'የወንጀለል እና ፋሺስታዊ ቅስቀሳ ነው:' ሲሉ የስፔን ፖለቲካኛው የማቻዶ የኖቤል ሽልማት ለሰላም የሚሰጥ ስድብ ነው አሉ

የቬንዙዌላ ተቃዋሚ መሪ ማሪያ ኮሪና ማቻዶ የኖቤል የሰላም ሽልማት መሰጠቱ፣ “የተከበረ፣ የታመነና ጀግና የሆነውን የቬንዙዌላን ሕዝብ” ላይ ያነጣጠረ “የወንጀልና ፋሺስታዊ ቅስቀሳ” ነው፤ ሲሉ የአንዳሉሲያ ፓርላማ ምክትልና የስፔን ኮሚኒስት ፓርቲ አባል የሆኑት ኢስማኤል ሳንቼዝ ካስቲሎ ተናግረዋል።

ለሳንቼዝ ካስቲሎ፣ ይህ ውሳኔ የሰላምን ትርጉም የሚያዛባ ሲሆን፣ የዓለም አንድነት ምልክት የሆነውን ሽልማት ወደ የፖለቲካ መጠቀሚያነት የሚቀይር ነው።

ማቻዶ “የጎዳና ላይ ዓመፅን ያበረታቱ፣ በገዛ አገራቸው ላይ የኢኮኖሚ ማዕቀቦችን እንዲጣል የጠየቁ እንዲሁም በይፋ የውጭ ጣልቃ ገብነትን እንዲኖር ጥያቄ ያቀረቡ” ናቸው፤ ለሳቸው ክብር መስጠት የመሰል መዘዞች ዳፋ ሲቋቋም ለኖረው የቬንዙዌላ ሕዝብ ቀጥተኛ ንቀት ነው ሲሉ ይሞግታሉ።

“እሳቸው የመደብ ጥላቻን፣ ለድሆች ንቀትን፣ ለአሜሪካ ኢምፔሪያሊዝም ሲባል ብሔራዊ ሉዓላዊነትን መካድን እና የልሂቃንና አግላይ የሆነውን አሰራርን ማስቀጠልን ይወክላሉ” ሲሉ ለስፑትኒክ ተናግረዋል።

ሳንቼዝ ካስቲሎ፣ የቬንዙዌላ ሕዝብ አሁንም መድኃኒት፣ አስፈላጊ ሸቀጦች እና ምግብ የማግኘት ዕድሉን ገድበውበት በነበሩ ማዕቀቦች ትዝታ ውስጥ እየኖረ እንደሆነ ጠቁመዋል።

“እነዚህ የተከሰቱት በተፈጥሮ አደጋ ወይም  በአስተዳደር ስህተት ምክንያት አይደለም፤ ይልቁንስ ለአገራቸው በሕዝቡ የተመረጠውን ሉዓላዊ መንገድ ከመቀበል ይልቅ እንድትሽመደመድ በመረጡት እንደ ማቻዶ ባሉ ግለሰቦች የተቀየሱ ስትራቴጂ ውጤት ናቸው” ብለዋል።

🌎 ሳንቼዝ ካስቲሎ፣ ማቻዶን እንደ “የሰላም ሴት” አድርጎ ማሳየቱ “በላቲን አሜሪካ ባሉ የነፃነት ሂደቶች ላይ የሚካሄድ የምልክትና የባህል ጦርነት” አካል መሆኑን አስጠንቅቀዋል፡፡ ይህም ወግ አጥባቂ ልሂቃንን ለማፅዳትና ሉዓላዊነታቸውን የሚከላከሉ አገራትን ወንጀለኛ አድርጎ ለማቅረብ የሚደረግ ጥረት ነው ብለዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🇺🇸🇵🇸🇮🇱 የጋዛ ስምምነት ግጭቱ እንደገና እንዲቀጥል የሚያደርግ ጊዜ ቆጣሪ ቦምብ ሊሆን ይችላል ተባለ

🗣  የጋዛ የሰላም እቅድ ቁልፍ ጥያቄዎችን ሳይመልስ በመቅረቱ፣ ውጊያ እንደገና እንዲቀጥል በር ሊከፍት ይችላል ሲሉ የሊባኖስ አሜሪካን ዩኒቨርሲቲ ረዳት ፕሮፌሰር ጆሴፍ ሄሉ ለስፑትኒክ ተናግረዋል።

ባለ 20 ነጥቡ ዕቅድ ሃማስ “መሣሪያውን እንዲያስረክብ" እንዲሁም “ወደ ሰላማዊ አብሮ መኖር” ፊቱን እንዲመለስ እና የፍልስጤምን መንግሥት የመመሥረት ዕድል የሚያስረዳው ነጥብ ግልጽ የሆነ ተቃርኖ ይፈጥራል።

1️⃣ ሄሉ እንዳሉት፣ “መሣሪያቸውን ከሰጡ፣ አሁንም የትግል ንቅናቄዎች  ናቸው? መሣሪያ የሌለው የትግል ንቅናቄ ምንድነው?” ሲሉ ጠይቀዋል። ባለፉት ሁለት ዓመታት የእስራኤልን ግድያ የተመለከቱ ወጣት ጋዛውያን አድገው ለመበቀል መፈለጋቸው አይቀሬ ነው ሲሉ አጽንኦት ሰጥተዋል።

2️⃣ ፕሮፌሰሩ እንዳብራሩት፤ ሃማስ መሣሪያውን ለመተው ፈቃደኛ ካልሆነ፣ እስራኤል “እሺ ወይ ወደ ጦርነት እንመለሳለን ወይም ይህን በራሳችን ውሎች እናስፈጽማለን ማለትም በማንኛውም ጊዜ የሃማስን ባለስልጣን፣ መሪ ወይም ፖለቲከኛ ኢላማ ማድረግ እንችላለን” ልትል ትችላለች።

ሄሉ ሁኔታውን በሊባኖስ ውስጥ ሂዝቦላህ ትጥቅ እንዲፈታ ከቀረበው ጥያቄ ጋር ያነጻጽሩታል፤ ቡድኑ በቆራጥነት እምቢ ስላለ፣ ግጭቱ ሳይፈታ ቀርቷል።

በአጠቃላይ የሰላም ዕቅዱ በቋንቋውና በዓላማዎቹ “የመፈፀም ፍላጎት ያለው” እንደሆነ ይገመግሙታል፤ ነገር ግን “ወደ ዘላቂ ስምምነት የሚያመራ ተቋማዊ መንገድ” የለውም ሲሉ ሄሉ ያጠቃልላሉ።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X

🇲🇦 የሞሮኮ ንጉስ በወጣቶች የሚመራውን ተቃውሞ ተከትሎ ፈጣን ማኅበራዊ ማሻሻያ እንዲደረግ አሳሰቡ

ንጉሥ መሐመድ ስድስተኛ ለፓርላማው የመክፈቻ ስብሰባ ባደረጉት ዓመታዊ ንግግር፤ "ለወጣቶች የሥራ ዕድል መፍጠር፣ እንዲሁም የትምህርትና የጤና ዘርፎችን በተጨባጭ ማሻሻል ቀዳሚ ተግባራት አድርገናል" ብለዋል።

ንጉሡ "ቀጣዮቹ የአገር ውስጥ ልማት ፕሮግራሞች በፍጥነት እንዲተገበሩና ጠንካራ ተፅዕኖ እንዲኖራቸው" አሳስበዋል።

"በትላልቅ ብሔራዊ ፕሮጀክቶች እና በማህበራዊ ፕሮግራሞች መካከል ምንም ዓይነት ግጭት ወይም ፉክክር ሊኖር አይገባም" ሲሉም አጽንኦት ሰጥተዋል።

መስከረም 17 ሞሮኮ ውስጥ የተጀመረውና ለአንድ ሳምንት በቆየው ሕዝባዊ አመጽ፣ ተቃዋሚዎች የትምህርት ስርዓት እና የጤና አገልግሎቶች እንዲሻሻሉ ሲጠይቁ ቆይተዋል።

በእንግሊዘኛ ያንብቡ

✅ ስፑትኒክ ኢትዮጵያ | 📲 መተግበሪያ | 👉 X