#Oʻquv_amaliy_seminar

Energiya samaradorligini oshirish – taraqqiyot kafolati

Joriy yil 10-iyul kuni Toshkent tumanida quyosh energiyasiga oʻtish jarayonidagi amaliy ishlar va istiqboldagi rejalarga bagʻishlangan oʻquv-amaliy seminar oʻtkazildi.

Oʻzbekiston Respublikasi Prezidentining "Qayta tiklanuvchi energiya manbalarini va energiya tejovchi texnologiyalarni joriy etishni jadallashtirish toʻgʻrisida"gi PQ-57-son Qarori ijrosini taʼminlash yuzasidan Toshkent tumanida amaliy choralar koʻrilmoqda. Mazkur qarordan koʻzlangan asosiy maqsad – elektr energiyasidan tejamkor va oqilona foydalanish, ayniqsa, qayta tiklanuvchi manbalardan, xususan quyosh panellaridan samarali foydalanish hisoblanadi.

👉 To'liq o'qish

📹 Jararyon video va fotolavhalarda.

✅Telegram 💬Facebook 📸Instagram 📹YouTube 🌍Website

#Targʻibot

Toshkent tumanida sogʻlom turmush tarzi va oilaviy tarbiyaga bagʻishlangan targʻibot tadbiri oʻtkazildi

Toshkent tumani Quruvchi mahallasida sogʻlom turmush tarzi, oilaviy munosabatlar, qizlarni turmushga tayyorlash va ilm-maʼrifatga boʻlgan qiziqishni oshirish masalalariga bagʻishlangan navbatdagi targʻibot tadbiri boʻlib oʻtdi.

Tadbirda tuman hokimining oʻrinbosari L.Karabayeva, tuman Maʼnaviyat va maʼrifat boʻlimi boshligʻi A.Toʻlaqova hamda Inson ijtimoiy xizmatlar markazi psixologlari ishtirok etib, jamiyatda yuzaga kelayotgan ayrim muammolarning oldini olish, nizolarni erta aniqlash va ularni bartaraf etishda oilalarning, ayniqsa, onalarning oʻrni va masʼuliyati haqida atroflicha fikr yuritishdi.

Qizlar uchun oilaviy hayotga tayyorgarlik, maʼnaviy tarbiya va bilim orqali oʻz oʻrnini topish muhimligi alohida taʼkidlandi. Tadbir davomida psixologlar tomonidan amaliy maslahatlar, muloqot va savol-javoblar tashkil etildi.

Bu kabi uchrashuvlar mahallalarda ijtimoiy barqarorlikni taʼminlash, oilalar mustahkamligini taʼminlash va yosh avlodni toʻgʻri yoʻnaltirishda muhim ahamiyat kasb etadi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#DXX
#Kitob_yarmarkasi

♻️“Kitob odamni ulug‘laydi” shiori ostida harbiylar uchun kitob yarmarkasi tashkil etildi

📚 O‘zbekiston Respublikasi Prezidentining 2017-yil 13-sentabrdagi PQ-3271-sonli “Kitob mahsulotlarini nashr etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ‘ib qilish bo‘yicha kompleks chora-tadbirlar dasturi to‘g‘risida”gi qaroriga muvofiq, Toshkent tumanida joylashgan Davlat xavfsizlik xizmati chegara qo‘shinlariga qarashli harbiy qismda kitob yarmarkasi o‘tkazildi.

📖 “Kitob odamni ulug‘laydi” shiori ostida o‘tkazilgan mazkur tadbirda Toshkent shahridagi “Sharq” nashriyoti xodimlari tomonidan harbiy xizmatchilar va ularning oila a’zolari uchun turli mavzudagi badiiy va ilmiy kitoblar taqdim etildi. Kitob yarmarkasi Toshkent tumani musiqa va san’at maktabi binosida tashkil etildi.

🎯 Tadbirning asosiy maqsadi — harbiy xizmatchilarning intellektual salohiyatini oshirish, ma’naviy ongini yuksaltirish, mustaqil fikrlash qobiliyatini shakllantirish hamda ularni vatanparvarlik ruhida tarbiyalashdir. Harbiylar o‘zlari qiziqqan asarlarni xarid qilib, kitobxonlik madaniyatiga bo‘lgan e’tiborini yana bir bor namoyon etdilar.

🕊 Tadbir davomida harbiy qism ofitseri podpolkovnik A. Izbasarov boshchiligida “Har bir kun – bu imkoniyat, har bir kun – bu kelajak uchun poydevor” hamda “Mustaqillik – eng ulug‘ va eng aziz ne’mat” mavzularida “Ma’rifat soatlari” o‘tkazildi.

📜 Shuningdek, ishtirokchilar o‘rtasida O‘zbekiston Konstitutsiyasining mazmun-mohiyati, “O‘zbekiston – 2030” strategiyasining ustuvor yo‘nalishlari haqida ma’rifiy suhbatlar ham tashkil etildi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website