ባለ 15 ወለል የሲኒማ ኮምፕሌክስ በመዲናዋ በዛሬው ዕለት ሥራ መጀመሩን ከንቲባ አዳነች አቤቤ አስታወቁ።

በ24,000 ካ.ሜ ላይ ያረፈው "አዲስ ሲኒማ ኮምፕሌክስ" ባለ አራት ወለል የመኪና ማቆሚያ 592 ህፃናትንና 887 አዋቂዎችን የመያዝ አቅም ያላቸው ሁለት የሲኒማ አዳራሾችን ከሙሉ መገልገያዎች ጋር የያዘ ነው ተብሏል።

ከተማ አስተዳደሩ በቅርብ ጊዜ የህፃናትና ወጣቶች ቴአትርና ሲኒማ ኮምፕሌክስን አስመርቆ እንደነበር ይታወሳል።

@TikvahethMagazine

በአዲስ አበባ ከተማ የማህበረሰብ አቀፍ ጤና መድህን አገልግሎት ምዝገባ ማካሄድ ጀምሯል፡፡

በአዲስ አበባ ከተማ የማህበረሰብ አቀፍ ጤና መድህን አገልግሎት የ2018 ዓ.ም ምዝገባ ከጥቅምት 1 እስከ ህዳር 30 ቀን 2018 ዓ.ም ድረስ በሁሉም ጤና ጣቢያዎች የሚካሄድ መሆኑ ተገልጿል።

የአዲስ አበባ ከተማ አስተዳደር ጤና ቢሮ ከ2 ሚሊዮን 500 ሺህ ለሚሆኑ የከተማዋ ነዋሪዎችን የማኅበረሰብ አቀፍ ጤና መድኅን አባል በማድረግ የአገልግሎቱ ተጠቃሚ እንዲሆኑ ማስቻሉን ገልጿል።

የዘንድሮው የማህበረሰብ አቀፍ ጤና መድኅን የአባልነት ምዝገባ የገቢ መጠንን መሰረት ያደረገ የአከፋፈል ሥርዓት እንደሚከተል ተነስቷል።

የማህበረሰብ አቀፍ ጤና መድህን በዓመት አንድ ጊዜ በሚዋጣ ገቢን መሰረት ያደረገ መዋጮ ራስን እና  ቤተሰብን ከድንገተኛ እና ካልታሰብ ወጪ በመታደግ መታከም የሚቻልበት ሥርዓት ነው።

ነዋሪዎች በተተጠቀሰው ጊዜ ውስጥ በሚቀርባቸው  ጤና ጣቢያ ከጥቅምት 1 እስከ ህዳር 30 ቀን 2018 ዓ.ም ድረስ  በመመዝገብ የአገልግሎቱ ተጠቃሚ እንዲሆኑም ጥሪ ቀርቧል።

በ2017 ዓ.ም ከ2.8 ሚሊዮን በላይ አባላትና ቤተሰቦቻቸው በተመላላሽ እና በተኝቶ ህክምና ከጤና ጣቢያ ጀምሮ ባሉ የመንግስት ጤና ተቋማት ተጠቃሚ መሆናቸው ተነግሯል፡፡

በዚህም ማህበረሰብ ከሚሰበሰበው መዋጮ በተጨማሪ የከተማ አስተዳደሩ በ2017 ዓ.ም ብቻ ለአገልግሎቱ 1.3 ቢሊዮን ብር ድጎማ አድርጓል ተብሏል፡፡

ምንጭ : ጤና ቢሮ ፤ ሸገር ኤፍ ኤም

@TikvahethMagazine

#ጥቆማ

ሳፋሪኮም ኢትዮጵያ ለ50 አዲስ ተመራቂዎች የሥራና የሥራ እድል አቅርቧል።

ኩባንያው ግራጁዌት ማኔጅመንት ትሬኒ (Graduate Management Trainee) በተሰኘው ፕሮግራምሙ ባለፉት 12 ወራት ከዘርፉ ጋር ግንኙነት ባላቸው የትምሀርት መስኮች ያጠናቀቁ ተማሪዎችን አወዳድሮ በቴሌኮም ዘርፍ የፕሮፌሽናል እውቀትና እድገት እድል እንዲያገኙ እንደሚያግዝ ገልጿል።

ለምዝገባ ብቁ የሚሆኑ ተማሪዎች ውጤታቸው 3.5 እና ከዚያ በላይ መሆን እንደሚጠበቅበት አስታውቆ አስፈላጊው ማጣራትና ሌሎች ግልጽ የመለያ ሂደቶችን ያለፉ 50 ኢትዮጵያውያን ተማሪዎች እድሉን ያገኛሉ ብሏል።

እድሉ ለሁሉም ተማሪዎች ክፍት ሲሆን ምዝገባው የሚቆየው እስከ ጥቅምት 07/ 2018 ዓ.ም ወይም (17/10/2025, 11:55 PM) ብቻ ይሆናል።

ለመመዝገብ https://egjd.fa.us6.oraclecloud.com/hcmUI/CandidateExperience/en/sites/STEP/job/932

@TikvahethMagazine

#AksumUniversity

በአክሱም ዩኒቨርስቲ ጤና ሳይንስ ኮሌጅና አጠቃላይ ስፔሻላይዝድ ሆስፒታል መንስኤው ባልታወቀ ምክንያት ዛሬ ቀን 5/2/2018 ዓ/ም ከሰዓት 7:30 ገደማ አከባቢ የእሳት አደጋ ተከስቷል።

በእሳት አደጋው በሆስፓታሉ የሚገኝ ዋና መድኃኒት መጋዘን /Main Pharmacy  Store የነበሩ በሚልዮኖች የሚገመቱ የህክምና መሳርያዎችና ግብዓቶች ወድሟል ተብሏል።

እስት አደጋዉ በየዩኒቨርሲቲው ሰራተኞችና ፣ የጤና ሳይነስ ተማራዎች፣ የአክሱም ከተማ ፀጥታ አበለት፣ የአክሱም ከተማ ማዛጋጃ ቤት፣ የአክሱም ከተማ ወጣቶች፣ ፌደራል ፖሊስ እንዲሁም የኢትዮጵያ አየር መንገድ እሳት አደጋ ሰራተኞች በመሆን አደጋውን ተቆጣጥረዋል።

የአደጋዉ መንሰኤ በመጣራት ላይ ይገኛል ተብሏል።

@TikvahethMagazine

#ኢትዮኢስታንቡል

ኢትዮ ኢስታንቡል ጠቅላላ ሆስፒታል በዓለም አቀፍ ደረጃ ታዋቂ ከሆነውና በህንድ አገር ከሚገኘው አፖሎ ሆስፒታል ጋር በትብብር መሥራት የሚያስችለውን ስምምነት ጥቅምት 5 ቀን 2018 ዓ.ም ተፈራረመ።

ስምምነቱ ከኢትዮ ኢስታንቡል ሆስፒታል ዓላማዎች አንዱ የሆነውን ወደ ውጪ አገር የሚያስኬዱ ሕመሞችን ሕክምና በአገር ውስጥ መስጠትን መሰረት በማድረግ እንደ ካንሰር ያሉ ከፍተኛ ሕመሞች ያሉባቸውን ሕሙማን ወደ ህንድ አገር መላክ የመሰሉትን ያካተተ ነው።

እንዲሁም ሐኪሞች ከአፖሎ ሆስፒታል እየመጡ በኢትዮ ኢስታንቡል ሆስፒታል ሕክምና መስጠት በሚችሉባቸው ጉዳዮች ላይ የተደረገና በውጪ አገር ታክመው የሚመጡትን ሕሙማን ቀጣይ የሕክምና ክትትልም በኢትዮ ኢስታንቡል ሆስፒታል ለማድረግ የሚያስችል ዝግጅት መጠናቀቁን የገለፁት የሆስፒታሉ ዋና ሥራ አስፈፃሚ አቶ ብርሃን ተድላ ከአፖሎ ሆስፒታል ጋር በትብብር መስራቱ የቴክኖሎጂ ሽግግር ለማድረግና ሐኪሞች የሥራ ላይ ሥልጠና እና የልምድ ልውውጥ እንዲያገኙ ዕድል እንደሚሰጥም ጨምረው አመልክተዋል።

የአፖሎ ሆስፒታል ተወካዮችም በበኩላቸው
ስምምነቱ የሜዲካል ቱሪዝምን በኢትዮጵያ በሰፊው ለማስተዋወቅ መልካም አጋጣሚን እንደሚፈጥርና በስምምነቱም ደስተኞች መሆናቸውን ተናግረዋል።

ስምምነቱን የፈረሙት በኢትዮ ኢስታንቡል ጠ/ሆስፒታል በኩል ዋና ሥራ አስፈፃሚው አቶ ብርሃን ተድላ ሲሆኑ በአፖሎ ሆስፒታል በኩል ዶ/ር ፕራሳድ ናማኒ የኢንተርናሽናል ቢዝነስ ዴቬሎፕመንት ማኔጀር እና ዶ/ር አጂሽ ራጅ ከፍተኛ የቀዶ ጥገና ሐኪም ናቸው።

@TikvahethMagazine