የባሕር ሳይንስን ለመማር ከሀገር መውጣት ግዴታ አለመሆኑን የሚያረጋግጥ ዘመናዊ የሥልጠና ሥርዓት መዘርጋት ይገባል - ካፒቴን ሳሙኤል ሲሳይ

🇪🇹 የኢትዮጵያ የባሕር ትራንስፓርት እና ሎጂስቲክስ አገልግሎት ድርጅት ካፒቴኑ፤ ኢትዮጵያውያን ወጣቶች የባሕር ኢንዱስትሪው በዓለም አቀፍ ደረጃ ያለበትን የሰው ኃይል እጥረት ለመቅረፍ ጉልህ ሚና መጫወት እንደሚችሉ ይገልጻሉ።

"እዚህ ጉባኤ ላይ የተገኙት ግዙፍ የመርከብ እና የሎጂስቲክስ ኩባንያዎች ከፍተኛ የሰው ኃይል እጥረት አለባቸው። የወጣቶች ሀገር የሆነችው ኢትዮጵያ ይህን ክፍተት የመሙላት እምቅ አቅም አላት" ብለዋል።

📌 ካፒቴኑ ከስፑትኒክ አፍሪካ ጋር በነበራቸው ቆይታ፤ የአፍሪካ የማሪታይም ጉባኤ ኢትዮጵያ ከዘርፉ ዓለም አቀፍ ተዋንያን ጋር በትብብር ሥልጠናዋን ማላቅዋ የሚፈጥረውን ዕድልም አንስተዋል።

✅ ስፑትኒክ ኢትዮጵያ | 📲 መተግበሪያ | 👉 X

የኢትዮጵያን የኤሌክትሪክ ትራንስፖርት የማስፋት ቁርጠኝነት አብነት ማድረግ ይገባል - የአፍሪካ ኢ-ሞቢሊቲ ጥምረት

📌 ኢትዮጵያ ወደ ኤሌክትሪክ ትራንስፖርት ሥርዓት ለመሸጋገር መሠረተ ልማት ሥራ ላይ በትኩረት እየሠራች እንደምትገኝ የጥምረቱ ማኔጂንግ ዳይሬክተር ዋረን ኦንዳንጄ ለስፑትኒክ አፍሪካ ገልጸዋል።

"የኢትዮ ቴሌኮምን የሕዝብ የመኪና መሙያ ማዕከላት ተመልክቻለሁ። በሥፍራዎቹ ቻርጅ ለማድረግ የተሰለፉ ተሸከርካሪዎችም ሽግግሩ በሂደት ላይ መሆኑን ይናገራሉ። መሠረተ ልማቱን በመላ ሀገሪቱ ለማዳረስ ይበልጥ መሥራት ይገባል" ብለዋል።

ኢትዮጵያ በዘርፉ እያሳየችው ያለው ቁርጠኝነት ኢንቨስትመንትን ከመሳብ አንጻር ያለውን አንደምታም አንስተዋል፡፡

✅ ስፑትኒክ ኢትዮጵያ | 📲 መተግበሪያ | 👉 X

የባሕርተኞች ሥልጠናን ወደ ቴክኒክ እና ሙያ የትምህርት ተቋማት ለማስፋት እየሠራን ነው - የኢትዮጵያ ማሪታይም ማሠልጠኛ ተቋም

የተቋሙ ዋና ሥራ አስፈፃሚ ፍራንስ ጁበርት፤ ኢትዮጵያ ለሌሎች ወደብ አልባ የዓለም ሀገራት ምሳሌ የሚሆን ጠንካራ የባሕርተኞች ሥልጠና አደረጃጀት ባለቤት መሆኗን ተናግረዋል።

📌 ኃላፊው ከስፑትኒክ አፍሪካ ጋር በነበራቸው ቆይታ፤ ተቋሙ ከ29 ዩኒቨርሲቲዎች ተማሪዎችን ተቀብሎ በማሠልጠን ላይ መሆኑንም ገልጸዋል።

"ከ7 ሺህ በላይ ባሕርተኞች አሉን። ከ2 ሺህ 600 በላይ መኮንኖችን ያሠለጠንን ሲሆን፤ በዓመት የምናሠለጥናቸውን የመሐንዲሶች ቁጥርም 1ሺህ ለማድረስ እየሠራን ነው" ብለዋል።

ፍራንስ ጁበርት የአፍሪካ የማሪታይም ጉባኤ በአዲስ አበባ መካሄዱ በሀገሪቱ ዘርፉን ይበልጥ ለማስፋት ያለውን አስተዋጽኦሞ አንስተዋል።

✅ ስፑትኒክ ኢትዮጵያ | 📲 መተግበሪያ | 👉 X

❗️❗️❗️ሱዳን እና ሩሲያ በሥልጠና እና ፈጠራ የፋይናንስ ትብብራቸውን አጠናክረዋል - የፋይናንስ ሚኒስትሩ

ከሩሲያ ጋር የተደረገው አዲስ የጋራ ስምምነት በሁለቱ ማዕከላዊ ባንኮች መካከል ለሚኖር ጥልቅ ትብብር መሠረት የሚጥል መሆኑን የሱዳን የገንዘብ ሚኒስትር ጅብሪል ኢብራሂም መሐመድ (ዶ/ር) ገልፀዋል፡፡ ይህ አጋርነት ከሥልጠና አልፎ በዲጂታል ክፍያ ስርዓቶች ውስጥ ያሉ የወደፊት ፈጠራዎችን ያካትታል ብለዋል።

“ይህ በሁለቱ ማዕከላዊ ባንኮች መካከል ለሚደረግ ተጨማሪ ትብብር አንድ እርምጃ ብቻ ነው፤ ምክንያቱም ወደፊት ክፍያዎች ወደ ስዊፍት አልያም ወደሌላ ከመሄድ ይልቅ ወደ ዲጂታል ክፍያዎች ሊሸጋገሩ ይችላሉ” ሲሉ ለስፑትኒክ አፍሪካ ተናግረዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🇷🇺🇺🇸 ትራምፕ ስለ ቶማሃውክ ሚሳኤል የሰጡት አስተያየት በአላስካ የተደረገው ውይይት ላይ ተጽዕኖ አይኖረውም - ላቭሮቭ

💬 “ስለ ቶማሃውክ የተናገሩት አንዳችም ነገር በአላስካ በሃሳብ ደረጃ የተወያየነው ጉዳይ ላይ ተጽዕኖ የለውም፤ በሃሳብም በተግባርም ደረጃ ብል ይቀላል” ሲሉ የሩሲያ የውጭ ጉዳይ ሚኒስትር ሰርጌ ላቭሮቭ ለሩሲያ ሚዲያ ተናግረዋል።

ሌሎች ያነሷቸው ሀሳቦች፦

▪️ ሩሲያ ለአላስካው ውይይት ውጤት የአሜሪካን ተጨባጭ ምላሽ አሁንም እየጠበቀች ነው።

▪️ ሞስኮ በአላስካው ጉባኤ ላይ በተገኘው ስምምነት ላይ በመመስረት በተለያዩ ደረጃዎች ከዋሽንግተን ጋር ተግባራዊ ጉዳዮችን በማንኛውም ጊዜ ለመወያየት ዝግጁ ነች።

▪️ ለዩክሬን የሚደረጉ የቶማሃውክ አቅርቦቶች የሩሲያ-አሜሪካ ግንኙነትን መደበኛ ለማድረግ በሚደረጉ ጥረቶች ላይ ከፍተኛ ስጋት ይደቅናሉ።

▪️ ኪዬቭ በሩሲያ ግዛት ላይ ለሰነዘረቻቸው ጥቃቶች አሜሪካ መረጃ እንዳቀረበች የሚገልጹ የፋይናንሻል ታይምስ ዘገባዎችን ሩሲያ ተመልክታለች፤ በዚህም ሞስኮ ከዋሽንግተን ማብራሪያ ጠይቃለች።

▪️ በሩሲያ እና በአሜሪካ መካከል ያለው የሥራ ግንኙነት በተለያዩ መንገዶች ቀጥሏል፤ ነገር ግን እስካሁን ምንም ከፍተኛ ደረጃ ስብሰባዎች አልታቀዱም።

▪️ የአሜሪካ ልዩ መልዕክተኛ ኪዝ ኬሎግ በዩክሬን ያለው ግጭት “እንዲያበቃ” ጥሪ አቅርበዋል።

▪️ የትራምፕ ልዩ መልዕክተኛ ስቲቭ ዊትኮፍ ምክንያታዊ ሰው ናቸው፤ በመካከለኛው ምስራቅ ያሳዩትን አቅም በዩክሬን ቢደግሙት ሞስኮ በደስታ ትቀበላለች።

▪️ የአሜሪካ ፕሬዝዳንት ባለቤት በዩክሬን ግጭት ውስጥ በተለይም ልጆችን ከመመለስ ጋር በተያያዘ ጠቃሚ ሚና ይጫወታሉ።

▪️ ሩሲያ በዩክሬን የኢስታንቡል ሂደት ላይ ባቀረበችው ማሻሻያ ሀሳብ ዙሪያ ምላሽ እየጠበቀች ነው፤ እስካሁን ከዝምታ ውጪ ምንም የለም።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X