" የዶናሩማን ደግነት ሁሉም ያውቀዋል " ኤንሪኬ

የፒኤስጂው አሰልጣኝ ሉዊስ ኤንሪኬ ዶናሩማ ከጀማል ሙሲያላ ጉዳት በኋላ የቀረበበት ትችት ተገቢ አይደለም በማለት ተናግረዋል።

" ዶናሩማ በክስተቱ በጣም አዝኗል " ያሉት አሰልጣኝ ሉዊስ ኤንሪኬ በፍጥነት ሄዶ ጀማል ሙሲያላንም አነጋግሯል ብለዋል።

አክለውም “ ዶናሩምን የሚያውቀው ሰው ሁሉ እሱ ምን ያህል ደግ እንደሆነ ያውቃል “ ሲሉ ከተጨዋቻቸው ጎን መሆናቸውን ገልፀዋል።

“ በእግርኳስ ጉዳት ይከሰታል ከባድ ጉዳትም ሊገጥም ይችላል ፣ ዶናሩማ ሆን ብሎ አስቦበት እንዳላደረገው ግልፅ ነው “ ሉዊስ ኤንሪኬ

@tikvahethsport     @kidusyoftahe

ሊቨርፑል የወዳጅነት ጨዋታውን ያደርጋል ?

ሊቨርፑል ከ ፕሪስተን ጋር ለማድረግ ያቀደው የቅድመ ዝግጅት የወዳጅነት ጨዋታ በተያዘለት መርሐግብር መሰረት እንደሚደረግ ታውቋል።

ባለፈው ሳምንት ተጫዋቻቸውን በድንገተኛ አደጋ ያጡት ሊቨርፑሎች በጨዋታው ዙሪያ ከፕሪስተን ሀላፊዎች ጋር መወያየታቸው ተገልጿል።

የፕሪስተን ሀላፊዎች ከጨዋታው በፊት ዲያጎ ጆታን እንዴት በጥሩ ሁኔታ እናስበው በማለት ከሊቨርፑል ሀላፊዎች ጋር መወያየታቸው ተነግሯል።

አብዛኞቹ የሊቨርፑል ተጨዋቾች ትላንት ወደ ልምምድ በመመለስ የቅድመ ውድድር ዝግጅታቸውን ጅማሮ ማድረጋቸው ይታወሳል።

አሰልጣኝ አርኔ ስሎት በበኩላቸው ከባለቤታቸው ጋር በአንፊልድ ስታዲየም ተገኝተው አበባ በማስቀመጥ ዲያጎ ጆታን አስበው ሥራቸውን ጀምረዋል።

@tikvahethsport     @kidusyoftahe

ተመላሽ እያደረግን ነው! 🔥
ሽንፈት? አይታሰብም!!!!!
በየቀኑ ለአምስት እድለኞች 500 ብር እየሸለምን ነው።
ውርርዱ ባይሳካም አምስት መቶ ብር የግልዎ ይሆናል። ይወራረዱ!
ቢሸነፉም በተመላሽ ያሸንፉ!

ኦሎምፒክ ሊዮን በፈረንሳይ ሊግ ይቆያል !

የፈረንሳዩ ክለብ ኦሎምፒክ ሊዮን በ ሀገሪቱ የመጀመሪያ ሊግ እንዲቆይ እንደተወሰነለት ተገልጿል።

ሊዮን ባለበት የፋይናንስ ችግር ምክንያት ወደ ሀገሪቱ ሁለተኛ ሊግ ወርዶ እንዲወዳደር ተወስኖበት እንደነበር የሚታወስ ነው።

ኦሎምፒክ ሊዮን አሁን ላይ የጠየቀው ይግባኝ ተቀባይነት አግኝቶ በሊጉ እንዲቆይ መደረጉ ተነግሯል።

ሊዮን በተጨማሪም በሚቀጥለው የውድድር አመት በዩሮፓ ሊግ የሚወዳደሩ ይሆናል።

@Tikvahethsport     @kidusyoftahe

አርሰናል ከቼልሲ ጋር ንግግር ጀመረ !

የሰሜን ለንደኑ ክለብ አርሰናል እንግሊዛዊውን የፊት መስመር ተጨዋች ኖኒ ማዱኬ ለማስፈረም ከቼልሲ ጋር ንግግር መጀመራቸው ተገልጿል።

ሁለቱ ክለቦች በአሁን ሰዓት ዝውውሩን እውን ለማድረግ በድርድር ላይ ሲገኙ ተጨዋቹ አርሰናልን ለመቀላቀል መስማማቱ ይታወሳል።

የ 23ዓመቱ የፊት መስመር ተጨዋች ኖኒ ማዱኬ ለአርሰናል የአምስት አመት ኮንትራት ለመፈረም ቃሉን ሰጥቷል።

አርሰናል ተጫዋቹን የቀኝ የፊት መስመሩን ለማጠናከር እንዳጩት ሲገለፅ በተቃራኒ ቦታ መጫወት መቻሉ ለቡድኑ ተጨማሪ አቅም ይፈጥራል ተብሎ ታስቧል።

አሰልጣኝ ሚኬል አርቴታ በዚህ ክረምት የፊት መስመራቸውን ለማጠናከር ሁለገብ ተጨዋች በማፈላለግ ላይ እንደነበሩ ይታወቃል።

ኖኒ ማዱኬ በዚህ አመት ለቼልሲ 45 ጨዋታዎች ሲያደርግ 11 ግቦችን አስቆጥሮ አምስት አመቻችቶ አቀብሏል።

@tikvahethsport     @kidusyoftahe

አንቾሎቲ የአንድ አመት እስር ተፈረደባቸው !

ጣልያናዊው አሰልጣኝ ካርሎ አንቾሎቲ ከገቢ ግብር ጋር በተያያዘ በቀረበባቸው ክስ ጥፋተኛ ሆነው መገኘታቸው ተገልጿል።

አሰልጣኙ 2014 ላይ በተፈፀመ የግብር ማጭበርበር ክስ ነው በስፔን ፍርድ ቤት የአንድ አመት እስር የተፈረደባቸው።

አሰልጣኙ 2015 ላይ ቀርቦባቸው ከነበረው ተመሳሳይ ክስ በፍርድ ቤቱ ነፃ መባላቸው ተነግሯል።

አሰልጣኝ ካርሎ አንቾሎቲ ሪያል ማድሪድን በመልቀቅ የብራዚል ብሔራዊ ቡድንን በማሰልጠን ላይ መሆናቸው አይዘነጋም።

@tikvahethsport     @kidusyoftahe

ሮማ ኢቫን ፈርጉሰንን ለማስፈረም እየሰሩ ነው !

የሴርያው ክለብ ሮማ የብራይተኑን የፊት መስመር ተጨዋች ኢቫን ፈርጉሰን በውሰት ለማስፈረም እየሰሩ መሆኑ ተገልጿል።

ሮማ ምንም እንኳን እስካሁን ከስምምነት ባይደርሱም ተጫዋቹን ለማስፈረም እርግጠኞች መሆናቸው ተዘግቧል።

ከዚህ በፊት 100 ሚልዮን ፓውንድ የተጠየቀበት ኢቫን ፈርጉሰን ባለፈው የውድድር አመት በቂ የጨዋታ ጊዜ ማግኘት አልቻለም።

ተጨዋቹ ባለፈው የውድድር አመት ግማሽ ወደ ዌስትሀም ዩናይትድ በውሰት አምርቶ ማሳለፉ የሚታወስ ነው።

ሮማዎች ታሚ አብርሀም ወደ ቱርክ ማምራቱን ተከትሎ አዲስ የፊት መስመር አጥቂ ለማስፈረም ወደ ዝውውር ገበያው ወጥተዋል።

@Tikvahethsport     @kidusyoftahe

ኤቨርተን ተጨዋች አስፈረመ !

የመርሲሳይዱ ክለብ ኤቨርተን የቪያሪያሉን የፊት መስመር ተጨዋች ቴርኖ ባሪ 32 ሚልዮን ዩሮ ማስፈረማቸውን ይፋ አድርገዋል።

ተጨዋቹ የኤቨርተን ሁለተኛ የክረምቱ ፈራሚ በመሆን በክለቡ የሚያቆየውን የአራት አመት ኮንትራት ፈርሟል።

“ ፕርሚየር ሊግ መጫወት ህልሜ ነው ፣ ሊጉን መልመድ እንደምችል እርግጠኛ ነኝ ባለፈው አመት ላሊጋ ላይ አሳይቻለሁ " ሲል ተጨዋቹ ከፊርማው በኋላ ተናግሯል።

ቴርኖ ባሪ ባለፈው የውድድር አመት ቪያሪያልን በተቀላቀለበት አመት ባደረጋቸው 37 ጨዋታዎች 11 ጎሎችን አስቆጥሯል።

ኤቨርተን ከዶምኒክ ካልቨርት ሌዊን መልቀቅ በኋላ የፊት መስመሩን ለማጠናከር እየሰሩ ይገኛሉ።

@Tikvahethsport     @kidusyoftahe

ዩናይትድ ተጨዋቾቹ ማልያ መቀየር ያቆማሉ !

ማንችስተር ዩናይትድ በቀጣይ በሚያደርጋቸው የወዳጅነት ጨዋታዎች የተለመዱትን ባህላዊ መርሐግብሮች እንደሚሰርዝ ተገልጿል።

ይህንንም ተከትሎ ማንችስተር ዩናይትድ በቀጣይ በወዳጅነት ጨዋታዎች የተለመደውን አርማ እና ስጦታ እንደማይቀያየር ተነግሯል።

በተጨማሪም ተጨዋቾቹ ከወዳጅነት ጨዋታው በፊትም ሆነ በኋላ ማልያቸውን እንዳይቀያየሩ እንደሚያደርግ ተነግሯል።

ክለቡ ውሳኔውን ያሳለፈው በጀመረው የወጪ ቅነሳ መርሐግብር ምክንያት እንደሆነ ቶክ ስፖርት ዘግቧል።

ይሁን እንጂ ማንችስተር ዩናይትድ ውሳኔው አላስፈላጊ ባህላዊ ስነስርዓቶችን ለማስቀረት በማሰብ መሆኑን መግለፁ ተነግሯል።

@Tikvahethsport     @kidusyoftahe

ሳንቲ ካዞርላን በላሊጋው እንመለከተዋለን ?

ስፔናዊው አማካይ ሳንቲ ካዞርላ በልጅነት ክለቡ ሪያል ኦቬዶ ያለውን ኮንትራት ሊያራዝም እንደሚችል ተገልጿል።

የ 40ዓመቱ ሳንቲ ካዞርላ ቡድኑን ከሁለት አመታት በፊት በመቀላቀል ከ 24 አመታት በኋላ ለላሊጋው ማብቃቱ አይዘነጋም።

አሁን ላይ ክለቡ ሳንቲ ካዞርላ ውሉን በማራዘም በሚቀጥለው የውድድር አመት በስፔን ላሊጋ እንደሚጫወት እርግጠኛ መሆናቸው ተነግሯል።

“ ካዞርላ አሁን እረፍት ላይ ነው ውሳኔውን እየጠበቅን ነው ፣ እሱ በተጨዋችነት መቀጠሉ ለእኛ በጣም አስፈላጊ ነው “ ሲሉ የክለቡ ፕሬዝዳንት ተናግረዋል።

አክለውም " በክለቡ ያለው ቦታ እሱ እስከፈለገ ድረስ የተጠበቀ ነው ውሳኔው በእሱ ላይ የተመሰረተ ነው " ብለዋል።

@tikvahethsport     @kidusyoftahe

ቶተንሀም ተጨዋች ለማስፈረም ተስማማ !

የሰሜን ለንደኑ ክለብ ቶተንሀም ጋናዊውን የፊት መስመር ተጨዋች መሐመድ ኩዱስ ለማስፈረም ከስምምነት መድረሳቸው ተገልጿል።

ቶተንሀም ተጫዋቹን በ 55 ሚልዮን ፓውንድ ለማስፈረም ከስምምነት መድረሱ ተዘግቧል።

መሐመድ ኩዱስ ነገ ሐሙስ የህክምና ምርመራውን በማድረግ ለቶተንሀም የስድስት አመት ኮንትራት እንደሚፈርም ተነግሯል።

ተጨዋቹ ዌስትሀም ዩናይትድን ከለቀቀ ቶተንሀምን መቀላቀል እንደሚፈልግ ከዚህ በፊት መዘገቡ አይዘነጋም።

ባለፈው የውድድር አመት መሐመድ ኩዱስ በ 35 የፕርሚየር ሊግ ጨዋታዎች አምስት ጎሎችን ሲያስቆጥር አራት አመቻችቶ አቀብሏል።

@tikvahethsport     @kidusyoftahe

#ClubWorldCup 🇺🇸

የስፔኑ ክለብ ሪያል ማድሪድ ያደረገውን የፊፋ የክለቦች አለም ዋንጫ ውድድር ጨዋታ ተሸንፎ አያውቅም።

ሎስ ብላንኮዎቹ ካደረጓቸው የክለቦች አለም ዋንጫ ጨዋታዎች 17 ሲያሸንፉ በሶስቱ አቻ ተለያይተዋል።

ሪያል ማድሪድ ለመጨረሻ ጊዜ ካደረጋቸው 16 የክለቦች አለም ዋንጫ ውድድር ጨዋታዎች 15 ማሸነፍ ችለዋል።

ሪያል ማድሪድ ከመጨረሻ ጨዋታዎች ማሸነፍ የተሳነው በዚህ አመት ከሳውዲ አረቢያው ክለብ አል ሂላል ጋር 1ለ1 የተለያየበትን ጨዋታ ብቻ ነው።

ሪያል ማድሪድ ልክ እንደ ሻምፒየንስ ሊግ ሁሉ የበላይ የሆነበትን የክለቦች አለም ዋንጫ አምስት ጊዜ በማንሳት የሚስተካከለው የለም።

@tikvahethsport     @kidusyoftahe

#ClubWorldCup 🇺🇸

የፈረንሳዩ ክለብ ፒኤስጂ በ 2025 አራተኛ የፍፃሜ ጨዋታውን ለማድረግ የአንድ ጨዋታ እድሜ ይቀረዋል።

ፒኤሴጂ የምሽቱን ጨዋታ በማሸነፍ ለፍፃሜ ከበቁ በውድድር አመቱ የቀረበላቸውን ሁሉንም ዋንጫ ለማሸነፍ የመፋለም እድል ያገኛሉ።

የፈረንሳይ ሊግ ፣ ሻምፒየንስ ሊግ ፣ ሱፐር ካፕ እና ኩፕ ደ ፍራንስ ፒኤሴጂ በውድድር አመቱ ያሸነፋቸው ዋንጫዎች ናቸው።

የአሰልጣኝ ሉዊስ ኤንሪኬው ቡድን ሪያል ማድሪድን በማሸነፍ የአውሮፓ ምርጡ ቡድን መሆኑን ለማስመስከር ይፋለማል።

ይህ በእንዲህ እንዳለ ጨዋታውን ማሸነፍ 40 ሚልዮን ዶላር የሚያስገኝ መሆኑን ተከትሎ ጠንካራ ፉክክር ይጠበቃል።

@tikvahethsport     @kidusyoftahe

#ClubWorldCup 🇺🇸

ፈረንሳዊው ተጨዋች ኪሊያን ምባፔ የሪያል ማድሪድ ተጨዋች ሆኖ ዛሬ ለመጀመሪያ ጊዜ የቀድሞ ክለቡን ፒኤስጂ ይገጥማል።

ኪሊያን ምባፔ እስካሁን በውድድሩ በቋሚነት ባይሰለፍም በዶርትመንድ ጨዋታ ተቀይሮ ገብቶ ድንቅ የመቀስ ምት ግብ አስቆጥሯል።

ከህመም አገግሞ የተመለሰው የ 26ዓመቱ ኪሊያን ምባፔ በምሽቱ ጨዋታ በቋሚነት መሰለፉ ከደቂቃዎች በኋላ ይታወቃል።

ይሁን እንጂ ኪሊያን ምባፔ በጨዋታው ተሰልፎ የቀድሞ ክለቡን ይገጥማል ተብሎ ይጠበቃል።

ምባፔ በፒኤስጂ በነበረው የሰባት አመታት ቆይታ 256 ጎሎችን በማስቆጠር የክለቡ ከፍተኛ ግብ አስቆጣሪ ነው።

ቡድኑንን በአምበልነት በመምራት ስድስት የፈረንሳይ ሊግ ዋንጫ ያሳካው ምባፔ ሻምፒየንስ ሊግ ዋንጫ ማሸነፍ ሳይሳካለት ክለቡን ለቋል።

@tikvahethsport     @kidusyoftahe

የቡድኖቹ የእርስበርስ ግንኙነት ምን ይመስላል ?

ሪያል ማድሪድ እና ፒኤስጂ ከዚህ ቀደም 12 ጊዜ ሲገናኙ ሎስ ብላንኮዎቹ አምስቱን ፒኤስጂ አራቱን ረተዋል በቀሪዎቹ አቻ ተለያይተዋል።

የምሽቱ ጨዋታ ሁለቱ ቡድኖች በጥሎ ማለፍ የሚያደርጉት አምስተኛ ጨዋታ ሲሆን በግማሽ ፍፃሜ ሲገናኙ ለመጀመሪያ ጊዜ ነው።

በተገናኙባቸው ጥሎ ማለፍ ጨዋታዎች የመጀመሪያዎቹን ሁለት ጨዋታዎች ፒኤስጂ የመጨረሻዎቹን ደግሞ ሪያል ማድሪድ አሸንፈዋል።

ከሶስት አመታት በፊት ሁለቱ ክለቦች ባደረጉት የደርሶ መልስ ጨዋታ የፒኤስጂን ሁለት ግቦች ያስቆጠረው ኪሊያን ምባፔ ነበር።

@tikvahethsport     @kidusyoftahe