Намоз вақтлари:
25.06.2025 - ЧОРШАНБА

Telegram | Facebook | Instagram | YouTube

«Кимки эрталаб бирор ишда Оллоҳ билан боғланмасдан фақат дунё ғам-ташвиши билан уйғонса, Оллоҳ унинг қалбига тўрт нарсани солади:
• доимий аримайдиган ғамни;
• доимий банд қиладиган машғулотни;
• ҳеч қачон бойликка етолмайдиган муҳтожликни;
• ҳеч қачон охирига етмайдиган орзуни».

Табароний ривояти.

@mehrob_uz

16. «Модомики улардан ва улар Аллоҳдан бошқа ибодат қилаётган нарсадан узоқлашмоқчи бўлсангиз, каҳфдан паноҳ жой олингиз. Роббингиз сизга Ўз раҳматини таратур ва сизга ишингизда осонлик яратур», дедилар.
Роббиларига иймон келтирган, Роббилари ҳидоятларини зиёда қилиб, қалбларини мустаҳкамлаган йигитлар кофирлар билан баҳслашиш бефойдалиги, улар ёмонлигидан фақат қочибгина қутулиш мумкинлигини англаб етгач, иймонлари муҳофазаси учун каҳф-ғорга кириб бекинишни ўзаро маслаҳат қилдилар. Улар бир-бирларига:
«Модомики улардан (яъни, кофир қавмингиздан) ва улар Аллоҳдан бошқа ибодат қилаётган нарсадан (яъни, бут-санамлардан) узоқлашмоқчи бўлсангиз, каҳфдан паноҳ жой олингиз, дедилар.
Иймонларини саломат сақлаш учун мўмин ёшлар кофирлардан беркинишга келишдилар. Улар энг қийин дамда ҳам, мўминликлари учун, Аллоҳнинг раҳматидан ноумид бўлмадилар ва бир-бирларига:
«Роббингиз сизга Ўз раҳматини таратур ва сизга ишингизда осонлик яратур», дедилар.
Ўзлари жуда қийин ҳолга тушганларига, ватани, аҳли ва дўст-ёрларини тарк этиб, ғорга кириб яширинишга мажбур бўлганларига қарамай, Аллоҳ ишларини ўнглашидан заррача ноумид бўлмадилар. Бу ҳол уларнинг ҳақиқий мўминликларига, ҳақиқатан ҳам Аллоҳ уларнинг ҳидоятини қабул қилиб, қалбларини мустаҳкамлаганига далилдир.
Кейинги ояти каримада Роббиларига иймон келтирган йигитларнинг ғорда ухлаб ётишлари тасвирланади:
@mehrob_uz

Намоз вақтлари:
26.06.2025 - ПАЙШАНБА

Telegram | Facebook | Instagram | YouTube

✨ ҲИЖРИЙ ​ЯНГИ ЙИЛНИНГ БИРИНЧИ КУНИДАГИ ДУО

❤️ Шайх Саййид Раҳматуллоҳ Термизий

✅Яқинларингизга улашинг!

@MEHROB_UZ

17. Қуёш чиққанида уларнинг каҳфининг ўнг томонидан мойил бўлганини, ботганда эса, чап томонидан қийиб ўтганини кўрасан. Улар эса у(ғор)нинг кенг жойидадирлар. Ана шу ҳам Аллоҳнинг оят-мўъжизаларидандир. Кимни Аллоҳ ҳидоятга бошласа, ўша ҳидоят топгувчидир. Кимни адаштирса, бас, ҳаргиз унга иршод қилувчи бирон дўст топа олмассан.
Араб тили билимдонлари, бу тасвир ёлғиз Аллоҳга хос, дерлар.
Ғорда бир гуруҳ йигитлар бир неча йилдан бери ухлаб ётишибди. Ҳар куни қуёш чиқади, аммо уларга тегмайди. Сўнгра оғиб ботишга мойил бўлади, яна ғор аҳлига тегмайди.
«Қуёш чиққанида уларнинг каҳфининг ўнг томонидан мойил бўлганини, ботганда эса, чап томонидан қийиб ўтганини кўрасан».
Яъни, эрталабдан тушгача уларнинг ўнг томонига, тушдан то қуёш ботгунча чап томонига иссиғи тушади. Йигитлар ётган жойга қуёшнинг иссиғи мутлақо тушмайди.
«Улар эса у(ғор)нинг кенг жойидадирлар».
Атрофларидан шамол ўтиб туради. Бу шарт-шароитлар йигитларнинг сурункали ухлашига ўзига хос омил бўлади. Агар қуёш нури тушиб, уларни иситса, уйғонишлари ёки жисмлари иссиқ-совуқдан зарар топиши мумкин. Шунингдек, улар ғорнинг кенг жойида ётишлари ва атрофларидан шамол ўтиб туриши ҳам сурункали уйқуга ёрдам беради.
«Ана шу ҳам Аллоҳнинг оят-мўъжизаларидандир».
Яъни, ўша ҳолат–уларнинг узлуксиз бир неча йил ухлашлари, қуёш уларнинг ўнг ва чап томонларидан ўтиб уларга тегмаслиги, улар эса, ҳам ўлмасдан, ҳам ҳеч нарсани билмасдан ухлаб ётишлари Аллоҳнинг мўъжизаси саналади.
«Кимни Аллоҳ ҳидоятга бошласа, ўша ҳидоят топгувчидир».
Ҳидоятга юришнинг ҳам қоида-қонуни бор. Ким ўша қонунга риоя этса, Аллоҳ таоло ғорга бекинган йигитларга ўхшатиб, ҳидоятини зиёда қилади, қалбларини мустаҳкамлаб қўяди.
«Кимни адаштирса, бас, ҳаргиз унга иршод қилувчи бирон дўст топа олмассан».
Залолатга кетишнинг ҳам қоида-қонунлари бор. Ким мазкур йигитларнинг қавмига ўхшаб адашиш йўлига юрса, Аллоҳ адашишни зиёда қилиб қўяди. Аллоҳ адаштирган одамга эса, ҳеч қачон дўсту меҳрибон топилмайди.
Кейинги оятда ғордаги ҳолат тасвири давом этади:
@mehrob_uz