🥩ليه لازم نسيب اللحمة بعد الذبح "تتشمع" قبل ما ندخلها التلاجة⁉️🥩

بعد ذبح الأضحية، ناس كتير بتقع في غلطة خطيرة جدًا … وهي إنها بتحط اللحمة في التلاجة أو الفريزر على طول 🧊، وده بيأثر بالسلب على جودة اللحمة وطعمها، وممكن يعرضها للتلف كمان ❌.

💡 اللحمة بعد الذبح بتكون لسه محتفظة بحرارة جسم الحيوان 🔥، وده بيخليها بيئة مثالية لنمو البكتيريا لو ما اتخزنتش صح 🦠.

عشان كده، أول وأهم خطوة 👇
إننا نفرد اللحمة على صواني كبيرة في مكان نضيف ومفتوح التهوية ✅ (ويفضل يكون فيه مروحة أو تيار هوا خفيف 💨)، ونسيبها من 4 لـ5 ساعات علشان يحصل ما يُعرف علميًا بـ "التيبّس الرمي" أو بالبلدي كده "تشميع اللحمة" 🧬.

🔍 يعني إيه اللحمة تتشمع؟
يعني بتبدأ تفرز أحماض طبيعية بتزود الحموضة، وده بيمنع نمو البكتيريا 👏، وفي نفس الوقت بيخلّي الأنسجة تبقى طرية وسهلة في الطهي 🍽️، وطعمها يبقى أحلى بكتير 😋.

📌 يبقى أهم حاجة:
❌ ما تغسليش اللحمة
❌ ما تدخليهاش التلاجة أو الفريزر على طول
✅ سيبيها تاخد وقتها في التهوية عشان تتحول من "لحم حار" لـ "لحم آمن"

🎯 وده مش رفاهية… ده علم وسلامة وجودة وصحة لأولادك ❤️