عليك فواز اگعد حباب مو اله تفهمنا كافي
صوتك بالبيت
ولك اگعد اگعد كافي ما شبعت من اذيتي
صرت ابجي حييل احس بي يسمعني بس ما يجاوبني كمت
حضنته وبسته بخده وكتله
=الله وياك (وصرت ابچي اتقربت ام بهاء وگلتلي )
- - ابري الذمه خاله ابري الذمه
وانا ابچي گتله =فواز برئ الذمه ومحولل وموهب الله وياك
الله يهون عليك ويغفرلك وانا ما زعلانه عليك
بعدين طلعت شيشة عطر من عطوراته الجدد جانن كلهن من
العطور الفرنسيه الراقيه والغاليه
كمت كلها خليتها علي وطلعت نزلت العرس وغطيته بيها
وكتله
=اتغطى بنزلة عرسك الي ما تهنيت بيها والهسه ما اعرف
شنو السبب انت وعدتني كل شي
تفهمني لكن القدر ما مهلك خليتني محتاره ليش فواز اكعد
اكعد ياابو البيت النومه مو الك
يهون عليك انا عزيزتك تخليني تايهه بنص الدرب
وبقيت اكثر من ساعتين وانا اعاتب بي اجت ام بهاء وكالت
كومي راح يجون ياخذونه على مود يدفنون الفجر
انا من سمعت صرخت وطلعت عبرتي وكتله
=فوااز لا تعوفني هالمره صدك محتاجتك
وظليت اصرخ وانا حاضنته وصرخت وياي امي واجت خالتي
وام بهاء وخرني خلني على صفحه
واجو سلام اولد طاهر وشالو الجنازه
صرت احجي واناشغ
=شبساع صار جنازة فواز الي جان صوته يرن بالبيت لو
ضحكته لو عصبيته فواز السبع صار جنازه
رحت يمهم =عفيه لا تشيلونه خلو بيتو اهنا خلو ابو البيت
لاتاخذونه
من شالو صحت ورا
فواز الله وياك انا راضيه عليك الله يغفرلك الله وياك يا اعز
الناس
ما سمعولي شالو وطلعن اخواته بقن يصرخن ما قبلو ياخذون
اي وحده انا توضيت ولزمت القران وصرت
اقرا للصبح وراحو سيارتين سلام وصاحب ورحمن وبهاء
وفارس وصلاح وبقى طاهر وخواله او ولد عمه
واصدقائه سوو الفاتحه جانت كلش جبيره وثكيله انا وامي
وخالتي ورقيه وام بهاء على صفحه واخواته وكوثر
وسهير وصبيحه ع الجهه الثانيه جانن اخوات فواز يذبن حجي
هنه وصبيحه وسهير من تجي الملايه
يجيبن عطاء ويظلن يكولن
- - - هاي هي الي جان يريدها وما تهنى وياها اخذته الما تخاف
من الله
اباوع العطاء جانت مكسوره ومهضومه ودي اروح احظنها بس
هي ما تباوع بوجهي ام بهاءءجانت من تسمع
حجي تردعهن اما انا وامي جنه ساكتات ما نحجي وانا نويت
امسك العده

💛💚💙❤💛💚💙💙❤💛💚💙❤💛💚💙❤
💛💚
سلام
بعد ان غسلنا انا وفارس ورحمن كتلهم خلي ناخذه البيته وفعلا
دخلنا بالصاله لكيت البنات اخواتي متهسترات
ولكيت عماتي جايات وخالاتي وهواي نسوان ظلن يصرخن
وكتلن روحهن صحت على عمامي كتلهم خلي
ناخذه الغرفته الي انحرم منها همه عبالهم هسه انحرم منها بس
انا دووم اشوفه ينام بغرفة امي ودخلنا
وخلينه التابوت ع الجربايه وطلعنة اخواتي زينب وغديرما قبلن
اله يبقن بس خالتي ربيعه كالت خلو
مرته تودعه حجت زينب
- 0 يامره هاي الشتتت الاخوان الخلت الاخو ما يشوف اخو
انا بس سمعت اخذتهن من ايدهن وطلعتهن ودخلت الغرفتي
اغتسلت ولبست دشداشه واتنكبت بشماغ
اما فارس ورحمن راحو البيت عمي طاهر واغتسلو واخذو
ملابس من صلاح
ظلينه بالديوانيه البرانيه وانا معتزل الناس بس الي مبجيني
رحمن وفارس جانو يصرخون بعبره
تقريبا الساعه ب 12 ونص بهاء كال
- - سلام امي تريدك
رحت هي حظنتني وظلت تبجي وكالت
- - يمه سلام اخذ اخيك وادفنه اكرام الميت دفنه بس زورو هم
يالله الدرب بعيد
ودخلنه انا وعمامي وخوالي شفنا خالين فوك التابوت نزلت
العرس مالته وراشينه عطر الي هو
يحبه شالو سمعت صوت رضوى تكول
خلو بس الليله ينام بغرفته فدوه خلو
واحد كال شيلو الجنازه هم ياالله الدرب بعيد
رضوى وهي تبجي =شبساع صار جنازه هذا ابو البيت
شلنا وصرنا نكول لا اله الا الله
رضوى من سمعت صارت تبجي وتكول
فواز الله وياك الله يهون عليك برئ الذمه الله وياك يا اعز
الناس
وصارت تبجي وتحجي حسيتها كعدت بالكاع وسمعت
صرختها
واخذنا خليته داخل السياره وطول الطريق وانا حاضنه رحنا انا
وعمي صاحب وفارس ورحمن
والسياره الثانيه بيها خالي جليل وبهاء وفلاح ابن عمي واجه
وياهم اخو سهيرناجي وصلنه الفجر
وزورنا كربلا وصلو علي ورجل دين ظل يدعي انا بغير عالم
اتخيل اخوي نايم ويسمعنا
اخذنا للنجف وزورنا وانا رحت الامير المؤمنين طلبت منه ان
يساعد فواز ويكون ويا حتى لو
ما يستاهل
لان عمي طاهر اخذني وكلي على سالفة البنيه وشلون راح
يحلونها ويه اهلها اخذنا للمقبره
ولكينه القبر محفور ونزلو نزلت ويا لكن مجرد ما خلو خده ع
التراب صرت ابوس بي واشمه انا
ما تحملت بقيت اصرخ اجو عليه وطلعوني ونزل فارس ولقنه
وطلع يبجي وهالو عل اخوي التراب صدك
حسيت بظهري انكسر صارت روحي خاويه بعدين كالو يالله
ودعو عل مود نمشي كلهم ودعو بس عمي
رحمن بجاني وهو يكله
رحمن/:ليش اجيت مستعجل كتلك اكعد لو ادري جا انا ركبت
السياره ولا خليتك تروح بيها
فواز عمي ياهو يصنف علي ومن ازعل يجي يراضيني ياهو اذا
ما قبلت ارجع للشغل
يلزم ايدي ويكلي
يالله عمي رحمن اضربني راشدي على مود ما تزعل ليش بويه
استعجلت ع الموت انت مو
كسرت بس ظهر اخوك لا وال

له كسرت ظهرنا كلنه
عمي يالسبع يالما ينوخذ حقك
عمي يالنچر يالمحد يغلبك
شگد فتحت بيوت وداويت مرضى وشگد ياابو الفوز داريت
فقره
وصار يحجي بصوت عالي وراح عمي صاحب وهو يبجي كله
//كافي رحمن موتتنا والله

انا كاعد يم امي وابوي واكلهم وانا مكسور خاطري
::ديرو بالكم على فواز اجه يمكم ما حمل افراكم عافني ورا
خلاني وحيد اجاكم فواز وما
حصل من الدنيا شي بس التعب طلع لا ولد ولا اي شي
بس فجاه اتذكرت مو كلي ديربالك على رضوى وجهالي امانه
انا بذاك الموقف واكول ::يجوز رضوى حامل وهالوصى بيها
اجاني عمي صاحب وكلي
- - كوم ودع اخوك
اناكمت مكسور وصلت يمه كلهم عافوني يمه حجيت ويا
عبالك واكف كبالي واعاتبه
::فواز عود صدك عفتني ليش ياخويه ما كلت اخوي عضيدي
يبقى وحيد والله تره انا مسامحك
ياخوي وصديقي يابو كلب الطيب لاتهتم وصيتك بركبتي
اليوم الدين
كعدت وخليت راسي ابين رجليني وصرت ابجي واكله بصوت
مكسور
::تدري انا من زعلت عليك چنت اراقب بيك مثل ما انت
تسال على شغلي وعليه وتدفع ابدالي فلوس
فواز شلون ادبرها وانت مويمي تدري بقيت ابحدي والدنيا مو
بعيني والامانه ثكيله بس انا
وعدتك ياخوي وانا تايه وانت التيهتني
وبقيت اصرخ حيل واكله
::فوااز وك خويه ابو الفوووز ليش ليش سويت الي سويته
ليش
فواز اكعد حملك ثكيل منو كلك اكدرله اكعد ولك اكعد انت
جاي تشاقى عبالك ما ادري بيك
--صرت ابجي مثل الطفل --فواز كسرت ظهري ليش مو انا
اخييك ليش عفتني منو بقالي
اجاني فارس ورحمن واخو سهير وعمي صاحب وخالي جليل
وبهاء التمو ظلو يبجون صرنا نبجي
وانا اكله ::فواز احنا نبجي عليك وانت ساكت اكعد يخوي
صنف علينه واضحك
بعدين بالف يا ويلاه قررنا نرجع قبل لا اصعد اخذت نزلة
العرس مالته وخليتها فوك القبر وثكلتها بتراب
اجه فارس وجاب طابوك ثكل بي النزله وحجيت
::اتغطى بعد اخووك اتغطى بنزلة عرسك الما تهنيت بي
لانخاف خويه ودعتك بالله ومحمد وعلي
وهاي يمك ابوي وامي سلملي عليهم وعينك علي فواز لا
تعوفني انت الدللتني وانوب كسرتني
عينك علي ياخوي
دنگت ع التراب وبسته وشاورته :: فواز گلي شلون الحمل
ثگييل
رفعت ايدي للسما وانا اصيح ::ساعدني يا الله ساعدني ياربي
رجعنا وانا انحب حييل واكله
خاب ابو الفوز شلوون ادبرها مو تدري بيه شاد حيلي بيك
ارجعلي خويه ما ريد منك شي بس كاعد كبالي
رحمن ينعى يبجي الصخر ويكول
فواز يابو ضحكة الحلوه وهواي كلام اوانا وفارس وعمي
صاحب نبجي وصلو يم مطعم بالطريق السريع
ونزلو كالو بس نغسل ونشرب جاي نزلو بس انا ورحمن بقينا
بالسياره وراح فارس غاب شويه واجه العامل
مال المطعم جايب ريوك وجاي انا حتى الماي ما خليته بحلكي
لان شفت فواز شلون لزم ايدي ودموعه
على خده وريكه يابس وانوب يوصيني برضوى رضوى
الفركتني من اخوي هو يوصيني بيها ويكلي اتزوجها
لو بيدي اعدمها
اجه عمي وخالي وحاولو وياي بوكتها جنت بغير عالم اخوي
اووصيته وهاي النسوان وشغلاتهن
وظليت محتار
وصلنه وره الظهر وتلكونه اولاد عمي وعمي طاهر واولاد خوالي
وخوالي اثنين الكبار وصارو يحضنون بيه
ويبچون وصلت للمضيف
ما اتحملت صرخت اوكعت ما فكيت عيوني الا وانا بالديوانيه
وبايدي كانونه واجت خالتي ربيعه شافتني
كامت تبجي وتلطم على فواز وتكلي
خاله انت عمود البيت لا تضيع اسم ابوك انت حملك ثكيل
يمه
انا صرت ابجي واجن اخواتي وصارن يبجن ويضربن على
وجهن زينب اختي كالت
- - خويه سلام الله يساعدك دفنت اخيك عضيدك
غدير //خويه فواز ابو ضحكة الحلوه هسه انت جوة التراب
شلون انطاك گلبك تعوفنه
زينب كالت //كله من هاي الحيه رضوى راوته الويل بس خلي
تخلص الفاتحه انا الها
غدير //اي حقيره ما شاف وياها يوم حلو لا وتمثل عود وكعت
وخلت علي نزلة العرس مالته
الجلبه حرمته ما اتهنى ضحكت علي وخلته يعوف عطاء
خالتي //بسجن مو وكتها
غدير بعصبيه // لا وكتها ونص بس خلي تخلص الفاتحه
ويصير خير
انا انتبهت الكلام غدير باوعت الهن وحجيت بتعب وبحده
//ولا وحده تفك حلكها لو بكلمه لا هسه ولا بعدين
زينب وهي تبجي //هاا سلام تزمخ علينه على مود بت الكلب
كول بعد لا تجن احرمنا من دخلة بيت ابونا
خالتي ربيعه //زينب غدير كومن كومن خاله هواي نسوان
ويسالن عليجن
وطلعتهن خالتي الي رجعت وكالت //يمه سلام ما لك غرض
بكل الحجي الي تسمعه يمه
تره حملك ثكيل واخووك راح من فگرك والمصيبه چبيره
انا رفعت راسي وباوعت الخالتي وجانت عيوني مليانه دموع
وصارت خالتي تنعى بصوت حزين ودخلت صبيحه
جايبه كوثر وكلتلها
- - طيحي على رجلج وبوسي ايده وراسه
هي كوثر راسا حضنتني وصارت تبحي وتبوس بيه وصبيحه
تبجي وتكول
عمت عيني يمه سلام فوك المصيبه لومة الناس😈😈😈
خالتي باوعت الها // يالومه هاي ام صلاح
- - حقج ام بهاء انتم خوال الضيم علينه اهل البت ما ناوين
ويانه على خير وحگهم
انا ولا تحركت
خالتي باوعت لي ولزمتني من ايدي // يالله يمه روح الزلم
يردوك
وكفت وانا تعبان وكوه امشي من التعب والقهر

#يتبع

١٣__١٤

بارت 13
/////////////////////////////
سلام
خلصت تلث تيام الفاتحه جانت ضخمه وثكيله بحكم معارف
فواز ومعارفي وعرف عمامي وخوالي لكن
فواز اجت علي هوايه ناس مبين جان يتعامل وياهم انا اعرف
انو فواز چان عنده شغله الي ابحده
لكن الناس الي شفتها ناس الها وزنها بالعمل ومعروفه ورغم
ثگل الفاتحه چانت الغصه والسؤال الي
بعيون العالم
منو هاي الي جانت ويا يوم الحادث واتوفت بنفس اللحظه ؟
اي شي ما نعرف عنها والناس تدري هو متزوج بوكتها عمي
طاهر اضطر يگول خطيبته
وچانت ضربة حظ يعني كلمه وگالها حتى ايبرد الموقف ولو
طالعه متزوجه او مخطوبه او منهزمه من اهلها
يمكن صار غير كلام وغير تصرف
بعد يوم الثالث كعدنا بالديوانيه وصارت الناس تجي علينه
واحيانا نفتح الصاله الخارجيه يعني نكوم النسوان
يرحن للصاله الثانيه صارو اولاد عم ابوي وناس من عشيرتنا
وشيخ العشيره يجون لان لازم نلكى حل
لان ما نعرف شلي راح يصير چنت مهموم وانا اتذكر فواز
بالمستشفى اجاني عمي طاهر وشاورني
- - گوم سلام الشيخ يريد يحچي وياك ابيناتنا
باوعتله وكفت ورحت انا ويا للصاله واجه ويانه عمي صاحب
سلمت وگعدنا وسالني الشيخ
- - عمي سلام شتعرف عن البنيه الي جانت ويه اخوك
باوعت بحزن :: والله شيخنا كل شي ما اعرف
- - ها يعني اخوك ما حاجيلك
::لا والله الي اعرفه انو راح الاربيل بشغل هو كل مره يروح تلث
او اربع تيام هالمره بقى تسع تيام
- - ها وما خابرك ما فهمت منه شي
::لا شيخنا بس مره يمكن وره اربع تيام خابرني وگلي حول
فلوس وفعلا حولت ها واتذكرت
- - شنو عمي
::من اجه ابو المكتب مر علي ياخذ الفلوس كلي انو شايفه
يعني هو كلنه مسافر بس باقي اهنا
- - وانت ما تدري ؟
هزيت راسي :: لا والله ابو كاظم ولا عندي علم حتى انا
اتصلت برحمن كلي اي هو خلا السياره وسافر وره
اربع تيام من كلي مسافر
الشيخ/:زين ومن رجع
:: هم ما ادري بس لمن خابروني بالمستشفى ورحت شفت
جثة البنيه
الشيخ جر حسره /:اي عمي انا سالت عليهم خوش ناس وبت
عائله وبعدهي بت بيت المشكله ما ندري شنو
وضعها ويا (الشيخ نكت ملابسه قريب صدره ) استغفر الله
ظلمه ودليلها الله
طاهر //مبين شيخنا مصاحبها
- - شنو هاي ابو صلاح عود انت الزين الله يستر على بناتنا
طاهر //يعني واحد جاي من اربيل ما يجي البيته يطلع ويه
وحده شنو غير صاحبته
الشيخ//ياخي تسكت خلف الله عليك اتلافيت الموقف
بالمستشفى وكلت الشيخهم واخوها بتكم جانت مخطوبه
الابنه
ولاتنسى اذا البنيه ما متوفيه وفواز متوفي غصبن على سلام
ياخذها لو يكتلوها
وتعال شيل واكتل وافصل
باوعلي الشيخ وكلي //عمي هسه اريد احد يسالي مرته شنو
شكايللها شحاجاها لازم مسولف عليها
طاهر // شمسولف ايگللها مصاحب عليچ مره
صاحب وگف // هسه رايح اسالها
رديت ::لا عمي انت استريح (وگفت )انا اودي على عمتي
وتستفسر منها
ودخلت للبيت شفت هواي نسوان كاعدات بالصاله سلمت
:... السلام عليكم
الكل رد اشرت العمتي عليه الي اجت وراي ودخلت الغرفتي
لحگتنا كوثر كتلها :: اطلعي عدي شغله ويه عمتي
هي طلعت وبوجها الف سؤال عمتي عليه اتقربت مني
وباستني وكلتلي
- - البقيه بحياتك ( وصارت تبجي )
انى جاوبتها بعبره. :: عمه بعد ما يفيد راح اخوي وبعد ما يرجع
عمتي // الله يصبرك يمه ويصبرنا
جريت نفس :: عمه اريد ترحين تسالين بتج فواز بسفرته
شنو كللها شراد منها بينج وبينها انتي وهي ما اريد اي احد
يدري وانا اهنا منتظرج
وراحت عمتي بقيت منتظرها دخلت كوثر سالتني بهدوء //
خير شردت من عليه
جاوبتها ابرود :: شغله تخص فواز
بقت كوثر واكفه منتچيه على ميز تواليت واجت عمتي بقت
واگفه انا باوعت الكوثر
:: كوثر اطلعي شويه
اشوف كوثر متوتره وتريد تنفجر طلعت وسدت الباب بقوه
وعمتي انطتني نقال وگالت
- - عمه تكول هو اول يومين كتب المسج كال انطي السلام
الفلوس الي انطتك اياهن وانوب قبل الحادث
بساعتين كتب هذا المسج
انا اخذت التلفون وشفت انو هو متصل عليها وهي ما ترد
واخر شي كاتبلها
رضوى حضريلي 150 مليون من القاصه وانطيهن الرحمن
هسه يجي عليهن
عمتي واكفه كتلها روحي اساليها //رحمن اجه واخذ الفلوس
واعرفي منها شنو قضية البنيه الي جانت ويا بالسياره
وراحت عمتي جان النقال بيدي فتحته شفت فواز طيلة
سفرته ما مخابرها بس متصل مرتين وهي ما شايلته لمن
على تحويل الفلوس وقبل وفاته
وشفت مراسلات ويه اختها رقيه بيوم الي كتلتها كوثر وامها
وسهير

=رقيه جا موتني لو ما اجه سلام باللحظه الاخيره مو تكلين
الامي ما عايزه ضيم
رقيه //وهسه شناويه تسوين
رضوى =يجي فواز لو انا وهو نطلع لو سلام ياخذ كوثر ويطلع
بعد ما ترهم اعيش وياهم ابيت واحد كوه متحمله
رقيه //ادري بيج رضوى بس شتسوين فواز اخو السلام يعني
انسي افتهمتي
رضوى =هو انا وكفت كدام صبيحه وبتها وس

لام جان موجود
وكلت لو يبقى بس سلام ما اخذه حتى لو فواز طلكني
رقيه //ليش رضوى ليش هيج حجيتي
رضوى =لان مو بس فواز ظلمني سلام ظليمته اكبر سلام
مربيني ويعرف اخلاقي يعرفني كلش زين ليش ما
سمعني ما انطاني فرصه ليش قدمني للموت بيده
رقيه //وج رضوى اي واحد بمكان فواز جا سووا اكثر لا تنسين
خطه محبوكه
رضوى =اي وطلعت براسي
رقيه //ادري بيج هسه انتي تبجيين وعيونج راح تعمى بس
لازم تنسين وتتعايشين ويه واقعج
رضوى =رقيه ما اكدر انسى شنسى وشنسى بس اناشويه
فرحت
رقيه //اي فرحينه وياج
رضوى =سلام كل الصبيحه انو هو ما يريد كوثر وراح يطلكها
بس صبيحه الجلبه كلتله اكول
لكيته ويه مرت اخو
رقيه //هاي صبيحه شكد جلبه الله ياخذها
رضوى =هو يعرف بخباثتها هي وبتها عاد دز على خالته ام بهاء
وخابرها وهي يمي گلها انو بس يجي فواز
ياخذ حصته ويطلك كوثر ويهاجر وج رقيه سلام يريد يهاجر
رقيه //لا تنسين انتي متزوجه وحرام تفكرين باحد غير زوجج
قطعت علي تكملة المحادثه عمتي اجت وكالت
- - يمه تكول اختك لا بعدهن موجودات هي حضرتهن وما اجه
عليهن رحمن حتى توها تذكرت وطلعتهن من
الكنتور لان ضمتهن بالخانه ومن صارت الفاتحه نستهن هسه
اتذكرتهن
- - هاا زين عمه هاج النقال
عمتي /:يمه سلام رضوى تكول خلي يحلوها من يم اهل البنيه
شني ذنبها العالم تتدهور ويصير كاتل ومكتول
راحو وماتو ومات السر وياهم فواز عده فلوس خلي يفصلون
الناس شكد ما يردون
انا بحسره ::يصير خير عمه يصير خير ( واتقربت من عمتي )
عمه فهمي بتج اي كلمه تخص فواز
ممنوع تحجي اي احد يسالها ابد تكول ما اعرف اي شي
عمتي /:وهي صدك يمه بكل شي ما تدري
وطلعت عمتي وانا بقيت اتصلت برحمن وكتله
الو رحمن
رحمن /:هلا عمي هلا بيك
::هلا بيك اكلك رحمن شنو قضية الميه وخمسين مليون الي
دزك عليهن فواز
رحمن/:هاا يا ميه وخمسين
::شنو رحمن تضم علي ناسي انا هسه مسؤول على كل شي
رحمن/:لا والله عمي بس انا الله شاهد ماماخذهن
::ادري بيك ما اخذتهن بس فهمني المن رادهن
رحمن/:شوف عمي فواز الله يرحمه قبل لا يسافر الاربيل كلي
شوفلي بيت مبني ونظيف
ومو كلش جبير انا هم شفت البيت ودليته على صاحبه واخذ
رقم تلفونه من اجه اخذ السياره
كلي تروح للبيت تاخذ الفلوس من مرتي وتنطيهن لابو البيت
وانا اجي وراك اتكاتب بس صار
الحادث وما لحكنه
::خوش عمي اسمعني هذا الحجي يبقى ابيناتنا ما اريد اي
واحد يسمعه ابيناتنا عمي
رحمن/:صار تامر بشي ثاني
::لا تسلم وكل للعمال راتبهم جاري لا يهمون بشي
رحمن /:طال عمرك
::هاها عمي قبل لا انسى تعرفه ابو البيت الي راد فواز يشتري
رحمن/:اي عمي اعرفه واندل مكانه
::زين اخاف احتاج امرله
رحمن/:مي خالف يمته ما تريد كلي وامشي ادليك
::تماام الله وياك
رحمن/:سالم عمي

حسيت برحمن حصرته البجيه وانا رحت للشيخ وكتله انو مرته
ما عدها علم بكل شي ولا تعرف
منو هاي البنيه
بس ما جبت طاري البيت الي فواز مشتري
الشيخ // بس السالفه چبيره وما ندري الناس شناويه
:: شقصدك شيخنا
قصدي مرته شتكول تره الناس تعبانه
جريت نفس :: عمي مرته تكول حلوها وشگد ما يردون انطو
عمي طاهر //جا هي خسرانه من جيبها يطيح على ولد الخايبه
انا باوعت العمامي وكلت ::عمي مرته قصدها تكول اتكفو
الشر وهو عنده فلوس ودفعو فصل من فلوسه
من سمعو هيج الكل سكت وصارت السابعه وسوينا مثوبه
كلش جبيره وجبنه قارئ والنسوان همه
قرت الهن ملايه بعدين راحو الناس وبقينا بس احنا كاعدين
نتباصر ويه الشيخ شنسوي باجر
لمن ما اجه بهاء وشاورني
بهاء/:سلام امي تكول خلي يجي بسرعه
باوعتله ::ليش شصاير
بهاء /؛ما ادري هي خابرتني ومبين عليها عصبيه
انا رحت لكيت خالتي ربيعه منتظرتني بالطارمه
::ها خاله شكو
خالتي بخوف /:يمه سلام هذني اخواتك زينب وغدير هدن
على رضوى يكللها اطلعي من غرفة
اخونا وانطينا المفاتيح مال الغرفه وصارن يغلطن وكله من
جوه راس صبيحه تحجي باذنهن
انا بعصبيه ::يمته هذا الشي صار
خالتي/:هسه ويه ما راحت النسوان وسلمن علينه بقينا فد
احنه وهنه عبالك مصبرات يردن بس يسمعن
لو كلمه
:: هو احنه بياحال وهذني شيردن
ما ادري خاله ما تسمع
دخلت للصاله شفت صبيحه وبناتها وسهير واكفات
ويتبسبسن واسمع زينب وغدير
يحجن بصوت عالي وباب الغرفه مفتوح وعمتي تجاوبهن
زينب //عمه شنو هاي بتج ما تسمع يالله خليها تطلع كافي
اخونا ومات شنو مطلوبين بطلابه يالله بره
عمتي //زينب عيب هذا الحجي هاي غرفتها
غدير //لا مو غرفتها وما الها شبر بهذا البيت انتي مو تنازلتي
عن حصتج الابوي على مود
تتزوجين وحصة رقيه اخذتها وحصتها تاكل وتشرب وتدرس
وتلبس وانوب لفت على فواز وضحكت علي
واخذته وضيعته بعد ما الها اي شي
عمتي //والله ياغدير هذا مو كلامجن شوف منو قاري باذانجن
جا استحيتن اخوجن الليله السابعه
مالته وانتن تدورن غرفه ومفاتيح
زينب تحجي وتزمخ //هذا الموجود حتى بالغرفه الفوك ما
تبقى
عمتي //والله بتي ما تطلع من هذا البيت وشعدجن سوون

تره رضوى محترمه عدتها وما تحجي
ولا تجاوب على اي اساس تطلع
زينب باستهزاء // هههي اي مبين محترمه عدتها على مود
بس تخلص تلوف على واحد وتاخذه هي الها بالساس
عمتي /:وبعد شعدجن لاتضمنا بكلبجن طلعنا وبتي هم ما
تطلع
زينب /:لا تطلع ماكو نطلعها بالدفرات وعينج تشوف اخونا
ومات تره كوة جنا لازمات نفسنا بالفاتحه
غدير //تطلع ما تبقى لو نخلي الما يشتري يتفرج عليها
هالحقيره ضحكت على فواز وعافت سلام
لان درت فواز عده فلوس اكثر من سلام
عمتي //ولجن جا استحيتن انا عمتجن وتكولن تخلن الما
يشتري يتفرج على بتي
زينب //ومو بس عليها وعليج همه بعدين تعاي اكلج انتي
شعدج باقيه فاتحه وخلصت ياالله الله وياج بيت ابونا
واخونا بكيفنا نخلي الي نريده ونطرد الما يعجبنا يالله رحم الله
من زار وخفف
يالله انتي وبتج طلعن بكرامتجن لا هسه تشو...

انا من سمعت هيح صحت بصوت عالي وعصبيه
::زينب غدير تعالن
الكل نز من مكانه وباوعلي وهنه طلعن جان وجهن يطي الوان
كلتلي زينب /:ها خويه سلام اامر
كتلهن بعصبيه ::وين عبيجن مالت الراس
زينب بخوف وتباوع للقنفه //هذن سلام ليش
رحت اخذت عبيهن ولبستهن وكتلهن وادفع بيهن :: بره
والتوصل اهنا اكطعها تكطع وادفنها بصف فواز
غدير بارتباك //سلام شنو هالحجي نريد نحفظ حقنا
لزمتها من ايدها ::ياحق ام حق ولج ادب سزز انتن شني الجن
من حق وتحجن هسه بسرعه تطلعن
ما اريد اشوف جهرتجن لا بالعظيم اسوي شي محد مسوي
زينب //سلام احنا كاعدات ابيت ابونا مو بيتك من نجي
البيتك اطردنا
انا بعصبيه ::لا غلطانات انتن اخذتن حصتجن من بيت ابوجن
واشتراها فواز وبقت حصتي ويا واكللجن
بعد يحرم عليجن تدخلن هذا البيت ما اريد اشوفجن اهنا بس
اشوفجن صدكن
ايتم جهالجن اموتجن حقيرات طايحات الحظ
سمعت عمتي عليه تكلي //لا يمه سلام اخواتك يفيدنك
درت عليها وانا اهز بايدي ::عمه شيفيدن ما تكليلي هو الليله
سابعة فواز فواز النايم ع التراب الوحده
(صارت عمتي وخالتي يبجن )
وهنه يردن الغرفه والمفاتيح بعد كافي كلمن يلزم حده وخلي
الحجى براسهن يفيدهن
وهسه ياالله كلمن البيتها اطلعن ما اشوفجن مو بس فواز
مات حتى انتن
عمتي //مي خالف عمه خليهن ما يفتهمن عوفهن
انا بنتر ::شوفي عمه ورووح فواز ما يبقن الليله اهنا كلمه
وكلتها لا اقترف جريمه ويصيرون
ولد صبار واحد بالنجف والثاني بالسجن هسه يطلعن تره
المسدس بالغرفه
ام بهاء/:سلام يمه صل على محمد على كيفك يمه
انا بعصبيه ::خاله مصلي بس ما يبقن اتكفن شري وخلي
يطلعن ما اريد اشوفهن
وصلت خالتي ربيعه وكلتلهن // هسه ارتاحيتن ما عدچن
احترام لا الزغير ولا الچبير
زينب وغدير طلعن وهنه يبجن وصارن يحجن علي ويدعن
على رضوى
ظليت انفخ وحسيت اختنكت كعدت ع القنفه شافتني خالتي
صاحت
ربيعه /:يمه سلام اسم الله عليك وج كوثر جيبي ماي
انا صار كلبي يدك حيل وعركت بس ودي اكسر كل شي
كدامي جابت كوثر الماي انطتني ايا خالتي اخذته
وصارت تقرا اية الكرسي والمعوذتين وشربتني شويه والباقي
ذبته على كلبي وظلت تفرك بصدري هدات شويه
لمن رن تلفوني شفته رجل زينب جاوبته
::الو
- - الو سلام شبيهن البنات يبجن وعلى اساس يباتن وهنه
ودن علينه يكولن نريد نروح
انا جاوبت بتعب ::اي انا طردتهن
ناصر/:ها وليش
::اكلك ناصر زينب وغدير مو اخذن حصتهن من الورث
ناصر/:اي اخذنهن بس ليش هالسؤال
::من اخذن حقهن احنا انا او المرحوم اكلنه عليهن فلس احمر
ناصر/:لا الشهاده لله انطاهن المرحوم زايد مو ناقص
::بعد باي حق يتهجمن عل مرت فواز ويطردنها من بيتها والله
لو ما جانن متزوجات جا وذرتهن
اووذرت كلمن قرت براسهن فاحسن الك ضب مرتك وكل
الاخوك هم يضب مرته واي حجايه
بحق مرت فواز راح يصير شي مو زين
ناصر/:سلام حقك عليه وانا زينب اعلمها وغدير الها رجل الي
يوكفها عد حدها احسبها علي سلام
انا شويه هدات ::هاي هي ناصر بس رجاءا ما اشوفهن بعد
لان البيت بالحقيقه بيت المرحوم اي
احد ما اله بي
تستمر القصة أدناه

اجت خالتي يمي وصبيحه وسهير صافنات خالتي كالت
خالتي/:يمه سلام على كيفك ويه روحك
دنكت وخليت اديه على راسي ::يا على كيفي ما ندري باجر
شيصير ما يصير ما ادري نتكتل ما ادري نتجهول
والحبايب يبسطن ويحجن وذاك بيت ابوجن وطلعن منه
مرت فواز وهنه الغبيات مصدكات ما ادري والله
واحد شايل لحيته والثاني ممتحن بيها
ام بهاء/ الله كريم ان شالله تنحل
::ان شالله خاله بس كون الحبايب يلزمن لسنتهن
لزمت ايد خالتي وصحت على عمتي عليه ورقيه هنه اجن
وحجيت بصوت عالي رغم تعبان وكلبي يدك
::اسمعني انتن التلاثه تقسمن الايام شوفن كل وحده شكد
تريد بالاسبوع تجي اهنا
لا تعوفن مرت فواز ابحدها
اشرت على خالتي ربيعه وكلت ::انتي خالة فواز مثل ابنج
وانتي عمه مرته بتج ورقيه هي اختج لازم تتحملن
على ما تكمل عده على خير انا ما راح اجي لهنا حدي للديوانيه
اتكمل العده ويصير خير
رقيه //خويه سلام رضوى تروح وياي تگعد بالطابق الثاني ويه
جهالي على ما تكمل عدتها

::هاي شنو منج ام احمد اكو وحده تعوف بيت رجلها وتروح
الغير بيت اذا عليه انا ما اوصل حدي للديوان البره
وصار الاتفاق كل وحده تلث تيام صبيحه من سمعت هيج
حجت
صبيحه/:يا عليمن تقسمن الايام شعليها شو هي رابيه بالبيت
شنو خاف يطلع الها بعبع
انا من سمعت ما جاوبتها هزيت ايدي وطلعت
ثاني يوم لازم نروح ع الناس وبدا عمي طاهر يدز ع الشيوخ
وعلى ناس اجاوويد وسوينه غدا وجانت الكعده
ورة صلاة المغرب وره الظهر شيخنا راح ورجع العصر صاحلي
وصاح العمي طاهر وعمي صاحب وكال النه
انو هو راح الاخوان البنيه واجتمع وياهم اخذ ويا سيد وصار
الاتفاق انو اخوانها ياخذون 75 مليون وبعدين راح
السيد على شيخهم واتفقوا العشيره تاخذ 25 مليون يعني
الفصل 100 ويكولون انو فواز اجه وخطبها وجانو
طالعين اتاجر بدله للمهر وعلى اساس اخوها يروح بس صار
عنده شغل ومن يسالون عمامها ليش ما ندري
اخوها يكول لان متزوج راد لمن ما يعقد ويتزوجون يالله
يحجي
عمي طاهر هو وصاحب تخبلو وكالو ما كو هيج شي لو صدك
فواز خاطبها وعاد عليها ما كلفته 15 مليون
الشيخ كلهم //اذا ما تقبلون لازم هسه تطلعون وراح يجون
يحركون بيوتكم ويجوز يكتلون سلام
لو اي واحد منكم وراح توكف اعمالكم ومو بس انتم العشيره
كلها او ولدها الناس طالعه روحهم
عمي طاهر //انت شتحجي واحنا منين نجيب هلكد فلوس
شنو كايلين البتهم تطلع اذا همه ما عرفوا يربونها
احنا شلنه غرض
الشيخ /:شوف ابو صلاح الناس فاير دمهم ويردولهم بس
حجايه يندعون ابنكم خاطف بتهم
طاهر /:ها انوب خاطفها
الشيخ /:اي خاطفها ويمشي سريع وانكلب انا هذا العندي
عمي سلام انت شتكول
انا طلعت وصحت على خالتي ام بهاء وكتلها
::صيحي عمتي عليه وعمتي قسيمه ورقيه خلي يجن الشيخ
يريدهن
شويه واجن سلمن الشيخ باوعلي وعمامي ظلو صافنين
سالني
الشيخ //شكو سلام صحت للنسوان

::شيخنا هاي خالتي ام بهاء وهاي عمتي ام مرت فواز وهاي
عمتي الثانيه وهاي اخت مرت فواز
انت احجي كل السمعته من اهل البنيه على مود يرحن يكللها
بدون لا زياده ولا نقصان
يجوز مرت المرحوم تعرف شي يفيدنا الها راي ها واسمعوني
كلكلم
:: لو ادري ابيع هدومي افصل ما اريد الناس تتجهول كلها
العالم عدهم عوايل وهمه ما الهم بالصار
لا نا قه ولا جمل انا افصل لو ادري اكعد بالشارع ما اريد فواز
يشبع مسبه وهو بالكبر وانت
شيخنا طمن الناس الله ينطيهم وكفو ويانه ما قصرو
الشيخ/:تسلم يا ابني والله انت واخوك سباع لان ابوكم الله
يرحمه سبع وفواز مع الاسف كلنا خسرنا
طاهر //اي شيخنا وكلهن شكد يردون خلي تطلع من فلوسه
مو هو يتمعشك والناس تنهجم بيوتها
انا خزرت عمي وصار الشيخ يحجي كل الي سمعه وهنه راحن
نص ساعه واجت خالتي ام بهاء ورقيه وعليه
- - سلام تعال يمه رايدتك
انا رحت ::ها خاله خيير
- - كل الخيير رضوى من سمعت الحجي وسمعت كلام عمك
كالت
=العشيره هي التشيل الفصل شنو فواز مو النهار كله يركض
لعشيره ويدفع ويوكف وياهم قابل هو وحد
بس من عرفت شنو انت حاجي وانا كتلها اهل البنيه يجوز
يهجمون واحتمال يكتلون سلام طلعت الفلوس
وكالت انطيهن السلام وخلي يتصرف ويفض السالفه
انا من سمعت كلام خالتي كتلها ::خاله اخذيهن وياج للبيت
وروحي وانا اجي اخذهن ما امن اهنا يبقن
وفعلا خالتي خابرت على بهاءءالي اجه وراحت وانا رحت
للشيخ كتله شيخنا الفلوس حاضرات
كلي باليل من تروح اخذ بس ال 25 وياك ذنيج بعدين ننطيهن
عمي طاهر // هاا طلعت الفلوس وانطتهن ما سوت مشاكل
لو فاكه حلكها بكلمه
بلكي ما تقبل على مود افوت اموتها باديه
صاحب //شحدها ما تقبل غصبن عليهاحلال وتعب ابن اخونا
ومرده النه
الشيخ باوع بتك عين وهز راسه // لا صاحب تعب ابن اخوكم
الاولى بي من ناحية القرابه اخو اما من ناحية
الشرع مرته وخلف الله عليها طلعت الفلوس وما صارت
اتجرجر لو وحده غيرها چان كالت منيلي ومنين اجيب
وخلي العشيره تشيل الفصل
طاهر // اي مو جايبتهن من ورث ابوها كله تعب ابن اخوي
الشيخ // بس تبقى اذا ما تريد تنطيهن بكيفها
بالليل رحنا على اهل البنيه بعد ما اتصل الشيخ باخوتها جانو
تلاثه واتفق وياهم وحضر
شيوخ وناس ورحنا وتم الفصل كدام العالم ب25 مليون وانها
خطيبته واخوتها يدرون بس هو رادها بسكته لان
متزوج واهله ما يقبلون كال اكمل الزواج واعلنه بس القدر ما
مهلهم
عمها كال/: احنا هذا الي نعرفه لكن اذا فد يوم طلع غير هذا
الحجي تفصلون اربع اضعاف
وتشيلون من البصره كلها او دم كل العشيره مهدور
بعدين شدو الرايه ورجعنا من وصلنه خابرني الشيخ وكلي
- - جيب باقي الفلوس وتعال البيتي انا رحت واخذت الفلوس
واصرت خالتي ربيعه هي وبهاء اله يجون وياي حتى لو يبقون
بالشارع واجو اخوتها
واخذو القلوس شيخنا راح هو والسيد ما قبل ادخل للديوان
بقيت بالهول كال لان الوضع
محتقن وبقيت وانا اسمع واحد من اخوتها يكول

- - قبلنا بالجذبه على موود ما نفضح نفسنا وما نظل عار
&ولا ندمر عوايل ونكتل ناس ماالهم يد بكل هاي
&الشغله اتمنى يكون فواز او حتى

هي عدلين جا علكتهم
بالشارع
الشيخ هدا الامر //عمي ماتو واخذو سرهم وياهم واختك انت
الي شفت اكثر من طبيب شافها
واكد عل انها بنيه ومحد لامسها ياابني سكتو واتقبلو الوضع
الله ستار ويحب الساترين
وراحو اخوان البنيه وانا رجعت ويه خالتي وبهاء بعد ان
تشكرت من الشيخ وخالتي ما قبلت ارووح للبيت
كالت امشي بات ويانه انا قبلت لان احس من اروح للبيت
اختنك وبتت ابيت خالتي بالديوانيه وهي اجت باتت
يمي وظلت تسولف علي وتكلي
- - خاله انت لازم منا وهيج تطلع تشوف شغلك وشغل اخوك
انت بركبتك عايله خطيه والعمال شنو ذنبهم
هم اصحاب عوايل
::ادري خاله ان شالله خلي تعبر هاي الفتره واشوف
ربيعه/:شتشوف بعد خالتك شتشوف اخوك اتوفى الله
يرحمه وانت صرت مسؤول ومنا وهيج شد
راسك من صبيحه وبتها
انا بنتر::يولن ولا اعرفهن وين صايرات
ربيعه/:خاله سلام انا الي اعرف صبيحه دير بالك لاتاكل ولا
تشرب منهن والله يسولك سحر ويخلنك
دايخ وما تندل دربك
ابتسمت على كلامها وهي هزت راسها
ربيعه/:اي يمه وما يراد اكلك الحي ابقى من الميت ورضوى
صدك مرت اخوك بس هو راح للرحمه
يعني ما بيها شي اذا تاخذها
انا كعدت على حيلي وجاوبتها باستغراب ::خاله شتحجين انا
اخذ رضوى لو تبقى اخر مره
ربيعه/:على كيفك يمه ولا تستعجل بس انت اهم شي لاتبين
انت مهتم بيها كدام صبيحه وسهير
انا باستغراب ::خاله شمهتم اخواتي اعتدن عليها وما خلن
حرمه الاخوي وانا طردتهن
ربيعه/:صحيح بس الي ما تعرفه يمه تره صبيحه هي الي قرت
براس اخواتك وخلتهن يرحن
يهدن عل رضوى وعمتك
::ادري خاله
ربيعه /:هاا زين من تدري علمود هيج يمه حاول من يرحن
للدوام تطلع كبلهن ولاتجي للبيت تره صبيحه
كل شي تسوي وما عدها مانع تذب جذبه وتخلي عمام رضوى
يكتلوها ابني دير بالك
بقينا نسولف انا وخالتي بعدين نامت خالتي وانا بقيت صاحي
ما نمت افكر بكلام خالتي
::شنو انا اخذ مرت فواز ما ترهم ومنو رضوى الي خانتني اي
ليش لا على مود انتقم منها وفواز
الي لزم ايدي ويكلي اتزوجها هي شريفه وبريئه هههي شريفه
وانا شفتكم بالغرفه وع الجربايه
اتزوجها لو تبقى بس هي ما اتزوجها
دخنت جگاره وكلام فواز يرن باذني وحتى كلام خالتي هزيت
راسي :: ايي اتزوجها واعذبها بكد ما عذبتني
:: لا لا سلام شنو هالحجي استحي من الله اخوك امس مات
وانت هيج تفكر شبي
:: شنو نسيت فواز اخوك الي راح محروم نسيت شكد دللك
وهسه تفكر تاخذ مرته
صرت ابجي بسكته على فواز ما ادري على روحي واتكلب على
فراشي على ما نمت الصبح كعدت وخالتي
جابت الريوك وكعدنا انا وياها وبهاء واتريكنه بصراحه انا بحاجه
الهيج جو اتذكر امي وفواز من جانت تريكنا
واحنا نريد نروح للمدرسه وشلون فواز جان ما يقبل يتريك اله
تجي عطاء ورضوى ااخ يافواز ليش اتغيرت
على عطاء الي تحبك وكسرت خاطرها مو جنت تكلي هي
الهوى الي تتنفسه ليش عفتهاضيعتهاوضيعتني

انا صافن وخالتي حاجتني //بالله شلون سلام تمووت روحك
خاله وليدي استهدى بالرحمن
لان خالتي شافت دموع نزلن عل خدي بدون ما احس اتريگت
وبقيت گاعد انا وبهاء نسولف بالي صار
الضحى رحنا انا وخالتي البيتنا انا بالديوانيه وخالتي راحت جوه
اجت كوثر كعدت بدون ما تسلم حاچتني
كوثر/:شنو سلام الى متى هيج مو كافي عقاب
انا سكتت ما جاوبتها هي ججت
كوثر/:يعني لا تحجي وياي لا تجي تنام بغرفتك زين مو انت
تخاف من الله وين حقوقي عليك
انا باوعت الها وكتلها ::اطلعي منا لا تجي زلم
كوثر/:سلام شو ما رديت عليه
::اكلج شتردين
هي اتدنت عليه وحضنتني وهي تكلي//سلام اريدك اريدك
انت وبس
هزيت راسي :: لا كوثر احنا طريقنا مسدود ولا تصدكين
نرجع
هي من سمعت هيج عبالك لدغتها حيه صارت تحجي وتصرخ
//
اي طبعا طريقنا مسدوود ليش لا فواز مات ورضوى كاعده
مكابلتك ليش لا خلالك الجو
انا راسا لزمتها من ركبتها وصكيت سنوني ::احترمي نفسج
حقيره واحجي عدل
كوثر /:انوب انا احترم نفسي ما تحاجي روحك ولا جن اخووك
امس مات تفكر شلون تاخذ مرته
انا عضيت شفتي ولزمتها من شعرها ودفعتها بره الديوانيه
ايا بت الكلب اطلعي لا اقترف جريمه اطلعي ما اريد اشوفج
واخذت السويج والموبايل وطلعت رحت للسوك اخذت
ملابس اليه قمصان وبنطرونات وتراكات لونهن اسود
وملابس داخليه ومناشف ورحت للمحل لكيته معزل فتحته
ودخلت وسديته علي من داخل
وقررت ابقى بالمحل لان ما اطيق ارجع للبيت او الصحيح ما
اريد اشوف كوثر وامها ولا احب اسمع باسم
رضوى خابرت عمي صاحب وفهمته هو ما قبل كتله احسن
على مود مرت فواز هم من حقها تتحرك بالبيت
وانت خالها محرم عليها
سديت التلفون وظلبت متمدد ع القنفه لمن ما رن التلفون
باوعت شفته فارس ما جاوبت بعدين رن مره ثانيه وثالثه
انوب اجاني مسج
- - ادري بيك ما تريد تحاجيني بس هالمره مضطر لان لازم
نصفي امر الشقه لو انت تاخذها وتدفع لي فلوسها
لو انا اخذها وادفعلك فلوسها لازم نصفيها مثل ما صفينه
صداقتنه
رن التلفون شفته فارس انا فتحت ويا خط هو بدون ما يسلم
كلي /

/انت وين
- - بالمحل مالتي
فارس/:ربع ساعه وجايلك
وسدا حتى ما سلم علي مع العلم فارس بس سمع اجه
للمستشفى وشك قميصه على فواز وغسله وياي وهو
يصرخ علي وراح للمكبره ولقنه وطيلة ايام الفاتحه وبعدها
واكف على رجلي يستقبل الناس ربع ساعه ورمش
عليه وانا فتحت اله الباب الداخلي شفته لابس قميص
وبنطلون لونهم اسود
هو ابرود //السلام عليكم
انا بدون نفس ::عليكم السلام
فارس //سلام انا جاي احجي وياك
::وانا اسمع
فارس /:ولو عدي عتاب عليك ومو وكته
::عتاب شنو انت مو جاي على مود الشقه انصفيها
فارس/:اي نعم بس بالبدايه لازم تفهم
::فارس انا ما اريد افهم هذا شي يخصك بس انا ما اقبل
صاحبي يطلع خاين
فارس/:هاا سلام انا هسه خاين شوف ما اريد ابرر بس لازم
تعرف الحقيقه يااستاذ سلام وانت لازم تسمعني
::وانا ما اريد اسمعك ولا يهمني اسمع تبريراتك لان الي صار
شي ما يهمني
فارس غوركن عيونه وگلي //واذا اگلك بروح فواز اسمعني
باوعتله واتحسرت ودنگت
فارس //انا حبيت ابنيه من تخرحت هي جانت مرحله اولى
وهي حبتني وانت تدري وتسالني دووم عنها وانا
اسكت ما اجاوبك لو اغير الموضوع تتذكر مو المهم اتفقنا ع
الزواج لكن بين يوم وليله
البنيه تبدلت اوضاعهااخابرها ما تشيل التلفون انتظرها يم
باب الكليه ما تطلع ما افتهمت القصه خليتها كلت
لازم صاير شي لمن ما بيوم قررت اشوفها واسالها ليش هيج
اتبدلت وفعلا رحت الها للكليه
واتفاجئت بيها كاعده ويه عمي رعد من شافوني هي بقت
كاعده بكل صلافه وتباوعلي عرفت عمي ما يعرف
بعلاقتي بيها وعرفني على انها هاي البنيه الي يسولفلي عليها
ويريد يخطبها جنت اشوف الفرحه بعيون عمي
عمي الي احسبه بمثابة اخوي الجبير احتاريت شگله سكتت
وانا احس بروحي مذبوح

هي جانت تضحك عليه وجانت مسويه علاقه ويانه اثنينه بس
هي اختارت عمي يجوز لان احلى مني او
عبالها اغنى مني لذلك ياصاحبي سكتت وضميت هذا الشي
على نفسي وعنك وبس فواز الله يرحمه چان يعرف
واتحملت بقيت بالطابق الثاني صارت تصعد وتعرض عليه
نفسها تتحارش بيه اضطريت اطلع من البيت واشترينا
الشقه ومن شفتهم اجوني انا ما قبلت ارجع بس المصيبه هي
بقت تتصل بيه واجت وكلتلي مجرد ما اولد اطلك
وانت تزوجني لان انا احبك ما احب عمك بس عمتني الفلوس
والجاه وهسه انت ما تقل عنه
سلام انت صحيح شفتنا انا وياها بغرفة النوم انت شفتنا
واكفين هي لابسه حجابها وانا ادفع بيها صحيح جنت احبها
بس ياسلام مجرد ما اختارت عمي انا نسيتها وصرت اشوفها
مرت عم وبس مو انا الاخون سلام اقسم بالله هذا الي
صار وروحه الفواز ولو اريد اخون ما اعوف بيتي واجي بشقه
وهسه ياصاحبي انت بكيفك انا حجيت كل شي
والله شاهد عليه انت ما تصدك وحقك بس هاك اقرا
مسجاتها وشوف ردي عليها واقرا حتى التاريخ
واخذت نقاله وانا اقرا شلون تغازل بي وهو يردعها ويكلها
مستحيل انتي مرت عمي
انا من قريت المسجات خجلت من نفسي ورحت يمه وكتله::
انا اسف فارس بس الموقف ما جان
بحتمل التفكير
فارس /:ولا يهمك المهم اتاكدت انو مو فارس الي يخون
حضنته وصرنا نبچي وجمع ملابسي واخذني للشقه وره الظهر
كلي
- - امشي خلي نروح الكربلا نزور وبعدين نروح للنجف
::لا فارس زحمه خاف احد يجي
- - عمامك موجودين امشي روح ذب همومك واتنفس هوا
نقي يالله
سمعت كلام فارس وسافرنا بالطريق خابرت خالتي وكتلها
وفهمتها ما اريد احد كل شويه يخابرني
وصلنا بالليل ورحنا للفندق واخذنا غرفه وطلعنه زرنا الامام
الحسين عليه السلام وصلينه وقرينا قران وبعدها
رحنا للامام العباس عليه السلام صلينه وقرينا قران انا بالامام
بصراحه فقدت صرت اتذكر فواز وابجي اجه
يمي فارس وكلي
- - ابجي سلام فرغ همومك وابجي
وظلينه يومين بكربلاء قليل نروح للفندق بعدين رحنا للنجف
وزرنا وصلينه وهناك تذكرت من يقررون
امي وابوي ياخذونه للزياره شلون كوه يكعدون بينا وهناك
تروح ويانه رضوى وعطاء ونخلصها بس سوالف
وضحك وهنه بالسياره يلفن لفات وانا اسوق واكول جوعان
على مود تجي تكعد رضوى يمي عود توكلني
وعطاء تكعد يم فواز بس ساعات امي تخبث هي تجي توكلني
وفواز يم ابوي والبنات وره
رحنا انا وفارس للمقبره وزرنا القبور وكعدت يم قبر امي وابوي
جان قبر فواز بعده ما مبني والنزله علي انا كعدت
بس ابجي واعاتبه بكلبي احس الكلام ما يطلع وفارس ضل يقرا
قران ويرش ماي وانا ظليت ساكت وكاعد بالشمس
اريد اسوي شي ما اعرف شنو
فارس انتبهلي واجه يمي وكلي
::سلام ابجي وطلع عبرتك ابجي ياصاحبي وطلع صوتك عاتب
واحجي ولا تضم بكلبك
انا من سمعت صدك بجيت بصوت وكتلهم تلاثتهم /:مو انا
عزيزكم والمدلل شو عفتوني بمهب الريح
ساعدوني حملي ثكييل وانا ابحدي انكسر ظهري
بقيت ابجي واعاتب بيهم واكلهم ::شفتو فواز شسوه بيه
ظليت الوحدي ما اعرف شسوي
فارس حضني وكلي /:سلام انا اخوك وياك للموت انت
شتحجي
بقينا بالمكبره ومره اعاتب فواز ومره اعاتب اهلي بعدين گوه
رجعنا للفندق بتنا ومناك قررنا نروح البغداد ورحنا
وبقينا يومين رجعن

ا جانت نفسيتي شويه مرتاحه وانا رجعت
للشقه ويه فارس جنا كل خميس نسوي مثوبه ونجيب
قاري والنسوان يجيبن ملايه خالتي توسلت بيه يجن زينب
وغدير كدام الناس انا كتلها يجن باحترامهن بس يخلصن
عشا يرحن
وظلينه هيج كوثر وعطاء رجعن للدوام ورضوى وحده من
صديقاتها سووت الها تاجيل وانا فتحت المحلات
وطلبت من فارس يبقى ويه رحمن موقتا على ما نخلص
الاربعينيه ونشوف
/////////////////////////////////////////يتبع



#بارت14
////////////////////////
سلام
انا بقيت اكثر وكتي بالشقه ويه فارس وره تلث اسابيع قررت
نفتح المحلات وطلبت من فارس يروح ويه رحمن
المحلات فواز رغم فارس هم يبيع ويشتري اكثر شي
بالسيارات بس من طلبت منه هو ما كال شي رد عليه
- - تدلل سلام بعيني
::انت الاخ الي ما جابته امي
فارس /:وانت وفواز الله يرحمه اخواني والله شاهد
ورجعنا اول ايام ما جان هلكد شغل لان تونا بسطنه وجان
يجون علينه اهل السوك يسلمون ويعرضون خدماتهم
لان فواز صاحب فضل عليهم مثل ما يكولون
جان فواز محتفظ بالسجلات بمكتبه وفارس اجه راد السجلات
لان واحد يطلبونه ومحتاج يشوف السجلات
الي محتفظ بيهن فواز بالقاصه الي بمكتبه وچنت بس انا وهو
نعرف الرقم السري ورحت للمحل واتلكوني العمال
خصوصا عمي رحمن يبوسني ويبجي همه من شافوني اريد
افتح
القاصه فارس وعمي رحمن طلعو انا فتحتها لكيت بيها
السجلات ومبلغ 6 ملايين دينار و20 ورقه وسجلات تلاثه
عفت الفلوس وانطيت السجلات الفارس وانطيته الرقم
السري او وكفته على الفلوس الي بالقاصه
رجعت للمحل وتميت بي الحد ما عزلنا وانا احجي ويه نفسي :
: معقوله بس هاي الفلوس بالقاصه واتذكرت
ال 1500 مليون الي طلعتهن رضوى وهو ما لحك ياخذهن
وال 100 مال الفصل يعني فلوس فواز بالقاصه
الي بالغرفه
بالليل رجعنا انا وفارس للشقه فارس كلي
سلام اطلعت ع السجلات تدري فواز شكد يطلب لازم
تسويلك همه وتجمع الدين تره الناس ما عدها مانع تنكر
وتاكل الدين اكو ناس لا ذمه ولا ضمير
انا كتله ::هسه انت حاول تجمع الي تكدر علي والباقي وره
الاربعينيه
بعدين دنكت راسي وحجيت ويه نفسي
:: المن اجمعهن فواز خلصها بس التعب وطلع حتى ولد يشيل
اسمه ما ظل ورا
تذكرت شلون لزم ايدي وكلي سلام جهالي
انا بيني وبين نفسي كلت ::يجوز رضوى حامل بس هو يكول
جهالي
هزيت راسي :: هو بوكتها بالكوه يطلع الكلمه
اتحسرت ولزمت النقال وخابرت خالتي
::الو شلونج خاله
ام بهاء/:هلا يمه هلا بيك
::خاله انتي وين اذا ابيتنا اطلعي الغير مكان
ام بهاء/:لا يمه باجر الصبح اروح ليش
::خاله اريد اسالج سؤال بس ما تحسبينه غير شي
ام بهاء/ لا يمه شنو ما اعرفك اسال
::خاله هم عدج علم مرت فواز اقصد ارملة فواز حامل او لا
ام بهاء: /والله يمه انا ما سالتها بس سالت عليه وكالت لا مو
حامل
::مي خالف خاله ارجعي اساليها بس الله يخليج لا تكولين انا
وصيتج تسالين
ام بهاء /:صار اطمن باجر ارجعلك الخبر وما اكول انت سالتني
ظليت اباوع للسجلات شكد يطلب ناس مئات الملايين
وطبعا كاتب عليهم سندات امانه يم محامي
ثاني يوم الظهر اتصلت خالتي ام بهاء وكلتلي انو رضوى مو
حامل وانها متاكده من هذا الشي
سديت التلفون وانا احجي ويه نفسي
:: چا كلام فواز شنو (لملمت حلگي ) يجوز مجذبه علي وكايلتله
حامل اي كل شي يصير ااااه منك يافواز
رحت وخليتني تايه ما اعرف شسوي

بقيت ادز مسواك بيد العامل ومصرف الكوثر اجرة سيارة
الخط مال الكليه ومصرف الها انا ما اوصل يمها ولا
احجي وياها حتى من اجي للبيت حد السلام والف راسي وانام
بالديوانيه ومن تجي يمي
حدي وياها بس السلام واطلب منها ترجع الغرفتها لان
الموقف مو مال واحد ينسى كل الاحداث
خصوصا من اباوع الوجهها اتذكر كلام امها من گالت (اتهمك
ويه مرت اخوك )
وعرفت بان انا ما عاقبت رضوى بقدر ما عاقبت نفسي
باختياري الغير صحيح
چنت كل خميس اسوي مثوبه جبيره وبالنهار ادز واحد من
العمال يجيب الفواكه وحلويات وعصائر وادز نصهن
يم فارس والباقي يمي اوزعهن على الناس الي يمنا واطلع
صدقه عل روحه الناس فقراء وايتام
بالبيت يجيبن ملايه ويوزعن ثواب ومحد تتجاوز او تحجي
الكل لازم حده ومترقب
التهينا بالاربعينيه جبنا قاري وسويت مثوبه عزمت بيها ناس
هوايه وصيت فارس يجيب منشاه
العمامي وعوايلهم والخوالي وسياره ثانيه جبيره اخذنا بيها
العمال خصوصا الي يشتغلون عد فواز لان فارس
كلي قررو اياجرون سياره ويرحون ابحدهم وانا اعرف حالتهم
لذلك وصيت فارس ان اياجر الهم سياره ابحدهم
ويخلي يمهم ماي وعصير وكيك وراح ابو غدير صعد وياهم
خاف واحد يحتاج شي
وانا وياي فارس ورحمن وعزوز وسياره بيها بهاء وخالاتي
وعماتي عليه وقسيمه
رضوى تبقى لان ماسكه عده وتبقى وياها رقيه وزوجهامقداد
من ردنا نتوكل اجت عمتي عليه وياها خالتي ام بهاء
وصاحتلي على صفحه انا هم رحت عمتي
عليه طلعت فلوس بعلاكه وكالت
- - هاك

عمه
:: شنو ؟
- - عمه هذني من تعب المرحوم تسوي بيهن مثوبه للناس
الرايحه واجرة السيارات والفندق ولا تخلي شي ناقص
انا ردت احجي بس خالتي ام بهاء سبقتني
- - يمه سلام انت واخوك ماكو فرق بس هذني من فلوسه
وتعبه لازم يطلع من تعبه شي وانت
ما قصرت بكل شي اخذهن يمه ماكو فرق ابيناتكم
عرفت رضوى دزتهن ردت ارجعهن بس تدخل خالتي ام بهاء
وماحبيت صبيحه وعمامي يسمعون
وينطوون اراء ورحنا للنجف طلعنا بالليل الفجر وصلنا للامام
زرنا وصلينا وبعدين طلعنا للمقبره
فارس هو الي ساق السياره وصلنا اشر الهم يوكفون راح يمهم
كلهم
تبقون محد ينزل الى ان نروح للقبر
ونقرا الفاتحه ودعاء اهل القبور بعدين تنزلون بدون ما
تصرخون انزلو سلمو واقرو الفاتحه خلي توصله بهدوء
وبعدين ما نملك بس البجي والدعاء
وراح فارس هو ورحمن وصار فارس يقرا قران
بصوت خاشع اما عمي رحمن فصار يحدث القبر ويكله
- - يا عبدالله السلام عليكم انت ترانا ونحن لانراك جئناك
مشتاقين ونطلب من الله ان يغفر لك ويرحمك
ويسكنك فسيح جناته انت العبد الفقير المسكين المستكين
والله هو الغني ذو الرحمه والمغفره
بعدين صار يبجي واشرلنه ونزلنا نزلت وانا احس گلبي
سابقني كل ظني اشوف فواز منتظرني وهو مبتسم
وفاتحلي اديناته ويحضني وصلت شفت القبر مسيج ومبنيه
قبه وصور للمرحوم من كل جانب
وهو واكف وهو يضحك وهو رافع ايده وفوك القبر ايات قرانيه
ورد اصطناعي اخواتي صارن يصرخن
وخالاتي وعماتي انا ما اتحملت رحت حضنته وصرت اصرخ
بكل قوتي واگله
فواز وينك اطلعلي ياخوي مشتاقلك
اسمع الكل يبچي على كلامي الي لفت نظري عطاء لازمه
القران وتقرا واكفه ورا القبر وتقرا
ودموعها ما بطلن اما سهير مرت عمي صاحب جانت تبجي
بحركه وشايله الجهال
وصبيحه تلطم وتنعى جان الموقف صعب صعب وانا اشوف
الكل واكف ويبجي ويسولف
ويمشي بين القبور اله فواز فواز الي جانت ضحكته ماليه
وجهه او صوته ومشيته هيبه هسه الكل واكف اله
هو نايم وما يجاوب احد انا اتصورت الموقف كعدت وصرت
انحب بصوت عالي من شافوني الكل
سكت وعمي طاهر كال خلو يم اخو الكل ابتعد بس بقو يمي
التوم انمار واخو واكفين ويباعون للكبر ويبجون
اجت سهير واخذتهم

انا ظليت اعاتب بي /
::فواز تدري شكد كسرتني تدري يافواز انا تايه بدونك ما
صرت احب الناس ولا الحياة وكل
ما اقرر اترك هاي العالم واهج اتذكر وصيتك ما اعرف تره والله
حيرتني وانا ما فاهم شي
خويه فواز ليش تسوي بيه هيج مو انا سلام المدلل والي كل
شي اريده تجيبه الي هسه
وداعتك ما اعرف شسوي شؤ تايه وباقي بس روح خاويه ما
الي خلك روحي غصبن عليه لازم
اعيش ولازم احفظ امانتك نام خويه الي تريده يجرالك رغم
انت ظلمتني وظلمت نفسك وظلمت هاي
المسكينه عطاء نام خويه الله يغفر لك
بعدين حظنت القبر وظليت ابجي واجو يمي عمامي او ولد
عمي وفارس ورحمن وعزوز وكوموني
اجو العمال صارو يصرخون ويبجون هذا الي يكله
عمي ابو الفوز ما انسى من ساعدتني ابناء البيت
وذاك يكله استادي الله يرحمك فلوس زواجي منك
والثالث يكله ابو كلب الطيب ما يوم عليت صوتك علينه
وانت ابو المال والحلال ولا كسرت خاطرنا
وهواي كلام وهواي فواز مسوي اشياء زينه
عمي طاهر كلي //يالله بويه سلام الشمس حاره والناس
تعبت
رحمن ظل ينحب حيل ويكول
- - عمي ابو الفوز شويه وتاذينا من الشمس ابو رووح العزيزه
وانت جوه التراب ساكت كووم اتشاقى ويانه
واضحك علينه دگوم عمي واويلا عليك وعلى شبابك يابو
ضحكة الحلوه الله يهون عليك
انا صرت انحب لان احس ما بقى بيه حييل اجاني فارس هو
وبهاء وكلي //يالله سلام لابد من الفراق ولا تنسى
النا رجعه
انا كمت ورحت يم قبر ابوي وامي وصرت احچي كلام مقطع
لان ابچي واشهك
::بويه يمه تره انا والله خطيه ساعدوني فواز كسر ظهري وانا
تايه ما اعرف شسوي ساعدوني
يمه لاتزعلين عليه محتاج رضاج اعرف انتي ما قابله بس الي
صار غصبن عليه
وراحو الكل صعد بالسيارات انا رجعت الكبر فواز ولكيت عطاء
وسهير يم الكبر يبجن عطاء تعاتب بي
وتكله //ليش فواز ليش غدرتني وخنتني ويه اعز انسانه ليش
خليتني مثل الضايعه وانا اشوف
اختي هي عدوتي ما لكيت غير رضوى وهسه انت هالرحت
وبقينا احنا بس لا تصدك يافواز
بيوم اسامح رضوى لو اسامحك
خنكتها العبره وحاجته //مو انت ربيتني وحبيتني او وين ما
تروح تكول هاي مرتي بعدين عفتني وخنتني
سهير هم تبجي وتكلها //لا عطاء سامحي هو هسه لا حول ولا
قوه
عطاء /:ااه خاله سهير انا مسامحته وهو عدل والله اضحك
على روحي فواز ياروحي مسامحتك
الله يسامحك
انا مسامحتك من كلبي الربي بس رضوى لا والله ما اسامحها
ولو بيدي اشرب من دمها
من شافني سكتن وعطاء تناشغ وبعدها راحن وانا بقيت
شويه يمه حجيت
::فواز خويه انا مسامحك ومو زعلان منك ارتاح خويه ارتاح
يابعد اخوك والشي الي امنتني بي احفظه
واسوي حتى لو على حساب كرامتي نام خويه الله يهون عليك
وحضنت الكبر وكمت ابوس بي بكل مكان وانا اكله
::ارتاح ياخويه واامن خويه امانتك بركبتي بس انت لا

تزعل
عليه انا قسيت وياك سامحني فواز

واجوني فارس وعزوز وكوموني واجانه الدفان وسلم علينه انا
سالته ::هم الك يمنا فلوس
كال/:لا كلها دفعتها ارملة المرحوم دزت مقداد وكله هذا هي
سوته وانطت زايد مو ناقص وما اطلب اي شي
اتسالمنا ويا ورحت وانا بس ابجي من صعدت السياره
صرخت حيل يمكن طلعت العبره الي
خانكتني بعدين سكتت
وطلعنا انا كلت الفارس يودينا للمطعم الي متفق ويا وفعلا
لكيناهم كل شي محضرين اتغدو الناس الي اجو
وانا طلبت يسوون سفري كلت اوزعه بثواب اخوي انا ما
تغديت لان ما اشتهي بس شربت جاي وبعدين
رحنا الكربلاء وزرنا وصلينا واجرنا فندق وثاني يوم رحنا للكوفه
وبعدين رجعنا للبصره وطيلة الطريق كل
شويه انزل اجيب فواكه وماي وانزلهم للمطعم انا ما اتقربت
يم اي وحده بس دزيت على كوثر وعطاء
انطيتهن فلوس كتلهن
يجوز تريدن تشترن شي
اشوف كوثر بس تخزر بيه ومتنكه وانا ولا سالتها
خالتي ام بهاء تكلي تحجي وتسمع بعليه
- - شنو ما نشبه المفروض انا اصعد يمه ماخذلي العمال ويا
بالسياره ولا جني مرته
وصلنه بالليل وكلت للسايق كل واحد يوصله يم بيتهم اما
خالتي ام عادل وابنها وبيت حجي مهدي نزلت
اجرت الهم سياره توديهم للمزارع لان ما قبلو يباتون يمنه
وانا رحت للشقه ويه فارس
ونمت ما دريت بنفسي الا ثاني يووم الظهر كعدني فارس
وكلي
- - سلام اكعد اتغدا شنو ما جعت
انا باوعت ورجعت غفيت بس هو ما خلاني كمت دخلت
للحمام وصحصحت وطلعت لكيته جايب غدا واتغدينا
وشربنا چاي ظلينه نسولف بامور الشغل فارس كلي
- - من باجر ابدي اتصل بالديانه يعني اخاف احد يتصل بيك
انت فهمهم انو انا ما جاي من بحدي انت تريد تلم
دين اخوك
جاوبته ::فارس انت واحد من عدنا ومخول بالي تسوي مو
كافي عفت شغلك بعد انت المسؤول عن شغل فواز
فارس/: هاي شنو منك شنو عفت شغلي ليش وكفاتك وياي
شويه لو شما اسوي ما اجازيك لا انت ولا المرحوم
وبقيت بالشقه ثاني يوم طلعنا انا وفارس للشغل وصلت
وتلكوني العمال وانا وصيت الهم على ريوك وبدينا نشتغل
لمن ما اتصل بيه عمي طاهر تقريبا الساعه بالعشره الصبح
جاوبته
:: الو هلا عمي
طاهر /:اشلونك سلام
الحمد لله والشكر
طاهر/:اكلك سلام ما تشوف نفسك مصختها وسويتها بلا
ملح
اتفاجأت من كلامه :: شنو عمي سلامات اشو حامي علينا
من الصبح خيير
طاهر/:ااه هيج تحجي وياي نسيت انا عمك الجبير
:: على عيني وراسي بس خير شكو
طاهر/:ادري بابا الى متى عايف مرتك وتبات بره شنو انت ما
تفهم
جريت نفس قوي :: عمي ما اله داعي هذا الحجي نسيت احنا
عدنا مره ماسكه عده وانا محرم عليها
بعدين بتك جاي يوصلها مسواك للبيت ومصرف للكليه واي
شي تحتاجه توصي العامل وادزه بعد شنو المشكله
طاهر/ المشكله يا سلام كوثر مرتك والها حق عليك مثل ما
انت الك حق عليها
:: عمي مو وكته هالكلام تره كلش مشغول وعندي امور لازم
اخلصها
طاهر/:هاا وتعوف مرتك بيا قانون هذا الي جاي اتسوي اگلك
عمي اذا ما تريدها وشايفلك شوفه وخلالك
الجو طلكها بعد شكو جاي تتحجج
من سمعته اتهيأ لي صبيحه هي الي جاي تحجي مو عمي
طاهر جاوبته
:: شنو هالحجي هذا مو عيب شنو خلالي الجو شقصدك
طاهر // انت فاهم قصدي اريد اعرف انت ليش هيچ
تتصرف ويه مرتك وليش ما تجي البيتك
:: والله عمي همزين ما اجي
طاهر //. وليش فهمني
:: ما افهمك تگدر تسال بتك ومرتك من اجيت وبعده فواز
عدل ولكيتهن لازمات مرته ويكتلن بيها حتى اديان
وياهن اسالهن شكالت صبيحه من كتلها اخذي بتج اسالهن
وانوب تعال احجي وياي تره مو هسه انا وبتك
ما نتحاچى لا من قبل وفاة فواز وردت اجي واسولفلك لكن
الحادث صار وبعد ما اله داعي الكلام
من رخصتك عمي عدي شغل

وسديت التلفون وانا منهار واحجي ويه نفسي ::فواز والله
محنتني وما اعرف اتصرف رجال يلزم ايد اخو يكله
اخذ مرتي ودير بالك على جهالي وانا محتار وكوثر وصبيحه بدن
بافلامهن
بقيت بالمكتب مالي خلك شي الظهر دزيت واحد من العمال
على غدا وجابولنه وتغدينا سووا انا رحت اغسل
اجيت لكيت عمي طاهر متصل ماحبيت اتصل اشوفه شيريد
لكن هو رجع اتصل مره ثانيه
اضطريت ارفعه وانا اخوط باستكان الجاي
::هلا عمي
طاهر /:هلابيك سلام
:: اامر عمي
طاهر/:سلام بويه انا عرفت كل شي وهاي اصبيحه وكويثر
موتتهن وانا ابوها اكلك عمي
طلكها انا هسه راح اخذها للبيت واتانيك يمته ما تريد جيب
السيد وطلكها لان هي مو مال رجل
واحترام هاي جلبه مثل امها انا ابوها واكلك لاتصير مثلي لحك
على روحك
وسد النقال انا ما مصدك الي اسمعه عمي طاهر اخيرا عرفت
مرتك وبتك شنو سوون وشلون اتصرفن
بوكتها حسيت براحه وانا بودي اخذ السيد هسه واروح اطلك
لان بصراحه ما اطيق لا اسمع باسمها ولا اشوفها
جان عدنا شغل العصر مر عليه بهاء ابن خالتي تسالمنا وكعدنا
كلي
بهاء/:سلام خالتك تكول خلي يجي يتعشى يمنا
عكفت حواجبي :: ليش شكو
بهاء/:شبيك سلام شنو شكو خالتك وتريدك لا وتكلي اذا ما
تجيبه وياك لا تجي
::يا ستار قلقتني
بها

ء ابتسم /:ياخي ما صاير شي تكول هو بالليل يحب ياكل
عروك وانا اليوم مسويتله جيبه وتعال
و يالله گوم امشينا هو منو يلحك ع الشغل
وصيت العمال يقفلون المحلات ورحت ويه بهاء بسيارته
ودزيت سيارتي بيد عزوز الفارس يرجع بيها ورحت البيت
خالتي تلكتني وجابت العشا مسويتلي عروك وكبه وزلاطه
وجاي وكعدت انا وياها وبهاء وتعشينا خالتي عدها غير
بهاء صفاء وهذا صف سادس اعدادي يعني محد يشوفه
وعدها بنات اثنين مروة مدرسه وصفا مهندسه واثنينهن
متزوجات بهاء متزوج بت خالي جليل وعنده منها اثنين جهال
انا تعشيت ويه خالتي وبهاء بعدها بهاءءاستاذن كال
اروح ارتاح وانا بقيت يم خالتي الي قبل ما سالتها كلتلي
ام بهاء/ عرفت عمك شنو سووا بمرته وبناته
::اي خابرني بس انتي منو گلج
— انا چنت هناك يم رضوى لمن ما اجه طاهر عيونه براسه ما
يشوف احد گدامه ما نسمع بس العياط
وصريخهن يوصل العاشر جار جرم بيهن
:: يستاهلن الحقيرات
ام بهاء/:هنه من ناحية يستاهلن يستاهلن بس يمه سلام
اسمعني وافهمني انا خالتك مثل امك
وادري شنو شايل بكلبك من ضيم وقهر بس ابد لا تفكر هسه
تطلك كوثر
انا جاوبتها بدون تردد::لا لا خاله لكمه واجت للحلك شلون ما
اطلكها
ربيعه /:يمه صبيحه ما تنظف تخبلك وما تخليك تطلك بتها
ما شفتها شلون وكفت الك وتكلك
اسهل منها ماكو لكيته ويه مرت اخو يعني ما عدها مانع تروح
العمام رضوى وتكلهم طلك بتي
جي شفته ويه بتكم ويجون يذبحون البت صير ذكي صبيحه
مو هينه سحرت طاهر بين يوم وليله
لاتعم على روحك وعلى هالمسكينه رضوى
جاوبتها باستغراب ::خاله رضوى شجابها بالنص ؟
ربيعه/:خاله هو عمك من خابرك بالبدايه شكلك
:: گلي ليش ما تجي للبيت وتسال على مرتك
ام بهاء // بس هذا الكلام
باوعت الها :: شقصدج خاله
— بروح ابوك بس هذا الكلام گاله
جريت نفس :: خاله گلي اذا خلالك الجو طلك بتي
ربيعه/:يعني شنو قصده
::اعرف بيها هاي افلام صبيحه
ربيعه /:وما طول تعرف بيها خاله لا تتهور اريدك تسمعني دير
بالك منهن هذني كل شي
يسون انا چنت هناك واجه طاهر وسألهن وهنه نكرن بعدين
من حلف عطاء بالقران هي كالتله
وانوب صاح على اديان وكتلها كتله وهي كل شي حجت
وهو لزمهن وكطعهن نريد نفكه ماكو حتى انا حصلتلي دفعه
وانوب لزم كوثر من شعرها وسح البيتهم
::اي خاله يستاهلن
ربيعه /:ادري يمه بس شتتصور صبيحه تسكت لا والله هاي
انا الي اعرفها وطاهر شويه ويفش
لان صبيحه عاميته وكلمتها هي التمشي وانت سلام رگبه
وحده وشوف اخوك بيمن وصاك
وشكلك شغل اخوك وفلوسه وتعبه ابني فكر ولا عبالك طاهر
من گلك طلك وتطلك بته راح يسكت
لا وداعتك يصير ضدك ويصير عدوك وهنه موخوش يمه انا
الاعرفهن

::خاله ما اطيقها اكرهها من انا زغير لان اعرف بيها خبيثه
ربيعه/:ادري والله بس لازم تتحمل على ما تشوفلك چاره
نفخت وسالتها ::يعني شسوي ؟
ربيعه/:يمه صير اذكى منهن لا تنطي صبيحه مجال تتمشغل
بيك مثل ما يكول ابو المثل
اتغدى كبل لا يتعشون
::شلون خاله ؟
ربيعه/:هسه انا افهمك هسه تخابر عمك وتكله عمي انا كوثر
مرتي وما ابدلها بنسوان الدنيا هي غلطت لان تغار
عليه وانا مسامحها ما الكى وحده مثلها اتحملتني عمي هسه
انا جاي واخذ مرتي وانت عمي هم وصيها
خلي تتحملني وتدير بالها عليه
وبعدين يمه انتبه مو الا تاكل لو تشرب حتى من تجيبلك جاي
سوي روحك تشربه اطلع
للحديقه يم السنك وذبه
انا اخاف عليك وهسه ما طول رضوى لازمه عده عذرك وياك
تكعد بالديوانيه
:: ها خاله يعني تعرفين بصبيحه مو تمام
— كلنه ندري بيها السان وجسره وانا اخاف عليك منهن
::خاله انتي شتحچين اگلج انا ما اطيقها ولا اريدها غلطه عمري
ودفعت ثمنها
ربيعه بنتر /:خايب ادري واكبر غلطه غلطتها
ردت اگللها كل هذا الي صار ابن اختج ورضوى هو السبب
بي
خالتي كسرت سكوتي // خاله لازم تتحمل الخاطير نفسك
والخاطير اخوك وهو بكبره
وهاي المسكينه رضوى والخاطير عطاء اتحمل ياوليدي وهسه
يالله خابره وروح امرك لله
تره يمه سلام حاسه بيك وبعذابك بس لا تنسى يا سلام انت
اختاريت حتى ما استشاريت احد عبالك عدك
سباق نسيت امك الله يرحمها شجانت تكول على صبيحه
وبتها وشوصتك
ظليت صافن ومحتار واعض بشفتي واضرب ايد بالثانيه
خالتي كالت
- - يمه سلام كل شي بالهدوء ينحل والعصبيه تجني على
صاحبها ما تتذكر فواز الله يرحمه شلون
جان ياخذ الامور بضحك وشقى وهدوء بس من احد يدوسله
على طرف يعرف يمته وشلون
ياخذ حقه وكلها تهابه عمت عيني عليك خاله
انا جريت حسره وخابرت عمي طاهر الي ما قبل يرجعها وكلي
- - لا عمي لا تغلط غلطتي هاي تشلع كلبك
وانا كتله ::مي خالف اتحملها الخاطرك عمي انت مثل ايوي
وهي وصيها خلي تحترمني
وطلعت من بيت خالتي اخذت تكسي ما قبلت بهاء يوصلني
دخلت للبيت وبوجهي للديوانبه انا لكيت كوثر
وعمي متانيني
طاهر/:تره وجهي اسود منك سلام واله منو يصدك بتي
المهندسه المثقفه هيج تسوي هذا كله تعلووم امها بس
هاي هي تسمعني بعد اذا وصلت يم امها لو امها اجت يمها
ا

ثنينهن اموتهن موت وما الها غرض
بمرت فواز تخلص العده ويصير خير
انا ساكت وهي بس تبجي بدون صوت ما باوعت بوجهه راح
عمي وطلعت ورا هو باسني براسي وكلي
طاهر/:احسبها عليه بابا سلام
::لا عمي ولا يهمك انت عمي بمثابة ابوي
طاهر/:الله يرضى عليك ويبرد كلبك
ورجعت للديوانيه شفتها الكوثر طبعا عباره عن قطعه زركه
يعني عمي كافر بيها وجهه عبالك مصارع خسران
عمي مسوي خريطه ازرك على اخضر على احمر الخشم مورم
العين وحده تريد تطلع والثانيه حمره يعني بعد تفكر
الف مره كبل لا تدنه يم رضوى
ما اعرف ليش دائما اجيب اسمها الرضوى ليش هي تروح من
بالي انا اتمددت ع القنفه بدون
ما احجي وياها وخليت ايدي على عيوني هي اتدنت عليه جان
صوتها كوه يطلع وهي تبجي وتكول

كوثر/:سلام فدوه سامحني والله لان احبك هيج اسوي
سامحني بعد ما اعيدها
گعدت وجريت نفس ::وانا لو ما احبج ما خليت عمي يرجعج
كوثر/:صدك سلام
هزيت راسي ::طبعا انتي حبيبتي الي وكفتي وياي وتحملتيني
وانا عذبتج هواي
انا اسف كوثر سامحيني
هي حظنتني وبقت تعتذر وانا اسفه وبعد ما اعيدها سامحني
وصارت تبجي وتعتذر
انا ما لمستها وهي بقت نايمه يمي بالديون انا سويت كل
الكالته الي خالتي ام بهاء بس ما اتقربت الها
كوثر واحنا زغار اشوفها بت عمي المكروهه الحاقده الي كل
شي تريده تاخذه وذا ما تكدر تاخذه لازم تخربه
كوثر الي تكره رضوى وما تشوفها الا عدوه الها
اتذكر رضوى من چنا زغار تسميها بت الساحره الشريره انا
ابتسمت لان اتذكر من اسالها ليش بت الساحره تكلي
=لان صبيحه هي الساحره الي تركب ع المكناسه
اسالها ::رضوى منو المكناسه
هي تسكت انا اكلها ::بداعتي رضوى منو المكناسه
تتقرب عليه وتشاورني =بس مو تكول عفيه
انا اضحك ::والله ما اكول منو المكناسه التصعد علي صبيحه
رضوى =خالي طاهر
ضحكت بسري
انا من اتزوجت كوثر جان بنيتي ابدي اول خطوه للانتقام من
رضوى وردت كوثر تساعدني بس هي
ما قبلت تحتويني بالعكس صارت تمشي ورا كلام امها
الصبح طلعت رحت للمحل من وصلت كتبت الها مسج
::حبيبتي انتي ارتاحي انا ارجع بالليل احبج
بقيت بالمحل واتصلت بيه خالتي وفهمتها انو انا ما قابل ع
السويته وعمي بنفسه كلي طلك خالتي باستهزاء كلتلي
- - لا تستعجل وابقى هيج يجوز تحب مرتك
:: خاله شتحچين انا ما اتصور بيوم من الايام احب كوثر لو
هي تتبدل
خالتي /:جا شتريد سلام انت تحبمن گول
::اح خاله انا سمعت كلامج لان اريد اوگف على صورة حل
- - الله كريم مثل ما وصيتك دير بالك
::اي خاله اليوم منو بايته يم مرت فواز
- - اليوم اجت عليه تبقى يمها
::خيير ان شاء الله
بالليل اتعشيت بالمحل واخذت وياي اربع بواكيت بقلاوة
ومريت ع الصيدليه اخذت شيت حبوب ورجعت
دخلت للديوانيه تلكتني كوثر وحظنتني كعدت ع القنفه واجت
كعدت بالكاع وخلت راسها على رجليه انا صرت
العب بشعرها كتلها وانا اجر نفس
::اخذي هذن بواكيت البقلاوه واحد الاهلج اوواحد البيت عمي
صاحب وانطي واحد العمتي عليه وهذا النه
هي من سمعت باسم عليه امتعضت بس ما حجت خافت
اخذتهن وراحت بعدين رجعت جايبه وياها ماعونين وبطلين
ماي وهي جاي تخلي بالبقلاوة سمعت صوت عمي طاهر وهو
يكول
يالله يالله
انا كتله ::هله عمي اتفضل
دخل جايب ويا صبيحه والعائله كلها تذكرت من كالت خالتي
ربيعه طاهر شويه ويفش انا كمت سلمت على عمي
والولد واجت صبيحه وبس شافتني حضنتني وباست خدي
وتبجي وتكول
- - يمه سلام انت وليدي وانا جان محترك كلبي وهيج حجيت
لاتزعل مني وهاي كوثر مو بس
مرتك خدامه الك
جاوبتها ::لا خاله كوثر ام بيتي وتاج راسي وانا بس تكمل مرت
فواز عدتها نتبايع ع البيت واعزل بمرتي اريد
راحتي وكوثر ما قصرت اتحملتني
طاهر //عفيه ابني اعرفك خوش ولد وهالطيتك بتي
انا ويه روحي ::علواه ترجعها عدك عبالي رجال طلعت طلي،،،
🐑

كعدو ما شاء الله قضوا ع البقلاوه تذكرت بليلة وفاة اهلي لمن
اجو وما خلو لا حب ولا بقلاوة ورضوى وعطاء
بليلتها شبعن قهر وصعدن وانوب نزلت رضوى وهي ابدها
تنتحر بيه جي كاعد واضحك انا صافن واجت عمه
عليه دكت الباب سلمت وصلت يم طاهر گالت
— اشلونك خويه ابو صلاح
هو رد عليها من وره خشمه // هلا هلا
اتقربت يمي // شلونك يمه سلام
::هلا عمه شلونج
عليه/ الحمد لله بخير اجيت اسلم عليك واتشكرك ع البقلاوه
والله ما الها داعي احنه ماناكل لا انا
ولا اختك وكوثر خطيه جابتهن النه (باوعت الكوثر)هاج حبيبتي
اخذي الماعون لاينكسر انا فرغتهن
وغسلت الماعون
انا باوعت الكوثر وعرفت انها ما موديه الباكيت
انا باوعت العمتي وحجيت ::عمه تعاي كعدي اريد اشوفج
كامت صبيحه ولزمتها من ايدها وجابتها وهي تكلها //يا خيه
عليه شلقصه دا اكعدي يم ابن اخوج
من زمان ما شايفج
كعدت عمتي وهي ساكته ومبينه متاثره ومقهوره شويه
وكامت وهمه بقوا يسولفون ويضحكون وصبيحه
سيدة الموقف من طلعو انا ما سالت كوثر ليش خلت
بماعون البقلاوة لان ادري بيها تكره رضوى ولو بيدها
ترش سم وتقدمه اتقربت منها وانااجر

نفس ولزمتها من
حنجها وكتلها
::حبيبتي كوكوا تدرين انتي بعد الج مرحله وتكملين الكليه وما
اريد شي يشغلج عن دراستج وانا لازم
اوكف على رجليه واوسع شغلي لذلك ياعمري لاتزعلين يوميه
بايدي اشربج حباية مانع لان ادري بيج مثل
عمتي صبيحه اذا حملتي باول واحد بعدج ما جايبته تحملين
بالثاني
كوثر //يا سلام شبيك بس تحجي على امي
::ما احجي ياروحي بس تدرين من اتزوجنا الهسه ما ارتاحينا
وانا كوثر اريد ارتاح وانتي زوجتي ريحيني
اخذت الحبايه وخليتها بحلكها وشربتها ماي وكتلها
::كوثر هذا الشي مو يطلع بيناتننا ومثل ما كتلج بس تخلص
مرت فواز عده ما تبقى كل من ياخذ حقه وتروح الامها
العمامها ما يهمني
هي حسيت بيها فرحت وكامت وحضنتني ونمنا كاي زوج
وزوجته ولازم امثل عليها الصبح كعدتني وهي تبوس
بيه ولكيتها محضرتلي الحمام الخارجي وهي راحت تسبح
بغرفتها يعني ما يصير نمت وياها وما تخلي رضوى
وعمتي يعرفن تطلع مو كوثر سبحت واجت يمي حضنتني
وكالت
- - يالله تعال اتريك
::لا يمعوده متاخر خابروني العمال اكو حمل من البارحه وانا
ناسي اليوم خاف اتاخر لا يظل
بالج وانتي داومي واليسالج ع الزراك الي بوجهج كولي عثرت
وكعت من الدرج
كوثر/:اي راح البس نظاره
بستها واخذت سويج السياره والموبايل وطلعت وانا اضحك
على روحي من الي جاي اسوي
واحجي ويه روحي ::شنو خالتي تعرف شي وضامته علي اي
اكيد تعرف
وبقيت على هالمنوال اروح بالليل للديوانيه واطلع من الصبح
وكوثر ما تفاركني خانكتني همزين
اجي بس بالليل
فد يوم انا بالمحل واجه رجال نزل من السياره شايل جنطه
بايده لاكا واحد من العمال كله اريد استاذ سلام انا
كت للعامل خلي يتفضل دخل كان رجل عمره اكثر من
اربعين سنه اتسالم وياي وكعد
انا صحت على عزوز جاب جاي باوعلي ونزع نظارته وكلي
- - اقدم لك نفسي انا المحامي رافت حميد
::اهلا وسهلا اتفضل استاذءبيش اكدر اخدمك
بهاي الاثناء اجه مقداد ابن عمتي اجاني ودخل سلم عليه
وعلى استاذ رافت الي عرفته بي
كال المحامي //استاذ سلام عندي موضوع مهم ويه حضرتك
ياريت اتكلم بي بيناتنا لان عندي شغل
انا ::اي استاذ مقداد ابن عمتي مثل اخوي مو غريب تفضل
بيش اخدمك
- - لا العفو بس انا محامي اخوك المرحوم فواز واكو هواي امور
يرادلها حل ويه زوجته المدعوة رضوى
انا باهتمام ::اي استاذ اسمعك
- - بالحقيقه المرحوم عنده املاك وفلوس ويطلب ناس واحنه
لازم نحصر التركه وانت وزوجة اخوك
لازم كل واحد ياخذ حقه وانا بما اني المحامي للمرحوم ارتايت
ان اجي واتكلم وياك قبل ان
اشوف ارملة اخوك
انا ::اي استاذ مثل ما تعرف انو ارملة المرحوم ماسكه عده
فالي اشوفه تخلص عدتها ونكعد
انا وهي وعمي ونشوف الي النه والي علينه
المحامي/:العفو استاذ سلام عمك شدخله بالموضوع
انا تلافيت الموقف لان حسيت راح يصير نقاش وكتله
::اقصد عمامي يكونون حاضرين ويانه لان همه تقريبا عايشين
بنفس البيت
المحامي /:ع العموم استاذ سلام انا اروح وهذا كرتي من
تخلص ارملة اخوك العده اتصلو
بيه وانا بالخدمه الاي استشاره
::ان شالله استاذ
- - استاذن
::شرفتنا اهلا وسهلا
وراح المحامي وبقى مقداد سمع كل شي جان جاي ياخذ
بضاعه الصديقه والفلوس يتاخرن بس بضمانته انا انطيته
وراح انا ما اعرف ليش ما مرتاح من جية المحامي خصوصا
لمن كلي ياعم هذا
انا جان قصدي على حصة عمي صاحب بالبيت بس ما حبيت
اطول النقاش بشي ما اعرفه راح مقداد بعد ان كتله
::خلي صاحبك يجي وياخذ البضاعه الي يريدها ما طول
بكفالتك
من راح مقداد انا اتصلت بالمحامي رد عليه
- الو
::الو السلام عليكم
اهلا منو وياي
:: انا سلام اخو المرحوم فواز
اهلا بيك استاذ سلام اتفضل
::استاذ رأفت حاب اشوفك
كلي //اي اتفضل يمي الساعه بالسبعه بالليل بمكتبي موجود
العنوان
بقيت بالمحل وانا افكر بكلامه ورا الصلاة طلعت رحت
للمحامي بمكتبه جان كل همي استفسر على حصة عمي
صاحب بالبيت وليش من كلت يكعد عمي ويانه المحامي ما
وافق وصلت بعد ما خابرت كوثر كتلها
:: جايني حمل راح اجيك علي بالمخازن انتي نامي بغرفتج اذا
اكدر اجي اخابرج واذا اتاخر انام بالمحل
وصلت للمحامي وكعدنا بالمكتب وبادرت بالكلام
::استاذ رافت انا ما كدرت اطول بالكلام كدام مقداد لان
تعرف هاي اسرار خاصه بينا
المحامي/:اعرف هذا الشي استاذ سلام وانا ردت نسولف
ابحدنا .
::استاذ رافت بالحقيقه من كتلك عمي يكعد ويانا جنت اقصد
،،،
ما خلاني اكمل هو بادر //جنت تقصد عمك صاحب وحصته
من البيت
::اهاا طلعت تعرف كل شي
المحامي/:اي مو انا المحامي مال فواز الله يرحمه وفواز كان
اكثر من صديق وانا على معرفه باغلب شغله
:: ما دام تعرف كل شي اكيد تعرف حصتنا بالبيت
هز راسه // اي اعرف بس الي انت ما تعرفه انو عمك باع
حصته بالبيت على فوازوقبض فلوسه زايدات مو ناقصات
وهذا الشي مصدق بالمحكمه وتكدر تتاكد من عمك فالتركه
راح تنحصر بينك وبين ارملة اخوك وللامانه السيده رضوى الها
الحصه الاكبر
انا اتفاجئت من كلام المحامي كتله ::

ان شالله نجتمع بعد ان
تنتهي عدتها
المحامي/ وانا بالانتظار ومن حق السيده رضوى ان توكل اي
احد يدير العمل بدالها يعني
تسوي وكاله عامه
::ان شالله استاذ نبقى على تواصل
وسلمت وطلعت من المكتب وانا اريد انفجر من الغضب
يعني ما كفاج يارضوى اخذتي فواز انوب هسه تاخذين تعبه
وحلاله
انتي ينطبق عليج المثل الي يكول ( يامن تعب يامن شكى
يامن على الحاضر لكى )

يتبع

#بارت15

/////سلام////
طلعت من المحامي وانا عباره عن بركان من الغضب واحجي
ويه نفسي رضوى ما كفاج اخذتي فواز
لا وانوب راح تورثينه انتي يارضوى ينطبق عليج المثل الي
يكول
(يامن تعب يامن شكى يامن على الحاضر لكى )ظليت افتر
بالسياره بعدين رحت للشقه لكيت فارس
من شافني كلي //ها سلام شبيك مو استقريت ابيتك
شعدك جاي
::تعبان فارس تعبان حدي
فارس /:هاخيير ياستار
وسولفت الفارس شكال المحامي فارس لملم حلگه
فارس/:وهسه شناوي سلام
هزيت راسي :: ما اعرف فكري بعده مشتت
فارس/:زين ياصاحبي هسه اوصيلك على عشا ونتعشى
ونطلع شويه نغير جو بالكوفي ونرجع
بعدين فكر براحتك
دخنت :: لا لا فارس مالي خلك اطلع الاي مكان
فارس/:دمشي سلام يالله ما ناخذ سيارتنه نروح نتمشى
نحرك رجلينه
وطلعنا بعدالحاح من فارس رحنا تعشينا وكعدنا بالكوفي
فارس حجى وياي وكلي
سلام اليوم خابرت ناس يطلبهم فواز الله يرحمه او واعدوني
باجر ان شالله يجيبولك الفلوس
:: زين بعد يمك السجلات الي ينطيك احذفهن واذا جابوهن
الي اخابرك وانت من يمك احذفهن
- - اي طبعا وانت سلام شراح تسوي
جريت نفس :: هسه اخابر عمي اخلي يمرلي للمحل واسولف
ويا وافتهم منه (باوعتله ) هذا الكلام ما اريده
يطلع الاي احد
فارس /:صدك جذب اعتمد بس
:: بس شنو
- - سلام لا تعتبره تدخل مني تره مرت فواز تورثه بالشرع
والقانون
هزيت راسي :: ادري لكن انت تعرف شگد يملك فواز معقوله
كل الي ايملكه يروح الها هيچ بكل بساطه
- - لازم تگعد وياها وتحچي وتتوصل ن الحل
بقيت صافن واحچي ويه نفسي :: نتوصل الحل
هزيت راسي وانا اباوع الفارس حاولت اغير الموضوع :: ابو
الفوارس بوجهك كلام احجي
فارس/:هاا اي سلام لا ماكو شي
::شنو اي شنو لا ما كو شي احجي وفضها
فارس/:والله سلام بس ردت اسالك عن عايلة عمي رحمن
تعرفهم
درت وجهي علي وانا عاكف حواجبي ::اي اعرفهم والنعم بيهم
خيير فارس شكو
فارس/: خير ان شالله سلام ذاك اليوم وصلت عمي رحمن
للبيت وبالباب شفت بنيه مؤدبه الله يستر عليها
باوعتله ::اي وبعد
فارس مدنك /: انا ثاني يوم الصبح مريت على مود اخذ عمي
رحمن وياي وشفت نفس البنيه
رايحه يمكن للدوام
انا بخبث ::يمكن شلك بيها هاي انوار بت عمي رحمن تداوم
مرحله ثالثه تربيه بس انت ليش تسال
فارس/: سلام والله اريد اعرف اخلاقهم لان شفت اخلاق عمي
رحمن
::وانا كتلك والنعم
فارس/:يعني سلام شتگول اتوكل
ابتسمت :: وانا وياك ياصاحبي انا الي اخطبها الك تستاهل
فارس/:تسلم ياصاحبي
::اي فارس ومرت عمك شنو وضعها
فارس بحسره /:والله شكلك جاي تخابر وتدز مسجات
::وانت ؟
فارس/:انا سلام ولا اجاوبها اتصور انطيتها حضر حاچتني من
غير رقم
:: تحچي صدك
فارس هز راسه // اي سلام وبكل وكت تتصل وتدز مسجات
وانا ما اجاوبها
:: اويلي شكد خاينه
فارس ضم شفايفه // يمكن تكون خاينه
انا جاوبته وانا اباوعله بنص عين /: هاا يمكن شنو ما تعرف
شلون الخيانه خيانه هي مو اختارت عمك
بالبدايه من حسبتها وشافت امورك زينه رجعت لفت عليك
فارس/:الله يهديها وعمي ما عايز هم عنده خير
انا جريت حسره لان تذكرت رضوى ::ادري فارس بس
اسمحلي الخيانه سجيه بالبشر مثل النفاق الجذب ومرت
عمك سجيتها الخيانه
فارس/:والله ما ادري سلام الله يهديها
:: بعدك تحبها
فارس انتفض // لا سلام شنو احبها بس ما احب احكم ع
البشر راسا احب انطيها عذر
حاولت اغير الموضوع ::ياالله عيني العاشك الولهان امشي
خلي نرجع ورانا شغل وباجر الصبح مو تنسى
مر على عمك رحمن على مود تشوف ست الحسن والجمال
فارس/:شنو هاي سلام سويتها قصيده
::جا شنو القصيده هواي عليك بس انت توكل وانا اسوي
ديوان باسمك
ضحكنا وكل واحد بينه شايل هم وحزن بگلبهررجعت انا
وفارس قريب الساعه11بالليل ورحت غيرت ملابسي
واتصلت بعمي صاحب هو جاوبني
الو هلا عمي سلام
::هلا عمي اشلونك
صاحب /:انا الحمد لله انت شلونك اليوم ما شفتك
::صار عندي شغل حتى للبيت ما اجيت اكلك عمي باجر
الصبح بلكي تمر عليه محتاجك بشغله ضروريه
صاحب/:خير سلوم
::كل الخير بس عندي شغله ضروريه وحاب استشيرك بيها
صاحب/:تدلل ان شالله الصبح يمك
::وانا منتظرك ولا تگل الاي احد
- - خير سلام قلقتني
:: كل الخير عندي استشاره وياك ما اريد احد يعرف بيها يالله
تستمر القصة أدناه

صاحب /: تدلل
:: يالله تصبح على خير
- - وانت من اهل الخير
نمت الصبح كعدت اخذت حمام وطلعت وفارس هم طلع
وياي قريب الساعه تسعه اجه عمي صاحب
دخل للمكتب وصيت على جايات وكت العزوز
اي احد يجي انا ما موجود اتصرف من يمك وقفلت المكتب
واجيت كعدت يمه هو يشرب بالجاي ويكلي
.
- - ها عمي سلام خير شنو الاستشاره الرايدها مني تره انا
بالخدمه
::تسلم عمي ما تقصر بس هي الحقيقه مو استشاره
صاحب وهو يشرب بالجاي /:جا شنو عم

ي ؟
::الصدك عمي ابو انمار الشغله تخصك الك مو الي
هو استعدل بكعدته /:ها وشنو هاي الشغله
::عمي امس اجاني محامي فواز الله يرحمه على حصر التركه
عمي صاحب ارتبك وكال //ياتركه
::شلقصه عمي حلال فواز وفلوسه
صاحب/:اي وشنو
::ابو انمار بلا لف ودوران البيت اقصد بيت ابوي الله يرحمه
الي اشترا فواز وبقت حصتي وحصة مرته
ووحصتك بس الي عرفته انت ما الك شي بالبيت شنو
القضيه اريد افتهم
صاحب // هو المحامي هيچ گلك
هزيت راسي :: اي وگلي موجود هذا الشي باوراق رسميه
عمي صاحب جر حسره وكال //الصدك عمي سلام انا كبل لا
يتوفى فواز بخمس تشهر انا دخلت مشروع ويه
نسيبي تعرفه ناجي اخو مرتي واحتاجيت فلوس كلت ابيع
حصتي والي احصله بعدين اشتري بي بيت
واستقر بس سبحان الله
وسكت عمي انا حاجيته
::بس شنو عمي وضح
صاحب /:الصراحه فواز الله يرحمه ما قصر هي حصتي 85
مليون انطاني 150 واتنازلت
لكن الي صار انا خسرت فلوسي
انا بتعجب ::عمي شتحجي انت
صاحب/:اي سلام الي صار خسرنا انا وناجي كل شي
انا باستهزاء :: شنو هالحچي هذا عمي هاي بس انتم الي
يدخل بمشروع راس ماله 300 مليون لازم حاسب
الف حساب ولا تكلي اتقشمرتو
صاحب بقلة صبر/:هذا الي صارسلام وبس فواز الله يرحمه
يدري وكلي تبقى بالبيت على ما تلم نفسك بس الله
سبحانه ما راد الي الستر ويه هالجهال الي انشلع كلبي يالله
حاصلتهم لو البنيه الي عاشت كل عمرها مكسور خاطرها
دنگ وهوومقهور كتله وانا انفخ ::الله كريم عمي الله كريم
نلكالها حل
صاحب/:حليش سلام البيت الك والمرته الفواز
انا بصوت ناصي ::يصير خير بعد جم يوم اشوف المحامي
وافتهم منه
صاحب/:ما اعرف ياعمي بس سهير تكول اذا ما تلكى حل
اتطلكني
انا بتساؤل ::ليش عمي سهير شتريد ؟
صاحب/:عمي تريدلها بيت تكول انا مو وحد وانت كبرت لازم
تامن مستقبل اولادك
:: الصراحه ما طلبت غير حقها بس هم الفلوس ما لعبت
بيهن اقمار انت واخوها اتشاركتو وخسرتو
(باوعتله وگلت )الله كريم عمي تنحل
كام عمي صاحب وكال //والله ياعمي من بعت حصتي الفواز
كلت اول وتالي ياخذ عطاء ويخلينه ويا على ما
الله يرزقنا
انا حاجيته /: ابو انمار ال 150 جانن ممكن يجيبلك بيت وبيت
زين لكن انت اله يسلمك والله عمي ما ادري شكلك
صاحب ::صحيح كلامك بعد هذا الي صار واتمنى ياسلام
هذاالشي محد يدري بي وياريت تلكالي صورة حل
انا ::ان شالله عمي اطمن ماراح احد يدري باي شي
تستمر القصة أدناه

وراح عمي وانا بقيت بالمحل افكر واكول
::اشلون لو عرفت رضوى بان اكثر املاك فواز الها شراح
تسوي ومن تعرف البيت الحصه الجبيره
الها وبس انا الي وياها وعمي ما اله شلون راح تتصرف
لو هذا عمي صاحب الصاير محبس بايد مرته واهل مرته عاف
الدنيا كلها راح شاركلي
ناجي اخو سهير وهو اكبر قفاص
ظليت افكر اتصلت بعمتي عليه
عليه/:الو هلا عمه سلام شلونك
::الله يسلمج انتي شلونج
عمه/:زينه الحمد لله
::اكول عمه انتي اليوم وين
عمه/:ها يمه انا يم بتي
::ها ابيتنا خو ما محتاحات شي
عمه/:لا عمه سلامتك
::اكلج عمه رايدج بشغله وما اريد احد يدري بيها
عمه/:كول عمه اامر
::استغفر الله بس اريد تبلغين ارملة المرحوم اريد الحاسبه
مالته محتاجها لان بيها شغل يخصنا
عمه/:اي عمه مي خالف هسه اكللها
::انتي حضريها ومن ادز عليها العامل طلعيها لان كلش
محتاجها بيها حسابات ضروري اراجعهن
عمه/:بس دقيقه ظل وياي
اسمعها تسالها وانفتح باب وانسد عمتي جاوبتني
الو يمه سلام
::وياج عمه
عمه/:هاي الحاسبه دز العامل ياخذها
::ان شالله عمه وبالليل من اجي ارجعها
عمه/:بكيفك عمه على راحتك
::مع السلامه
عمه/:الله وياك
دزيت عزوز يجيبها مسافة الطريق اجه ويا الحاسبه هي بيها
رقم سري بس انا وفواز نعرفه جان الرقم السري
مالته مواليدي والرقم السري مالتي مواليده فتحتها وصرت
اتصفح بيها
انا بالاساس ما اعرف ليش دزيت عليها بس الامور بيها وما
تتشعب
بقيت اتصفح هاي اول مره اتصفح الحاسبه مالت فواز رغم
اكثر شغلنا سووا بس جان بيناتنا احترام واحد ما
يتجسر على شغلات الثاني نعتبره اسرار شخصيه
بالبدايه شفت خال صورة ابوي وامي وكاتب جواهم اعز الناس
انوب موسيقى بعدين خال البوم صور صورنا
من واحنا زغار واحنى نلعب طوبه واحنا رايحين للمدرسه
وصور اعياد ميلادي وصوري بالكليه ومن اتخرجت
انا ما اتحملت ما سيطرت على نفسي صرت ابچي وخال
صوره عطاء وكاتب
(يا اغلى من الروح فدتكي الروح والعين )
وصورتي انا ورضوى وكاتب
(يارب اشوفكم اسعد زوجين ولكم خبلتوني ما شايف حب
مثل حبكم تزوجو وفضوني )
انا من شفت صورتي انا ورضوى اتذكرت خيانتهم وظليت
صافن ما ادري شنو صار بيه ظليت بس اتنفس قوي
سديت الحاسبه وبقيت بالمكتب بس ادخن واحاجي نفسي
والدمعه بعيني
::فواز انت مو اخوي انا مو سامحتك ليش مصر اتعذبني
وتعيشني بدوامه
وگفت وانا ادخن :: اي لازم اتعذبني خال صورتي وكاتب
جواها يمته تتزوجون وانت تخوني وياها
رجعت فتحت اللابتوب بقيت اتصفح بيه شفت فوا

ز هواي
متراسل ويه جماعه على شغل لكن الي لفت نظري
مراسلاته ويه وحده تكله
&جهالك يراد الهم ملابس
- مية مره كايلج لا تكولين جهالك
&هاا جا جهالمن
- - غلطه انتي ما تفهمين وجاي احاسب روحي عليها
& بس من صارت بذيك اللحظه ما كلت غلطه
- - وهسه شتردين
& اريد فلوس اريد اشتري اغراض وملابس
- - صار تدللين
& شقابضه بس الحجي
& ليش شتردين انا ما مخليج محتاجه شي
- - اي مبين انت حتى ما تحاجيني من نقالك اتحاچيني من
الحاسبه
& وانتي شيفرق عدج من النقال من الحاسبه من الشارع
افهمي كل الي بينه انتهى
- - مو بكيفك والله افضحك اذا ما اتامن مستقبلي ومستقبل
جهالك
تستمر القصة أدناه

بعدين قبل سفره بيومين كاتب الها
- - اتحضري باجر اخذج تشوفين البيت واسجله باسم الجهال
وانتي عود كولي اخوتي اشترو الي
وسجلو باسم الجهال حتى ما افكر ابيعه
& بس انت تدري فواز باخوتي ما تعبر عليهم هيج سالفه
- - انا الي اعرفهم عود اكلهم انا داينتكم فلوس واشتريتو البيت
خو ادري باخوتج اذا يطلعون الخمس تالاف
نشيلهم اسعاف
&اي غير اعرف شتكلهم
- - انتي ما عليج اعرف شحجي وياهم خليها عليه
ضميت الحاسبه وقررت ما ارجعها لان البيها اسرار تخص
اخوي تصدكون خصوصا وهو كل المراسلات
محتفظ بيهن حتى غيرت الرقم السري
حاولت اتواصل وياها الهاي الي تراسل بفواز بس لكيتها
حاذفه البرنامج ظليت افكر
::يعني فواز عنده علاقه مو شريفه ويه وحده غير رضوى
::وهو فواز يمته علاقاته شريفه
::بس هو وصاني على ولده الي طلعو استغفر الله اولاد حرام
::لا لك سلام من يكوول
::شنو منو يكول لو ولد حلال جا اجت مرته اهلها طالبو بالورث

::الله يرحمك يافواز عيشتني بدوامه
1
بالليل رحت للبيت وصلت لاكتني كوثر حضنتني وحضرتلي
الحمام البره سبحت وطلعت لابس تراك اسود
وجابتلي عشا انا كتلها ما ااشتهي بس اريد فواكه هي جابتلي
وبالليل اجه عمي طاهر وصبيحه الي بادرت
بالسلام وظلينه نسولف واجت سهير وعطاء لان عمي عنده
حمل بالميناءءسهير مو مثل قبل من يروح عمي
تروح الاهلها صارت تبقى بالبيت احنا نسولف صبيحه
اتعمدت تسال كوثر بصوت عالي
صبيحه/:شنو كوكا ماكو بالطريق شي منا منا
كوثر بارتباك //ها لا ماما بعد وكت عليمن مستعجلين
عمي طاهر عبالك عمه جنتها ما تحبل //شنو بابا بعد وكت
الطفل الاول استقرار لو شتكول سلام
هزيت راسي ::الله كريم عمي يصير خير
عرفت من كلامهم انو كوثر كايلتلهم ع الاتفاق الي صار بيني
وبينها وعرفت هم انو كوثر مو هي المره الي ينشد
بيها الظهر اتندمت ياريتني ما متزوج او متزوج وحده مثل
عطاء اقلها هادئه ورزنه
يعني حياة زوجيه لازم المره تحفظ سر زوجها لكن الظاهر هاي
المره مو كوثر
الساعه 11 راحو وبقيت بالديوانيه طلعت وراهم كوثر اتاخرت
انا اتمددت لان فراشي بالديوان اتذكرت ساره
ما اعرف ليش طرت على بالي وشنو السبب اتمنيت اخابرها
بس خجلت منها بصراحه ظليت متمدد شويه
واجت كوثر لابسه بدله نوم وردي فوكها روب اتدنت يمي انا
درت وجهي عنها هي صارت تبوس بيه وخلت
ايدها ع خصري وانفاسها تضرب بركبتي حسيت من اتقربت
عليه لاعبه نفسي منها من شافت برودي دارت
الجهتي وحاجتني بدلال
كوثر /:حبيبي انت مو كاعد ليش ما تتجاوب وياي مو تعرف
شكد احبك
انا ما جاوبتها
كوثر/:سلام شبيك مو احجي وياك شلي صاير ليش ما
تجاوبني
::تعبان ومالي خلك
كوثر/:ها سلام رجعنا مثل قبل نفس البرود
::ما كو كل برود جاي اكلج انا تعبان
كوثر/:وانا مرتك واريد حقي
كمت كعدت وهي كعدت باوعتلها رغم حلوة ولبسها مغري
بس انا ما عجبني اتقرب منها
انا كتلها ::انتي كلتيها مرتك يعني زوجتي شريكتي بكل شي
بهمومي اسراري مو
كوثر/:اي طبعا --واتقربت وهي تحضن بيه -انا شمرت ايدها
::زين ما طول هيج شبساع رحتي يم امج وابوج وحجيتي انو انا
ما اريد اطفال بالوقت الحاضر
كوثر ولا تكليلي ما حاجيه ولا كايلتلهم اصلا اليوم جيتهم حتى
ايسمعوني انو انتي لازم يصير عندج طفل
( هزيت راسي ) مع الاسف عبالي فعلا اتغيرتي بس الظاهر انا
غلطان
كوثر /:لا انى ما كتلهم بس ماما سالتني ليش ما حملتي كتلها
بعده وكت
انا بنتر :: انتي شنو ما شبعتي تمثيل وجذب وج اصلا اليوم
جايين على مود يحجون هاي الكلمتين ليش الهسه
ما حبلتي ويفهموني بطريقه غير مباشره تره احنا نعرف ليش
بتنا ما تحمل
كوثر كانما تستفزني //وبعد طلع كل شي بگلبك لان انا صرت
حايط انصيص الك والابوي وامي
انا بنفس عصبيتي :: مع الاسف عبالي تاخذين الكلام
وتحفظين السر لكن طلعت غلطان
كوثر بعصبيه //. على شنو غلطان اصلا ادري بيك انت ما تريد
يصير عندك طفل مني على مود ما تبقى
وياي وحتى تلكى حجه تعوفني
انا هزيت راسي وكتلها وانا اتصنع الابتسامه ::كوثر تدرين شنو
غلطة عمري
كوثر باستهزاء/:اي بالله شنو استاذ سلام
::اني تزوجتج لان اعرف انتي بت امج ما تحاولين تكونين انتي
البنيه المثقفه المهندسه الي شلون تسعد زوجها
والي تحافظ على اسراره والي تحتوي وتنسي كل شي من
يكون وياها
كوث

ر باستهزاء /؛اسعد زوجي واحتوي مو هو زوجي باله يمي
علمود اسعده باله يم ست الحسن
حبيبة كلبه الي باكها اخو انوب اخو مات ينتظر بس تخلص
العده ويتزوجها بس شوف يا سلام
رضوى اموتها خلاص ولا اخليها تاخذك
انا ظليت اتنفس بقوة وحچيت بعصبيه ::مو من اكول انتي
ادب سزز محد يصدكني شوفي ولچ هذا الي تسوينه
مو حب انتي ما تحبيني لا انتي تردين تملكيني (اتقربت
وضربت خفيف على راسها ) لكن هذا الشي بعيد عنج
كوثر وهي تاشر باديها //اي اريد املكك جا شنو اخليك لبت
عليه ام الزلم التلعب على عشرين حبل دشوف
ختخلص العده وتجييك الاخبار
::وج انتي ما تخجلين انتي حرامات عليج حتى الدراسه الي
درستيها انتي وحده همجيه
كوثر تخوصرت وتهز برجلها //اي عيني انا اكبر همجيه احنا ما
نشبه النمثقفات الي من حضن الحضن
::وج مو صوجج صوج الزمال الكاعد يمج ويحجي وياج بعدين
انا شمكعدني يمج انتي حيوانه لا فهم ولا علم
كوثر/:مخليه الفهم والعلم الك انت وحبيبة الگلب رضوى اصلا
انت مو مال مره مهندسه مثقفه شريفه مال
وحده كل ساع تتلاكفها الزلم وحد كح،،، تربية شوارع
لزمتها من حنجها وكتلها وانا اكز على اسناني
::تربية شوارع مو زيين انا اعلمج ما اوصخ ايدي بيج لان ما
تستاهلين حتى الكف بس انا اعلمج
شوفي ولج اكدر هسه الزمج واجرم بيج واكسر راسج وتجيني
امج البيك وابوج الطلي
ويعاتبوني وانتي ما تسوين فلس بسوك النسوان
كوثر وهي ترجف // اي طبعا ما اسوى اصلا منو انا قابل انا
الي ضحكت عليك فوك ال 15 سنه وبعدين شفتني
مصلخه بحضن اخوك طبعا ما اسوى لان شريفه مو مثلها
ساقطه
تستمر القصة أدناه

ضميت ايدي حييل وانا ودي اكتلي واحد مووت بس تمالكت
اعصابي وضربت الحايط
اخذت السويج والموبايل وطلعت سقت السياره ردت اطلع
للشقهه لكن استحييت من فارس وطلعت للمحل
وانا اسوق شفت وحده لابسه عبايه اسلاميه وتمشي باعتلي
واشرت فترت السياره وانا اشوف السيارات
شلون تدك الها هورن فترت او وكفت اجت يمي باوعتلي
كلتلي //وين توصل
شفت بنيه شابه عمرها تقريبا 24 سنه حلوة بس مبينه مو
راحه
انتي وين تحبين انا اوصلج
هي راسا صعدت يمي وباوعتلي //وين ما تحب المهم تدفع
عرفتها من بنات الليل اخذتها وياي لان بصراحه جنت تعبان
ومقهور نزلت للمحل ونزلت وراي وهي تكلي
- - هيي بس انت مووو
جاوبتها وانا ااشر على حلگي ::اشش وادخلي وانتي ساكته
طلعت نقالي خابرت ابو وسام الحارس كتله ::هلا ايو وسام تره
انا بالمحل وسيارتي خليتها كبال المحل
مو يظل بالك
- - ها عمي سلام خو ما كو شي
::لا بس حسابات واريد ابقى ابحدي
- - محتاج شي اجيبلك شي
::لا كل شي ما اريد بس اكمل انام
ودخلت للمحل وشفت شي عجيب شفتها كاعده ع القنفه
وذابه العبايه الاسلاميه ولابسه شورت قصير وبدي
بدون اردان جسمها عباره عن قطعة ثلج باوعت الها شفتها
حاطه رجل على رجل وتدخن اجيت كعدت يمها باوعتلي
انا اخذت جكاره وبقيت ادخن اتدنت يمي بس انا ما تحركت
لان جاي اباوع الجسمها والوجهها هي اتقربت مني اكثر
وحاجتني //شنو استاذ نخلص الليل كعده ونشرب جكاير
::هاا ليش
طكتها ضحكه بصوت عالي تقربت منها صميت حلكها حجيت

::اشش بت الكلب لا تفضحينه
هي باوعتلي وبعيونها عتب اتقربت كتلها //اسف مو قصدي
اغلط عليج
::لا عادي هذا من ضمن الشغل (وضحكت بس على كييف )
سالتها ::شمطلعج بهالليل والدنيا تخوف
هي ضحكت وجاوبت //ما طلعت بس اكو واحد زماال حشاك
طلعني وصلنه للبيت خابرته مرته هي جايه
لان تعاركت ويه مرت اخوها اشو هذا صارلك نعجه من
الخوف كام يرجف وطلعني بس وداعتك ما طلعت لمن
ما ابتزيته
::وتمشيين بهالليل ابحدج ما خفتي
- - لا عادي اذااشوف واحد اخاف منه اكله اخوي سووا حادث
وانطي اسم اي مستسفى ويوصلني بس انا جنت
اريد اخذ تكسي ومن شفتك كلت ليش ارجع هيج وتنحسب
علي طلعه
واتقربت مني وبدت تستميلني جانت تعرف للشغله
وهاضمتها بس انا انقهرت عليها انا مااتقربت الها رغم جنت
محتاجها لان تعبان لكن ما حبيت اصير حيوان امام نفسي
هي من شافتني هيج استعدلت وكلتلتي
- - شنو عيني ما نعجب لو انت مو رجال -وضحكت--
انا دخنت جكاره وسالتها ::شسمج
- - اسمي عفاف سابقا لان بشغلتي ما يليق هذا الاسم بس
الشهره دانه
::من يمته تشتغلييين بهاي الشغله
- - من خمس سنوات
::شابه وحلوه ليش
هي باستهزاء - - اكيد الجواب الدائما نردده الظروف بس لا انا
شغلتي حكم القوي ع الضعيف
::هههه حكم منو
- - انت ليش مهتم
::احب اعرف
- - هاا يعني بدال الونسه تحقق وياي
::اي وكل شي بثمنه
- - تمام ما طول تدفع اگلك ما عندك مشروب
1
هزيت راسي هي ضحكت وگالت - - بصراحه انا امي توفت
من جنت بصف سادس ابتدائي سنه وابوي تزوج
صرت خدامه ومربية اطفال (ما ادري ليش اتذكرت عطاء
ومعاناتها )
ما عرفت الي خوال بس من جانت امي تروح تاخذني وياها
من توفت يمكن خافو ع اللكمه محد
سال بقيت بالمدرسه السنه بسنتين لان ملتهيه اخدم واربي
جهال صار عندي من مرت ابوي تلث بنات او ولد واحد
عمر اخوي

سبع اشهر جنت ناجحه من الثالث متوسط اتوفه
ابوي راجع من الدوام نام ما كعد بس خلصت الاربعينيه
مالت ابوي صاحتلي زوجته ودخلتني للغرفه وكلتلي
تستمر القصة أدناه

$من باجر تطلعين تشتغلين
..خاله وين اشتغل وليشءمو ابوي عنده تقاعد
$انجبي هذني الا فلاس تعتبرينهن يعيشنج ويعيشن اخوتج
..خاله وين اشتغل
$خدامه بالبيوت لو اكلج البسي بوشي وجدي بالاشاره
..ليش خاله حرام عليج هذا بيت ابوي وكاعده بي والي من
الراتب
$انجبي واسمعي الكلام
..والله خاله ارووح العمامي واكلهم
$عمه العماج همه وينهم عمامج ام عمام رووحي اسهل منها
ماكو اكلهم بتكم جذابه طالعه من
الطريق واجيب ابدل الواحد عشره يشهدون ولج جلبه غصبن
عليج تشتغلين وتجيبين فلووس مو
عبالج لان مات ابوج انا من جان ابوج عدل اخلي يشتغل تلث
شغلات
..من هيج ابوي مات من التعب
$انجبي وحطي نعال بحلكج وافتهمي انا اهم شي عدي
الفلوس
سكتت وذعنت للامر الواقع ورحت اول ايام ما اعرف اي شي
بس ماده ايدي اسبوع هضمتها
للشغله فد يوم اجيت يم واحد سيارته تخبل مديت ايدي كلي
ارفعي البوشي وانا انطيج 25 الف
رفعته شافني اتخبل كلي روحي كدام وتعاي اصعدي وياي انا
استسهلت الشغله وصعدت اخذني البيت ما ادري
قصر اتقرب مني انا ما قبلت كلي
::ليش تره الجداوه تسقيط للكرامه وهذا الشي هم تسقيط
للكرامه
انا حسبتها شفتها نفس الشي اقلها انت ذليل بس بلحظه
اتذلك واحد خصوصا اذا جان حيوان ويرغب بالجمال
وبقيت اكثر من شهر ومرت ابوي خابرتها كتلها عدي شغل
بالبدايه تعد وتصف بس من كتلها راح اجيبلج فلوس
وفلوس هواي فرحت وسكتت وره الشهر مل مني ما اعرف
شلي صار انطاني مبلغ محترم وركبني بالسياره
ورجعني النفس المكان بس رجعت مو عفاف لا رجعت وحده
تبيع جسدها للي يدفع على مود ترضي مرت ابوها
الي فرحت بالشغله وهي تگلي محد يدري بيج بعدين شفت
وحده هاي شغلتها ورحت اشتغل عدها
وهاي انا تشوفني كل شهر ادز المرت ابوي فلوس وما خليتها
تعرف طريقي ومن اروح اشووفها اذلها بكد ما ذلتني
احتقرها وانا اشوفها كاعده جوه رجليه
:زين عمامج خوالج
..ما يجوون ولا يسالون واذا سالو هي تعرف شتجاوبهم
:انتي مرتاحه بحياتج
هي ضحكت وجرت نفس جكاره وسالتني //انت مرتاح ؟
قبل ما اجاوب هي جاوبت
..انت رجال وامرك بيدك وعندك سياره ومحل ويجوز جهال
وحبيبه بس انت ما مرتاح هسه تسال وحده مثلي مرتاحه
:البسي خلي اوصلج
..ليش ما تونست وياي
:بصراحه ما احب اسوي هيج اشياء
هي جاوبتني بثقه //لا ياحلو مو ما تحب بس انت عقلك ويه
غيري تحب وحده وما تريد تخونها موو
انا سكتت ما جاوبتها انطيتها فلوس وكتلها خلي اوصلج هي
اخذتهن وما حجت صعدت وياي ورحت نزلتها
باقرب شارع باوعتلي وكالت
..اذا تحب لا تضيع حبك شوف احنا انا وياك تلاكينا بالشارع
وافترقنا بالشارع رووح الحبك ولا تضيعه
من نزلت عرفت هي من حجت هيج جانت تحب بس ظروفها
خلتها تتخلى عن حبها رجعت وانا اتذكر كلامها
لمن تكلي ارجع الحبك ولا تضيعه ليش انا الي ضيعته لو هي
ما اعرف ليش تمنيت بذيج اللحظه الزم رضوى واشبعها
ضرب واطلع حركت كلبي بلعت ريكي واحس بروحي
خاويه ومقهور ودي اصرخ ابجي ما ادري بقيت بالسياره
وطلعت للنجف وصلت وره الظهر حجزت فندق
غسلت واتوضيت ورحت للامام العصر وتميت حد الليل وانا
اصلي واقرا قران واستغفر وصلت يم الضريح الشريف
وهناك انهاريت صدكوني لزمت الشباك وانا انحب بصوت
عالي وابجي بعدين حجيت ويه ربي وانا لازم الشباك
تستمر القصة أدناه

::ياربي نور دربي بحق امير المؤمتين ياربي مالي غيرك انا تايه
ساعدني ياالله بحق علي ساعدني
ما احس الا ايد انمدت وصوت يهمس باذني ويكلي
##انت خير من دعيت وهو خير من يجيب وما طول طرقت
باب رب العالمين ما راح يخيب ظنك
درت والدمعه بعيني وشفت رجل كبير بالعمر تقريبا عمره
سبعين سنه بس وجهه نوراني لابس دشداشه بيضه
وجفية مالت عرب ابيض واسود بدون عكال انا من شفته
ردت ابوس ايده بس هو ما قبل وكلي بهدوء مو طبيعي
تحس بكلامه روحانيه غريبه
##انت بحضرة الامام واهنا كلنه بحاجته وعدنا حاجات رووح
ياابني الله ينور طريقك
انا حسيت براحه يمكن من ليلة الحادث الهسه ما حسيت
بهاي الراحه بقيت اصلي واقرا قران وبعدين رحت اتعشيت
ورحت للفندق صدكوني بس خليت راسي نمت
الصبح كعدت سمعت قران يقرا عرفت بعده اذان الفجر كمت
اتوضيت وسبحت ورحت للامام صليت وزرت
وبعدين رحت للمقبره وصلت توها الشمس شارقه اخذت
ماي ورد وبخور وغسلت قبر ابوي وامي ورحت
على قبر فواز غسلته وشعلت يمه بخوور وكتله
:فواز تره الامانه ثكيله وما مفتهم شي منها --تكسرت العبره
بكلبي ما اتحملت صحت --
::ولك فواز ليش هيج سويت بيه دمرتني ودمرت عطاء ولك
فوازعرفت شگد عدك املاك
وكله تعبنا راح يروح الرضوى جنت ما اخلي بخاطرك واكول
الجيب واحد طلعت تشتري عقارات
ومزارع وانا ما ادري ليش يا خوي ليش ولك خويه ليش وهاي
التوفت وياك منين وشنو قصتها
ماتت ومات السر مات وياها او وياك لو ما طالعه ابنيه ج