእመናን እንደገኙ አደራ ብለዋል።

የማኅበረ ቅዱሳን የኤድቶሪያል ቦርድ አባል መልአከ ታቦር ኃይለ ኢየሱስ ፋንታሁን በበኩላቸው የተገናኘነው በአንድ አጥቢያ ጉዳይ ሳይሆን ስለሦስት ነገር ነው ብለዋል። ይኸውም የቅባት እና ጸጋ ትምህርትን በጉባኤ የተረታበት ቦታ በመሆኑ ታሪክን ማዘክር፣ የድጓ መምህራን መፍለቂያ እንደመሆኑ ይህንን ትምህርት እና መምህራንን ማስቀጠል እና የሀገርን አንድነት መጠበቅ ነው።

በመግለጫው የተገኙት መምህር ያረጋል አበጋዝ ጉባኤ ቤቶች ሲጠነክሩ ቤተ ክርስቲያናችን ትጠነክራለች፤ እነሱ ላይ መሥራት የነገዋ ቤተ ክርስቲያን ላይ መሥራት ነው። ሌሎች ለምን ሠሩ ከምንል ክፉን የሚያርሙ እና ዘመኑን ዋጅተው ምእመናንን የሚያስተምሩ መምህራንን ማዘጋጀት አለብን። መምህር በጻሕ ዓለሙ ይህንን ተረድተው ይህን እድል ስለሰጡን ለእኛ እድልም በረከትም ነው በማለት ምእመናን መሳተፍ እንዳለባቸው አሳስበዋል።

ሊቀ ሊቃውንት ቀለመወርቅ ቢራራ በበኩላቸው ብዙ ሥራው የተሠራ በመሆኑ የቀረውን ለመጨረስ ምእመናን መትጋት እንዳለባቸው መልእክት አስተላልፈዋል።፣