Jarayon
“Ma’rifat ulashib” loyihasi doirasida joylarda ma’naviy-ma’rifiy tadbirlar davom etmoqda.
Toshkent davlat iqtisodiyot universitetida o‘tkazilgan shunday madaniy tadbirda O‘zbekiston Yozuvchilar uyushmasi a’zolari, shoirlar Minhojiddin Mirzo, Oygul Suyundiqova hamda Nargiza Asadovalar ishtirok etishdi.
Poytaxtning Sirg‘ali tumanidagi maktablardan boshlangan adabiy uchrashuvlar universitetning o‘zida davom etdi.
Loyiha doirasida qiziqarli suhbatlar, “Zakovat” intelektual o‘yinlari ham tashkil etilib, zukko o‘quvchi va talabalarga universitetning pul mukofotlari hamda Yozuvchilar uyushmasining badiiy kitoblari sovg‘a qilindi.
O‘zbekiston Yozuvchilar uyushmasi Axborot xizmati
“Ma’rifat ulashib” loyihasi doirasida joylarda ma’naviy-ma’rifiy tadbirlar davom etmoqda.
Toshkent davlat iqtisodiyot universitetida o‘tkazilgan shunday madaniy tadbirda O‘zbekiston Yozuvchilar uyushmasi a’zolari, shoirlar Minhojiddin Mirzo, Oygul Suyundiqova hamda Nargiza Asadovalar ishtirok etishdi.
Poytaxtning Sirg‘ali tumanidagi maktablardan boshlangan adabiy uchrashuvlar universitetning o‘zida davom etdi.
Loyiha doirasida qiziqarli suhbatlar, “Zakovat” intelektual o‘yinlari ham tashkil etilib, zukko o‘quvchi va talabalarga universitetning pul mukofotlari hamda Yozuvchilar uyushmasining badiiy kitoblari sovg‘a qilindi.
O‘zbekiston Yozuvchilar uyushmasi Axborot xizmati
“YOSH KITOBXON TALABALAR LIGASI” TANLOVI BO‘LIB O‘TDI
2025-yil 16-oktabr kuni Toshkent Davlat transport universitetida “Yosh kitobxon talabalar ligasi” tanlovi bo‘lib o‘tdi. Tanlov nizomida belgilangan ikki yo‘nalish – “Men yoqtirgan asar” (asar haqida chiqish) va “Eng bilimdon kitobxon” (savol-javob shaklida bellashuv) asosida o‘tkazildi.
Talabalar Abdulla Qodiriyning “O‘tkan kunlar” va “Mehrobdan chayon”, Chingiz Aytmatovning “Jamila”, shuningdek, Cho‘lponning “Kecha va kunduz” kabi yirik asarlari asosida o‘z bilim va tahliliy fikrlarini namoyish etdi.
Tadbirda hakamlar hay’ati tarkibida O‘zbekiston Yozuvchilar uyushmasi a’zosi Guli Nigor Avazova hamda Hulkar Sherzodova ishtirok etdi.
Yakunda faol ishtirok etgan talabalarga tashkilotchilar tomonidan esdalik sovg‘alari hamda O‘zbekiston Yozuvchilar uyushmasi tomonidan badiiy adabiyotlar jamlanmalari taqdim etildi.
O‘zbekiston Yozuvchilar uyushmasi Axborot xizmati
📱Rasmiy sahifalarimiz:
Website | Telegram | Instagram | Facebook | YouTube
2025-yil 16-oktabr kuni Toshkent Davlat transport universitetida “Yosh kitobxon talabalar ligasi” tanlovi bo‘lib o‘tdi. Tanlov nizomida belgilangan ikki yo‘nalish – “Men yoqtirgan asar” (asar haqida chiqish) va “Eng bilimdon kitobxon” (savol-javob shaklida bellashuv) asosida o‘tkazildi.
Talabalar Abdulla Qodiriyning “O‘tkan kunlar” va “Mehrobdan chayon”, Chingiz Aytmatovning “Jamila”, shuningdek, Cho‘lponning “Kecha va kunduz” kabi yirik asarlari asosida o‘z bilim va tahliliy fikrlarini namoyish etdi.
Tadbirda hakamlar hay’ati tarkibida O‘zbekiston Yozuvchilar uyushmasi a’zosi Guli Nigor Avazova hamda Hulkar Sherzodova ishtirok etdi.
Yakunda faol ishtirok etgan talabalarga tashkilotchilar tomonidan esdalik sovg‘alari hamda O‘zbekiston Yozuvchilar uyushmasi tomonidan badiiy adabiyotlar jamlanmalari taqdim etildi.
O‘zbekiston Yozuvchilar uyushmasi Axborot xizmati
📱Rasmiy sahifalarimiz:
Website | Telegram | Instagram | Facebook | YouTube
Media is too big
VIEW IN TELEGRAM
17-oktyabr kuni tug‘ilgan ijodkor:
Shorustam Shomusarov – adabiyotshunos, uyushma aʼzosi;
Zohidjon Olov – shoir, uyushma aʼzosi;
Dilshodaxon Ergashova – shoira, uyushma aʼzosi.
Shorustam Shomusarov – adabiyotshunos, uyushma aʼzosi;
Zohidjon Olov – shoir, uyushma aʼzosi;
Dilshodaxon Ergashova – shoira, uyushma aʼzosi.
#оnа_tilim_faxrim
ONA TILIM
Otam ham, onam ham o‘zbek edilar,
Ammo go‘daklikda men qush edim-ov.
Chug‘ur-chug‘ur qildim, “chumchuq” dedilar,
Keyin g‘o‘ldiradim – dedilar “soqov”.
Sen esa, abadiy g‘olib jangchiday
Sezdirmay zabt etding ruhim, ko‘nglimni.
Allaning betimsol dard-ohangiday
Kuyga oshno etding oxir tilimni.
Men kuylay boshladim bulbul tilida,
Tabiiyki, yana “Bu – qush!” dedilar.
O‘zbekchaning bulbul til ekanligin
Bechora g‘ofillar bilmas edilar.
Kuylayverdim tinmay ona tilimda
Kimlardir xo‘rsinib, ko‘zin yoshladi.
Qushmas, insonligim anglab yetdi-yu,
Bulbul ham o‘zbekcha kuylay boshladi.
O‘g‘illarim, qizim – barchasi o‘zbek,
O‘zbek tug‘ilgandir nabiralarim.
Yoqimli so‘z bormi o‘zbekcha so‘zdek,
O‘zbekcha uyg‘onar xotiralarim.
Ona tilim, maqtay olmasam, kechir,
Sen o‘zing ruhimning quyoshi, oyi.
Axir, meni yuz bor duo qilgandir
Tushlarimga kirib hazrat Navoiy.
Tilim, abadiysan, men ham o‘lmayman,
Tilning rivoj yo‘li – millat yo‘lidir.
Hatto qarg‘adan ham xafa bo‘lmayman:
Qag‘illash – qarg‘aning ona tilidir.
Abdunabi Hamro
ONA TILIM
Otam ham, onam ham o‘zbek edilar,
Ammo go‘daklikda men qush edim-ov.
Chug‘ur-chug‘ur qildim, “chumchuq” dedilar,
Keyin g‘o‘ldiradim – dedilar “soqov”.
Sen esa, abadiy g‘olib jangchiday
Sezdirmay zabt etding ruhim, ko‘nglimni.
Allaning betimsol dard-ohangiday
Kuyga oshno etding oxir tilimni.
Men kuylay boshladim bulbul tilida,
Tabiiyki, yana “Bu – qush!” dedilar.
O‘zbekchaning bulbul til ekanligin
Bechora g‘ofillar bilmas edilar.
Kuylayverdim tinmay ona tilimda
Kimlardir xo‘rsinib, ko‘zin yoshladi.
Qushmas, insonligim anglab yetdi-yu,
Bulbul ham o‘zbekcha kuylay boshladi.
O‘g‘illarim, qizim – barchasi o‘zbek,
O‘zbek tug‘ilgandir nabiralarim.
Yoqimli so‘z bormi o‘zbekcha so‘zdek,
O‘zbekcha uyg‘onar xotiralarim.
Ona tilim, maqtay olmasam, kechir,
Sen o‘zing ruhimning quyoshi, oyi.
Axir, meni yuz bor duo qilgandir
Tushlarimga kirib hazrat Navoiy.
Tilim, abadiysan, men ham o‘lmayman,
Tilning rivoj yo‘li – millat yo‘lidir.
Hatto qarg‘adan ham xafa bo‘lmayman:
Qag‘illash – qarg‘aning ona tilidir.
Abdunabi Hamro
Mеn hayotga muхlisman...
OKMKda adiblar va ijodkor ishchilar uchrashuvi bo‘lib o‘tdi
Olmaliq kon-mеtallurgiya kombinatida O‘zbеkiston Yozuvchilar uyushmasi a’zolari, el sеvgan adib va hassos shoir Shodmonqul Salom hamda istе’dodli shoir va ijodkor Dilmurod Do‘st ishtirokida “Mеn hayotga muхlisman” mavzusida ijodiy uchrashuv bo‘lib o‘tdi.
Tadbirga kombinatda sanoat ishlab chiqarishning turli sohalarida mеhnat qilayotgan adabiyotga oshufta, ijodga qiziquvchi 100 ga yaqin ishchi-хodimlar taklif etildi.
Dastlab adiblar ijodidan lavhalar, vidеoroliklar namoyish etildi. Adabiy uchrashuv Shodmonqul Salomning buyuk shoir Abdulla Oripov rolidagi ajoyib ijrosi va boshqa ijodiy faoliyatiga oid muхlislar e’tirofi, savol-javoblar bilan qizg‘in tus oldi.
Shuningdеk, tadbirda ishchilar ijodidan shе’rlar tinglandi va faol ijodkorlar rag‘batlantirildi. Samimiy muloqot va ajoyib ijodiy muhit ustuvorligi bilan tadbir barchada iliq taаssurot qoldirdi.
📱Web-site|📱YouTube|📱Facebook|📱Telegram|📱Instagram|📱 X
#оnа_tilim_faxrim
ONA TILIM
Ming yillarkim bulbul kalomi
O‘zgarmaydi, yaxlit hamisha.
Ammo sho‘rlik to‘tining holi
O‘zgalarga taqlid hamisha.
Ona tilim, sen borsan, shaksiz,
Bulbul kuyin sheʼrga solaman.
Sen yo‘qolgan kuning, shubhasiz,
Men ham to‘ti bo‘lib qolaman!
Abdulla Oripov
ONA TILIM
Ming yillarkim bulbul kalomi
O‘zgarmaydi, yaxlit hamisha.
Ammo sho‘rlik to‘tining holi
O‘zgalarga taqlid hamisha.
Ona tilim, sen borsan, shaksiz,
Bulbul kuyin sheʼrga solaman.
Sen yo‘qolgan kuning, shubhasiz,
Men ham to‘ti bo‘lib qolaman!
Abdulla Oripov