​​Пад Жабінкай цалкам згарэла царква Святога Міхаіла - унікальны помнік архітэктуры Палесся XVIII ст. У краіне, дзе ўсё нестандартнае і ўсё беларускае абражае пачуцці пацукоў, такое здараецца і будзе здарацца. Колькі ўжо было скрадзена, страчана, знішчана, "адрэстаўравана" за апошнія 30 гадоў!

І менавіта ў гэтай царве служыў святар-палітвязень Сяргей Разановіч. Ён быў арыштаваны разам з жонкай Любоўю і сынам Паўлам 1 снежня 2020 г. За тое, што далі прытулак Мікалаю Аўтуховічу, уся сям'я атрымала вялізныя тэрміны: 16, 15 і 19 гадоў. Вось так, чалавек за кратамі, а месца, дзе ён служыў Богу і людзям, знішчана.

Сапраўды старых драўляных помнікаў у свеце не так і шмат, бо пажары і войны бяруць сваё. А без пажараў і войнаў яны былі б амаль вечнымі (кажуць, самай старой драўлянай царкве недзе ў Англіі ажно 1200 гадоў!)

Але гісторыя кожнай старой царквы, не абавязкова драўлянай, - гэта гісторыя разбурэнняў і адбудоў. Пакуль царква патрэбна людзям - яна вяртаецца, можа ў крыху іншым выглядзе. Можа, ад былой яе засталіся толькі некалькі бярвён, усё астатняе - новае. Але галоўнае - вернікі і святар. Людзі зноў у царкве - яна зноў жыве.

І ў царквы Святога Міхаіла ёсць свая гісторыя адраджэнняў. Зараз яна здаецца страчанай. Але - не назаўжды. Як вярталіся, паўставалі з попелу іншыя цэрквы, як вярталася раней яна - так паўстане яна зноў. І новую-старую царкву прывітае Сяргей Разановіч. Бо яго вера не зламана, мінулая праца - не знішчана, і наперадзе шмат яшчэ працы. А парафіяне чакаюць свайго святара.

Свабоду Сяргею Разановічу!
Свабоду Любові Разановіч!
Свабоду Паўлу Разановічу!
Свабоду усім палітвязням!
Жыве Беларусь!

Дарагія нашы палітвязні, усе, хто адзначае свой Дзень народзінаў у ліпені!

Вы сталі закладнікамі рэжыму і ахвяруеце сваім здароўем і жыццём дзеля вольнай Беларусі.

Не губляйце надзеі на то, што ўсё дрэннае абавязкова скончыцца, што ўсё не дарма. Беражыце сябе.

З павагай, беларускі і беларусы Беластока

#МыРазам

01.08.1989 г. нарадзіўся Раман Бандарэнка.

Звычайна днём памяці чалавека лічыцца дзень яго смерці, і ў выпадку Рамана гэта цалкам зразумела. Бо агульная жалоба аб'яднала тады краіну. За адну ноч Раман стаў нацыянальным героем. А жыццё ён пражыў мастаком.

Пацукі знішчалі мемарыялы Раману, знішчылі і яго фрэску ў Жыровічах. Мы мала бачылі яго карцін, і балюча думаць, колькі ўсяго ён мог бы яшчэ зрабіць, стварыць.

Але засталася спадчына, якую ніхто не здолее знішчыць. Раман вучыў дзяцей маляваць. Можа, хтосьці з гэтых дзетак стане мастаком, ці мастачкай. Можа, аднойчы вучань Рамана адновіць яго фрэску. А калі не, яны ўсё адно вырастуць творчымі, свабоднымі і шчаслівымі.

З днём народзінаў, Раман. Мы памятаем цябе.

Жыве Беларусь!

🕯 9 жніўня — Дзень, які змяніў нас назаўжды!
✊ 5 гадоў надзеі, болю і веры ў сябе.
📍 Вільня, 2025

Пяць гадоў таму мы выйшлі на вуліцы — з кветкамі ў руках і з верай у сэрцы.
Мы аб’ядналіся супраць гвалту, несправядлівасці і хлусні.
Мы не ведалі, што нас чакае, але ведалі дакладна — так больш жыць нельга.

9 жніўня 2025 года мы зноў збіраемся —
каб успомніць, каго страцілі,
каб падтрымаць тых, хто ў зняволенні,
каб паказаць: мы не здаліся.

🤍❤️🤍

📍 РАСКЛАД ДНЯ:

🚴‍♀️ 11:00 — велапрабег годнасці.
У гонар тых, хто быў нашымі вачыма на маршах. Хто папярэджваў пра засады і кардоны.
📍 Старт: Пасольства Беларусі (Mindaugo 13).
Прыязджайце на роварах і самакатах. Апранайце бела-чырвонае адзенне, бярыце з сабой стужкі і сцягі.
📍 Фініш: плошча Лукішкі


🕛 12:00–13:00 — мітынг на плошчы Лукішкі
Прамовы, хвіліна маўчання, жывая памяць.
Словы праўды, боль і надзея.
Прастора адзінства — дзе можна быць сабой.

🚶‍♀️ 13:00 — Шэсце да амбасады Беларусі

🕯 13:30–15:00 — збор каля амбасады.
Мы прыносім свечкі, словы падтрымкі, і маўчанне, якое гучней за крыкі.

🤍❤️🤍

Кожны, хто прыйдзе — гэта доказ таго, што Беларусь жыве.
Кожны сцяг, кожная свечка, кожны позірк — гэта крок да волі.

Прыходзь.
Калі ты таксама не забыўся. Калі сэрца ўсё яшчэ баліць. Калі верыш, што мы не дарма выйшлі.

Мы памятаем. Мы разам. Мы працягваем!
🤍❤️🤍 Жыве Беларусь!

https://www.tg-me.com/REBELarus1

@REBELarus20

[email protected]

​​Ювелірны брэнд Belaruskicry прызнаны экстрэмісцкім фарміраваннем. Пацукам усё складаней і складаней чымсьці нас здзівіць, але яны стараюцца.

Усё да гэтага ішло: фарміраваннем могуць прызнаць каго і што заўгодна. Можа, пабачым яшчэ злачынныя тварожныя сыркі, ці сукенкі, ці пракат аўто. Цікава тут іншае: Belaruskicry заўсёды быў быццам па-за палітыкай: буслы, валошкі, ружы, літара "ў", беларускія словы, элементы арнаменту, абрыс Беларусі... Такія сімвалы можна сустрэць нават на чырвона-зялёных мерапрыемствах.

Вядома ж, усе разумеюць, чаму cry, а не kraj, і чаму не проста Беларусь, а Беларусь са слязой. Журналісты і праваабаронцы ўжо ўзгадалі, як 160 гадоў таму жанчын каралі за чорныя ўпрыгожванні, бо гэта была жалоба па задушанным паўстанні, - чым не гістарычная аналогія.

Але, але. Беларусы за мяжой стварылі мноства маленькіх брэндаў  - упрыгожванняў, сувеніраў, значкоў, цішотак, кубкаў. І на іх, ведаеце, сцягі і "Жыве Беларусь". Можа нават ШОС. Чаму ж выбралі Belaruskicry?

Нам здаецца, справа не ў прадукцыі брэнда. Справа ў тым, што ён паспяховы. Прапаганда гадамі, яшчэ з савецкіх часоў, вішчыць, што нідзе за межамі гэтак званай саюзнай дзяржавы беларусы непатрэбныя, а "збеглыя" сядзяць галодныя, чытаюць навіны пра даўгунец і зайздросцяць. "Экстрэмісцкія" смі час ад часу пішуць пра звычайных беларусаў, што жывуць за мяжой і працуюць і радуюцца: вось настаўніца адкрыла ўласную школу ў Грузіі, вось вясковы дзядзька распавядае пра працу трактарыстам у Латвіі, вось доктарка зарабіла за месяц у Польшчы 45 тыс $. Але прапагандысты зыходзяць з меркавання, што іх аўдыторыя гэтыя гісторыі поспеху не прачытае.

Але Belaruskicry ведаюць усе. Нават ябацькі, бо брэнд не пра палітыку. Крама ў Тбілісі, крама ў Варшаве. Іх упрыгожванні актыўна замаўлялі і ў Беларусі. Таленавітых беларусаў спачатку выціснулі з краіны, а потым помсцяць ім  - і не за актывізм, а за поспех! А беларусы ў Беларусі павінны ўвогуле баяцца замаўляць нешта ў беларусаў з-за мяжы.

Будуць яшчэ ідыёцкія законы і забароны, і новыя экстрэмісцкія фарміраванні, каб не заглухла машына рэпрэсій. Зараз срэбная Беларусь са слязінкай увайшла ў гісторыю, як чорныя ўпрыгожванні 160 гадоў таму. Але аднойчы яна перастане быць сімвалам смутку, і яе будуць насіць проста таму, што гэта прыгожа.

Беларусь будзе вольнай!
Жыве Беларусь!

9 жніўня - ДЗЕНЬ ГОДНАСЦІ, міжнародная акцыя беларускай дыяспары, з нагоды пятай гадавіны беларускіх пратэстаў 2020 года.
🔥 Беларусы разам па ўсім свеце супраць дыктатуры Лукашэнкі.
⬜️🟥⬜️
Расклад для беларусаў усяго сьвету!

🗓 08.08.2025(пятніца)✊
🇵🇱 Уроцлаў,
Напісанне лістоў салідарнасці беларускім палітзняволеным, 18:00
📍 Офіс Суполкі беларусаў Уроцлава (ul. Tadeusza Kościuszki 35A, дамафон 54)
Дэталі

🇪🇪 Талін, вечарына беларусаў Эстоніі, 18:30, Representation of Democratic Forces of Belarus in Estonia, Pärnu mnt 6
Дэталі

🇨🇭 Цюрых, 18:00, Züghusplatz, 8001 Zürich
Дэталі

🇺🇸 Сіэтл, 19:00, Live art performance "Belarus: 5 years of mass repression", Bellevue Downtown Park, Bellevue, WA
Дэталі

🗓 09.08.2025 (cубота)✊

🇺🇸 Сан Францыска, ЗША, 12:00, Huddarat park, Woodside Ca, штат Каліфорнія
Дэталі

🇵🇱 Варшава, 15:00, МАРШ СВАБОДЫ, plac Marszałka Józefa Piłsudskiego → plac Trzech Krzyży
Дэталі

🇵🇱 Беласток, 16:00, Мітынг Годнасці, Rynek Kościuszki 4, Białystok. Збор удзельнікаў - каля помніка Пілсудскаму
Дэталі

🇱🇹 Вільня,
🚴‍♀️ 11:00 — велапрабег Годнасці, ад Пасольства Беларусі (Mindaugo 13) да плошчы Лукішкі.
12:00 мітынг на плошчы Лукішкі
13:00 — Шэсце ад плошчы Лукішкі да амбасады Беларусі
Дэталі

🇵🇱 Уроцлаў, 17:00, Марш вольнай Беларусі, акцыя і канцэрт, збор каля Narodowego Forum Muzyki
17:30 марш да Pręgierz, Rynek
18:00— акцыя і канцэрт Алеся Папковіча
Дэталі

🇵🇱 Гданьск, Еўрапейскі цэнтр салідарнасці
10:00–20:00, 30 | выстава постараў Артура Вакарава
13:00–20:00, Пад белымі крыламі | Беларускі кірмаш.
13:00 Марш Годнасці, Збор удзельнікаў Фантан Нептуна.
14:00–14:30 Салідарныя з Беларуссю| мітынг
14:00–18:00, Дваццаць dwadzieścia (2020) | дзіцячая прастора
15:00–16:30 Галасы вольнасці | сустрэча з былымі палітычнымі вязнямі
17:00–18:00 Салідарнасць слоў | літаратурная сустрэча з Альгердам Бахарэвічам і Юліяй Цімафеевай, прысвечаная беларускай і еўрапейскай творчасці.
18:30–20:00 Лявон Вольскі | канцэрт/ ЕЦС, зала-аўдыторыя (партэр)
/Бясплатныя ўваходныя білеты
Дэталі

🇬🇧 Лондан, 12:00, Downing Street, London
Дэталі

🇨🇦 Таронта, 12:00, Сустрэча з кінапраглядам
Беларускі цэнтр, 524 St. Clarens Avenue
Дэталі

🇺🇸 Чыкага, 13:00, Раллі ў гонар пратэстаў і ў падтрымку свабоды і дэмакратыі ў Беларусі, 435 N Michigan Ave
Дэталі

🇵🇱 Быдгашч, 15:00, Most Staromiejski
Дэталі

🇵🇱 Шчэцін, 19:00 каля Zegar Słoneczny на Aleja Kwiatowa
Дэталі

🇺🇸 Шарлат, Паўночная Караліна, 19:30, Elizabeth Park (101 N Kings Dr, Charlotte, NC 28204)
Інсталяцыя-перформанс
Дэталі

🇺🇸 Філадэльфія, 15:00, Philadelphia, Pennsylvania, Philadelphia Love Park
Дэталі

🇵🇱 Познань, 18:00, адкрыццё выставы”Золата Беларусі”, Barak Kultury,al.Marcinkowskiego 21
Дэталі

🇵🇱 Кракаў, з 12:00 да 19:00, марафон салідарнасці з палітзняволеннымі, Прастора, ul.Mikołajska 4/6
Дэталі

🇸🇪 Стакгольм, Швецыя, 13:00, Medborgarplatsen
Дэталі

🇺🇸 Нью-Ёрк, ЗША,13:00,мітынг насупраць штаб-кватэры AAН, Ralph Bunche Park 1st Avenue(at East 43 rd Street)New York,NY10017
Дэталі

🇫🇮 Хельсінкі,13:00, Акцыя салідарнасці, каля Кіасма (Хельсінкі, Mannerheiminaukio)
Дэталі

🇧🇪 Брусэль, 15:00, Wetenschapstraat 23
Дэталі

🇩🇪 Кёльн, 13:30, марш Годнасці, збор удзельнікаў на Köln Heumarkt.
Дэталі

🗓 10.08.2025(нядзеля)✊

🇵🇱 Уроцлаў, Забег Надзеі на 5,5 км
11:00 — збіраемся тут
Дэталі

Прыходзьце апранутыя ў адзенне колераў нацыянальнага сцяга, вышыванкі і цішоткі.

🤍❤️🤍 Будзьма беларусамі і наша абавязкова возьме!

Разам да перамогі! ✊
Жыве Беларусь!

Выбары 2020.
Гэта быў цудоўны і адначасова жудасны час. Ён да гэтай пары ў памяці і ў сэрцы.

Рэжым ператварыў выбары ў беззаконне, хлусню і катаванні, і фармальна можна сказаць, што мы прайгралі, але на самой справе — не, бо ў выніку мы, беларусы, пазналі тое, чаго раней не ведалі пра сябе: сваю прагу да справядлівасці, годнасці, вялізарную ўзаемадапамогу і падтрымку адзін аднаго, а таксама імкненне да перамен, жаданне мець лепшую ўладу.
Нават можна сказаць, што дзякуючы падзеям 2020 года мы ўсвядомілі сябе як нацыю.
Так, мы былі наіўныя і верылі, што рэжым прызнае сваю паразу, калі ўбачыць, як нас многа, — але мы мералі па сваёй меры.

І сёння, праз пяць гадоў, мы, суполка беларускіх пенсіянерак "Вязаныя берэты", адчуваем падзяку і адзінства з усімі, хто разам з намі быў на светлым баку.

#МыРазам