💼 Respublikamiz bo'ylab 30–70 yosh va undan katta yoshdagi aholidan “Jismoniy tayyorgarlik darajasi” sport sinovlarini qabul qilish tadbiri bo'lib o'tdi

📝 Bugun respublikamizning barcha viloyatlaridagi sport muassasalarida 30–70 yosh va undan katta yoshdagi aholidan “Jismoniy tayyorgarlik darajasi” sport sinovlarini qabul qilish tadbirlariga bir vaqtning o'zida tantanali start berildi.

🫥 Mazkur tadbirda Samarqand viloyati studiyasidan O‘zbekiston Respublikasi Sport vaziri Adkham Ikramov, viloyat hokimi o‘rinbosari H.Tuxtayev,  O‘zbekiston Milliy Olimpiya qo‘mitasi Samarqand viloyati hududiy bo‘linmasi ijrochi direktori Q.Sobirov, ommaviy axborot vositalari xodimlari va keng jamoatchilik vakillari ishtirok etishdi.

🟢Shu bilan birga, Toshkent shahridagi Respublika olimpiya va paralimpiya sport turlariga tayyorlash markazida ham ushbu tadbirlarni tashkil etishda hamkorlik qilgan O'zbekiston mahallalari uyushmasi, Oila va xotin qizlar qo'mitasi, Sog'lom turmush tarzi va fitnes assotsiatsiyasi mutasaddilari, belgilangan yosh toifasidagi aholi vakillari faol ishtirok etishdi.

⚫️Tadbirda so‘z olgan Sport vaziri Adkham Ikramov aholining "Jismoniy tayyorgarlik darajasi" sport sinovlari jamiyatimizda jismoniy faollikni oshirish, aholi salomatligini mustahkamlashga qaratilgani bilan ahamiyatli ekanligini taʼkidladi.

✔️ Shudan so‘ng, tadbir ishtirokchilari ommaviy badantarbiya va tanani qizdirish mashqlarini o'tab, sport sinovlarini topshirishga kirishdi.

Web-Sayt | Telegram | Facebook | Instagram | Youtube