#savolimbor Assalomu alaykum, Muhammadamin aka 157-modda bilan 160-modda 4-qismini tushuntirib bersangiz. Oldindan katta rahmat.

https://www.tg-me.com/mehnathuquqi javobi 📤:


Ekspertga murojaat: @MuhammadaminKarimjonov
💻 Telegramdagi kanalimizni yaqinlarga ulashishni unutmang👇 https://www.tg-me.com/mehnathuquqi

⚠️ Diqqat! Assalomu alaykum, hurmatli hamkasblar! Bugun advokatlik tuzilmalari tomonidan statistik ma’lumotlar taqdim etishning oxirgi muddati.

O‘zbekiston Respublikasi adliya vazirining 2024-yil 20-dekabrdagi 30-mh-son buyrug‘iga 1-ilova “Advokatlik tuzilmalari tomonidan statistik ma’lumotlarni taqdim qilish tartibi to‘g‘risida”gi Nizom advokatlik tuzilmalari tomonidan statistik ma’lumotlarni taqdim qilish tartibini belgilaydi https://www.lex.uz/uz/docs/-7274491.

Nizomning 4-bandiga ko’ra, advokatlik tuzilmasi rahbari tomonidan statistik ma’lumotlar Tizim orqali advokatlik tuzilmasi joylashgan joydagi Advokatlar palatasining hududiy boshqarmasiga birinchi hisobot davri uchun 10-iyul sanasiga qadar, ikkinchi hisobot davri uchun kelgusi yilning 10-yanvar sanasiga qadar taqdim etiladi.
Advokatlik tuzilmalari tomonidan taqdim etiladigan statistik hisobotlar shaklari (4ta shakl) mazkur nizomda berilgan

💻 Telegramdagi kanalimizni yaqinlarga ulashishni unutmang👇 https://www.tg-me.com/mehnathuquqi

Nogironligi bo‘lgan shaxsni "sokrasheniya" qilish mumkinmi❓

#savolimbor Assalomu alaykum ustoz. Yaxshimisiz, menam yuridikda o'qiyman, endi 2-kursga o'tdim. Mehnat huquqi bo'yicha savolim bor edi, ustoz shunga yordam bervoring. 2-guruh nogironi hamshira bb ishlarkan, ishdan qisqartirish haqida tez-tez ro'yxat kelyaptikan. Nogironligi bo'lgani uchun qisqartirishga tushmaslikka imtiyoz berilishi mumkinmi?

https://www.tg-me.com/mehnathuquqi javobi 📤:

✅ Qonunchilikda nogironligi bo‘lgan shaxs bilan tuzilgan mehnat shartnomasini ish beruvchining tashabbusiga ko‘ra bekor qilishga yo‘l qo‘yilmaydi degan taqiq yo’q. Ya’ni nogironligi bo‘lgan shaxs bilan (nogironlik guruhidan qat’i nazar) qonunchilikda belgilangan tartibda mehnat shartnomasini ish beruvchining tashabbusiga ko‘ra bekor qilish mumkin, masalan qisqarishga tushirish mumkin.

Unda nega bunday savollar beriladi? ⚠️ Mana shu qoidaga juda ko’pchilik chalg’iydi. MK 425-moddasi 3-qismiga ko'ra, nogironligi sababli nogironligi bo‘lgan shaxs bilan mehnat shartnomasi tuzishni yoki ishda uning yuqori lavozimga ko‘tarilishini rad etishga, u bilan tuzilgan mehnat shartnomasini ish beruvchining tashabbusiga ko‘ra bekor qilishga yo‘l qo‘yilmaydi, bundan tibbiy-ijtimoiy ekspert komissiyasining xulosasiga ko‘ra nogironligi bo‘lgan shaxsning sog‘lig‘i holati kasbiy vazifalarini bajarishga monelik qiladigan yoxud uning yoki boshqa shaxslarning hayotiga yoki sog‘lig‘iga, mehnat xavfsizligiga tahdid soladigan hollar mustasno.

⚠️ "U bilan tuzilgan mehnat shartnomasini ish beruvchining tashabbusiga ko‘ra bekor qilishga yo‘l qo‘yilmaydi" degan jumlani noto'g'ri tahlil qilmanglar. Nogironligi bo'lgan shaxs bilan aynan uni nogironligi sababli mehnat shartnomasini ish beruvchining tashabbusiga ko‘ra bekor qilishga yo‘l qo‘yilmaydi.
Lekin nogironligi bo'lgan shaxs qisqarishga tushsa, qonunchilikda belgilangan tartibda qisqartirish mumkin.

Agar xodimning aynan nogironligi ishni davom ettirishiga to'sqinlik qilsa, u holda mehnat shartnomasi MK 143-moddasi 2-qismi, 168-moddasi 1-qismi 5-bandlaridan biriga ko'ra ham bekor qilinishi mumkin (Batafsil ma'lumot uchun kanalga 143 yoki 168 deb qidiruvga bering!)

✅ Demak, nogironligi bo’lgan shaxs (guruhining ahamiyati yo’q: 1,2,3) bilan mehnat shartnomasini qonunchilikda belgilangan tartibda ish beruvchining tashabbusi bilan bekor qilish mumkin ekan. Faqat MK 163-moddasidagi hamda boshqa bir qator cheklovlarga rioya qilish ham esdan chiqmasin. Masalan, agar nogironligi bo’lgan xodim homilador bo’lsa, 3 yoshgacha bolasi bor ayol yoxud 3 yoshgacha bo‘lgan bolani yolg‘iz tarbiyalayotgan ota (vasiy) bo’lsa qisqarishga tushirib bo’lmaydi! Shunigdek, MK 167-moddasiga 2-qismiga ko'ra, xodimlarning malakasi va mehnat unumdorligi bir xil bo‘lgan taqdirda nogironligi bo‘lgan shaxslarga afzallik beriladi.
Batafsil:https://www.tg-me.com/mehnathuquqi/9329

Ekspertga murojaat: @MuhammadaminKarimjonov

Telegramdagi kanalimizni yaqinlarga ulashishni unutmang👇 https://www.tg-me.com/mehnathuquqi

Assalomu alaykum ustoz oʻquvchingizman Xususiy fakultetdagi bugun yakuniy javoblari chiqdi, jami 96 ball oldim. Rahmat bergan shuncha bilimlaringiz uchun, erinmasdan yakuniy javoblarini tushuntirib, darslarda ham har bitta moddani zoʻr qilib tushuntirib berganiz uchun rahmat ustoz.

Kayfiyat zo'rligida bilim bergan o'quvchingizdan mana bunday xabar kelsa, kayfiyat yanada ko'tariladi😊

#sudishi Yon qo’shni, jon qo’shni…

Bir tashkilot kelib-kelib yon qo’shnim, qadrdon akamiz bilan mehnat shartnomasini MK 161-moddasi 2-qismi 2-bandiga ko’ra ya’ni shtat qisqarishi bilan g’ayriqonuniy ravishda bekor qilgan. Javobgar mehnat to‘g‘risidagi qonunchilik talablari va 26-son plenum qarori tushuntirishlariga zid ravishda, qo’shnim bilan mehnat shartnomasini bekor qilish jarayonida MK 167-moddasida belgilangan ishda qoldirishga doir imtiyozli huquq masalasini hal qilmagan.

Dastlab Fuqarolik ishlari bo‘yicha Qo‘qon tumanlararo sudiga mehnat shartnomasini bekor qilish to‘g‘risidagi buyruqni g’ayriqonuniy deb topish va avvalgi lavozimga ishga tiklash, ma’naviy ziyon undirish to‘g‘risida da’vo ariza kiritgan edik.

Keyinchalik ishga tiklash o‘rniga 6 (olti) oylik ish haqi miqdorida qo‘shimcha tovon undirish, xodim bilan tuzilgan mehnat shartnomasi bekor qilish kunini sudning hal qiluv qarori qabul qilingan kunga o‘zgartirish, mehnat shartnomasi qonunga xilof ravishda bekor qilingan kundan hal qiluv qarori qabul qilingan kunga qadar xodim tomonidan foydalanilmagan har yilgi mehnat ta’tili uchun pulli kompensatsiya undirish to‘g‘risida qo’shimcha da’vo ariza kiritdik.

Da’vo ariza qisman qanoatlantirildi. Javobgardan da’vogar foydasiga ishga tiklash qismi o‘rniga 3 oylik o‘rtacha oylik ish haqi miqdorida tovon puli, mehnat shartnomasi qonunga xilof ravishda bekor qilingan kundan hal qiluv qarori qabul qilingan kunga qadar xodim tomonidan foydalanilmagan har yilgi mehnat ta’tili uchun pulli kompensatsiya, majburiy progul uchun to‘lovlar, ushbu to‘lovlardan soliq va boshqa majburiy yig‘imlar chegirilgan holda undirilishi belgilandi. Shuningdek, javobgardan da’vogar foydasiga ma’naviy zarar undirilishi belgilandi.

Javobgardan xodim foydasiga jami taxminan 170 milliondan ziyodroq summa undirilishi belgilandi.

Da’vogarni ishdan bo‘shash sanasi 10.07.2025 yil deb hisoblandi.

Ishdagi barcha holatlarni sinchkovlik bilan, har tomonlama, to’liq, xolisona, erinmasdan koʻrib chiqqan sudya Nazirov Umidjon Inomjonovichga alohida tashakkurimni izhor etaman.

Advokatga murojaat: @MuhammadaminKarimjonov

Telegramdagi kanalimizni yaqinlarga ulashishni unutmang👇 https://www.tg-me.com/mehnathuquqi

56 kun yillik uzaytirilgan mehnat ta’tiliga chiqib ham dars o'tyapmiz😊. Hamkasblar bilan olib boriladigan dars mashg'ulotlarining gashti baribir bo'lakcha...O'zing ham nimadir yangi narsa o'rganasan: teach and learn...

Xodimni diplomi soxta bo’lib chiqsa, bu xodimga boshqa ish taklif qilinishi shartmi?

#savolimbor Ассалом алайкум, корхонада бўлим бошлиғи бўлиб ишлаётган ходимнинг олий маълумот олганлик тўғрисидаги дипломи ҳақиқий эмас бўлиб чиқса, уни Мехнат кодексининг айнан қайси модданинг қайси қисми билан бўшатиш мумкин ва ушбу ҳолатда унга ўрта махсус дипломига мос келадиган вакант лавозим таклиф қилишга мажбурмизми.
https://www.tg-me.com/mehnathuquqi javobi :

Aloqador moddalar: MK 144, 168, 173 - moddalar

Telegramdagi kanalimizni yaqinlarga ulashishni unutmang👇https://www.tg-me.com/mehnathuquqi

#savolimbor Ходим 1 йиллик ҳарбий хизматга кетса, унинг ўрнига олинган ходим билан муддатли меҳнат шартномаси тузиладими, аввалги ходим хизматдан қайтса шартномани МК 158-моддаси билан бекор қилиш учун.

https://www.tg-me.com/mehnathuquqi жавоби 📤:

👉 Ходим 1 йиллик яъни муддатли ҳарбий хизматга кетса, у билан меҳнат шартномаси МК 168-модда (меҳнат шартномасининг тарафлар ихтиёрига боғлиқ бўлмаган ҳолатлар бўйича бекор қилиниши) 1-банди (ходим ҳарбий ёки муқобил хизматга чақирилган тақдирда) билан бекор қилинади.

❌ Агар ходим 1 ойлик яъни сафарбарлик чақируви резервидаги ҳарбий хизматга чақирилса, меҳнат шартномаси бекор қилинмайди, унинг иш жойи (лавозими) ва ўртача иш ҳақи сақланади.

⚠️Эътибор беринг, 1 йиллик яъни муддатли ҳарбий хизматга кетган ходим билан шартнома бекор қилинмоқда. Агар ходимингиз 1 ойлик хизматга кетса ёки қонунларга мувофиқ ходимнинг иш жойи ва бошқалар сақланадиган меҳнат ва ижтимоий таътилларда бўлган вақтида унинг ўрнига олинган ходим билан муддатли меҳнат шартномаси тузсангиз бўлар эди. Асос:МК 112-моддаси. Демак, 1 йиллик хизматга кетган ходимнинг ўрнига олинган ходим билан бемалол, муддатсиз шартнома тузишингиз мумкин.

⚠️Диққат! Шартнома МК 168-моддаси 1-банди билан бекор қилинса, МК 173-моддасига кўра иш берувчи ходимга ишдан бўшатиш нафақасини тўлаши шарт. Амалиётда айрим ноинсоф иш берувчилар 1 йиллик ҳарбий хизматга кетаётган ходимлар билан шартномани МК 160-моддаси билан бекор қилишга ҳаракатга қиладилар. Бу ходимнинг ҳақига хиёнат қилишдир. Чунки шартнома 160-модда билан бекор қилинса, ходимга нафақа тўлаб берилмайди. Ҳурматли бўлажак аскарлар, асло ариза ёза кўрманг! Шартномани 168-модда билан бекор қилишларини талаб қилинг! Шунда ишдан бўшатиш нафақасини ҳам оласиз.

❗️Собиқ ходим ҳарбий хизматдан қайтди. Энди нима қилиш лозим? МК 102-моддасига кўра, ҳарбий хизматга чақирилган ходим резервга бўшатилган кунидан бошлаб узоғи билан 3 ой ичида ишга жойлашиш масаласида иш берувчига мурожаат этган бўлса, аввалги иш жойида ишга жойлашиш ҳуқуқига эгадир. Яъни бу ҳолатда собиқ ходим ташкилотда бўш иш ўринлари бўлсагина, ишга жойлашиш ҳуқуқига эга. Кафолатларни бериш мумкин бўлмаган ҳолларда, маҳаллий меҳнат органи ишга жойлаштиришни, зарур ҳолларда эса, касби бўйича бепул ўқитишни таъминлайди.

❗️Ҳарбий хизматга чақирилган ходим, агар унинг ҳарбий хизматга чақирилган кунидан бошлаб 3 ойдан ортиқ вақт ўтмаган бўлса, аввалги иш жойига (лавозимига) қайтиб келиш ҳуқуқига эга. Бу ҳолатда эса, иш берувчи уни ишга қабул қилишга мажбур. Аскарнинг ўрнидаги ходим билан эса ташкилотда бошқа иш ўринлари бўлмаса 168-моддасининг 2-банди (шу ишни илгари бажариб келган ходим ишга тикланган тақдирда) бўйича меҳнат шартномаси бекор қилинади.

Ekspertga murojaat: @MuhammadaminKarimjonov

💻 Telegramdagi kanalimizni yaqinlarga ulashishni unutmang👇 https://www.tg-me.com/mehnathuquqi

🔉 Diqqat! Diqqat! Diqqat! Kadrlaru kadrlar, eshitmadim demanglar! Sizlardan kelib tushayotgan takliflarni inobatga olib, eng dolzarb mavzudagi yana bir elektron qo'llanmamiz tayyor bo'ldi!

Yuristlar, kadroviklar, rahbarlar va keng jamoatchilik uchun Toshkent davlat yuridik universiteti Mehnat huquqi kafedrasi katta o‘qituvchisi Karimjonov Muhammadamin Muhammadaliyevichdan “TA’TILLAR” mavzusida amaliy elektron qo'llanma (Mehnat kodeksining 213-242-moddalari tahlili) !

Sizlardan kelib tushayotgan takliflarni inobatga olib, “TA’TILLAR” mavzusiga bag’ishlangan amaliy qo’llanmamiz ham tayyor bo’ldi.

O'qiganlar darmonda, o'qimaganlar armonda)) Qo'llanma amaliy misollar bilan tushunarli, sodda va ravon tilda yozilgan!

“MEHNAT INTIZOMINI TA’MINLASH” mavzusidagi amaliy elektron qo'llanmamiz bo’yicha ko’plab iliq fikrlar keldi, ayniqsa ashaddiy intizomsiz xodimlarni bo'shatish bo'yicha layfhaklar ko'pchilikka ma'qul kelibdi😊 Yo’llagan qimmatli fikrlaringiz uchun yana bir bor katta rahmat!

Qo'llanma orqali ta’tillar bilan bog’liq ko'plab savollaringizga javob topasiz!

Qo'llanmani elektron shaklda sotib olmoqchi bo'lganlar, muallifga telegram ijtimoiy tarmog'i orqali murojaat qilishlari mumkin: @MuhammadaminKarimjonov

Qo'llanma bo'yicha o'z fikr va mulohazalaringizni bizga yuboring! Bu biz uchun muhim va qadrli!

Elektron qo'llanma narxi: Bebaho😊 Mehnat qonunchiligini buzish oqibatida kelajakda to'lashingiz mumkin bo'lgan jarimalar oldida dengizdan bir tomchi😊

P.S. Qo'llanma lotin va kirill yozuvida. Buyruqlardan nusxa ko'chirishingiz mumkin✅

❗️Diqqat! “MEHNAT INTIZOMINI TA’MINLASH” va “TA’TILLAR” qo’llanmalarini birga sotib olganlarga 1️⃣0️⃣% CHEGIRMA !

⚠️⚖️ Diqqat! Qo'llanmani muallif ruxsatisiz ko'paytirish, tarqatish va sotish taqiqlanadi. Mualliflik huquqi qonun bilan himoyalanadi.

Mualliflik haqqi haqidagi Islom Fiqhi akademiyasi ulamolari chiqargan qarorga muvofiq, har bir mo'min-musulmon kimsa muallifning haqqini hurmat qilishi kerak. Muallifning haqqini poymol qilish xuddi bir odamning bir joyga to'plab qo'ygan mol-mulkini o'g'irlash bilan barobar bo'ladi.

E'tiboringiz uchun rahmat!

#муҳокама

Давлат фуқаролик хизматчисининг интизомий жазоси амалда бўлса, унга устама тўланмайдими?

Шу масалани Мухаммадамин Каримжонов билан қисқача муҳокама қилдик.

👉@yuristkadr